دعوه الى لقاء [الأرشيف] - نوادي المضاربة والإستثمار

ابو مشاري

20-09-2005, 12:18 AM

تم والحمدالله

بموافقة ابو مشاري والخلوري، يصبح خل نثبت الموعد، وهو
اليوم: الخميس
التاريخ: 22-9-2005
الوقت : بعد صلاة العشاء، او الساعه 9.
المكان: ديوان أبناء المرحوم باذن الله حزام الميع، بمنطقه الصباحيه، ق 2، ش 9 ، منزل 736
اللي يخربط يدق تلفون.
التلفون: 9675757
الحضور: اتمنى حضور الكل بلا استثناء.

أتمنى من ابو عبدالله يعطينا الخلطه السريه لمشروبه لتقديمها خلال اللقاء.

وبحضوركم يتم الفرح والسرور --- ههههههههه قديم عروس قبل

وانا بدوري اتقدم بالشكر لاخونا الميع ابو عمر على الدعوه الكريمه

وان شاءالله اكون من اول الحاضرين لها

محمد911

20-09-2005, 12:27 AM

مشكورين على جهودكم الجباره والله يعطيكم العافيه

الخلوري

20-09-2005, 12:30 AM

مشكور على الدعوة بوعمر وان شاءالله نكون من الحاضرين

الخلوري

متداول مالي

20-09-2005, 12:33 AM

عساك على القوه يابو عمر . وعساه ديوانٍ عامر باهله .

وجعلك قوي دوم .

المسبار

20-09-2005, 12:47 AM

عساك على القوه يابو عمر . وعساه ديوانٍ عامر باهله .

وجعلك قوي دوم .

والله ياجماعه انا اتشرف فيكم جميعا، وياليت محد يكرر الشكر لأاني والله ما شوف الموضوع يستاهل الشكر.
بالعكس انا طالب الفايده لي ولكم، والله يوفقنا.

انا ما ودي اعلق على المواضيع اللي فيها شكر وتشجيع زايد، بس اقتبست جملة متداول مالي لانه وعدنا يسمعنا صوته ونسا، الحين الشوفه ماكو نسيان حجي، انزين ؟

مشكور ابو مشاري على نقل الموضوع،
ابو عبدالله ناطر مقادير الخلطه منك :)

غريب

20-09-2005, 01:57 AM

معرفة الناس الطيبة مثلكم وشرواكم هي الربح الاكبر ........

ابو مناور

20-09-2005, 02:02 AM

جزاك الله خير ياو لدى الميع فيه مكان حق الشياب ولا بس شباب وترانى أنام مبكر على 10.30 نايم أخوكم بو مناور الشايب

hitman66

20-09-2005, 02:39 AM

اتقدم بالشكرعلى الدعوه الكريمه

الحب

20-09-2005, 08:58 AM

مشكور يالميع على الدعوة الكريمة

هذا طبعكم وحنا من ربعكم

:)

المسبار

20-09-2005, 09:21 AM

جزاك الله خير ياو لدى الميع فيه مكان حق الشياب ولا بس شباب وترانى أنام مبكر على 10.30 نايم أخوكم بو مناور الشايب

حاجزيلكم اماكن مطله على نهر الصباحيه :)

المسبار

20-09-2005, 06:02 PM

مشكور يالميع على الدعوة الكريمة

هذا طبعكم وحنا من ربعكم

:)

اي اي
هذا اللي يبي يمر ذيج المره

Wise

20-09-2005, 06:14 PM

عليكم قضيه الحين ... يالميع خل اتخلص وانجيكم :D

المسبار

21-09-2005, 10:04 AM

عالمكشوف

ان جيت حياك الله
وان ما جيت ماتشوف شر

__________________________________________

تذكير للقاء باجر

الحب

21-09-2005, 10:17 AM

اي اي
هذا اللي يبي يمر ذيج المره

تصدق وتأمن بالله اني معزم وناوي الجية لكن اخطفوني اثنين من الربع توهم شارين طراد وقلعوا للخيران ومنها بحر للسعودية فرحانين بطرادهم ورخصتهم البحرية :)
اطلبك السموحه ياخوك

المسبار

21-09-2005, 10:39 AM

تصدق وتأمن بالله اني معزم وناوي الجية لكن اخطفوني اثنين من الربع توهم شارين طراد وقلعوا للخيران ومنها بحر للسعودية فرحانين بطرادهم ورخصتهم البحرية :)
اطلبك السموحه ياخوك

باجر ماكو اعذار

البطل

21-09-2005, 10:42 AM

عساك على القوه اخوي الميع
ويسعدنا الحضور

المسبار

21-09-2005, 10:45 AM

عساك على القوه اخوي الميع
ويسعدنا الحضور

نتشرف بالطيبين :)

fesall

21-09-2005, 10:55 AM

انشالله بحاول احضر
خاصه انه ودى اتعرف على اعضاء المنتدا

ميراج1

21-09-2005, 11:40 AM

أنشاء الله نكون من الحاضرين
المشكلة المنطقة بعيده بالنسبة لي
بس على شان الداعي والحاضرين راح نحضر

الله يعطيك العافية
الميع

بو علي

21-09-2005, 01:32 PM

ما يقصر بو عمر و عادة من عاداته, الصراحة مكسب للمنتدى و يستاهل العضوية المميزة

و إلى الأمام يا النوادي

Storm X

21-09-2005, 03:51 PM

ماتقصر يابوعمر ويعطيك الف عافيه

المسبار

21-09-2005, 03:53 PM

مشكورين كلكم على مشاعركم الطيبه.

ميراج عاد ودي اشوفك بعد تحرك الصناعات المتحده :)

بو علي ماعليك زود،

وانا في انتظاركم

Storm X

21-09-2005, 04:20 PM

شيء طيب من انسان طيب وكريم
فعلا لكي نتعارف نحن اعضاء منتدى النوادي ويكون التواصل على طول مع البعض

المسبار

21-09-2005, 09:02 PM

همممممممم

يمكن ناخذ المستوى الثاني من بو علي باجر :)

Storm X

21-09-2005, 09:07 PM

مشكورين كلكم على مشاعركم الطيبه.

ميراج عاد ودي اشوفك بعد تحرك الصناعات المتحده :)

بو علي ماعليك زود،

وانا في انتظاركم

استأذنك اخوي العزيز بوعمر اني راح
اقدم مفاجئه لشخص حاضر الدعوة

ولا احد يعلم ماهي المفاجئه الا انا فقط :)

المسبار

21-09-2005, 09:14 PM

استأذنك اخوي العزيز بوعمر اني راح
اقدم مفاجئه لشخص حاضر الدعوة

ولا احد يعلم ماهي المفاجئه الا انا فقط :)

حلوه هذي تستأذني،
عشنا وشفنا مدرسين هالايام، المدرس يستأذن تلميذه !!!!!!!!!!

انت تامر امر يا استاذي بو علي :)

تعال صج، انا اكتشفت شي في جارت التعليميه وحاطه في قسم التحليل الفني، تكفا شوفه اذا طلع صحيح خلني انقله للقسم العام :)

Storm X

21-09-2005, 11:48 PM

حلوه هذي تستأذني،
عشنا وشفنا مدرسين هالايام، المدرس يستأذن تلميذه !!!!!!!!!!

انت تامر امر يا استاذي بو علي :)

تعال صج، انا اكتشفت شي في جارت التعليميه وحاطه في قسم التحليل الفني، تكفا شوفه اذا طلع صحيح خلني انقله للقسم العام :)

توني راد البيت كنت بالدوام وكتبت هذا الموضوع
اللحين راح اتفرغ حق شارتاتكم :)
المهم يبا انا اخ لكم مو استاذ انا اللي علي وصلت لكم المعلومة
والحمدلله
(( رحم الله امرء عرف قدر نفسه ))

المهم الساعه جم بالضبط نكون موجودين

لاتستغرب

22-09-2005, 01:30 AM

بعد صلاة العشاء بكون موجود ونتشرف بلقاء الاعضاء
ومشكور يابوعمر على الدعوه الكريمه

Storm X

22-09-2005, 04:14 PM

اعتقد الي اليوم راح يكون متواجد راح يشوف المفاجئة

الي محضرها حق شخص من الحضور ..

المسبار

22-09-2005, 07:04 PM

:)

التذكير الاخير

وحياكم الله جميعا.

Storm X

22-09-2005, 07:20 PM

:)

التذكير الاخير

وحياكم الله جميعا.

بومشاري قايل جنه 8 وربع وانت قلت 9 الساعه جم نكون

sss sss

23-09-2005, 03:14 AM

أكرمك الله أخونا الميع

وكل الشكر والتقدير لك على الضيافة الكريمة " وخوش شيء العشاء والحلو عجيب " :)

وكل الشكر والتقدير للأخوة الحضور الذين أثرو اللقاء بالمناقشات القيمة سواء الأخوة الأعزاء المراقبين أو الأعضاء الكرام

وعسى الله يجمعنا معكم دائما في لقاءات أخرى قادمة

والتوفيق للجميع
أخوكم بوعبدالله

Storm X

23-09-2005, 03:26 AM

أكرمك الله اخوي الميع على الدعوة الكريمة

دوانية عامرة بأذن الله تعالى وكثر الله من امثالك اخوي بوعمر

وانشاءالله دوم هذه اللقائات

ابو مشاري

23-09-2005, 03:34 AM

اكرمك الله اخوي بو عمر

وجزاك الله خير على هالدعوه الطيبه والجمعه

والشكر للجميع وخاصه اخوي يحيى والخلوري على المفاجاه الحلوه اللي صدمتوني فيها واللي كثيره بحقي

وان شاءالله المنتدى يكون عامر ومترابط باهله اللي هم جميع اعضاءه

وما اقول الا جزاكم الله خير جميعا وبالتوفيق لكم

لاتستغرب

23-09-2005, 03:48 AM

أكرمك الله يابوعمر وماقصرت
والشكر موصول للاخوه المراقبين والاعضاء
الكرام على الروح الجميله والاخوه الصادقه

Storm X

23-09-2005, 04:39 AM

متداول مالي

23-09-2005, 02:18 PM

أكرمك الله وأغناك يابو عمر وجزاك الله خير على هالبادره الطيبه .
وهذه فرصه لاعضاء المنتدى للتعرف والتواصل بينهم .
وفرصه لطرح الأفكار والمناقشه في أمور البورصه والاستفاده من بعض .
والاخوان ولله الحمد نقوه ووجيه طيبه ومعرفتهم شرف .
وهذه من العوامل التى ستساعد على تطور ورقى المنتدى باذن الله .
ويستاهل ابومشارى التكريم وجهده في المنتدى مثل الشمس وجزاه الله خير من سعى في تكريمه .

google83

23-09-2005, 02:53 PM

السلامة عليكم

الله يجزاك خير اخوي اللميع على الدعوة الكريمة
وكم تشرفت بمعرفة الاخوة الاعزاء أعضاء منتدى النوادي
اخوي العزيز ابومشاري تستاهل التكريم وتستحقة
واخيرا وليس اخرا ........ ديوان عامر يا اللميع

ابو مناور

23-09-2005, 03:35 PM

بيض الله وجهك يا بو عمر وكلفت على نفسك وانا سعيد بأنى تعرفت عليك يا بو عمر ومو غريبه على عيال الميع أخوكم الشايب بو مناور

ابوعثمان

23-09-2005, 04:17 PM

اللسان يعجز يابوعمر

اتمنى شعوري وصلك

وايضا الاخوة مايحتاج اعبر عن شعوري عنهم

الخلوري

23-09-2005, 04:47 PM

اكرمك الله واغناك اخوي بوعمر ومشكور على الدعوة الكريمة والتي من خلالها تعرفنا على بعض الاخوة الاعضاء الذين لم يسبق لنا التشرف بمعرفتهم فى اللقاءات السابقة ، وان شاء الله تتواصل اللقاءات

بومشاري تستاهل كل خير وهذا اقل ما يمكن تقديمه لشخصك الكريم لما قدمته لنا من اعضاء او مراقبين وربي يوفقك فى مستقبلك الدراسي

الخلوري

المسبار

23-09-2005, 05:09 PM

السلام عليكم

بصراحه اتقدم بجزيل الشكر للشباب اللي نورو الصباحيه كلها بوجودهم، كلهم بلا استثناء، وبصراحه كانت ليلة حلوه جدا والحمدالله، واستمتعت بالكثير من الاحاديث الطيبه اللي كانت عن البورصه وامور اخرى.

وفعليا كان اللقاء حلو ومفيد نفس ماقالو الاخوان وياليت يتكرر هاللقاء ويكون الحضور اكثر لتعم الفائده.

واشكر الاخوان على التوصيات اللي وصونا فيها، وهي خاصه جدا للحضور (حره ياللي ما جيتو).
كما اتقدم بالشكر للاخوان الخلوري وستورم على تكريم اخونا ابو مشاري وهو لا شك يستحق اكثر.
واتقدم بالشكر لبو مناور اللي عطانا فكره كامله عن صفحة البورصة في البال توك والتوصيات الذهبيه.

والديوان ان شاء الله عامر فيكم، وحضوركم مكسب للديوان، وعشان جذي اشدد على التكرار.
وبالمره الجايه راح نقدم مشروب منتدى النوادي (الخلوري سابقا) بعد ماعرفنا الخلطه السحريه :)

مشكورين، ولنتواصل دائما على الخير.

المطرود

23-09-2005, 07:23 PM

السلام عليكم

الله يجزاك خير اخوي اللميع على الدعوة الكريمة وبالفعل إستفدنا من هذا اللقاء وهو بادرة ممتازة منك وعسى ان يتكرر هذا اللقاء للتشرف بمعرفة الكثير من الأخوة الأعزاء اعضاء المنتدى ، وديوانك عامر يا بو عمر بوجودك وبوجود أهلك وإخوانك وعسى الله لا يغير عليكم .

اخوك ابو محمد المطرود

baselko

23-09-2005, 08:15 PM

السلام عليكم
اغناك الله يابوعمر وديوانية عامرة ان شاء الله ويعطيك العافية انك اتحت لنا الفرصة لرؤية هالوجوه الطيبة
واقول حق اخوى بومشاري تستاهل اكثر ولو انا اعتب على اخوي ستورم انه ماقال لنا عن هالمفاجئة علشان
انشارك بتكريم ابو مشاري ونكرمك انت ايضا يا ستورم بس ان شاء الله ملحوقه .
عجيب اللبن يا بوعمر يفر الراس فر .

المسبار

23-09-2005, 09:02 PM

حاضرين باسلكو،

اشوفك مشيت بدري @@

مشكورين جميعا حضور ومعتذرين، والجايات اكثر من الرايحات، هذا كان مجرد لقاء والحمدالله خرجنا منه بتصور لعمل لقاء دوري، وممكن يفيدكم فيه ابو علي - ستورم اكس.
-------------------------------------------------------------------

بما ان اللقاء انتهى، ياليت نقفل الموضوع الى موعد اللقاء القادم.
ومشكورين.

q82004

23-09-2005, 09:09 PM

كثر الله خيرك اخوي بو عمر وكانت من احسن الجمعات الذي تعين على الخير

المسبار

23-09-2005, 09:58 PM

كثر الله خيرك اخوي بو عمر وكانت من احسن الجمعات الذي تعين على الخير

اكيد من احسن الجمعات اللي شفناك وتعرفنا عليك فيها:)
مشكور ياخوي وياليت تلغي الموضوع :)

الحب

23-09-2005, 10:15 PM

كثر الله خيرك وانعم الله عليك وزادك من نعمة الصحة والعافية والامان والاستقرار ورحم الله والديك كفيت ووفيت وخلطاتك الحلوه ولقاء كان جدا مثمر بمعرفة اخواني اللي نكن لهم كل احترام وتقدير وهذا ان دل انما يدل على الحب بين اعضاء المنتدى والتأخي وفعلا مكسب لي وشرف

ويستاهل ابومشاري درع التمييز لجهوده الجبارة

ولكم منى اطيب التحيات :)

اخوكم الحب