المساعد الشخصي الرقمي

مشاهدة النسخة كاملة : Qualitynet \ Fasttelco

المحلل المجتهد
20-08-2005, 02:16 PM
السلام عليكم .. انا اليوم شريت كرت الكواليتي نت مفتوح غير محدد الساعات لمدة شهر بقيمة 5 دنانير ونفس القيمة عند فاست تليكو صراحة السرعة عجيبة في الكواليتي نت وكانه DSL تدرون ليش لانه في برنامج اتنزلونه من موقع الكواليتي يسرع الدايل أب وانا اجربه الحين صراحة حده عجيب وسريع بس طبعا يسرع التصفح التصفح يصير سريع جربوا وما راح اتخسرون اذا انت من اللي يستخدمون ال Dial up انصحكم بكواليتي نت من غير تردد وشكرا
ناصرالدين
20-08-2005, 03:01 PM
هذا يسرع بس التصفح ... لكن الدوان لووود عادي جدا ... واظن ان طريقه عمله ان الصور ماتطلع عنده واضحه يعني اي حاجه

مه اني مشترك في كواليتي لكن اقولك فاستيلكو احسن منهم بكتييييييييييييييييييييييير

جرب الـ DSL مسوين عرض كواليتي يعطونك دبل السرعه ...
المحلل المجتهد
20-08-2005, 04:38 PM
هذا يسرع بس التصفح ... لكن الدوان لووود عادي جدا ... واظن ان طريقه عمله ان الصور ماتطلع عنده واضحه يعني اي حاجه

مه اني مشترك في كواليتي لكن اقولك فاستيلكو احسن منهم بكتييييييييييييييييييييييير

جرب الـ DSL مسوين عرض كواليتي يعطونك دبل السرعه ...

فاست تيلكو صراحة كل مالها والخدمة بانحدار بالنسبة لي الدايل اب يفصل وايد ويصير بطيء وايد كواليتي حبيته من اول يوم :) .. العرض اللي اتقول عنه وين بكاوليتي والا فاست تيلكو ؟
omfouad
20-08-2005, 06:42 PM
.. العرض اللي اتقول عنه وين بكاوليتي والا فاست تيلكو ؟

طماشه يا المحلل ---> يقول لك ناصر11 مسوين عرض كواليتي يعطونك دبل السرعه
تقول له وين !!!! عجبي :p

عسى وصلت ؟ دريت وين ؟ ;) وحده بوحده ليش تطفرني بسوالف :cool:
ناصرالدين
21-08-2005, 01:46 AM
طماشه يا المحلل ---> يقول لك ناصر11 مسوين عرض كواليتي يعطونك دبل السرعه
تقول له وين !!!! عجبي :p

عسى وصلت ؟ دريت وين ؟ ;) وحده بوحده ليش تطفرني بسوالف :cool:

هههههههههههههههههههههههههههههههههههههههههههههههههه ههههههههههههههههههههههههههههههه


بوفريد راحت عليك هالمره
المسبار
21-08-2005, 11:20 AM
السلام عليكم

اخوي المحلل اللي تسويه كوالتي في هالموضوع ضحك على الذقون، ولو انك حاط هالموضوع قبل جم يوم جان حطيتلك الطريقه، بس الحين مسحتها (كانت ايميل)، وما استخدمتها لأن اشتراكي دي اس ال.

بالنسبه لكوالتي تفضل من الشباب ومن اخواني الصغار في البيت، وهي مرغوبه لأن رقم التعريف (الايدينتتي) متحرك، اما بالنسبه لفاست تلكو فهي رقم ثابت وهذا ما لا يريده مستخدمي برامج الجات. (طبعا بالنسبه لل دي اس ال).

بالنسبه للعرض مال دبل السرعه فهو نفسه نفسه، لأن فاست تلكو تعطي السرعه في الرينج بين ما تشترك فيه الى الرينج الاعلى. وكوالتي تسوي نفس الشي، بس تقص عالعالم وتقول دبل !

على ايام الكروت، اعتقد قاست تلكو كانت افضل للمتصفح، وكوالتي نت افضل للجات.

راح احاول احط طريقة تسريع الاتصال اذا حصلتها، وهي لجميع الشركات.

وشكرا
المحلل المجتهد
21-08-2005, 02:03 PM
شكرا اخوي الميع على التوضيح .. بس والله المتصفح سريع حاليا والفاست تليكو منزمان معاهم بس ياخوك بالعطلة من الضغط قامت اتقط خيط وخيط صارت بطيئة جدا ويفصل وايد عكس الكواليتي عموما خل نجرب هالشهر ولو انا اقعد بالبيت وايد جان حطيت الدي اس ال بس مشكلتي صبح دوام وعصر دوام يالله انحك راسنا :)
المسبار
07-12-2005, 08:12 PM
عطفا على مشاركتي السابقه اللي وعدتك فيها يالمحلل المجتهد بايجاد طريقة تسريع المتصفح، جرب هالشغله، طبعا منقول


حول إتصالك من سرعة متدنيه إلى 115 .. ..

الأن بإمكانكم زياده سرعه التصفح الى الحد الأقصى لها
الشروط ان يكون لديك ويندوز اكس بي


قم بالتالي:

اضغط بزر الفائره اليمنى على
جهاز الكمبيوتر | My Computer
خصائص | Propeties
الجهاز | Hardware
ادارة الأجهزه | Device Manager

سوف تظهر لك قائمه طويله اختر Modems

وبعد ذالك اضغط بزر الفاره اليمنى على اسم المودم الموجود لديك
واختر
خصائص | properties
خيارات متقدمه | Advanced

في المستطيل الأول اكتب او انسخ ثم الصق الأمر التالي
AT&FX

بعد ذالك اضغط موافق
افصل الانترنت وارجع اعد الإتصال
ستشبك على الانترنت بسرعه 115

تحياتي

مجرب ... ممتاز
sniper
08-12-2005, 02:40 AM
ما شاء الله عليك يالميع..مايطوفك شي:25:

ألف شكر حبيب ألبي :sunglasse
ashraf khalil
27-03-2007, 08:08 PM
أخواني اذا أردتم مساعدة بالنسبة لخدمة الأنترنت للشركات أو المقاهي أو المنازل أو اي شي من كوالتي نت أخوكم جاهز لخدمتكم ... فأنا موظف بكوالتي نت لكن بقسم الشركات.

أخوكم أشرف خليل
808888 داخلي 614
التحليل الفني
28-03-2007, 02:14 AM
أخواني اذا أردتم مساعدة بالنسبة لخدمة الأنترنت للشركات أو المقاهي أو المنازل أو اي شي من كوالتي نت أخوكم جاهز لخدمتكم ... فأنا موظف بكوالتي نت لكن بقسم الشركات.

أخوكم أشرف خليل
808888 داخلي 614


الحمدالله على السلامه وينك مطول الغيبات جاب الغنائم
أبوعزيز
13-04-2007, 09:32 PM
السلام عليكم .. انا اليوم شريت كرت الكواليتي نت مفتوح غير محدد الساعات لمدة شهر بقيمة 5 دنانير ونفس القيمة عند فاست تليكو صراحة السرعة عجيبة في الكواليتي نت وكانه DSL تدرون ليش لانه في برنامج اتنزلونه من موقع الكواليتي يسرع الدايل أب وانا اجربه الحين صراحة حده عجيب وسريع بس طبعا يسرع التصفح التصفح يصير سريع جربوا وما راح اتخسرون اذا انت من اللي يستخدمون ال Dial up انصحكم بكواليتي نت من غير تردد وشكرا

بالفعل
:10: