سوالف النوادي العامة

[fesall]

الله يرزقك من أوسع أبوابه .. :)


باط بطه قويه بس مشكله الادمان على التداول
يا اللبس بشت
او اروح بوزعبل

[عليمنكي]

هالصفحه كئيبه ما ادري ليش ؟

:confused:
اللي يعرف يقول
صباح الخير


اللي يقول له جائزه ؟

[نواف Q8]

صباح الخير


اللي يقول له جائزه ؟


لأن بو أحمد مو موجود من غير شر :confused: ..

يالله وين الجائزه .. :D

[نواف Q8]

صباح النور والسرور
كيف حالكم
:)

طاب حالج .. :)

[نواف Q8]

باط بطه قويه بس مشكله الادمان على التداول
يا اللبس بشت
او اروح بوزعبل


لا تحاتي بالكويت ماكو بو زعبل فيه المركزي .. :D

[fesall]

لا تحاتي بالكويت ماكو بو زعبل فيه المركزي .. :D


فيه مستشفى الميانين :p

[نواف Q8]

فيه مستشفى الميانين :p


لا يحوشك ، طلحه أرحم .. :p

[BOAHMAD]

صبحكم الله بالخير :)

[عليمنكي]

صبحكم الله بالخير :)







صبحكم الله بالخير والكرامه
نورت الصفحه

[fesall]

صبحكم الله بالخير :)









هلا بو احمد هلا بالحبيب
اسفرت وامطرت واستهلت وانورت

[نواف Q8]

صبحكم الله بالخير :)








صباح الخيرات ، هلا بالحبيب . :)

[نواف Q8]

صباح النور
يقولون زعلان وراضوك
عسى ما شر صاير شي ! :)

من هم اللي رضوه ، ;)

[BOAHMAD]

صبحكم الله بالخير والكرامه
نورت الصفحه



منوره باهلها .... :)


حيالله الحبيب ... انا صارلي كم يوم متضايق وزعلان على مقتل بيير الجميل هذا السبب الي خلاني مابينت حتى اسال نواف كان يهديني بالتلفون ...

[fesall]

صباح النور
يقولون زعلان وراضوك
عسى ما شر صاير شي ! :)




بو احمد مايزعل كلنا بالمنتدا ربع واخوان
الكلام اللى بالاحمر اعتبرها اشاعه مقرضه

[نواف Q8]

منوره باهلها .... :)


حيالله الحبيب ... انا صارلي كم يوم متضايق وزعلان على مقتل بيير الجميل هذا السبب الي خلاني مابينت حتى اسال نواف كان يهديني بالتلفون ...

إيه حتى أقولك ، سلم سلاحك وأنا أطلعك من السالفه .. :D

[fesall]

منوره باهلها .... :)


حيالله الحبيب ... انا صارلي كم يوم متضايق وزعلان على مقتل بيير الجميل هذا السبب الي خلاني مابينت حتى اسال نواف كان يهديني بالتلفون ...




بو احمد اشرايك انروح لبنان 3 ايام انعزي ونرد

[BOAHMAD]

صباح النور
يقولون زعلان وراضوك
عسى ما شر صاير شي ! :)

صباح الخير يااخت العرب ...
بذمتج مو اريح عالاقل تريحين اصابعج من كثر مسح المشاركات

[BOAHMAD]

بو احمد اشرايك انروح لبنان 3 ايام انعزي ونرد



فيصل لاتتحرش فيني ترى من تجيب سيرة لبنان تصيبني قشعريره

[fesall]

صباح الخير يااخت العرب ...
بذمتج مو اريح عالاقل تريحين اصابعج من كثر مسح المشاركات


انا مستعد امسح واكنس واطبخ :rolleyes:
بس هدو اللعب

[BOAHMAD]

انا مستعد امسح واكنس واطبخ :rolleyes:
بس هدو اللعب




اقامتك على منو ؟؟؟

[fesall]

اقامتك على منو ؟؟؟



انا متسلل

[BOAHMAD]

انا متسلل



:D :D
يدورونكم هالايام تعال انخش عندي

[BOAHMAD]

انا مستعد امسح واكنس واطبخ :rolleyes:
بس هدو اللعب



شرايك نسوي اتفاق انا وياكم صفحة السوالف بس باجرها منكم وادفع الاجار سنوي ...

[fesall]

انا استأذن بروح انام سامتها من امس مانمت

[BOAHMAD]

باجي بحدود 200 نقطه نزول ونخلص ان شاء الله

واذا ما اكتفى المؤشر بال200 نقطه ... على البزبز السلام ... نروح نبيع بنك ابرك

[قنوع]

السلام عليكم ورحمة الله وبركاته ....

صبحكم الله بالخير جميعاً .

أبو أحمد ، نواف ، فيصل ، أم فؤاد .

[BOAHMAD]

السلام عليكم ورحمة الله وبركاته ....

صبحكم الله بالخير جميعاً .

أبو أحمد ، نواف ، فيصل ، أم فؤاد .



يامرحبا حيالله ابومطلق ... وينك يااخي خليتني ورحت .. بعض الناس كلوني بقشوري :bawling:

[نواف Q8]

السلام عليكم ورحمة الله وبركاته ....

صبحكم الله بالخير جميعاً .

أبو أحمد ، نواف ، فيصل ، أم فؤاد .


هلا بالشيخ ، حمدلله على سلامتك وماتشوف شر ..

[BOAHMAD]

اهداء لبومطلق


اسال الله ان يكون لك في الجنان قصورا عاليه

وعفوا ممزوجا بالعافيه

وقدميك على ارض المسك ساعيه

ومن السندس والاستبرق كاسيه
والقطوف منك دانيه

حيث العيش لذيذ والملك عظيم والحياه صافيه

ان اردت الزياده فعليك بالشهاده


حط الكلاش تحت راسك وساده
وترجع كما طفل بمهاده



توصيل المجاهدين لارض الشهاده هدفنا

[قنوع]

يامرحبا حيالله ابومطلق ... وينك يااخي خليتني ورحت .. بعض الناس كلوني بقشوري :bawling:

الله يحييك يا أبو أحمد ، أنا موجود بس كنت ماخذ فترة نقاهة . :)

ما عاش اللي ياكلك بقشورك .

أنت هني حسبة أخونا الكبير ( ماني قايل أبونا ) ولك كل الإحترام والتقدير . :10:

[قنوع]

هلا بالشيخ ، حمدلله على سلامتك وماتشوف شر ..

الله يسلمك من كل شر يا بو عبدالعزيز ، الشر ما يجيك يا الحبيب .

[قنوع]

عليكم السلام بو مطلق
الحمدلله على السلامه :)
صباح ال ن و ر

هلا أم فؤاد

الله يسلمك من كل شر ومكروه .

شلون فؤاد وأبوه .

على طاري أبو فؤاد ، هو وين يشتغل ؟ ( مو فؤاد :p ، أبو فؤاد طبعاً )

[قنوع]

اهداء لبومطلق



اسال الله ان يكون لك في الجنان قصورا عاليه

وعفوا ممزوجا بالعافيه

وقدميك على ارض المسك ساعيه

ومن السندس والاستبرق كاسيه
والقطوف منك دانيه

حيث العيش لذيذ والملك عظيم والحياه صافيه

ان اردت الزياده فعليك بالشهاده


حط الكلاش تحت راسك وساده
وترجع كما طفل بمهاده



توصيل المجاهدين لارض الشهاده هدفنا



أبو أحمد راح أقول لك شئ ما قلته حق أحد ( إلا ولد أختي ) دائماً أدعو ربي

" اللهم إني أسألك الشهادة في سبيلك "

اللهم آمين .

[دباس الظلما]

اهداء لبومطلق



اسال الله ان يكون لك في الجنان قصورا عاليه

وعفوا ممزوجا بالعافيه

وقدميك على ارض المسك ساعيه

ومن السندس والاستبرق كاسيه
والقطوف منك دانيه

حيث العيش لذيذ والملك عظيم والحياه صافيه




صباح الخير
بعد هالغيبه كنك صرت سيد
يا اخوك ادع الله لي بس زيدها زياده شوي انا حاس انها ناقصه شيء :p :p




شلونك ابو مطلق 0000 عساك بخير
تصدق لو انا ولد اختك بلغت امن الدوله عنك :D :D

[BOAHMAD]

أبو أحمد راح أقول لك شئ ما قلته حق أحد ( إلا ولد أختي ) دائماً أدعو ربي

" اللهم إني أسألك الشهادة في سبيلك "

اللهم آمين .



الشهيد يشفع لسبعين يوم القيامه صحيح الكلام هذا يابومطلق ؟؟؟؟

[قنوع]

صباح الخير
بعد هالغيبه كنك صرت سيد
يا اخوك ادع الله لي بس زيدها زياده شوي انا حاس انها ناقصه شيء :p :p




شلونك ابو مطلق 0000 عساك بخير
تصدق لو انا ولد اختك بلغت امن الدوله عنك :D :D

هلا وغلا دباس ، أنا بخير دام الحبايب بخير . :25:

ممكن تبلغ أمن الدولة عني الحين ، خصوصاً إنك تعرف إسمي الكامل . :)

[دباس الظلما]

هلا وغلا دباس ، أنا بخير دام الحبايب بخير . :25:

ممكن تبلغ أمن الدولة عني الحين ، خصوصاً إنك تعرف إسمي الكامل . :)


هلا بك يا الحبيب

اصلاً معتبرك من الخلايا النايمه :p :p
مجهز شغلي خالص ومسميك مشروع شهاده

[قنوع]

الشهيد يشفع لسبعين يوم القيامه صحيح الكلام هذا يابومطلق ؟؟؟؟

الكلام هذا صحيح ، بس سبعين من أهله .

قال رسول الله صلى الله عليه وسلم :

" الشهيد يشفع في سبعين من أهل بيته "

الراوي: أبو الدرداء - خلاصة الدرجة: صحيح - المحدث: الألباني - المصدر: صحيح الجامع - الصفحة أو الرقم: 3747

[قنوع]

هلا بك يا الحبيب

اصلاً معتبرك من الخلايا النايمه :p :p
مجهز شغلي خالص ومسميك مشروع شهاده

على وزن مشروع قرادة . :D :D

[دباس الظلما]

اهلا ام فؤاد
شايف اسمك تحت لا تطلين على ديوانية الرجال

الا على الطاري شخبار صبعج ما صار فيه شيء للحين :confused:
ما عليه اذا ما صار شيء ننطر اسبوع تشويرتي تطوّل شوي :p

[BOAHMAD]

صباح الخير
بعد هالغيبه كنك صرت سيد
يا اخوك ادع الله لي بس زيدها زياده شوي انا حاس انها ناقصه شيء :p :p




شلونك ابو مطلق 0000 عساك بخير
تصدق لو انا ولد اختك بلغت امن الدوله عنك :D :D



دعائك انت غير :p
شفت الصوره الي بالراي العام امس بالصفحه الاولى ؟؟؟؟؟

اذا موشايفها شوفها ... :)

[قنوع]

هلا فيك احنا بخير الله يسلمك
انت اول تعرف انا وين اشتغل عشان تبي تعرف زوجي شنو يشتغل @@ !!

يمكن مكان عملك من الأشياء الخاصة فيك ، بس ما توقعت إن مكان عمل أبو فؤاد من الأشياء الخاصة أيضاً ، ولا جان ما سألت .

عموماً الحمد لله إنكم بخير .

[نواف Q8]

ويع ..





ويييعععع ..













ملاقه ...









سوق يضيق الخلق .





:v:

[BOAHMAD]

الكلام هذا صحيح ، بس سبعين من أهله .

قال رسول الله صلى الله عليه وسلم :

" الشهيد يشفع في سبعين من أهل بيته "

الراوي: أبو الدرداء - خلاصة الدرجة: صحيح - المحدث: الألباني - المصدر: صحيح الجامع - الصفحة أو الرقم: 3747


على طول تملصت من السالفه ... اعتبرني من اهل بيتك ياخي

[قنوع]

على طول تملصت من السالفه ... اعتبرني من اهل بيتك ياخي

إشرايك ناخذ خوات ، يمكن تصير من أهل بيتي .

بعدين تعال أنا لحد الحين ما صرت شهيد . :eek:

سمعت آخر نكتة ، الوزير بيار الجميل يقولون عنه شهيد ، إنسان نصراني وغير مسلم يموت مقتول ويصبح بقدرة قادر شهيد .

سبحان الله .

[دباس الظلما]

دعائك انت غير :p
شفت الصوره الي بالراي العام امس بالصفحه الاولى ؟؟؟؟؟

اذا موشايفها شوفها ... :)

لا والله ماشفتها بس فتحت الصفحه ما شفت شيء صورة الامير وملك الاردن

والا تقصد صورة بيار الجميل :p

[نواف Q8]

إشرايك ناخذ خوات ، يمكن تصير من أهل بيتي .

بعدين تعال أنا لحد الحين ما صرت شهيد . :eek:

سمعت آخر نكتة ، الوزير بيار الجميل يقولون عنه شهيد ، إنسان نصراني وغير مسلم يموت مقتول ويصبح بقدرة قادر شهيد .

سبحان الله .


لا ياقنوع ، آخر أيامه أسلم .. مثل ميشيل عفلق .. مووو ! ;)

[قنوع]

:) مكان عمله واي شي يخصه خاص اكثر عندي
عادي قنوع ادري نيتك صافيه :^:

شلونك انت عساك بخير ان شاء الله الحين صحتك احسن من قبل

جزاك الله خير على حسن ظنك .

أعذرك على شنو ؟!!

أنا اللي آسف على التطفل من غير قصد .

وبالنسبة لصحتي ، الحمد لله ( مو الشامي ) أحسن من قبل بواجد .

[عليمنكي]

سمعت آخر نكتة ، الوزير بيار الجميل يقولون عنه شهيد ، إنسان نصراني وغير مسلم يموت مقتول ويصبح بقدرة قادر شهيد .
سبحان الله .
بواحمد شفت ارمله بيار
على جذي نطلع كلنا شهداء
خو مايصير عذاب دنيا وعذاب اخره :25:

[BOAHMAD]

إشرايك ناخذ خوات ، يمكن تصير من أهل بيتي .

بعدين تعال أنا لحد الحين ما صرت شهيد . :eek:

سمعت آخر نكتة ، الوزير بيار الجميل يقولون عنه شهيد ، إنسان نصراني وغير مسلم يموت مقتول ويصبح بقدرة قادر شهيد .

سبحان الله .



شكلك صابتك خوفه شفيك ؟؟؟؟؟ :D

لاتصير مثل ...... الي صعد الجبل بينتحر زلقت رجله بصخره بغا يطيح قال انا اخو ابوي بغيت اولي :p

[BOAHMAD]

بواحمد شفت ارمله بيار
على جذي نطلع كلنا شهداء
خو مايصير عذاب دنيا وعذاب اخره :25:





انا عن نفسي كل يوم اموت شهيد :D
لاتحاتي ان شاء الله كلنا بالجنه ... والسبب حالنا من حال بيار :p
البس حفاظه عشان الفنقر مايعورك :D

[دباس الظلما]

انا عن نفسي كل يوم اموت شهيد :D
لاتحاتي ان شاء الله كلنا بالجنه ... والسبب حالنا من حال بيار :p



تجمعوا تجمعوا تجمعوا :p

الا انت ليش ما صليتوا ؟ كله هذر وبس

[BOAHMAD]

ياجماعة الخير لو سمحتوا شوية انتباه

رديت على عليمنكي وقلتله البس حفاظه عشان الفنقر مايعورك ....

الله يرحم والديكم كلمتي فيها شي ؟؟؟؟؟ اذا فيها شي قولولي على شان اعتذر منكم

ام فؤاد دازتلي تحذير ... وتقول ان الكلام بذيء .... شكلها بتطردني من المنتدى

بصراحه حيل زودتيها ... وللصبر حدود ... والله بديت اكره المنتدى بسبتج

الكلام البذيء يامراقبه مو انا الي اقوله لاكن انتي على مشتهاتج ... تفسرين الامور على مزاجج

الاحترام ترى حق الشباب الموجودين ...

[عليمنكي]

صلوا على النبي
لاااااااااااااااااااا اله الا الله ... محمد رسول الله

[دباس الظلما]

ياجماعة الخير لو سمحتوا شوية انتباه

رديت على عليمنكي وقلتله البس حفاظه عشان الفنقر مايعورك ....

الله يرحم والديكم كلمتي فيها شي ؟؟؟؟؟ اذا فيها شي قولولي على شان اعتذر منكم

ام فؤاد دازتلي تحذير ... وتقول ان الكلام بذيء .... شكلها بتطردني من المنتدى

بصراحه حيل زودتيها ... وللصبر حدود ... والله بديت اكره المنتدى بسبتج

الكلام البذيء يامراقبه مو انا الي اقوله لاكن انتي على مشتهاتج ... تفسرين الامور على مزاجج

الاحترام ترى حق الشباب الموجودين ...


ما عليه يا ابو احمد وسع صدرك الله يسلمك ما صدقنا نشوفكم انت وابو يوسف وللحين باقي من الزملاء كا دشوا المنتدى من كم يوم 0
ام فؤاد متضايقه هاليومين وانا يمكن زدتها معاها شوي
صدقني ما تقصدك واوجد لاختك العذر 000 لا تصير حمبلي على قولتك
اهي حنبلي والا حمبلي يا قنوع :p

[BOAHMAD]

ما عليه يا ابو احمد وسع صدرك الله يسلمك ما صدقنا نشوفكم انت وابو يوسف وللحين باقي من الزملاء كا دشوا المنتدى من كم يوم 0
ام فؤاد متضايقه هاليومين وانا يمكن زدتها معاها شوي
صدقني ما تقصدك واوجد لاختك العذر 000 لا تصير حمبلي على قولتك
اهي حنبلي والا حمبلي يا قنوع :p



ياجماعه انا لو قايل شي غلط كان مسحته قبل لايقراه احد مو ناطرها تقولي ...

صايره حكم توزع كروت صفرا يعني الي وراه كرت احمر ... شتسوى علي تعطيني كرت احمر جدام الله وخلقه ....

حسبي الله عليج رفعتي ضغطي

شباب ارجوكم تعذروني اذا ما طردتني سعادة المراقبه راح اشارك بالكويتي واذا صار وعطتني الكرت الاحمر ... تلفوني عندكم وبيتي تدلونه

[ابو مشاري]

ياجماعه انا لو قايل شي غلط كان مسحته قبل لايقراه احد مو ناطرها تقولي ...

صايره حكم توزع كروت صفرا يعني الي وراه كرت احمر ... شتسوى علي تعطيني كرت احمر جدام الله وخلقه ....

حسبي الله عليج رفعتي ضغطي

شباب ارجوكم تعذروني اذا ما طردتني سعادة المراقبه راح اشارك بالكويتي واذا صار وعطتني الكرت الاحمر ... تلفوني عندكم وبيتي تدلونه

ابو احمد صبحك الله بالخير


وان قلت لك اعتبرها مني وانسى الموضوع وام فؤاد اختكم ومو قصدها التحكم فيكم ولكن يمكن راعت شعور ان هالقسم فيه بنات وبعض الكلمات ما تناسبهم

وهي كلي تأكد انها ما تقصد التحكم او التقييد لكم

فمثل ما هي مراقبه ترا انتم اهل المنتدى ومراقبين بعد


وكلي رجاء منك نسيان الموضوع وام فؤاد هم اختكم وما اعتقد بتزعل منكم او قصدها الشينه لكم

والطرد حط في بالك ماهي من طبعها

وموفقين خير اجمعين

[دباس الظلما]

ياجماعه انا لو قايل شي غلط كان مسحته قبل لايقراه احد مو ناطرها تقولي ...

صايره حكم توزع كروت صفرا يعني الي وراه كرت احمر ... شتسوى علي تعطيني كرت احمر جدام الله وخلقه ....

حسبي الله عليج رفعتي ضغطي

شباب ارجوكم تعذروني اذا ما طردتني سعادة المراقبه راح اشارك بالكويتي واذا صار وعطتني الكرت الاحمر ... تلفوني عندكم وبيتي تدلونه


افا عليك يا ابو احمد

لا تكبر الموضوع اكثر من جذيه

يا اخي انت ليس تحسب الناس دائما مزاجهم رايق وزين وعلى كيفك
يا ايخي طبق المثل (من واخذ رفيجه بأول زله 00 خلاه الزمان بلا رفيج )
صدقني اليوم زعلانه ومتضايقه تلقاها باكر تمام وما في نفسها شيء
والله العظيم انا ادري ومتأكد انها تحترمك جدا جداً جدا
واكثر من اي واحد في المنتدى
ارجوك ابو احمد سكّر هالموضوع
انتهينا خلاص
خل نشوف ضحكه سنك لو سمحت :p

[ابو مشاري]

افا عليك يا ابو احمد

لا تكبر الموضوع اكثر من جذيه

يا اخي انت ليس تحسب الناس دائما مزاجهم رايق وزين وعلى كيفك
يا ايخي طبق المثل (من واخذ رفيجه بأول زله 00 خلاه الزمان بلا رفيج )
صدقني اليوم زعلانه ومتضايقه تلقاها باكر تمام وما في نفسها شيء
والله العظيم انا ادري ومتأكد انها تحترمك جدا جداً جدا
واكثر من اي واحد في المنتدى
ارجوك ابو احمد سكّر هالموضوع
انتهينا خلاص
خل نشوف ضحكه سنك لو سمحت :p


دباس عطنا بيت من ابياتك الطيبه يراضي الطرفين :)

[BOAHMAD]

ابو احمد صبحك الله بالخير


وان قلت لك اعتبرها مني وانسى الموضوع وام فؤاد اختكم ومو قصدها التحكم فيكم ولكن يمكن راعت شعور ان هالقسم فيه بنات وبعض الكلمات ما تناسبهم

وهي كلي تأكد انها ما تقصد التحكم او التقييد لكم

فمثل ما هي مراقبه ترا انتم اهل المنتدى ومراقبين بعد


وكلي رجاء منك نسيان الموضوع وام فؤاد هم اختكم وما اعتقد بتزعل منكم او قصدها الشينه لكم

والطرد حط في بالك ماهي من طبعها

وموفقين خير اجمعين




بومشاري مساك الله بالخير

انت اخ عزيز وماجيت بقصور ... يرحم والديك الكلمه الي سوت عليها مشكله فيها شي ؟؟؟؟

هذا دليل على انها متضايقه من وجودي وناطره الشاره ...
بعدين يابو مشاري احنا رجال ونفهم ونعرف الصح من الغلط ونتغشمر بينا والبنات يتغشمرون ويانا وماشفت الي زعل من شي ... ماادري شسالفتها ... متضايقه من شي معين وطاحت براسي الظاهر



المفروض اني ارحب فيك لاني من زمان ماشفتك تشارك بس اسمحلي ترى قفلت مره وحده


الحمد لله ان مسؤولتي بالدوام مو وحده ولا يمكن من زمان داش السجن بسبتها

[ابو مشاري]

بومشاري مساك الله بالخير

انت اخ عزيز وماجيت بقصور ... يرحم والديك الكلمه الي سوت عليها مشكله فيها شي ؟؟؟؟

هذا دليل على انها متضايقه من وجودي وناطره الشاره ...
بعدين يابو مشاري احنا رجال ونفهم ونعرف الصح من الغلط ونتغشمر بينا والبنات يتغشمرون ويانا وماشفت الي زعل من شي ... ماادري شسالفتها ... متضايقه من شي معين وطاحت براسي الظاهر



المفروض اني ارحب فيك لاني من زمان ماشفتك تشارك بس اسمحلي ترى قفلت مره وحده


الحمد لله ان مسؤولتي بالدوام مو وحده ولا يمكن من زمان داش السجن بسبتها

لا والله يا ابو احمد لا متضايقه منك ولا تبي طلعتك من المنتدى وهالكلام انا متاكد منه

بس نفس ما قلت لك وجهات نظر واجتهادات ولا تكبرون الموضوع تراه والله صغير وما يستاهل وانت يا ابو احمد لو مو راعي محل لما تدخلت ولا حتى ام فؤاد تاركه عضويتك للحين ولكن انت راعي محل ومن اهل المنتدى احنا الطالعين وانت الداخل

واتمنى تكون هالمشاركه آخر مشاركه بهالموضوع وتصافى النفوس ولا تنسى السوق هاليومين الله يسامحه مو مخلي احد رايق انا اللي طالع من السوق اقسم بالله حدي متكدر منه

وهذا انا اطلبكم بالعام امسحوها بوجهي تكفون :)

وموفق خير يا الغالي

[BOAHMAD]

لا والله يا ابو احمد لا متضايقه منك ولا تبي طلعتك من المنتدى وهالكلام انا متاكد منه

بس نفس ما قلت لك وجهات نظر واجتهادات ولا تكبرون الموضوع تراه والله صغير وما يستاهل وانت يا ابو احمد لو مو راعي محل لما تدخلت ولا حتى ام فؤاد تاركه عضويتك للحين ولكن انت راعي محل ومن اهل المنتدى احنا الطالعين وانت الداخل

واتمنى تكون هالمشاركه آخر مشاركه بهالموضوع وتصافى النفوس ولا تنسى السوق هاليومين الله يسامحه مو مخلي احد رايق انا اللي طالع من السوق اقسم بالله حدي متكدر منه

وهذا انا اطلبكم بالعام امسحوها بوجهي تكفون :)

وموفق خير يا الغالي



مشكور يابومشاري على كلامك الطيب ان دل يدل على طيب اصلك ... وانا على شان الرجال الي فيها خير ... انهيت الموضوع وماكو الا العافيه ...

الي ماتعرفه يابومشاري اسال دباس عنه .. ترى جدي نطح الريل يوم جفل غنمه وتبيني اسكت على الي بيجفلني

[ابو مشاري]

مشكور يابومشاري على كلامك الطيب ان دل يدل على طيب اصلك ... وانا على شان الرجال الي فيها خير ... انهيت الموضوع وماكو الا العافيه ...

الي ماتعرفه يابومشاري اسال دباس عنه .. ترى جدي نطح الريل يوم جفل غنمه وتبيني اسكت على الي بيجفلني


لا والله ما تنجفل يا ابو احمد

وام فؤاد حتى توها تكلمني ومستانسه انكم نوعا ما شوي تطيبت خواطركم وخاصه انت وحتى قالت عازمه الكل على كاكاو :eek:

وتبقى كبير يا ابو احمد وما نستغني عن مشركاتكم ولا وجودكم متضايقين :)

[عليمنكي]

بواحمد يالله عاد
صافي يالبن
كفايه دشت بومشاري بالموضوع
خشمك







اقول ترى ما اعرف حق خشمه
اهم يبوسون الخشم والا يطقون خشم بخشم :d

[ابو مشاري]

بواحمد يالله عاد
صافي يالبن
كفايه دشت بومشاري بالموضوع
خشمك







اقول ترى ما اعرف حق خشمه
اهم يبوسون الخشم والا يطقون خشم بخشم :d

مشكور يا اخوي عليمنكي

واما بخصوص حبه الخشم فعلى حسب


ان كان كبير بالسن تحب خشمه

اما ان كان قريب لك بالعمر فتقدر تقول نطح خشم بخشم :D

[splendid]

السلام عليكم

انا طالبك يا بو احمد انك تهدي بالك شوي ,, واذا هديت بالك كمل واقرأ كلامي ..

حنا هنيه طال عمرك اخوان واخوات ,, بيننا كل الود والاحترام والتقدير وكاننا نعرف بعض من سنين

طويله ,, واذا ما عذرنا بعضنا البعض سواءا بسبب سوء تفاهم او ان الواحد مثلا يفهم على كلام

الثاني شي غلط ,, بكل صراحه ما فينا خير ,, وحنا ان شاء الله كلنا خير وبركه من الاخوه والاخوات ..

وانت يا بو احمد تعلمنا ونتعلم منك بارك الله فيك ,, وانت تدري ان الكلام المكتوب ممكن يساء فهمه

على غير الكلام المسموع ,, فاذا اختنا العزيزه ام فؤاد التبس عليها كلامك لازم نعذرها وما نحمل

الشي اللي صار اكبر مما يحتمل ,, كل اللي حصل طال عمرك سوء تفاهم وينتهي ان شاء الله ..

وانت يا بو احمد رجال راعي شيمه وقيمه ,, وتعذر اخوانك وخواتك في المنتدى وفي غيره ..

يعلم الله ما كتبت هالكلام الا من معزتك عندي يا بو احمد ولا قصور في باقي الاخوان والاخوات ..

وانت شمعه السوالف يا بو احمد .. ووالله ان معرفتك كنز يا طويل العمر ...

وانا اخوك الصغير :25: ,, وطالبك انك تعذرنا ..

[BOAHMAD]

بواحمد يالله عاد
صافي يالبن
كفايه دشت بومشاري بالموضوع
خشمك







اقول ترى ما اعرف حق خشمه
اهم يبوسون الخشم والا يطقون خشم بخشم :d



والله يابويوسف انا من النوع الي ما اعصب بسهوله بس شنسوي عاد هذا الي حصل

الله يجزاه خير الي تدخل وهدا الامور ...

اخوان عزيزين على قلبي يشهد الله وانتوا مكسب لي ...

خلاص طاح الحطب ... بس الانذار شيلوه اذا تشوفون اني ما استحقه

[ابو مشاري]

مشكور يا ابو بشير على المداخله الطيبه

وعندي طلب يا اخوان بعد وها انا اكتبه بالعام

اخونا ناصر الدين ادري انه زعلان من المنتدى وادري ان زعله كان مني فاللي يشوفه يقول له اني اعتذر منه وبالعام وطالبه ما يشيل علي وطالبه بعد يرجع يكتب فوالله من طلع وانا مالي خلق حتى اكتب بالمنتدى

فكلي رجاء اللي يشوفه يوصل له اعتذاري ويقول له اني طالبه طلبه بالرجعه

[ابو مشاري]

والله يابويوسف انا من النوع الي ما اعصب بسهوله بس شنسوي عاد هذا الي حصل

الله يجزاه خير الي تدخل وهدا الامور ...

اخوان عزيزين على قلبي يشهد الله وانتوا مكسب لي ...

خلاص طاح الحطب ... بس الانذار شيلوه اذا تشوفون اني ما استحقه

ابو احمد الانذار حاولنا نشيله ما عرفنا بشوف المشرف اليوم وابشر الانذار مشيول منك لان مو لك الانذار ولا للاخوان انتوا تنذرون ما تنذرون :)

[دباس الظلما]

مشكور يابومشاري على كلامك الطيب ان دل يدل على طيب اصلك ... وانا على شان الرجال الي فيها خير ... انهيت الموضوع وماكو الا العافيه ...

الي ماتعرفه يابومشاري اسال دباس عنه .. ترى جدي نطح الريل يوم جفل غنمه وتبيني اسكت على الي بيجفلني


:p http://www.ansaralhusain.net/mysmiles/smiles4/1049112386.gif (javascript:Smile_ansar('smile_detail.php?action=C opy&id=620'))
من جذيه دمك حار


طاح ابو احمد خلاص

كل اخوانك بالمنتدى يطلبونك تنهي هالسالفه
والله لو ابو مشاري وابو بشير وابو يوسف يطلبونك شنو ما تردهم


خلاص يا ابو احمد



عليمنكي 000 الخشم يعضونه بارك الله فيك :p

[splendid]

السلام عليكم ...

يا اختنا وعزيزتنا ام فؤاد ,, واللي لولاها ما دشينا بالمملكه وعرفنا هالوجيه الطيبه ,,,

( يمكن ما مر في بالج انج السبب الرئيسي في معرفتنا القويه في بعضنا البعض ) ..

صدقنين اننا ما نحمل لج الا كل ود واحترام وتقدير ,, ومهما صار او طلع من كلام يعلم الله ان

القصد منه ما هو الا المزح والغشمره .. يمكن يكون تفسيرج لبعض كلام الاخوان خاطيء

لكن هالشيء هذا لو اخذتيه بحسن نيه ما راح تتطور الامور وتوصل للزعل ..

يمكن كنتي متضايقه اليوم وقريتي كلام وفسرتيه بشكل خاطيء .. وحنا نعرفج ونعرف طيبة

قلبج وما يهون علينا زعلج مننا باي حال من الاحوال ..

فهديء بالج ,, وانسي اللي صار :) ..

ولازم نعذر بعضنا البعض يا اختنا العزيزه ..

وان شاء الله صافيه لبن ؟؟؟!!!

ولج تحياتي ...

:)

[عليمنكي]

والله يابويوسف انا من النوع الي ما اعصب بسهوله بس شنسوي عاد هذا الي حصل

الله يجزاه خير الي تدخل وهدا الامور ...

اخوان عزيزين على قلبي يشهد الله وانتوا مكسب لي ...

خلاص طاح الحطب ... بس الانذار شيلوه اذا تشوفون اني ما استحقه

جبير يابواحمد
وجبيره يا ام فؤاد ( بعد لاتزعلين قصدي جبيره بقلبج الحنون قلب احن حوته )




بس خلاص انا ما راح اعيدها ,, الشباب يبيلهم بس من يدقهم سلف ;)

[دباس الظلما]

مشكور يا ابو بشير على المداخله الطيبه

وعندي طلب يا اخوان بعد وها انا اكتبه بالعام

اخونا ناصر الدين ادري انه زعلان من المنتدى وادري ان زعله كان مني فاللي يشوفه يقول له اني اعتذر منه وبالعام وطالبه ما يشيل علي وطالبه بعد يرجع يكتب فوالله من طلع وانا مالي خلق حتى اكتب بالمنتدى

فكلي رجاء اللي يشوفه يوصل له اعتذاري ويقول له اني طالبه طلبه بالرجعه

ما قصرت يا ابو مشاري

واخونا ناصر هم عزيز لكن من يشوفه الا ابو يوسف انج 252
ان شاء الله يقول له وتعزمنا على ردته :p

[BOAHMAD]

السلام عليكم


انا طالبك يا بو احمد انك تهدي بالك شوي ,, واذا هديت بالك كمل واقرأ كلامي ..

حنا هنيه طال عمرك اخوان واخوات ,, بيننا كل الود والاحترام والتقدير وكاننا نعرف بعض من سنين

طويله ,, واذا ما عذرنا بعضنا البعض سواءا بسبب سوء تفاهم او ان الواحد مثلا يفهم على كلام

الثاني شي غلط ,, بكل صراحه ما فينا خير ,, وحنا ان شاء الله كلنا خير وبركه من الاخوه والاخوات ..

وانت يا بو احمد تعلمنا ونتعلم منك بارك الله فيك ,, وانت تدري ان الكلام المكتوب ممكن يساء فهمه

على غير الكلام المسموع ,, فاذا اختنا العزيزه ام فؤاد التبس عليها كلامك لازم نعذرها وما نحمل

الشي اللي صار اكبر مما يحتمل ,, كل اللي حصل طال عمرك سوء تفاهم وينتهي ان شاء الله ..

وانت يا بو احمد رجال راعي شيمه وقيمه ,, وتعذر اخوانك وخواتك في المنتدى وفي غيره ..

يعلم الله ما كتبت هالكلام الا من معزتك عندي يا بو احمد ولا قصور في باقي الاخوان والاخوات ..

وانت شمعه السوالف يا بو احمد .. ووالله ان معرفتك كنز يا طويل العمر ...


وانا اخوك الصغير :25: ,, وطالبك انك تعذرنا ..




انت كبير بقدرك عندي وعند اخوانك يابعد راسي ياخالي

اسمحولي عن الي بدر مني

[ابو مشاري]

ما قصرت يا ابو مشاري

واخونا ناصر هم عزيز لكن من يشوفه الا ابو يوسف انج 252
ان شاء الله يقول له وتعزمنا على ردته :p


بطيني :25:

ولا يهمك بعزم الجميع على تخرجي ان شاءالله :p

[عليمنكي]

يله عاد نبي نسمع من ام فؤاد طاح الحطب



قبل لانروح نتغدى ( تفضلوا شوربه بصل مع جبنه شيدر + عدد 1 اجاص + شاي او قهوه )
شباب لايفوتكم رجيم :10:

[ابو مشاري]

يله عاد نبي نسمع من ام فؤاد طاح الحطب



قبل لانروح نتغدى ( تفضلوا شوربه بصل مع جبنه شيدر + عدد 1 اجاص + شاي او قهوه )
شباب لايفوتكم رجيم :10:

اقول لك ام فؤاد راحت تشتري الكاكاو اللي بتعزمكم عليه وراجعه الحين :D

[الحمد لله]

صباح الخير متأخر ...

مالي خلق أقرأ .. صاير شي ؟؟

إذا ماكو شي قولو خل أجحر مره ثانية !!

[splendid]

مشكور يا ابو بشير على المداخله الطيبه

وعندي طلب يا اخوان بعد وها انا اكتبه بالعام

اخونا ناصر الدين ادري انه زعلان من المنتدى وادري ان زعله كان مني فاللي يشوفه يقول له اني اعتذر منه وبالعام وطالبه ما يشيل علي وطالبه بعد يرجع يكتب فوالله من طلع وانا مالي خلق حتى اكتب بالمنتدى

فكلي رجاء اللي يشوفه يوصل له اعتذاري ويقول له اني طالبه طلبه بالرجعه

العفو يا بو مشاري ,,,

باذن الله يوصله ...

[ابو مشاري]

صباح الخير متأخر ...

مالي خلق أقرأ .. صاير شي ؟؟

إذا ماكو شي قولو خل أجحر مره ثانية !!


ارجع ارجع لبياتك الشتوي يا الشامي ماكو شي :D

ما ادري الحين شقول صبحك الله بالخير ا مساك الله بالخير واعذرنا ردينا قبل السلام عليك :)

[Eng.252]

هاي قايز

من ياب طاريي ؟؟

اذا تبوني اقوله لازم تعزموني عزيمه انفراديه علشان تحفظوني :25: شنو اقوله :d

وانت يا بواحمد قولي لو مسئولتك حليمه بولند شنو راح تسوي؟

[Eng.252]

ارجع ارجع لبياتك الشتوي يا الشامي ماكو شي :d

ما ادري الحين شقول صبحك الله بالخير ا مساك الله بالخير واعذرنا ردينا قبل السلام عليك :)
اذبحونا اعيال القبيله هذي كل يوم طالعين لنا بسالفه شكل

[splendid]

المشاركة الأصلية بواسطة BOAHMAD http://www.alnwady.com/stock/images_square/buttons/viewpost.gif (http://www.alnwady.com/stock/showthread.php?p=412295#post412295)
مشكور يابومشاري على كلامك الطيب ان دل يدل على طيب اصلك ... وانا على شان الرجال الي فيها خير ... انهيت الموضوع وماكو الا العافيه ...

الي ماتعرفه يابومشاري اسال دباس عنه .. ترى جدي نطح الريل يوم جفل غنمه وتبيني اسكت على الي بيجفلني


كااااااااااااااااااااااااااااااااااااااااككك

:D :D :D

حسبي الله على عدوك يا بو احمد ,,

حتى وانت معصب هذي سوالفك ..

:D

[ابو مشاري]

هاي قايز

من ياب طاريي ؟؟

اذا تبوني اقوله لازم تعزموني عزيمه انفراديه علشان تحفظوني :25: شنو اقوله :d

وانت يا بواحمد قولي لو مسئولتك حليمه بولند شنو راح تسوي؟

حياك الاردن نعزمك على منسف :D

[المسبار]

والله يابويوسف انا من النوع الي ما اعصب بسهوله بس شنسوي عاد هذا الي حصل

الله يجزاه خير الي تدخل وهدا الامور ...

اخوان عزيزين على قلبي يشهد الله وانتوا مكسب لي ...

خلاص طاح الحطب ... بس الانذار شيلوه اذا تشوفون اني ما استحقه

ينشال من نقسه في دور ال 16 :p

الله يعطيكم العافيه جميعا، والله بعترف لكم بشي، واحس ان فيه بعض المدري شنو !

كل ما ضاق خلقي من التداول جيت اوسع صدري بسوالفكم ووالله اني اطلع مستناس من سوالفكم هني.
خلكم نفس ما انتم وعسى الله ما يغير القلوب، ترى القلوب اذا تغيرت مصيبه.
----------------------------------------------

اضم صوتي لصوت ابو مشاري في الحديث مع الاخ ناصر الدين، وله وحشه والله.

[Eng.252]

حياك الاردن نعزمك على منسف :d
قاعد ادور جامعه تقبلني ماجستير

خلاص اجيك الاردن وتعزمني طول فترة اقامتي

والله انك اصيل وراعي واجب... دورلي على جامعه زينه وسهله هناك الله لايهينك :)

[Eng.252]

على طاري ناصر الدين مانبي نغتاب الرجال...

بس الرجال عنده فوق صندوق مصدي مركب عليه قفل عوود مفتاحه كبر راس الشامي ...

المشكله ان المفتاح مكسور داخل القفل :)

[ابو مشاري]

قاعد ادور جامعه تقبلني ماجستير

خلاص اجيك الاردن وتعزمني طول فترة اقامتي

والله انك اصيل وراعي واجب... دورلي على جامعه زينه وسهله هناك الله لايهينك :)


سمعت والكلام موثوق منه ومن مصدر كبير :D

يقولون وقفوا قبول لاي طالب جديد وخاصه الماجستير :25:

وانا حتى ابيك تجي الاردن بسرعه علشان اعزمك اول يوم تجي لان ثاني يوم انا بسافر بلا عوده ;)

[Eng.252]

لا ياجماعه حتى بوبشير قاعد يهددني ودزلي رسايل تحذير

لا هزلت

[splendid]

على طاري ناصر الدين مانبي نغتاب الرجال...

بس الرجال عنده فوق صندوق مصدي مركب عليه قفل عوود مفتاحه كبر راس الشامي ...

المشكله ان المفتاح مكسور داخل القفل :)

جزاك الله خير ,,

ما تعتاب ناصر ,, وشوف شنو تقول عن حموووووووودي ..

:9:

[Eng.252]

سمعت والكلام موثوق منه ومن مصدر كبير :d

يقولون وقفوا قبول لاي طالب جديد وخاصه الماجستير :25:

وانا حتى ابيك تجي الاردن بسرعه علشان اعزمك اول يوم تجي لان ثاني يوم انا بسافر بلا عوده ;)
التذكره على منو ؟

[ابو مشاري]

التذكره على منو ؟



قطيه من اعضاء موضوع سوالف النوادي العامه

ولا تنسانا من الزايد من القطيه :p

[Eng.252]

ابرز مباريات اليوم

الدوري الكويتي:

القادسيه - الساحل 16:00

الكويت - الفحيحيل 18:30

الدوري الاسباني:

برشلونه - فياريال 22:00 الجزيره+2

الدوري الانجليزي:

ليفربول - مان سيتي 18:00

بولتون - ارسنال 20:15

الدوري الايطالي:

ميلان - ميسينا 22:30

[قنوع]

ما شاء الله ، اليوم الحبايب كلهم موجودين . :)

لو ندري جان تهاوشنا من زمان . :eek:

يا جماعة كل يوم نبي هوشة . :25:

[splendid]

لا ياجماعه حتى بوبشير قاعد يهددني ودزلي رسايل تحذير

لا هزلت


:cool:

استرييييييييييييييييييييييييييييح ..

[splendid]

حي الله ام فؤاد ..

نورتي المملكه ...

[المسبار]

يا جماعه اليوم كعبر ما ياب طاري الاكل ولا بيّن كلش



تهقون مسوي رجيم :confused:


كعبر يعني جعبر ؟؟؟؟
عموما ابو مطلق يدور الهواش، شرايج اتسلط عليه ؟
يقولون هالايام مريض وتعيبين، يعني اغلبه :p

[Cha3bar]

كعبر جعبر شعبر يوسف بويوسف عباس الكل قام يسميني على كيفه يا بوعمر

المهم إنت شخبارك بس :)

[الحمد لله]

http://www.freewebs.com/hannostamm/I%20don't%20want%20to%20get%20up._small.jpg

[مشروع قراده]

السلام عليكم
مساكم الله بالخير جميعا ،،،
الله يديم هالجمعه الطيبه بين الاخوات والاخوان

ام فؤاد ما شفنا كاكاو :p
قنوع يبيله هوشه معاك عشان نجمع الشباب مره ثانيه :D

[BOAHMAD]

مساكم الله بالخير مشروع وعليمنكي

[مشروع قراده]

مساك الله بالنور والسرور يا العود

[BOAHMAD]

مساك الله بالنور والسرور يا العود



هلا بالحبيب ... :)

يبين لما تشوف اسمي على اليسار مكتوب عدد المخالفات ؟؟؟؟

[مشروع قراده]

بيمة السياره متى ؟ :p
الله يهداك كله مسرع
الظاهر الجماعه ماعرفوا شلون يشيلونها ، وانت لو ما سألتني ما شفتها

[BOAHMAD]

بيمة السياره متى ؟ :p
الله يهداك كله مسرع
الظاهر الجماعه ماعرفوا شلون يشيلونها ، وانت لو ما سألتني ما شفتها



اليوم ماكنت مسرع خالفوني على شان حزام الامان ماكنت رابطه .. اساسا ماعندي حزام امان :p

والله فشله سالفت المخالفه هذي :confused: :confused: شيقول الي يقراها الحين ؟؟؟؟

الحين صج صرت عضو مميز بومخالفه

[مشروع قراده]

بس المخالفه ما انقطت بالصندوق :p
زمن صناديق المرور ليما الحين ولا راح ؟ :rolleyes:

[BOAHMAD]

بس المخالفه ما انقطت بالصندوق :p
زمن صناديق المرور ليما الحين ولا راح ؟ :rolleyes:



خابرهم قبل يجمعون المخالفات بالليل ... بس الحين شكلها دشت الكمبيوتر :confused:

كم مخالفه ويسحبون الليسن ماتدري ؟؟؟؟؟

[مشروع قراده]

خابرهم قبل يجمعون المخالفات بالليل ... بس الحين شكلها دشت الكمبيوتر :confused:

كم مخالفه ويسحبون الليسن ماتدري ؟؟؟؟؟

ما اعتقد دشت الكمبيوتر
مادري جم مخالفه ويسحبون الليسن ، خل نسأل قنوع يمكن عنده خبره سابقه :D

[ابو مشاري]

مساكم الله بالخير

بس حبيت اشارك واقول لكم لا تعليق :confused: :rolleyes:

[مشروع قراده]

مساكم الله بالخير

بس حبيت اشارك واقول لكم لا تعليق :confused: :rolleyes:

مساك الله بالنور والسرور :)

[BOAHMAD]

مساكم الله بالخير

بس حبيت اشارك واقول لكم لا تعليق :confused: :rolleyes:



مساك الله بالنور

بومشاري لاتعليق على شنو ؟؟؟؟

[الحمد لله]

اللي ما يعرفك .. يخالفك !
اللي ما يعرف الصقر .. يصفطه على اليمين !
:p

[BOAHMAD]

اللي ما يعرفك .. يخالفك !

اللي ما يعرف الصقر .. يصفطه على اليمين !

:p




جنك شيشتني شكلي بزعل مره ثانيه :D

[الحمد لله]

جنك شيشتني شكلي بزعل مره ثانيه :D


:eek:
بو أحمد شنو هذا اللي أنا قاعد أشوفة تحت !!
:v:

[BOAHMAD]

:eek:

بو أحمد شنو هذا اللي أنا قاعد أشوفة تحت !!

:v:




:D :D :D

فضيحتي صارت بقلاقل

[المسبار]

:eek:

بو أحمد شنو هذا اللي أنا قاعد أشوفة تحت !!

:v:


الحمدلله والشكر :D

[عليمنكي]

مساكم الله بالخير

[BOAHMAD]

مساكم الله بالخير



هلا بويوسف هلا بالحبيب

[عليمنكي]

شلونك يابو احمد
قلنا لك يوز عن سوالف ايام الشباب بطريج العبيدليه , خلك على سوالف تمشي الجيب على تايرين ابرك
شنو هالمخالفات اللي مسطرها على يسار الشباك الامامي :d

[BOAHMAD]

شلونك يابو احمد
قلنا لك يوز عن سوالف ايام الشباب بطريج العبيدليه , خلك على سوالف تمشي الجيب على تايرين ابرك
شنو هالمخالفات اللي مسطرها على يسار الشباك الامامي :d




تصدق كتبتلك رد وعقب ماكتبته قريته ثلاث مرات ... قمت وشطبته ... خفت ينفهم غلط .

عندنا مطر بالعبدليه

[عليمنكي]

تصدق كتبتلك رد وعقب ماكتبته قريته ثلاث مرات ... قمت وشطبته ... خفت ينفهم غلط .

عندنا مطر بالعبدليه
:D :D من خاف سلم
قاعد اتشوف 6 على 6 ؟؟
الي الان الحجي حلو ,, الله يستر من الخاتمه

اقول بو احمد ايصير الواحد يبني بيته بالجواخير
توني لاف جنوب السره الاسعار من 200 الف وفوق على 400 - 500 متر
قلت اخيييييه لو ترضى المره جان ابني على 2500 بنص سعر الارض واسكنها اهناك

[Cha3bar]

نقلا عن مصادر عليا
شالو الإنذار

[BOAHMAD]

:D :D من خاف سلم
قاعد اتشوف 6 على 6 ؟؟
الي الان الحجي حلو ,, الله يستر من الخاتمه

اقول بو احمد ايصير الواحد يبني بيته بالجواخير
توني لاف جنوب السره الاسعار من 200 الف وفوق على 400 - 500 متر
قلت اخيييييه لو ترضى المره جان ابني على 2500 بنص سعر الارض واسكنها اهناك



لاوالله ماني صوب التلفزيون شيقولون ب 6/6
اكو كذا عايله كويتيه ساكنين بالجواخير بس افتكر منحاشين من القاء قبض :confused:

اسعار السكن الخاص شابه ضو ... 375 متر دورين ونص وسرداب شارع واحد بالفيحاء انباع قبل شهرين ب 370 الف دينار

ليش ماتاخذ ارض بجنوب السره وتبنيها بنفسك

[عليمنكي]

خطاك السو يابواحمد
شالووووووووووووووه

[BOAHMAD]

نقلا عن مصادر عليا
شالو الإنذار



يعني نرد نتشيطن :p

[Cha3bar]

هذا إلي بالفيحاء قطعة سبعة؟

[عليمنكي]

لاوالله ماني صوب التلفزيون شيقولون ب 6/6
اكو كذا عايله كويتيه ساكنين بالجواخير بس افتكر منحاشين من القاء قبض :confused:

اسعار السكن الخاص شابه ضو ... 375 متر دورين ونص وسرداب شارع واحد بالفيحاء انباع قبل شهرين ب 370 الف دينار

ليش ماتاخذ ارض بجنوب السره وتبنيها بنفسك

انا قاعد ادور ارض وهذه الاسعار اهي للاراضي
انا مقاول من 22 سنه ما أأمن احد يبني لي اعرف خمبقه ربعي :D

[BOAHMAD]

هذا إلي بالفيحاء قطعة سبعة؟



ماادري اي قطعه بس الشخص الي شراه سام بيت واحد من الربع بالروضه نفس المواصفات ب380 الف وصاحبنا ماباع .. وعقب فتره سمعت انه اخذ بالفيحاء

[BOAHMAD]

انا قاعد ادور ارض وهذه الاسعار اهي للاراضي
انا مقاول من 22 سنه ما أأمن احد يبني لي اعرف خمبقه ربعي :D


انت الظاهر تدور مواقع ممتازه ...

حسب علمي الزاويه الداخليه ب 180 الف

[Cha3bar]

وايد مبالغ فيه السعر لأن في أربع بيوت إنبنوا بالفيحاء قطعة 7 جنب بعض كل واحد 375 ثلاث أدوار وسرداب فيه حمام سباحة ومصعد وشارع واحد قرب المسيد مبيوعين على 295 و 300 ألف

الله يرحم أيام ما إنباعت ال 1000 متر بالفيحاء على 220 أول 2002

[BOAHMAD]

وايد مبالغ فيه السعر لأن في أربع بيوت إنبنوا بالفيحاء قطعة 7 جنب بعض كل واحد 375 ثلاث أدوار وسرداب فيه حمام سباحة ومصعد وشارع واحد قرب المسيد مبيوعين على 295 و 300 ألف

الله يرحم أيام ما إنباعت ال 1000 متر بالفيحاء على 220 أول 2002



انا بايع بيت بالروضه ب 2003 ب 165 الف ... والي شراه مني الله يرزقه ان شاء الله سايمينه منه ب 270 الف ....

عموما السكن الخاص وخصوصا المناطق الداخليه صعوده مو طبيعي ... لندرة المعروض

[BOAHMAD]

خطاك السو يابواحمد

شالووووووووووووووه






ضمنا المباراة الجايه ;)

[نواف Q8]

صبحكم الله بالخير ،،

ياجماعه تراني مو متعشي ..

أطلب عشى من المطعم أو أنام يوعان (حلوه يوعان) :D

جووووووعاااااااان :p

[عليمنكي]

انا بايع بيت بالروضه ب 2003 ب 165 الف ... والي شراه مني الله يرزقه ان شاء الله سايمينه منه ب 270 الف ....

عموما السكن الخاص وخصوصا المناطق الداخليه صعوده مو طبيعي ... لندرة المعروض

مو ندره المعروض ليش
كلمن قاضب 50 بلوك
والحكومه قاعده توزع قسايم للبقر والابل والنخل والثيران

ياحكومه اعتبري اللي عندي ........ ( اخاف اقول :bawling: ) قاعده وراي
الطقه على الأفا تعور

[BOAHMAD]

مو ندره المعروض ليش
كلمن قاضب 50 بلوك
والحكومه قاعده توزع قسايم للبقر والابل والنخل والثيران

ياحكومه اعتبري اللي عندي ........ ( اخاف اقول :bawling: ) قاعده وراي
الطقه على الأفا تعور



:D :D :D

لاتقول تكفه :p ترى جربت الافا مو شي :bawling:

[Cha3bar]

1998 إلي 1993 مورك شيصيرلج؟؟

شارع وهران؟

[BOAHMAD]

ابوي عرض بيتنا بالشاميه من سنة 1998 الى سنة 1993 بسعر 150 الف يمكن ونطر عليه عادي لين ياب له السعر هذا
والحين سعره 550 الف وما يبيعونه :10:



ارزاق ياام فؤاد :)


كلن ياخذ نصيبه بهالدنيا

[Cha3bar]

Mork & Mindy مسلسل كان يحطونه بالسبعينات

واحد من كوكب ثاني يا الأرض ببيضة وعيشته كلها بالمقلوب، كان في بولدر كولورادو

[عليمنكي]

1998 إلي 1993 مورك شيصيرلج؟؟

شارع وهران؟
:bawling: :bawling:
احنا بيتنا كان على الشارع الرئيسي اللي جدام باب سكن متوسطه الشاميه
200 متر وانت في الومبي
راااااااااااااااااااح برخص التراب


منو درس بالمأمون ومتوسطه الشاميه ؟

[نواف Q8]

منو درس بالمأمون ومتوسطه الشاميه ؟


أنا درست بالشام .. :D بس مو ميه ..

[Cha3bar]

انا رايحه بولدر كولورادو سنة 1997 :10:
بس هالمسلسل اول مره اسمع عنه وعن هالشخصيات اللي ذكرتها يا الشايب :)

هو المسلسل إلي شهر الممثل اليهودي روبن ويليامز

http://en.wikipedia.org/wiki/Mork_and_Mindy

[Cha3bar]

المأمون سكروها سنة 1985 .. مو؟

[عليمنكي]

انا رايحه بولدر كولورادو سنة 1997 :10:
بس هالمسلسل اول مره اسمع عنه وعن هالشخصيات اللي ذكرتها يا الشايب :)

وانا درست بالـ ELS مال جامعه دنفر , كولورادو بال 1977:D
ذكرتينا يايام الجاكسون والافرو

[نواف Q8]

شكلي دخلت عليكم عرض ..

تصبحون على خير :11: :11: !

[عليمنكي]

:eek: :eek: شكلك كنت يارنا

صوب البيوت العربيه ولا القسايم اللي قبال الشويخ وظهرها على السكن ؟

اخوي درس بمتوسطة الشاميه والمأمون مادري الشويخ " ابتدائي "

شفتي الشارع اللي عليه اسماء والشاميه المتوسطه
اجبال الباب مال الشاميه المتوسطه
يم بيوت القطانو العبدلي ومقامس وحجي شعبان- بيت عربي كان

انا قصدي هالصوب صوب السكن اللي داخل المدرسه مو صوب سكن اللي اسكنوه عقب الغزو اهل فيلكا

[Cha3bar]

مو الشامية، بس أهلي هناك

[عليمنكي]

المأمون سكروها سنة 1985 .. مو؟

جنه بعد اهدموها وحولوها الي منطقه كيفان يم البنزين

اياااااااااااام حلوه كانت

كان الناظر يعضنا على ايدنا ويعطينا حلاو بوبقره

[Cha3bar]

أحلى يوم أحلى يوم لما سمعنا إنهم هدو جلاب وإنتو بكرامة على الوكيل!

لا تسئلوني منو كانوا الطلبة ولا إسم الوكيل ولا أي سنه

[عليمنكي]

أحلى يوم أحلى يوم لما سمعنا إنهم هدو جلاب وإنتو بكرامة على الوكيل!

لا تسئلوني منو كانوا الطلبة ولا إسم الوكيل ولا أي سنه

كويتي ؟

[M3and]

صبحكم الله بالخيــر

[مشروع قراده]

السلام عليكم
صبحكم الله بالخير جميعا ،،،

صباح النور معاند

[M3and]

السلام عليكم
صبحكم الله بالخير جميعا ،،،

صباح النور معاند



وعليكم السلاام

ممكن سؤال وجيه جدا ً طال عمرك ؟ ؟




منو عباس :confused: :confused:

[عليمنكي]

صباح الخير
اتوقع السوق :^: اليوم
حسه سسه:25:

[M3and]

صباح الخير
اتوقع السوق :^: اليوم
حسه سسه:25:


والله ما اعتقد

عندي احساس بنشوف 9780 اليوم :(

[M3and]

السلام عليكم


:)
صباح الخير




صباح النور معاند




هلا أم فؤاد صبحك الله بالنور والرضى

[M3and]

اكو احد ما يعرف عباس !!
عباس وراء المتراس

يقظ منتبه حساس

احمد مطر
:p



هههههههههههاااي

الله يذكرك بالخير يا....المؤشراتي


بس صج منو عباس ....؟ ؟:D

[مشروع قراده]

وعليكم السلاام

ممكن سؤال وجيه جدا ً طال عمرك ؟ ؟




منو عباس :confused: :confused:

صباح النور ام فؤاد

عمرك يطول معاند ، عباس بن فرناس ما تعرفه ؟ :D

[قنوع]

السلام عليكم ورحمة الله وبركاته ....

صبحكم الله بالخير ( معاند ، مشروع قرادة ، عليمنكي ، أم فؤاد )

أبو أحمد عازمكم يوم الخميس على العشاء بمناسبة تسقيط المخالفة . :)

[BOAHMAD]

صبحكم الله بالخير

صباح الجو الحلو والمطر ....

[BOAHMAD]

السلام عليكم ورحمة الله وبركاته ....

صبحكم الله بالخير ( معاند ، مشروع قرادة ، عليمنكي ، أم فؤاد )

أبو أحمد عازمكم يوم الخميس على العشاء بمناسبة تسقيط المخالفة . :)


هوشة قصمان ... :)
الدور عليك اليوم شكلي بتهاوش وياك :11: :11:

[عليمنكي]

السلام عليكم ورحمة الله وبركاته ....
صبحكم الله بالخير ( معاند ، مشروع قرادة ، عليمنكي ، أم فؤاد )
أبو أحمد عازمكم يوم الخميس على العشاء بمناسبة تسقيط المخالفة . :)

اي مثل كاكاو ام فؤاد




صباح الخير يابو مطلق


محسوبك (( مربط عصاعص ))

[BOAHMAD]

اي مثل كاكاو ام فؤاد




صباح الخير يابو مطلق


محسوبك (( مربط عصاعص ))


اي كفو والله بويوسف فازعلي ... اذا السيستم وافق بقيمك

[الحمد لله]

كفّارة كفّارة يا BOAHMAD
:25:

[BOAHMAD]

كفّارة كفّارة يا BOAHMAD

:25:




تخفيف ذنوب ولو اني ان شاء الله ماعندي ذنوب :p

[الحمد لله]

تخفيف ذنوب ولو اني ان شاء الله ماعندي ذنوب :p



سري وخاص
:v:

[قنوع]

الله يعينك يا أبو أحمد :bawling: ، شهية الشامي مفتوحة اليوم .

[splendid]

السلام عليكم

صبحكم الله بالخير جميعا ..

شلونك يا بو مطلق ؟؟؟!!!!

ان شاء الله احسن ؟؟؟

[الحمد لله]

السلام عليكم


صبحكم الله بالخير جميعا ..

شلونك يا بو مطلق ؟؟؟!!!!

ان شاء الله احسن ؟؟؟


وعليكم السلام،،،
صباحك خير !

[BOAHMAD]

الله يعينك يا أبو أحمد :bawling: ، شهية الشامي مفتوحة اليوم .




يمون الشامي خله ياخذ راحته

[قنوع]

السلام عليكم


صبحكم الله بالخير جميعا ..

شلونك يا بو مطلق ؟؟؟!!!!

ان شاء الله احسن ؟؟؟



وعليكم السلام ورحمة الله وبركاته ...

صبحك الله بالنور والسرور يا بو بشير .

الحمد لله بخير ونعمة . :)

إشفيهم بعض الناس عليك ؟

[الحمد لله]

بلو عاد توني بسيّر عليج


كاني يايه عندكم شويه :)

شباب !

أم فؤاد مو على الجهاز ... دخنو دخنو بسرعة !!

زقارة بسرعة !

[قنوع]

شباب !

أم فؤاد مو على الجهاز ... دخنو دخنو بسرعة !!

زقارة


تراقبكم من جهاز بلو :25: :25:

[نواف Q8]

صباح الخير ورحمة الله وبركاته ..

:)

[BOAHMAD]

شباب !

أم فؤاد مو على الجهاز ... دخنو دخنو بسرعة !!

زقارة




عندك ولاعه ؟؟؟؟

[الحمد لله]

تراقبكم من جهاز بلو :25: :25:



لا بلو تدخّن وما تفتن على أصدقائها :p

[الحمد لله]

عندك ولاعه ؟؟؟؟

ما أدري شوف بالعزبة !

[BOAHMAD]

صباح الخير ورحمة الله وبركاته ..


:)



هلا ابو عزوز

[قنوع]

صباح الخير ورحمة الله وبركاته ..


:)



نوع جديد من السلام .

صباح الخير والخيرات يا بو عبدالعزيز .

[splendid]

بيت الاستثمار الخليجي
+

عربيه ع

تحت المراقبه ..

;)

[BOAHMAD]

شسالفة الي بالجريده اليوم يقولون مصري يخطف الاطفال يغتصبهم ويذبحهم صج هالكلام ؟؟؟


نواف شوف مصادرك ... حاطين صوره تقريبيه للمتهم بجريدة الوطن

[الحمد لله]

شسالفة الي بالجريده اليوم يقولون مصري يخطف الاطفال يغتصبهم ويذبحهم صج هالكلام ؟؟؟




نواف شوف مصادرك ... حاطين صوره تقريبيه للمتهم بجريدة الوطن



لا تحاتي يا بوأحمد .. بو مطلق حسبة أولدي !
لا تخاف ...

[الحمد لله]

بيت الاستثمار الخليجي

+

عربيه ع

تحت المراقبه ..


;)



بطلنا أسهم شرعية .. ما صوبك شي ربوي !
:11:

[نواف Q8]

الحمدلله ، قنوع ، بو أحمد ، سبلدد .. صباحكم ورد ،

عندي معلومه تقول إن الإقفال اليوم أخضر ، وباجر متذبذب ، وبعدين .. :^:

[BOAHMAD]

لا تحاتي يا بوأحمد .. بو مطلق حسبة أولدي !


لا تخاف ...




اشوه يامعود طمنتي انا بيني وبينك كنت خايف خصوصا انه يدل البيت :p


ترى السالفه صج بالصفحه الاولى بجريدة الوطن ويقولك كبسات بالسالميه

[نواف Q8]

شسالفة الي بالجريده اليوم يقولون مصري يخطف الاطفال يغتصبهم ويذبحهم صج هالكلام ؟؟؟




نواف شوف مصادرك ... حاطين صوره تقريبيه للمتهم بجريدة الوطن



السالفه صحيحه والمتهم موجود ..

وبصراحه الديره متروسه من هالناس المريضه ، بس الكل يخاف من الفضيحه ،،

لامن شاف ، ولامن درى !!

[قنوع]

بطلنا أسهم شرعية .. ما صوبك شي ربوي !


:11:


سامحه يا بو بشير ، عيّل وغلط . :11:

دايم فاضحني قدام العالم .

[BOAHMAD]

بيت الاستثمار الخليجي

+

عربيه ع

تحت المراقبه ..


;)



صباح الخير والنوير

الخليجي شرايك الي بيدخل عليه على اي سعر

[splendid]

صباح الخير والنوير


الخليجي شرايك الي بيدخل عليه على اي سعر


هلا بو احمد

لطلبه على 315 ,, وان شاء الله يعطونك

ترى السوق صعد الحين ,, ان شاء الله يكون الارتداد ونفتك ..

موفقين

[الحمد لله]

شباب الوزني أخضر !

أممم جنة فوق تحت اليوم السوق !!:^:

[نواف Q8]

الحمدلله ، قنوع ، بو أحمد ، سبلدد .. صباحكم ورد ،

عندي معلومه تقول إن الإقفال اليوم أخضر ، وباجر متذبذب ، وبعدين .. :^:


شنو قلنا ..:25:

[الحمد لله]

قاعدين ونضحك على سوالفك يا ام حم مد :)
الله لا يحرمنا من الشبه صاحي :p

بلو تسلم عليكم :cool:

الله يسلمها .. خل تغسل الحنا اللي على أصابعها وتدش وتسولف !
بنت الأكابر !

[عليمنكي]

صباح الخير
اتوقع السوق :^: اليوم
حسه سسه:25:

7:45 وقت المشاركه
:25:

[الحمد لله]

شنو قلنا ..:25:

قول فعل :10:

[عليمنكي]

تراهنون فيها تصفيق بالصاله اليوم
:25:

[BOAHMAD]

تراهنون فيها تصفيق بالصاله اليوم
:25:



من شنو ؟؟؟؟؟

[نواف Q8]

قول فعل :10:

يابعد جبدي والجلاوي والله .. :)

[عليمنكي]

من شنو ؟؟؟؟؟

يلامس العشره

[BOAHMAD]

يلامس العشره



ادري العشره بس الرهن من شنو ؟؟؟؟؟ :confused:

بعدين خل نسال بومطلق يمكن يطون الرهن حرام

[نواف Q8]

جن المؤشر يبي يسوي دوران للخلف ..:11:

[splendid]

اذا صار قط بالصناعات الوطنيه

المؤشر على طوووووووووووووووووووول

:v: :v: :v:

[نواف Q8]

شباب شوفوا الصفقات اللي قاعد تصير على الوطنيه العقاريه ..

اكلوا معاهم لقمه ، تراهي طيبه !

[BOAHMAD]

انا اقول الي عنده كاش يحافظ عليه لين تستقر الامور الدخول اليوم يبيله حظ فيفي عبدو

[نواف Q8]

انا اقول الي عنده كاش يحافظ عليه لين تستقر الامور الدخول اليوم يبيله حظ فيفي عبدو

أم فؤاد وينج ! :p :D

[قنوع]

أم فؤاد وينج ! :p :D

فتّان :D

[نواف Q8]

فتّان :D



الفته أشد من القتل ،، :)

[BOAHMAD]

أم فؤاد وينج ! :p :D



اوووووف لايكون فيها شي بعد ؟؟؟؟؟ ترى اندمجيت شويه :D


اي مشاركه ماتعجبج يا ام فؤاد شيليها بس عفيه قبل لاتصكيني بانذار طرشيلي مسج خل اقب عن الفشله :rolleyes:

[نواف Q8]

اوووووف لايكون فيها شي بعد ؟؟؟؟؟ ترى اندم جيت شويه :D


اي مشاركه ماتعجبج يا ام فؤاد شيليها بس عفيه قبل لاتصكيني بانذار طرشيلي مسج خل اقب عن الفشله :rolleyes:


ليش بو أحمد شنو سويت بعد هالمره ! لا يكوووووون ....:)

[عليمنكي]

اوووووف لايكون فيها شي بعد ؟؟؟؟؟ ترى اندمجيت شويه :D


اي مشاركه ماتعجبج يا ام فؤاد شيليها بس عفيه قبل لاتصكيني بانذار طرشيلي مسج خل اقب عن الفشله :rolleyes:
;)

[قنوع]

الفته أشد من القتل ،، :)

الفتّة أحسن من الفتّوش . :p

[BOAHMAD]

ليش بو أحمد شنو سويت بعد هالمره ! لا يكوووووون ....:)



ماسويت بس تجيك التهايم وانت نايم :confused:

شفيه مؤشرنا اليوم ؟؟؟؟؟ قومه يومه ماله والي

[الحمد لله]

يا جماعة ..

خلاص الحين ما راح يكون في موضوع للسوالف ؟؟!

كلنا راح نرسل مشاركاتنا لأم فؤاد على الخاص واهي تنزل بعد ما تدقق .. الله يعطيج العافية على هالمجهود يا أم فؤاد ...

[نواف Q8]

ماسويت بس تجيك التهايم وانت نايم :confused:

شفيه مؤشرنا اليوم ؟؟؟؟؟ قومه يومه ماله والي


المؤشر زين وايد جدا ..

[نواف Q8]

الفتّة أحسن من الفتّوش . :p




ياخوي إنت كله تسولف عن الأكل ..

أنا لو مو شايفك أقول إن وزنك 200 كيلو ! :D

[قنوع]

ياخوي إنت كله تسولف عن الأكل ..

أنا لو مو شايفك أقول إن وزنك 200 كيلو ! :D

على طاري الأكل ترى العشاء ليلة الجمعة ( يوم الخميس بالليل لغير الناطقين باللغة العربية ) :25:

[BOAHMAD]

يا جماعة ..

خلاص الحين ما راح يكون في موضوع للسوالف ؟؟!

كلنا راح نرسل مشاركاتنا لأم فؤاد على الخاص واهي تنزل بعد ما تدقق .. الله يعطيج العافية على هالمجهود يا أم فؤاد ...



:D :D

حللللللللللللللوه

بس عاد يبيلها
مساعد مونتاج

[BOAHMAD]

على طاري الأكل ترى العشاء ليلة الجمعة ( يوم الخميس بالليل لغير الناطقين باللغة العربية ) :25:



وين فيه ؟؟؟؟؟

[نواف Q8]

:D :D


حللللللللللللللوه

بس عاد يبيلها

مساعد مونتاج



الزرقه .. :p

[قنوع]

وين فيه ؟؟؟؟؟

مطعم فخر الدين اللي بالدولية .

[نواف Q8]

مطعم فخر الدين اللي بالدولية .



هذا المطعم قبل 5 سنوات كان اكله حلو ، وبعدين إخترب ، وصار مستواه :v: :9:

[BOAHMAD]

مطعم فخر الدين اللي بالدولية .





كفو والله يابومطلق تفعلها انت كريم واحنا نستاهل

مطعم الطربوش الي بالشيراتون تراه زين ويحول على التمويل :D

[عليمنكي]

اشفيه السوق مستحي ايدش بالخضر


وينك يانجو

[BOAHMAD]

اشفيه السوق مستحي ايدش بالخضر


وينك يانجو




من كثر الضغط ما يمديه يرتفع يرد ينزل

[قنوع]

كفو والله يابومطلق تفعلها انت كريم واحنا نستاهل


مطعم الطربوش الي بالشيراتون تراه زين ويحول على التمويل :D



تم يا أبو أحمد .

أنت والشباب معزومين يوم الخميس بإذن الله .

[نواف Q8]

تم يا أبو أحمد .

أنت والشباب مزعومين يوم الخميس بإذن الله .


مزعومين .. :eek:

الله يستر من هالعزيمه دام أولها بدليات .. :D :p

[BOAHMAD]

تم يا أبو أحمد .

أنت والشباب مزعومين يوم الخميس بإذن الله .



مشكور طال عمرك ... بينا تلفون نرتب العزيمه ان شاء الله ...

[قنوع]

مزعومين .. :eek:

الله يستر من هالعزيمه دام أولها بدليات .. :D :p

مزعومين ، يعني في أمن الدولة . :D

معزومين يعني في مطعم . :25:

[نواف Q8]

مزعومين ، يعني في أمن الدولة . :D

معزومين يعني في مطعم . :25:

:D اشوه

[قنوع]

مشكور طال عمرك ... بينا تلفون نرتب العزيمه ان شاء الله ...

توكل على الله . :10:

[عليمنكي]

مجموعه المخازن والصناعات تحركوا
ابشروا خير

[عليمنكي]

تراهنون فيها تصفيق بالصاله اليوم
:25:

اشششششششششششششش
جني قاعد اسمع ناس اتشربك
وواحد بنص الصاله يطق اصبع ويلزم بقاعه ريله ويفتر وهو مبسط على الارض

[Cha3bar]

خفايف اليوم

مرقوقة وكفتة

والحلو جلي أحمر فيه موز مقطع

[الحمد لله]

http://us.pampers.com/en_US/products/images/pdt_bsod_esup_over_txt.gif


ممنوع تتكلم بالسياسة !
ممنوع تتكلم بشؤون الحكم !
ممنوع تتكلم بأي شي يمتص البلل !

سامع يا BOAHMAD
:11:

[BOAHMAD]

http://us.pampers.com/en_US/products/images/pdt_bsod_esup_over_txt.gif



ممنوع تتكلم بالسياسة !
ممنوع تتكلم بشؤون الحكم !
ممنوع تتكلم بأي شي يمتص البلل !

سامع يا BOAHMAD

:11:






:D :D :D :D

اي تكفه كثر من هالسوالف

الله يغربل بليسك :p

[BOAHMAD]

شكله قاعد يزهب شي اقوى :eek:

ترى قاعد احرشك :p






ترى زين حق الريجيم قبل الغداء كل يوم موضوع جذي :D

[الحمد لله]

BOAHMAD

أنا أطفرك أنت ليش طول العمر يزعل !

[الحمد لله]

نواف رحت الفلم اللي قلت لي عنه
امس رحنا انا وبوفؤاد فلم جيمس بوند
من كثر التقطع اهو الحين بالفندق بالبهاما
فجاه صار بميامي ...

سبحان الله
بس الفلم كان حلو انا احب افلام جيمس بوند :)


شفتني أشلون !!

أن حلات الشي على طبيعته ما يحتاج نقطع ونحذف المشاركات أقول اللقطات ..

[fesall]

السلام عليكم

[الحمد لله]

السلام عليكم

و س

[Cha3bar]

الله يستر على دبي

كل ما أشوف مشاريعهم القادمة أقول لا يصير فيهم مثل ما صار في إرم ذات العماد التي لم يخلق مثلها في البلاد

http://www.ameinfo.com/images/news/1/32521-dubai.jpg

[نواف Q8]

نواف رحت الفلم اللي قلت لي عنه
امس رحنا انا وبوفؤاد فلم جيمس بوند
من كثر التقطع اهو الحين بالفندق بالبهاما
فجاه صار بميامي ...

سبحان الله
بس الفلم كان حلو انا احب افلام جيمس بوند :)

هلا ام فؤاد ، سوري توني ادش المنتدى !

عاد هذا الفلم الوحيد الحلو الموجود حاليا والباجي خواره :9: ..

أما بخصوص التقطيع ماكان يضر تسلسل الأحداث .. :) لأن بصراحه الفلم فاصخ شوي :9: ..

[بوعبدالعزيز76]

صباح الخير ..
ادعولي بالتوفيق .. اليوم عندى مهمه اذا توفقت بطيح عشا واذا ما توفقت .. هم بطيح عشا تستاهلون.. :p اهم شى ادعولى بالتوفيق
وجزاكم الله خير:)

[Cha3bar]

موفق :)

[قنوع]

السلام عليكم ورحمة الله وبركاته ...

صبحكم الله بالخير .

الله يوفقك يا بو عبدالعزيز .

[M3and]

شفيك ابو عبدالعزيز رايح تخطب ؟ ؟

عموما ً الله يوفقك :p

[نواف Q8]

السلام عليكم ،،

صبحكم الله بالخـــير ..

:)

[مشروع قراده]

السلام عليكم
صبحكم الله بالخير جميعا ،،،

الله يوفقك يا بوعبدالعزيز لكل خير

[قنوع]

السلام عليكم
صبحكم الله بالخير جميعا ،،،

الله يوفقك يا بوعبدالعزيز لكل خير

وعليكم السلام ورحمة الله وبركاته ...

صبحكم الله بالخير ( جعبر ، معاند ، نواف ، مشروع قرادة )

الحمد لله على السلامة مشروع وين هالغيبة ؟

والله مقصرين بحقك . :bawling:

[نواف Q8]

وعليكم السلام ورحمة الله وبركاته ...

صبحكم الله بالخير ( جعبر ، معاند ، نواف ، مشروع قرادة )

الحمد لله على السلامة مشروع وين هالغيبة ؟

والله مقصرين بحقك . :bawling:


هلا بو مطلق ، مامن قصور طال عمرك .. :)

[مشروع قراده]

وعليكم السلام ورحمة الله وبركاته ...

صبحكم الله بالخير ( جعبر ، معاند ، نواف ، مشروع قرادة )

الحمد لله على السلامة مشروع وين هالغيبة ؟

والله مقصرين بحقك . :bawling:

موجود طال عمرك وتحت النظر
ما منك قصور ياخوي

[M3and]

هلا ابو مطلق صبحك لله بالنور والسرور


شوفوا التحصيلات شباب اول صفقه 10 مليون :confused: :confused: