شنو أحسن مشروع تجارى فى الكويت

[°`°؛¤{آمين بيتنا فى غرب مشرف}¤؛°`°]

يا الله يا لطيبين منو يساعدنى فى معرفة شنو أحسن المشاريع التجارية الناجحة فى الكويت وحلو لو أحد يجيب بضاعة من اروبا شرايكم من لندن وإلا ألمانيا وشنو ..........

[°`°؛¤{آمين بيتنا فى غرب مشرف}¤؛°`°]

للرفع

[°`°؛¤{bobibi}¤؛°`°]

المشاركة الأصلية كتبت بواسطة آمين بيتنا فى غرب مشرف يا الله يا لطيبين منو يساعدنى فى معرفة شنو أحسن المشاريع التجارية الناجحة فى الكويت وحلو لو أحد يجيب بضاعة من اروبا شرايكم من لندن وإلا ألمانيا وشنو .......... احسن مشروع تفتحلك وزارة وتصير وزير

[°`°؛¤{آمين بيتنا فى غرب مشرف}¤؛°`°]

غفر الله لك شكرا على كل حال

[°`°؛¤{آمين بيتنا فى غرب مشرف}¤؛°`°]

للرفع

[°`°؛¤{hamed_zd}¤؛°`°]

السلام عليكم اخي الكريم بالنسبه للمشاريع بالكويت فبالكويت اكثر من مشروع نبداء من ملابس الاطفال ونهاية بقطع الغيار لذا فكر بينك وبين نفسك شنو ناقص السوق وشنو اللي عليه اقبال.. طيب هل فكرت بإستيراد مواد غذائية كالمعلبات..هل تعلم ان سعرها اقل من الكويت بالشئ الفلاني.. استعن باهل الخبرة الثقات اوا دخل مع كم شريك فالكويت لازالت التجاره بها رابحة... وبإمكان الاخوة اضافة مشاريع صغيرة ووربي يوفقنا ويوفقك

[°`°؛¤{عليمنكي}¤؛°`°]

احسن المشاريع اللي بالكويت المشاريع اللي تظمن الزبون ايجيك غصبن عليه يعني مثلا: تفتح شركه تسميها المرافق العموميه ويصير لك الحق تحوط اي منطقه تشرفها زحمه والناس تبي موقف لسيارتها وتحاوطها بجم بايب موانع للسيارات وتركب لك مكينه مواقف السيارات وتلم فلوس او تحط مثل ما حاطين الكويتيه ( مراحب) وشركه محظوظه ثانيه كشك بالمطار واذا تبي خدامتك اللي واصله الكويت تطلع بعد 5 دقايق تدفع 5 دنانير او تنلطع ساعتين ونص لين يتكرم عليك موظف التاشيرات ويتصل على زميله اللي داخل يطلعها ( اقص ايدي اذا مو مضبطينهم برواتب شهريه ) او تفتح لك مدرسه لمنح رخص القياده تدفع 250 تاخذ الليسن بعد اسبوع او انطر بعد 6 شهور تبون فكره جهنميه سو شركه تخليص المراجع السريعه وضبط لك واحد بكل وزاره براتب 1000 دينار شهري واي مراجع يبي يراجع الوزارات او المستشفيات الحكوميه يراجعك بالشركه وانت اتضبطه وتخلص شغله بيوم ... وحط رسوم على كل معامله 20 - 30 دينار شهرين وانت مليونير وعاش الاصلاح عاش عاش عاش

[°`°؛¤{O-fahad}¤؛°`°]

الي الاخ العزيز اذا تبي مشروع ناجح حطلك براده او اكفل عايله هذا انجح مشروع لان اجرك محتسب عند الله ولكن والله اذا تبي تفتح مشروع بالكويت فاشل قول ليش اخذ الاسباب 1- يطلعون جبدك وتولع يلاه تبطله ( حط بالك يبيلك سنه تراكض بالاوراق) 2-اذا فتحت المشروع تلاقي بعد شهران بالضبط 5 يمك مبطلين نفس المشروع 3-حط بالك ( الححححححححححححسسسسسسسسسسسسدددددددد) الحسد الي راح يجيك 4- يا كثر الي راح يجونك يبونك تسلفهم او تكفلهم 5- ضيف عليها غيره الحراميم هذا اذا انت متزوج بتذبحك المره كل شي بتقول عطني فخلك علي معاشك ابرك وادخل البورصه من اوسع ابوابها بس دش امبجر قبل لا يدق الجرس وموفق

[°`°؛¤{بورسلي}¤؛°`°]

قال تعالى ( وإبتغ فيما آتاك الله الدار الآخرة ولا تنسى نصيبك من الدنيا ) الله يوفقك ما انصحك بالبورصة نهائي شوف لك شئ بسيط تبدي فيه شوف شنو اهتماماتك وعليها تعرف شتسوي المهم بالكويت المشاريع واحد من أثنين إما شئ جديد على البلد أو شئ قديم بس فيه تحديد يعني بالفصيح ( إبداع) يخليك تنطلق بالتوفيق

[°`°؛¤{آمين بيتنا فى غرب مشرف}¤؛°`°]

الأخ أحمد جوزيت خيرا وفتح الله عليك والله فكرة حلوة المعلبات والله أسعدتنى بهذه الفكرة بارك ربى فيك عليمنكى أضحك الله سنك والله ضحكتنى جوزيت خيرا على كل حال شوف موضوعى اللى أرسلته حق المراقبين داعيت لك دعاء طيب بوركت أبو فهد عذرا كان يجب أن أرد على ترتيب الرد والله صاج فى كلامك بارك الله فيك عذرا أوو فهد أو أبو فهد وبورسلى الله يبارك فيك على الآية ذكرك الله بالشهادة وصحيح نفس البورصة ما احبها وما أدرى فيها أحس كأن أموالها مختلطة يعنى يجب الحذر الشديد لمعرفه هذى الأسهم ما فيها شىء أو هذى الأسهم يجب الأبتعاد عنها وصحيح كلامك يا مشروع قديم أو جديد

[°`°؛¤{آمين بيتنا فى غرب مشرف}¤؛°`°]

أخ أحمد زد الله يبارك فيك عندك فكرة شنو أحس معلبات ماشى سوقها يعنى حليب الأطفال وإلا مواد غذئية معينة وشلون تكون يا أخوان منو عنده فكره أو طريقة مبسطة للجدوى فى مشروع استراد المعلبات وشنو أحذر منه وكم راس المال الله يوفق اللى يرد على ويساعدنى بالمشروع طيب الإستراد المعلبات من أوربا يكلف وإلا من دوله ثانية

[°`°؛¤{علمتني الحياة}¤؛°`°]

1- اشتر فحم بالصيف وخزنه حق الشتاء بس يكون فحم اصلي وجيب كونتينر من جبل علي او الصين وحطلك اكثر من خيمه موزعه على المخيمات وشوف الرزق 2- اشتر مخيمات في نهاية الشتاء من اصحابها بنص سعرها وخل عندك مكان تخزين خيام + ماطورات +كهرب +خشب + ليتات يعني مستلزمات المخيم واول ما يبدأ الموسم الجديد للشتاء انصبلك كذا مخيم بموقع ممتاز وعرضهم للبيع شوف الناس عليك طق اعصي لانهم مالهم خلق يبنون يبونه جاهز 3- اشتر دفايات تدفئه للشتاء بالصيف جيبهم من الصين واول ما يبدأ الموسم مال الشتاء بيعهم فوق الدبل باذن الله صدقني هذيل سهلين وربح مضمون باذن الواحد الاحد بس يبيلك تصريف جيد وتوفيق من الله وشباب شقرديه ودعيلي وياك وعلى فكره شي مجرب وموفقين الجميع

[°`°؛¤{آمين بيتنا فى غرب مشرف}¤؛°`°]

لله يجزاك خير يا علمتنى الحياة وأغناك الله المغنى من واسع أبوابه آمييييييييييين ما قصرت والله بس هذا يبى مشروعك يبى واحد عنده ربع متفرغين معاه وأنا ما عندى . أبى شىء يكون توزيع على الجمعيات وشلون اتفق مع الجمعية بعدين مشروعك روعة والله ما أدرى يمكن الحين ما أقدر وبعدين الله يسر وابلش بالمشروع بمساعدة ناس الله العالم بس منو يفهمنى لو أشترى معلبات كيف الطريق بارك الله فيكم ومرة ثانية يسر الله أمورك يا علمتنى الحياة ...

[°`°؛¤{فنار}¤؛°`°]

والله يااختى الكريمه انا اعرف وحده راحت الصين ويابت بضاعه بس يعنى على قد حالها مثل شيلات موديل السنه وبواكه نسائيه وساعات طبعا قبل لا تسافر خذت فكره عن بضاعه نوران وبعض المحلات وحطت فى بالها ماركات وشيلات يعنى كشخه وتم البيع بينها وبين اهلها صديقاتها وارخص من نوارن والحمدالله الله وفقها ومشت بضاعتها

[°`°؛¤{كويتي2007}¤؛°`°]

أفضل شيء احضار ماركات تقليد درجة أولي مثل الساعات أو أقلام أو نظارات أو تليفونات وخصوصا الفلاش ميموري تلقاه ببلاش هناك المهم شغل تقليد من الصين لان الشعب اهني يحب يتكشخ بأرخص الاسعار ولاتنسي أن المواد الغذائية لها مدة صلاحية وعليها رقابة من البلدية ودوخة راس وعوار قلب ولازم تفكر قبل ماتقرر والله يعينك ويوفقك ان شاء الله ومشكووورين