المساعد الشخصي الرقمي

مشاهدة النسخة كاملة : اسهم مو ثقه وماهي محترمه @@ المخازن + الفجيرة @@

TOEFL
17-08-2005, 09:47 PM
ماني عارف شتبي هالمحافظ والصنادييق والي يمعون بالسهم ؟؟

يعني مخازن تطيح لسعر 2900 ومحد يشيلها ؟؟ من بعد ماوصلت لسعر سته الا ربع ؟

معقوله الي اشوفه ؟؟

الي اشترى على سعر 4250 شذنبه ؟

الي اشترى بيان ب900 شذنبه ؟؟

ولبنانيه بالعالي شذنبه؟؟؟

ليش الي قاعد يصير بسوقنا ؟ ومنو الي نحاسبه ومسئول ؟

المخازن او احنا الي مافهمنا لعبتهم عدل ؟
المسبار
18-08-2005, 12:13 AM
انا اقولك شنو ذنبه

ذنبه يبي يربح

واذا ربح ؟؟؟

يصير يفهم بالسوق ويسوي شوية شوشره بالالفين واللا الثلاثه اللي يبي يربحهم عشان يكيش سيارته

شوشره حق منو ؟

حق الناس اللي تعتقد ان كل شي لهم

يعتقدون انه سوقهم لأن الله رزقهم جم فلس (وانا اشك انه رزق، جنه سرق مو رزق)

وانت ياللي شريت بيان او المخازن تعتبر دخيل عليهم

والله ما تدري شيسمونا، حشرات او عوالق او هيلق او فقاره
لكن اكيد انهم يتمتعون فينا
__________________________________________________ __

نصيحتي: روح لاقرب تسجيلات، في مطرب اسمه عبادي الجوهر عنده اغنيه تقول

الصبر ... مالي انا اللا الصبر

اما تروح الفلوس كلها او ارد راس المال وبس
مانبي ربح، وبنخلي السوق حق ملاكه اللي ما يبونا ندشه
mishkat
18-08-2005, 12:17 AM
مع احترامي لك الشديد مع اني خسران بالمخازن والوطنية العقارية خسائر غير محققة أعتبر هذي الاسهم اكثر من محترمة لأسباب :
أرباحها تشغيلية في الغالب
عقود مستقبلية
إدارة ناجحة بس المشكلة فينا نحن وليس الشركات ...
انت يتوجب عليك المتابعة والحذر وايقاف الخسائر في اوقات النزول وهكذا ..
لاتستغرب
18-08-2005, 12:36 AM
البورصه لعبه ..

هوامير وصناديق يتفقون ويضاعفون فلوسهم من فلوسك وفلوسي ..
ولكن هم ربعنا عليهم من اللوم الكثير الطمع فيهم يخليهم يبنون قصورمن وهم
تتلاشى على خسائرهم الكبيره ..وماجاء بسرعه يذهب بسرعه
عندي صديق عليمي يطقق بالبورصه معاشه 400 دينار ..
شهرين قام يحلل البورصه ويوصي على اسهم ..
شهرين ثانيين الربح اقل من 500 ماقام يترس عينه ..
بعد شهرين مفلس وقاعد يجمع مره ثانيه يبي يدش البورصه
لو القناعه عند الجميع كان لقيت توازن ..لكن قاتل الله الطمع