لاحق خير
27-07-2004, 12:06 AM
يا أخوان هذا الموقف حصل أمامي في البورصة بسنة 98 يمكن !!! كان السوق شبه ميت والخساير شغاله الي حصل انه اذا تذكرون صارت ( إنتفاضة ) بالأسهم الخليجية وصادفت كالعادة موسم الصيف ووصلت أسعار الشركات الخليجية أسعار خيالية وبصورة سريعة جدا (كل يوم الحد الأعلى ) لدرجة أم القوين من 65 فلس الي على ماأعتقد لامست 500 فلس المهم شلكم بالطويله !! كنا قاعدين بفترة تقريبا ادخال الأوامر وكان أسمنت أم القوين معلق بالحد الأعلي علي ماأعتقد 490 فلس جاء واحد من الشياب الي كلهم بركة وكان هذا الشايب يملك في أم القوين 140 ألف سهم شاريهم قبل الأرتفاعات (يعني من 63 الي 65 فلس ) وهذا الحجي كان بفترة الأرتفاعات مسافر للسعودية ولا يدري عن شي يعني لايقرأ جرايد ولايدري عن العالم!!!! الحجي يوم جاء وشاف السهم معلق طار عقله وقام يركض لمكتب الوسيط وقاموله على طول ربعه الشياب يابوفلان لاتبيع راح ترتفع أكثر وقام واحد فيهم وقضب أيده جان ينفض ايده وبقوه ويصارخ للوسيط بيع بيع أقولك بيع !!!!!! طبعا ياأخوان الرجال ماينلام لكن شوفو ياجماعة الأرزاق ماشاء الله والله لادرى عن مؤشرات مالية ولا إقتصادية ولا دخل على المنتديات ولاتابع الوضع المالي ولا شي .