الاسهم المتوقع صعودها

[بو يعقوب]

السلام عليكم
تحيه طيبه وبعد
اتمنى من الاخوه ترشيح الاسهم المتوقع صعودها خلال شهر 9 و 10 و11 و12 وذلك للاستفاده
وشكرا :) :) :)
اخوكم هبش

اللهم ارزقنا الصحه والعافيه يا كريم

[عاشق المخازن]

التوقعات كالاتي.
1- البنك العقاري
2- بيت التمويل الخليجي
3- الوطنية للاتصالات
4- جيزان
5-عارف

[50 فلس]

عقارى بلا منازع
عارف
اتصالات الوطنيه

[nabeels8]

السلام عليكم
إيفا
المخازن
أريج
المال العقاريه
ويمكن المتحده +التبريد+الخرسانه
والله أعلم :eek:

[البومه]

كل الاسهم

[الأرعن]

يا شباب أبي مساعدتكم أنا عندي 600 دينار حاطهم بالتوفير بالبنك شنو تنصحوني أشتري فيهم أي سهم الله يخليكم أبي أشتري فيهم سهم ويصيرون الدبل ،،

[المضاربة]

يارب جيزان

وعقارات الكويت

قولوا يارب

[البومه]

شباب ليش تطنزون علىالريال يمكن مايعرف كلنا جذى قبل لاندش البورصه انا على بالى اشترى الكميه الى ابيها على كيفى

الارعن

اقل مبلغ تدش فيه البورصه تقريبا 3000 دينار وانصحك تدش دوره تتعلم فيها اولويات التداول

[خالدة]

اتوقع نزول اغلب الاسهم
الله يستر من ريح الشمال ويهدي الرابطة
ويعطينا ويعطيكم واهل الديرة اجمعين الصحة والعافية

[alhooot]

لا يا البومة مو 3000دينار اقل شي اسمحيلي وبالنسبة للاخ ابو 600 والله انا ما ادري انت تضحك ولا جاد بكلامك بستقدر تدخل باي مبلغ تبي لان في شي اسمة سوق الكسور وهذا تقدر تشتري باي سعر حتى 100دينار اما بالنسبة لاي سهم واللة لو نعلم جان شفتنا الحين كلنا اغنياء بس مثل ما قالت البومة اسال احد اصحابك اشلون تدخل السوق يعني شغل وايد يبيلك بعد دفتر شيكات ويبيلك احساب بالسوق دور واحد يعلمك وشكرا
اما توقعتي للسوق اتوقع بعد فترة راح ينزل بعدين يرجع يصعد
ارشح المتحدة العقارية

[الأرعن]

أنا كان عندي 6000 دينار فلوس الوالده وصيت شخص يشتري لي أسهم وعطيته الفلوس وقلت له أشتر لي سهم وراح شري سهم أريج لي على سعر 280 فلس الله لايبارج فيه قطني على صخر والوالده الحين قاعده تحن فوق راسي وين فلوسي وين فلوسي ،،، وكل ما أقول لهذا الشخص ليش ماتبيع السهم يقول لي سهم نازل ألحين ودايما يقول لي هذا تكتيك من الشركه منزله السهم بس لاتاخاف راح يرتفع نص دينار صج كلام هذا الشخص وله قاعد يجذب علي أبي نصيحتكم يا أخوان أنا ما أعرف شي عن البورصه ولا أعرف شلون أشتري وله شلون أبيع طلعت كرت مال بورصه قالو لي تداول في هذا الرقم ممكن تعلموني شلون أشتري أسهم وإذا كان عندي 600 دينار شنو أحسن سهم بالسوق علشان أشتريه أبي نصيحتكم ياشباب أخوكم مثل الاطرش بالزفه أروح البورصه أسال المكاتب عندي 600 دينار أبي اشتري سهم يقولي روح للمكتب الثاني وكل مره جذيه حاس أني ضايع بالبورصه الناس قاعده تشتري وطلع فلوس وأنا ضايع ما أدري شنو أسوي ،،

الله يخليكم قولي لي شلون أشتري

[ابو مشاري]

اخوي الارعن

توضيح جميع الامور لك ليس بالساهل ابدا

وصعب الشرح عن طريق الكتابه بل مستحيل نوعا ما

نصيحتي لك ادخل دوره لكيفية التداول بسوق الكويت للاوراق الماليه

وان شاءالله كلها 5 ايام ونشوفك احسن من كثير من المتداولين بالبورصه ىووقتها ما تحتاج للسؤال عن شي

وموفق خير ان شاءالله اخوي الارعن

[الأرعن]

يعطيك العافيه يا أبو سلطان بس وين أقدر أخذ دوره عن شراء الاسهم وجم سعر الدوره ،،

أبو سلطان أذ كنت تعرف تشتري وتبيع أسهم قولي شلون بإختصار علشان ودي أشتري باجر جم سهم أطلع من وراهم جم فلس وذا كنت ماتعرف أنا مابي أحرجك ومشكور على نصيحتك لي


يا شباب أروح عند منو إذا كنت أبي أشتري أسهم في مكاتب وايد بالبورصه هذول المكاتب اللي يبيعون أسهم ؟؟ وأقدر أشتري أسهم من كل مكتب وشلون أعرف إذا كان المكتب عنه السهم اللي أنا أبيه وله لاء ،، هل أسأل المكتب عن الاسهم اللي عنده وبعدين أشتري ،،

مشكورين ياشباب
:(

[ابو مشاري]

بخصوص الدوره

فيه اعلانات عن دورات تحصلها بالجرائد اليوميه اعلاناتهم ومدتها 5 ايام وقيمتها تقريبا 50 دينار


وبخصوص تشتري باجر او تبيع

فنصيحتي بعد عن السوق الى ان تتعلم اكثر سواء الشراء او البيع او اختيار الاسهم

بالعربي الفصيح الى ان تتعلم اساسيات التداول

اما قبل التعلم فلا تدخل السوق وانا احد الاشخاص الذين لن انصحك ولن ارد عليك بسؤال عن الاسهم الا بعد التعلم

وبعد التعلم حياك وابشر باي استفسار وعيونا لك


وموفق خير ان شاءالله يا الارعن

[الأرعن]

مشكور يا أبو سلطان أبو سلطان ممكن أطلب منك طلب أنت وين تقعد بالبورصه ممكن أشوفك هناك باجر وتشتري لي سهم ودي مره بحياتي أشتري أنت بس أشتر لي مره وحده وأنا بعدين أتعلم ،، شوف لي سهم على ذوقك أطلع من وره 20 دينار الحمد الله خير وبركه لو كل يوم أطلع 20 بالشهر 600 دينار والله خوش تجاره في ناس أعرفهم يقولون يطلعون باليوم 100دينار واللي يطلع 120 دينار أنا راضي باــ 10 دنانير لو كل يوم نعمه

أبي مساعدتكم ياشباب أخوكم مطلوب لي راسه على الاقل الواحد يترزق الله

[50 فلس]

عقارى +عارف+اتصالات