سوالف النوادي العامة

[المحلل المجتهد]

تقصد شمعة سوده من اربع اسابيع مو شهور :eek: :eek: ,, صلح الخطأ المطبعي يالعثماني

[ناصرالدين]

بس شرايك اول تحليل للمؤشر على طوووووووووول

بس قولي رايك بالتحليل ... شغلي عدل والا اي حاجه

[ناصرالدين]

تقصد شمعة سوده من اربع اسابيع مو شهور :eek: :eek: ,, صلح الخطأ المطبعي يالعثماني

اخر شمعه سوده كانت بشهر 7

يعني اربع شهووووووور

[المحلل المجتهد]

اخر شمعه سوده كانت بشهر 7

يعني اربع شهووووووور

ما اشووفها :eek: ... ترى حدي امقفل نصيحة لأحد يسالني شي المخ امقفل حده ويمكن اوصيك على شركة اخر شي تطلع بالسوق السعودي .. المخ XXXXXX :eek: :eek: :eek: :eek: :eek: :eek:

[ناصرالدين]

ما اشووفها :eek: ... ترى حدي امقفل نصيحة لأحد يسالني شي المخ امقفل حده ويمكن اوصيك على شركة اخر شي تطلع بالسوق السعودي .. المخ XXXXXX :eek: :eek: :eek: :eek: :eek: :eek:


عيل يبيله بومشاري

[المحلل المجتهد]

عيل يبيله بومشاري

بو مشاري اخبر .. بس مادري ليش شايف المؤشر 10700 :eek:

[المحلل المجتهد]

وبالضبط 10630 :confused:

[ناصرالدين]

بو مشاري اخبر .. بس مادري ليش شايف المؤشر 10700 :eek:


لاتخليني اعصب عليك واعطيك نسب معلم البطاط والفلافل الفيبوناتشي ... وموجات معلم التبوله الالويت

بس خلنا حبه حبه

بس 10700 ... جامده قوي واظن قبلها كم دعم

يبيله بومشاااااااااااااااري

[ناصرالدين]

وبالضبط 10630 :confused:


تعجبني الثقه

خلني اراجع شغلي ونألف على بعض شوي

[المحلل المجتهد]

تعجبني الثقه

خلني اراجع شغلي ونألف على بعض شوي
لو اتحط نسب برجر كنج انا اقول اذا في حركة تصحيحية قوية بتشوف هالرقم او قريب منه :confused: .. اكيد قبلها في جم دعم

[الحمد لله]

تعلن ربطة الخرفان
عن خالص ترحيبها
باخونا الحمدالله
وتتمنى له الاستمتاع بطيب الاقامه بسوالف النودي.
ونحيطكم علما بان رئيس الرابطه لديه اختبار يوم السبت
نتمنى له التوفيق ان شاء الله وسنوافيكم بالنتائج حال وصولها.
وشكرا

شكراً شكراً :)
أخبار عن منو ..
الأسهم كلها بوقفونها السبت ..
صدام مو صقفق !

السلام عليكم عاد حدي مالي خلق اشارك بس من شفت الحمدلله منور الموضوع قلت لازم وبلا ادنى تردد ارحب فيه :)

اهلا وسهلا اخونا وحياك الله معانا بسوالف النوادي وبالمملكه بكبرها وعلشان ما تنصدم بأجل ترشيحك لكرسي الاعتراف بما انك بعدك تتعرف على المملكه :p ناطرينك تدمن شوي وتالي الله يفكك من شر الحيتان الاصلييين مراقبين نادي المواضيع العامه :eek: وهذه الساعه المباركه :cool:


منور بهله وناسه ..
كرسي كهربائي من أول مشاركتين ليش :confused:


---------------------------------
وصلت المخيم الساعة 1

ولا الهندي ناشف وبراطمه أمكعمزه ما عنده ماي !
كسر خاطري نقعته بالماي ليمة الصبح ورد يتحرك الحمد الله :p

--------------------------------

[ناصرالدين]

هلا والله اخوي الحمدلله

زين انك وصلت

تقدر تعطيني الرقم الكود للميتاستوك الحين

ناطرك


http://img363.imageshack.us/img363/4416/111111ak.jpg

[الحمد لله]

هلا والله اخوي الحمدلله

زين انك وصلت

تقدر تعطيني الرقم الكود للميتاستوك الحين

ناطرك


http://img363.imageshack.us/img363/4416/111111ak.jpg

تامر أبوي :)
C8294C8B
أو
08932026

[ناصرالدين]

مشكور وجزاكم الله خير

[لاتستغرب]

هاهاهاها كل هذا كسل ياناصر الدين ..مالك خلق تروح للموضوع
---
بشر الحمدلله شلون البر عقب هالمطره الطيبه ..عسى بس المكان
زين ..لانه بنودي خرفان المحلل المجتهد تاكل عندكم حشيش .
زهب القعده

[الحمد لله]

هاهاهاها كل هذا كسل ياناصر الدين ..مالك خلق تروح للموضوع
---
بشر الحمدلله شلون البر عقب هالمطره الطيبه ..عسى بس المكان
زين ..لانه بنودي خرفان المحلل المجتهد تاكل عندكم حشيش .
زهب القعده

لا الصيهد حديد والزل الحمر مفروش ينطر تشريف سعاتك :p

وخرفان المحلل المجتهد كلاهم الذيب !

[الحمد لله]

9:50:57 المواشي تبرم صفقة بقيمة 3.000.000 دينار كويتي مع شركة بريطانية
يعلن سوق الكويت للأوراق المالية أن شركة نقل و تجارة المواشي (مواشي) قد أخطرته بأنها أبرمت عقد شراء العنزه "دولـّي" مع شركة بريطانية متخصصه في مجال الإستنساخ الجيني بقيمة قدرها 3.000.000 دينار كويتي بما يتضمن براءة الإختراع، حيث تعتبر العنزه "دولـّي" أول حيوان مستنسخ في العالم، يذكر أن عمر العنزة 3 سنوات ومن القرر أن يتم تسليم "دولـّي" في يناير 2006م مع 3 خياش شعير فرنسي فاخر.
وأوضحت الشركة أن الهدف من هذه الصفقة هو أحتكار سر الإستنساخ، مما يعزز من مبيعات الشركة ويقلل من خطر زيادة المعروض من الخراف في الأسواق العالمية.



مبرووووووووووووووووك لملاك المواشي
:D

[omfouad]

وخرفان المحلل المجتهد كلاهم الذيب !

لا حول ولا قوة الا بالله العظيم :o
لا يسمعك المحلل .. اشوه انه رايح يدرس :p

[الحمد لله]

لا حول ولا قوة الا بالله العظيم :o
لا يسمعك المحلل .. اشوه انه رايح يدرس :p

راح يقرأ الخبر اللي فوق وراح يستانس، يستاهلون ملاك المواشي ;)

[omfouad]

الخبر اللي فوق حسبته غشمره :eek: !!!!!! اذا الشركه بيطلع من حسابها 3 ملايين ينزل السهم ولا يصعد :confused: الحمدلله احتاج ترجمه للخبر اللي فوق لو سمحت :o

[لاتستغرب]

هاهاهاهاها والله زين يسوي فيكم الحمدلله ...مسوين رابطة خرفان بعد ..ماشي هين ..
خلو الخرفان تفيدكم ..لان السمج راح يطير ..شلون ما ادري ..يشرب رد بول والا بانزين
طياره ..راح يطير يعني يطير ..واذا مو مصدقين اسألو رئيس رابطة العقاريه والاسماك
الحمدلله

[omfouad]

:(

[الحمد لله]

الخبر اللي فوق حسبته غشمره :eek: !!!!!! اذا الشركه بيطلع من حسابها 3 ملايين ينزل السهم ولا يصعد :confused: الحمدلله احتاج ترجمه للخبر اللي فوق لو سمحت :o


تخيلي لو المواشي تستثمر هالإختراع وتزيد إنتاجها إلا الضعف، أو ترد تبيع الإختراع بمبلغ أعلا، انا السبت داش على المواشي لو بالحد الأعلى، ومن الحين بدخل الأمر


هاهاهاهاها والله زين يسوي فيكم الحمدلله ...مسوين رابطة خرفان بعد ..ماشي هين ..
خلو الخرفان تفيدكم ..لان السمج راح يطير ..شلون ما ادري ..يشرب رد بول والا بانزين
طياره ..راح يطير يعني يطير ..واذا مو مصدقين اسألو رئيس رابطة العقاريه والاسماك
الحمدلله

العقارية (الله - العقارية - الأمير) !
الإسماك(حليب سدافكو خفيف من بره وطري ومقرمش من جوه) !

[لاتستغرب]

ابوجاسم دق علي تدري اني شابك على التلفون ..

[لاتستغرب]

لاماتهونين يا ام فؤاد ...ابوجاسم كل شي تغشمر فيه الا خرفان ام فؤاد والمحلل
ترى متعوب عليهم ..والله يرزقهم خير ان شاء الله

[المحلل المجتهد]

:eek: :eek: :eek: :eek: :eek: :eek: :eek: :eek: :eek: :eek:

[المحلل المجتهد]

9:50:57 المواشي تبرم صفقة بقيمة 3.000.000 دينار كويتي مع شركة بريطانية

يعلن سوق الكويت للأوراق المالية أن شركة نقل و تجارة المواشي (مواشي) قد أخطرته بأنها أبرمت عقد شراء العنزه "دولـّي" مع شركة بريطانية متخصصه في مجال الإستنساخ الجيني بقيمة قدرها 3.000.000 دينار كويتي بما يتضمن براءة الإختراع، حيث تعتبر العنزه "دولـّي" أول حيوان مستنسخ في العالم، يذكر أن عمر العنزة 3 سنوات ومن القرر أن يتم تسليم "دولـّي" في يناير 2006م مع 3 خياش شعير فرنسي فاخر.
وأوضحت الشركة أن الهدف من هذه الصفقة هو أحتكار سر الإستنساخ، مما يعزز من مبيعات الشركة ويقلل من خطر زيادة المعروض من الخراف في الأسواق العالمية.



مبرووووووووووووووووك لملاك المواشي
:D

حمد لله على السلامة عقد هااااا :eek: :cool:

[مشروع قراده]

السلام عليكم
ومساكم الله بالخير جميعا ،،،

[المحلل المجتهد]

وعليكم السلام .. مساك الله بالنور :)

[الحمد لله]

المحلل : اذا ياتني سيولة السبت بدش على المواشي، تره 530 دعم حلو، جود الله يرزقنا من وره عقد العنزة دولي.

مشروع قرادة: ساك الله بالنور ..

[المحلل المجتهد]

المحلل : اذا ياتني سيولة السبت بدش على المواشي، تره 530 دعم حلو، جود الله يرزقنا من وره عقد العنزة دولي.

مشروع قرادة: ساك الله بالنور ..

يوم السبت بطير السهم لكم ان شاء الله :eek:

[المحلل المجتهد]

ناصر حط ارقام المشايخ ولا عليك امر برابط الشركات الشرعية تلقاه امثبت بقسم الاسهم الكويتية ... تصبحون على خير حدي فصلت فيني النوم :o

[ناصرالدين]

الحمدلله ... بسنا بدليات ترى ماراح اصبر عليك وايد

المحلل مو قلنا اخر يوم لك 16 الشهر ... جنك هونت

مشروع شلونك اغاتي

[ناصرالدين]

ناصر حط ارقام المشايخ ولا عليك امر برابط الشركات الشرعية تلقاه امثبت بقسم الاسهم الكويتية ... تصبحون على خير حدي فصلت فيني النوم :o


ان شاء الله عمووو بوفريد

[المحلل المجتهد]

الحمدلله ... بسنا بدليات ترى ماراح اصبر عليك وايد

المحلل مو قلنا اخر يوم لك 16 الشهر ... جنك هونت

مشروع شلونك اغاتي

لا تتحرش فيني حدي امقفل اليوم ...:mad: ..... حبيبي جددوا الثقة فيني :cool: ولن تكون هناك استقالة :o

[ناصرالدين]

تم كتابه ارقام المشايخ غفر الله لنا ولهم

[blue]

صباح الخير

[الحمد لله]

أممم
ماكو إلا نفتح موضوع، مدامنا كلنا أهني ...


واحد يقترح شي ؟
:confused:

[الحمد لله]

صباح الخير

صباحك ورد ..

[لاتستغرب]

اليوم بدعت بالسوق الامريكي ..يبيله يا الحمدلله

--صباح النور بلو

[blue]

هلا الحمد الله اشوفلك مشاركات في المنتدى العام حياك الله

[الحمد لله]

اليوم بدعت بالسوق الامريكي ..يبيله يا الحمدلله

--صباح النور بلو

الله يرزقق وتستاهل ..
قتلك خل آخذ أجازتي ونقعد قعده ملكية وتعلمني ...

شفت لسته كبار الملاك بالعقارية !!
روح المنتدى الكويتي وشوف موضوع العقارية ...

[الحمد لله]

هلا الحمد الله اشوفلك مشاركات في المنتدى العام حياك الله

ويك أند ماكو شغل ..

نريح أشوي من الأسهم والبورصة، قلنا نغير أهني :)

[blue]

اليوم بدعت بالسوق الامريكي ..يبيله يا الحمدلله

--صباح النور بلو

عيل طلع عمرك 32
بس ترى حدك دبلوماسي باجاباتك

[لاتستغرب]

عيل طلع عمرك 32
بس ترى حدك دبلوماسي باجاباتك

:D مابغيت اقول بس دشو بأخلاقي الشباب قلت اعترف ابرك ..
اي واحد يتعدى الثلاثين يسمى كهل ..وانا تعديت مرحلة الكهوله ..
باقي الحمدلله مع انه توه صغير ..يبيله 10 سنوات على مايوصل
---
بلو احنا ما استجوبناك صح ؟:cool:

[blue]

:D مابغيت اقول بس دشو بأخلاقي الشباب قلت اعترف ابرك ..
اي واحد يتعدى الثلاثين يسمى كهل ..وانا تعديت مرحلة الكهوله ..
باقي الحمدلله مع انه توه صغير ..يبيله 10 سنوات على مايوصل
---
بلو احنا ما استجوبناك صح ؟:cool:

ارجع جم صفحة وتلقى استجوابي موجود

[الحمد لله]

العمر كلا :)
إنشالله ...

ومشكور لأنك قعتني من النوم :p

[مشاهد]

لاتستغرب ( ادري دشيت علي الخط )

بس ياخوي ماقدرت اصبر اكثر

اشوفك تظلم نفسك واسكت لالالالالالالالالالالالالالالالالالا


انت زينة الشباب لو يبيلك رجيم شوية تطلع ولا احلي من هيك :D

[الحمد لله]

لاتستغرب ( ادري دشيت علي الخط )

بس ياخوي ماقدرت اصبر اكثر

اشوفك تظلم نفسك واسكت لالالالالالالالالالالالالالالالالالا


انت زينة الشباب لو يبيلك رجيم شوية تطلع ولا احلي من هيك :D




راح أنام :)

يبيلة يومين وره بعض ينزل وزنه حد أندى، يصير غزال !

[لاتستغرب]

:) شكلك دايخ الحمدلله ..ريح ترى السهر متعب ..

-----

:) يالرشيدي سويت رجيم لين مليت بس المحاولات
لاتزال قائمه ..وان شاء الله تثمر ..ومشكور على المجاملات
مانجي نقطه في بحر من زين الحمدلله ..الله يحفظه

[الحمد لله]

:) شكلك دايخ الحمدلله ..ريح ترى السهر متعب ..

-----

:) يالرشيدي سويت رجيم لين مليت بس المحاولات
لاتزال قائمه ..وان شاء الله تثمر ..ومشكور على المجاملات
مانجي نقطه في بحر من زين الحمدلله ..الله يحفظه


غزل علني وفعل فاضح بالمنتدى العام:p
أعيونك الحلوة

[ابو مشاري]

غزل علني وفعل فاضح بالمنتدى العام:p
أعيونك الحلوة



ترى الرقابه تمنع الفعل الفاضح الا في حاله اشراكها بالامر فانها وقتها تقبل فلازم ينالنا نصيب من الغزل والا ..... :eek: :D

[لاتستغرب]

ترى الرقابه تمنع الفعل الفاضح الا في حاله اشراكها بالامر فانها وقتها تقبل فلازم ينالنا نصيب من الغزل والا ..... :eek: :D

:D وكل مشرووك مبروووك .

وين هالغيبه يابومشاري الظاهر جايز لك البراد

[ابو مشاري]

:D وكل مشرووك مبروووك .

وين هالغيبه يابومشاري الظاهر جايز لك البراد


لا والله يا اخوك مو غيبه بس هاليومين سادحتني الانفلونزا والامتحانات تبلش عندي من باجر فدعواتكم يا الربع

[لاتستغرب]

ماتشوف شر يابومشاري والله يوفقك ..دقينا عليك قبل يومين ماشلته
عندي صديق يبي يسلم عليك ..بس ان شاء الله نتصل بوقت ثاني

[الحمد لله]

لا والله يا اخوك مو غيبه بس هاليومين سادحتني الانفلونزا والامتحانات تبلش عندي من باجر فدعواتكم يا الربع

ماتشوف شر يا العود وأموفق إنشالله ...

[ابو مشاري]

ماتشوف شر يابومشاري والله يوفقك ..دقينا عليك قبل يومين ماشلته
عندي صديق يبي يسلم عليك ..بس ان شاء الله نتصل بوقت ثاني


الشر ما يجيك

وما انتبهت ان كان وصلني تليفون او لا والله :confused:

[ابو مشاري]

ماتشوف شر يا العود وأموفق إنشالله ...


انا عود :eek:

اقص ايدي اذا انا مو اصغر منك :D

[الحمد لله]

انا عود :eek:

اقص ايدي اذا انا مو اصغر منك :D

أبومشاري أنا يوم رحت أفتح رقم تداول عمي الموظف قالي: ما أصير روح ناد أبوك يوقع عنك:p


لا أنت أكبر مني بسنه :)

[ابو مشاري]

أبومشاري أنا يوم رحت أفتح رقم تداول عمي الموظف قالي: ما أصير روح ناد أبوك يوقع عنك:p


لا أنت أكبر مني بسنه :)


لا يحوشك دام السالفه جذيه لا يبا انا اكبر منك وبوايد بعد :D

حبيب والله يا الحمد لله

[omfouad]

البيت عامر ماشاءالله الله يزيدكم :)

ابو مشاري ليش معصب حدك !! عسى ما شر .. على العموم الله يوفقك بامتحاناتك ويسهلها من حيث لا تدري بس اهم شي من درس اكثر فوق السطح ؟ انت ولاّ المحلل ؟ :p موفقين اجمعين يا رب ان شاء الله تييبون اعلى الدرجات .. ادري انكم قدها يا الحيتان ;)

يا جماعه احتاج اعرف نقاط الدعم والمقاومه لمؤلفات اخونا الحمدلله لأن حدي بسرعه اصدق .. صج مو غشمره :eek: :o

الحمدلله you need to cut down بدلياتك a little لأن ناصر الدوله العثمانيه قاعد لك على باب الشمادليه :p be more carefull >please:cool:

[ابو مشاري]

وليييييييييين


بلشنا اتهامات من ام فؤاد

وين معصب انا قولي لي وين عصبت ما تشوفين الحلج من الفرحه رايح من الاذن للأذن :D


وشكرا على الدعوات الطيبه بس انا ما طلعت للسطوح

السطوح هي اللي طلعت لي :cool:


وموفق ان شاءالله اخوي الطالب المجتهد ;)

[الحمد لله]

البيت عامر ماشاءالله الله يزيدكم :)

ابو مشاري ليش معصب حدك !! عسى ما شر .. على العموم الله يوفقك بامتحاناتك ويسهلها من حيث لا تدري بس اهم شي من درس اكثر فوق السطح ؟ انت ولاّ المحلل ؟ :p موفقين اجمعين يا رب ان شاء الله تييبون اعلى الدرجات .. ادري انكم قدها يا الحيتان ;)

يا جماعه احتاج اعرف نقاط الدعم والمقاومه لمؤلفات اخونا الحمدلله لأن حدي بسرعه اصدق .. صج مو غشمره :eek: :o

الحمدلله you need to cut down بدلياتك a little لأن ناصر الدوله العثمانيه قاعد لك على باب الشمادليه :p be more carefull >please:cool:



معذور يا أوخيتي ...

طبـــّاعي الخاص ماخذ إجازه وانا مو متعلم على الطباعة والبهذله أخاف على أضافيري (مخالبي) !فتحملني حبتين ... :p .

[الخلوري]

لا والله يا اخوك مو غيبه بس هاليومين سادحتني الانفلونزا والامتحانات تبلش عندي من باجر فدعواتكم يا الربع

ما تشوف شر ، بس حط بالك ما تكون من الطيور البورصوية

الخلوري

[مشروع قراده]

السلام عليكم
ومساكم الله بالخير جميعا ،،،

[ابو وليد]

لا الصيهد حديد والزل الحمر مفروش ينطر تشريف سعاتك :p

وخرفان المحلل المجتهد كلاهم الذيب !
السلام عليكم
ومساكم الله بخير جميعا
وحياك الله اخوي حمدالله
وللعلم الرابطه مسويه حلف مع الذئابه من زمان بعدم التعرض لخرفان
الرابطه وهم الأن اصدقاء والدلليل الصوره اللي التقطنها
في نادي الرابطه وذلك يدل على عمق العلاقات بينهم

[الحمد لله]

السلام عليكم
ومساكم الله بخير جميعا
وحياك الله اخوي حمدالله
وللعلم الرابطه مسويه حلف مع الذئابه من زمان بعدم التعرض لخرفان
الرابطه وهم الأن اصدقاء والدلليل الصوره اللي التقطنها
في نادي الرابطه وذلك يدل على عمق العلاقات بينهم


هاهاها ...
أحيك وسلمك :)

خوش صورة :)

أنا تبنيت الإسماك خلاص وبشكلها رابطة ..

مقر الرابطة راح يكون ديوانية الصيادين
شعار الرابطة (سمجة باليد خير من عشرة على الشجرة)
هدفنا أنشالله ترويج أكل اللحم الأبيض الخالي من الكلوسترول الصحي والخفيف، وتوعية المجتمع الكويتي بمضار أكل اللحم الأحمر.
اللوقو مالنا راح يكون صحن ذهبي وأمرقة زبيدي مع عيش أمحمر بالنص !

:p

[ناصرالدين]

هاهاها ...
أحيك وسلمك :)

خوش صورة :)

أنا تبنيت الإسماك خلاص وبشكلها رابطة ..

مقر الرابطة راح يكون ديوانية الصيادين
شعار الرابطة (سمجة باليد خير من عشرة على الشجرة)
هدفنا أنشالله ترويج أكل اللحم الأبيض الخالي من الكلوسترول الصحي والخفيف، وتوعية المجتمع الكويتي بمضار أكل اللحم الأحمر.
اللوقو مالنا راح يكون صحن ذهبي وأمرقة زبيدي مع عيش أمحمر بالنص !

:p

المفروض يكون شعارك ( سمجه باليد ولا خرفان بالشجره )

تسقط الخرفان مع رابطتها الدايخه ورئيسها الدايخ

على طاري الخرفان ... ماعندك توصيه طيبه يا المحلل وياليت ترفق الشارت مال الشركه ... تدري اخوك صار محلل محترف الحين

هل السوق يخوف الاسبوع هذا

[الحمد لله]

أشلك بالخرفان وريحتهم..

باجر لو يضرب سهم الإسماك يقولولك يا الهــــــــــامور !
لو يضرب سهم المواشي شقولولك يا الكبــــــــــش !

لا لا سهم مو موسيقي ومافيه برستيج كلش ..

يا معشر الخراف بدلوها بالإسماك...

وشوفلي حورية بحر لبنانية أبي سكرتيره حق الرابطة الشغل كثر على راسي؟

[مشاهد]

أشلك بالخرفان وريحتهم..

باجر لو يضرب سهم الإسماك يقولولك يا الهــــــــــامور !
لو يضرب سهم المواشي شقولولك يا الكبــــــــــش !

لا لا سهم مو موسيقي ومافيه برستيج كلش ..

يا معشر الخراف بدلوها بالإسماك...

وشوفلي حورية بحر لبنانية أبي سكرتيره حق الرابطة الشغل كثر على راسي؟

ههههههههههههههههههههههه

معزم علي الرابطة يا السمي

يالله انا احد اعضاء الجمعية العمومية يعني اصوت بس غير جذية لا:D

[omfouad]

لو يضرب سهم المواشي شقولولك يا الكبــــــــــش !

اهلا اهلا :o ما تقصر يا هامور المستقبل :p هذا وانا موصيتك بالعدال على الخرفان !! :)

[مشروع قراده]

السلام عليكم
صبحكم الله بالخير جميعا ،،،،

[omfouad]

وعليكم السلام وصباح النور مشروع كيف احوالك يا حضرة المحاسب :cool:
على فكره جمعية المحاسبين عندهم دورات حلوه مادري وصلوك بالبريد أو لأ !!:)

[مشروع قراده]

وعليكم السلام وصباح النور مشروع كيف احوالك يا حضرة المحاسب :cool:
على فكره جمعية المحاسبين عندهم دورات حلوه مادري وصلوك بالبريد أو لأ !!:)

هلا ام فؤاد ، الحمدلله بخير ونعمه .
الدورات لا ما شفتهم ، وحت المجله صارلهم فتره طويله ما دزوها لي :(
الدورات شنو ؟ ومنو الماحضرين ؟

[الحمد لله]

السلام عليكم
صبحكم الله بالخير جميعا ،،،،
صبحك الله بالورد





اهلا اهلا :o ما تقصر يا هامور المستقبل :p هذا وانا موصيتك بالعدال على الخرفان !! :)


راح ناكلكم أنا والرشيدي عضو حزب الزفر الأعظم.


سدافكو الله بالخير :)

[omfouad]

ما اذكر كنت ابيك تقول وصلتك عشان اسئلك لأني نسيتها في بيت ابي :( يعني تقدر تقول عليها السلام :p حتى انا ما توصلني المجله من زمان :eek: :rolleyes: !!!

لحظه في عندنا امل اخير ---> حضرة المحاسب القنوع وصلتك المعلومات عن الدورات بالبريد :confused:

[omfouad]

صبحك الله بالورد
راح ناكلكم أنا والرشيدي عضو حزب الزفر الأعظم.
سدافكو الله بالخير :)

يا ساتر :eek:

[قنوع]

ما اذكر كنت ابيك تقول وصلتك عشان اسئلك لأني نسيتها في بيت ابي :( يعني تقدر تقول عليها السلام :p حتى انا ما توصلني المجله من زمان :eek: :rolleyes: !!!

لحظه في عندنا امل اخير ---> حضرة المحاسب القنوع وصلتك المعلومات عن الدورات بالبريد :confused:



والله يا أم فؤاد ما وصلني شئ من الدورات ، بس وصلتني المجلة في رمضان اللي طاف .

[قنوع]

السلام عليكم

صبحكم الله بالخير جميعا .

الحمد لله والرشيدي حياكم الله في السوالف العامة .

[الحمد لله]

يا ساتر :eek:

بعد ما شفتي شي، راح ندفعكم "الجزيــــــة"ما لم تتوبوا وتدخلوا بسهمنا.
وراح تكون كالتالي:

على كل صاع أسهم مواشي (درزن أيام قبل) بسهم واحد أسماك حسب أقفال اليوم السابق.

لكم 3 أيام عشان تدخولون بسهمنا وتحت رايه حزب الزفر الأعظم، وإلاّ!!
وقد أعذر من أنذر!

[الحمد لله]

السلام عليكم

صبحكم الله بالخير جميعا .

الحمد لله والرشيدي حياكم الله في السوالف العامة .

صبحك الله بالورد، هلا أخوي :)

ومشكور على الترحيب :)

[omfouad]

بعد ما شفتي شي، راح ندفعكم "الجزيــــــة"ما لم تتوبوا وتدخلوا بسهمنا.
وراح تكون كالتالي:

على كل صاع أسهم مواشي (درزن أيام قبل) بسهم واحد أسماك حسب أقفال اليوم السابق.

لكم 3 أيام عشان تدخولون بسهمنا وتحت رايه حزب الزفر الأعظم، وإلاّ!!
وقد أعذر من أنذر!

تهديد ووعيد مباشره عقب العيد .. واضح ان بعدي ما شفت شي .. والدليل كلمة " بيان من الرئاسه " اختلستها مني بما اني اكررها بين وقت ووقت :( :p

هم وجودك بالموضوع يسعدنا يا الحمدلله .. بجم سهمكم عشان اشتريه واتفادى شركم :confused: :)

[الحمد لله]

تهديد ووعيد مباشره عقب العيد .. واضح ان بعدي ما شفت شي .. والدليل كلمة " بيان من الرئاسه " اختلستها مني بما اني اكررها بين وقت ووقت :( :p

هم وجودك بالموضوع يسعدنا يا الحمدلله .. بجم سهمكم عشان اشتريه واتفادى شركم :confused: :)


أنا قلت "رياسة" مو رئاسة :p
أول السوق 500 آخر السوق حد أعلا أنشالله ويمكن ما يعطونج (أنشالله) :)

[omfouad]

قصدك ان شاء الله ما يعطوني !!! :eek:
الحمدلله اشرايك تسأل عن نجرة الحيتان :p ترى حدها قشره صدقني ما تبي تناجر حوته :cool: .. لا تطفرني وبالعدال على القطيع والله يزيد الزفر ويعطوني ان شاء الله :) يوم سعيد للجميع وانا الحين بطلع .. صيروا عجّال بغيابي .. مابي شغب بالمملكه ;)

[ناصرالدين]

السلام عليكم

صباح الخير

[قنوع]

السلام عليكم

صباح الخير

وعليكم السلام وصبحك الله بالنور .

راح أسميك مطشر لآنك دائما تقول راح أطشركم .

[مشاهد]

صباح الخير علي الجميع

السمي شفيك طايح بالشباب ( والشابات ) تحرش من الحين

خلنا اول نشوف السوق وبعدين نتعاي معهم

يقولك الزبيدي مرتفع :D والاسماك بتحقق ارباح ووووووووووو

[الحمد لله]

السلام عليكم

صباح الخير


وعليكم السلام،
صباحك ورد


صباح الخير علي الجميع

السمي شفيك طايح بالشباب ( والشابات ) تحرش من الحين

خلنا اول نشوف السوق وبعدين نتعاي معهم

يقولك الزبيدي مرتفع :D والاسماك بتحقق ارباح ووووووووووو


السمي شسوي بعد أبيلهم الخير،

خلاص أنا بعلن هدنة ليمة آخر الدوام، خوفك يكسن فينا سوق السمج شفكنا من الشماته بعدين :)

--------

الله يهديه صعفق مطفـّي "الميآتر" على سهم العقاري :(

[omfouad]

الحمدلله --> الله يسلمك :)
الحين بطلع بس ييت ابلغ اني شريت اسماك ;) واذا ما ارتفعت هالاسبوع بوكل الخرفان سمج :p

[jreea]

السلام عليكم
شصاير شسالفه سمج وخرفان :confused:

ام فؤاد الاسماك شوفيها بالشارت مسويه علم وساريه وان شاء الله تكسر وتححق هدف الساريه :)

[ناصرالدين]

وعليكم السلام وصبحك الله بالنور .

راح أسميك مطشر لآنك دائما تقول راح أطشركم .


المطشراتي احسن


شلون السوق وياكم ... كويس والا مو كويس ...

[قنوع]

وعليكم السلام
حياك الله jreea

الظاهر الموضوع هذا راح يكون خاص في قطاع الأغذية .

ما صدقنا نخلص من خرفان المحلل وربعه ( jreea ومشروع وأم فؤاد .... ) ، جتنا أسماك ( زفرة ) الحمدلله والرشيدي .

ناصر ، مطشراتي على وزن مسحراتي .

نبي سهم حلو يا حلوين .

[مشروع قراده]

احم احم ، قنوع لا تحرش دير بالك :mad:

[قنوع]

((اللي يقول الصج يطقونه ))

مرعوب

[قنوع]

مبروك لملاك الخرفان ...









وردنا من مصادرنا في حفر الباطن عن إرتفاع أسعار الخرفان بعد المطر اللي نزل يوم الأربعاء ، كما إرتفعت أسعارها ( أي الخرفان ) في صفاة الشويخ .















مبروك لملاك الخرفان وليس لملاك سهم المواشي .

[omfouad]

مستر قنوع --> انا من زماااااااان مسميه ناصر الدين " مطشراتي " وقبله بويعقوب " الخفاش " رجاءا الحقوق محفوظه ماكو اهني made in china :p :)

الحمدلله من اول يوم خساير من الاسماك " يا عيني عليهم :mad: " حدهم cute :rolleyes:

[الحمد لله]

بما أن السوق يضيق الخلق ..

ممكن نفتح موضوع ثاني خارج نطاق البيت الأدعم -على وزن البيت الأبيض- .

ونصير مستثمرين طويلين الأجل !

:p

[الحمد لله]

مستر قنوع --> انا من زماااااااان مسميه ناصر الدين " مطشراتي " وقبله بويعقوب " الخفاش " رجاءا الحقوق محفوظه ماكو اهني made in china :p :)

الحمدلله من اول يوم خساير من الاسماك " يا عيني عليهم :mad: " حدهم cute :rolleyes:


بس أنا خياشيمي شابة علي وزعانفي ملتهبة ومالي خلق أسولف عن السوق .. :p

أشوف فيكم يوم يا أهل الصوف !

[omfouad]

على فكره انا ما انتمي للخرفان انا ولائي حوتي يعني بحريه اصليه ولكن بما اني مستثمره بالقطيع رجاءا ورجاءا ومن ثم هم رجاءا لا تتحرش وتطفر وبسك شغب ونغير الموضوع بما ان السوق مضيق خلق اخونا الحمدلله :cool: اللي خياشيمه مادري اشقال فيها :p

تفضلوا تطمشوا على هالطير اللي عقدني لين قدرت اصور ويهه :)

[الحمد لله]

خوش طير ذكرتني قبل بأفريخات الدياي الملونين الحمر والخضر والزرق، اللي ما يطولون يوم واحد بالبيت يا فاقصهم يا دايسهم، يا موكلهم فلفل يا مغطسهم بالماي !

أيام الطفولة البريئة :)

[omfouad]

:eek: I am GLAD you liked the bird :eek:

[قنوع]

ما اذكر كنت ابيك تقول وصلتك عشان اسئلك لأني نسيتها في بيت ابي :( يعني تقدر تقول عليها السلام :p حتى انا ما توصلني المجله من زمان :eek: :rolleyes: !!!

لحظه في عندنا امل اخير ---> حضرة المحاسب القنوع وصلتك المعلومات عن الدورات بالبريد :confused:


أم فؤاد واحد من الربع دق على جمعية المحاسبين ودزوا له الدورات على الفاكس وهذا رقمهم واحد إسمه مروان ( 4833990 ) .

[omfouad]

أم فؤاد واحد من الربع دق على جمعية المحاسبين ودزوا له الدورات على الفاكس وهذا رقمهم واحد إسمه مروان ( 4833990 ) .

THANK YOU :)

[قنوع]

THANK YOU :)



WELCOME

[omfouad]

ما قلتولي اشرايكم بالطير ؟ :)

[ابو وليد]

السلام عليكم
ومساكم الله بالخير جميعا
اخوي حمدالله مبروك على رابطة الاسماك ونتمنى لكم التوفيق
ونرجوا عدم التحرش بالخرفان وعدم تأزيم الوضع
والا سوف تدق طبول الحرب
اختي ام فؤاد الصور موراضيه تطلع عندي
(طلعت الصوره اخيرا خووووش طير مشاء الله )
الريس فين
ماشفناه اليوم عسى ماشر

[omfouad]

هلا بو وليد :cool:
حاول مره اخرى مع الصور اول ثلاث صور لعوزني فيهم :o

الريس كان موجود الفير --> اتوقع بعد الغزو من الهامور اللي بعده بالبيضه المحلل خرج ولم يعد :eek: :)

الحمدلله : من صجي اليوم شريت اسماك واذا ما ارتفعت هالاسبوع بنشطب جمعيتكم من الوجود ;)

مساء الخير على الجميع :)
ومساء الخير مشروع قراده شفتك توك داش الموضوع :p

[المحلل المجتهد]

السلام عليكم ومساكم الله بالخير .. ترى وصلت :eek:

[مشروع قراده]

السلام عليكم ومساكم الله بالخير .. ترى وصلت :eek:
عليكم السلام
ومساك الله بالنور ، الظاهر متواعدين انا معاك على الدشه :p
ها بشر شلون الامتحان ؟ عسى بس دراسة السطح جابت نتيجه :D

[المحلل المجتهد]

شنو هذا قالبين الديوانية زفر وسمج يبه اهني محد يتكلم الا عن الخرفان :mad: ... ثاني شي شنو هالخيانات يا ام فؤاد اخرتج حولتي على السمج ماشي :eek: :mad: :mad: :mad: :mad:

[المحلل المجتهد]

عليكم السلام
ومساك الله بالنور ، الظاهر متواعدين انا معاك على الدشه :p
ها بشر شلون الامتحان ؟ عسى بس دراسة السطح جابت نتيجه :D

الله يستر من النتيجة انفجر مخي توني خالص الاختبار الساعة 8 ونص بالليل هللللللكت :( ... طمني على خرفاني .. وشنو هالحجي حاشين بخرفاني واماسسين رابطة حق السمج :mad: :mad: :mad: :mad: :mad: :mad: :mad:

[مشروع قراده]

ام فؤاد صج مراقبه :p
عسى دورات جمعية المحاسبين تسوى ؟ :cool:

[المحلل المجتهد]

السلام عليكم
ومساكم الله بالخير جميعا
اخوي حمدالله مبروك على رابطة الاسماك ونتمنى لكم التوفيق
ونرجوا عدم التحرش بالخرفان وعدم تأزيم الوضع
والا سوف تدق طبول الحرب
اختي ام فؤاد الصور موراضيه تطلع عندي
(طلعت الصوره اخيرا خووووش طير مشاء الله )
الريس فين
ماشفناه اليوم عسى ماشر

هلا بو وليد كاني والله كنت مشغول هاليومين :o .. باجر بفرحكم بالخرفان بتفرغ لهم وخل اتفيدهم الاسماك :mad:

[الحمد لله]

هلا بو وليد :cool:
حاول مره اخرى مع الصور اول ثلاث صور لعوزني فيهم :o

الريس كان موجود الفير --> اتوقع بعد الغزو من الهامور اللي بعده بالبيضه المحلل خرج ولم يعد :eek: :)

الحمدلله : من صجي اليوم شريت اسماك واذا ما ارتفعت هالاسبوع بنشطب جمعيتكم من الوجود ;)

مساء الخير على الجميع :)
ومساء الخير مشروع قراده شفتك توك داش الموضوع :p


أكتشف أجهزت الأمن القومي في مدينية الزفر الديمقراطية الشعبية عن وجود متسللين من جماعة أصولية متطرفه تطلع على نفسها أسم (الخــــراف الحمــــر)، قاموا صباح اليوم بشراء كميات من أسهم سمكتنا الحبيبة بهدف البيع بالنازل وتشويه صورة سمكتنا المعظمة، وقد أعترفت عضوة الجناح العسكري في الجماعة الملقبة بأم فؤاد بهذا الجرم المشهود أما شاشات التلفاز بعد أعتقالها واستجوابها.
وقد أصدر رئيس رابطة الأسماك وريئس بلدية مدينة الزفر الديمقراطية الشعبية سعادة/ الحمد الله حفظة الله بعد التشاور مع وزير التجارة والصناعة بالمدينة معالي السيد/ صعفق بن هامور، أن يتم استرجاع كافة كمية الأسهم إلى الخزينة المركزية وسجن المتهة مده 10 سنوات بتهمة التلاعب باقتصاد البلد.

أصدر وصدق بتاريخه
19 نقرور 1203الموافق 20 نوفمبر2005

[omfouad]

ام فؤاد صج مراقبه :p
عسى دورات جمعية المحاسبين تسوى ؟ :cool:

انا احب الدورات عموما وترى قنوع حط رقم تليفون الجمعيه ومشاركته بالصفحه اللي قبل هذه .. دق عليهم وشوف اي دوره من دوراتهم تناسبك اسعار الدورات " 200 دينار للدوره "يبدون من اليوم الى شهر ابريل اظن :)

المحلل خرفاني ما جستهم ويمكن قطيعي اكبر من قطيعك ولكن لتفادي شر الحمدلله شريت اسماك قام اخينا حكم علي ب 10 سنوات سجن .. الله على الظالم :( هم خسرت بالسهم وهم انسجنت .. الحمدلله شكلي بشطب عضويتك عن قريب وافتك من شرك ;) :p

[بو يعقوب]

صبـــــــــــاح الخير

وسلامي للجمــــــيـــــــــــــــــع

الله يحييج يا ام فؤاد وتسلمين على هالضياااافة :)

انا بصراحة اول مرة اشارك واستمتعت عند قراءتي للموضوع

لكن مع الأسف :o ما املك لا في الاسماك ولا في المواااشي

يعطيكم العاااافية وشكرا للجميع

أخوكم بو يعقوب

[omfouad]

صبحكم الله بالخير جميعا :)


ان شالله نجتمع في هالديوانية على الخير والسوالف الطيبة

عاااااد هالله هالله بالسوالف اللي عروقها بالماااي (بدون حــــش ;) )

عالعموم الشكر الجزيل للأخ المحلل المجتهد على هالجمعة الحلوة

والشكر كذلك للأخت ام فؤاد على تثبيت مقر الجميع :)


تحياتي للجميع من اخوكم بو يعقوب
اذا اول مشاركه لك كانت بصفحه 9 من الموضوع بتاريخ 6\8\2005 اكيد بتكون ناسي انك شاركت يا الخفاش :) ما بغيت تزورنا :rolleyes: عموما مو شرط تملك بالزفر او القطيع واعتبرنا كلنا بعد ما نملك فيهم :eek: :p وخلك ويانا بالموضوع لو سمحت :cool:

[المحلل المجتهد]

السلام عليكم وصبحكم الله بالخير ... قاعد من الصبح قاعد الييق خرفاني حق اليوم شوفوا شنو بسوي فيهم اي واضح ام فؤاد انقلاب 180 درجة لازم تستقيلين من الرابطة أعدائنا السمج والدواجن :mad: :mad: ... مبروك الفوز يا برشلونة والله انكم رياييل وفرحتوا قلبي :) .. مشروع وبووليد يبيله فره بالهيلوكبتر بعدل نفسيتي بعد الاختبارات :o ومرة وحده انصعد الخرفان واحنا بالجو :rolleyes: ... هلا بو يعقوب عاش من شافك ما بغيت اتمرنا :cool: ادري فيك ميولك خرفاني ولا اتحب الزفر صح :eek: :p

[omfouad]

نجره نجره نجره الصبح نجره والظهر وبكل وقت :mad: ازّمتوني نفسيا وتلفتوا اعصابي .. زميلي المراقب ان شاء الله تكون قدمت زين بامتحانك وعفيه على الشاطر سو الواجب اللي عطيتك اياه وشكرا من ماما :p وعلى طاري الاستقاله من الرابطه --> لا بأحلامك ولا بأوهامك ابدا ابدا كلا كلا موووو اجل اجل .. واضح ؟
بس اذا بتستمرون على موال التطفر والنجره بضرب على هالموضوع واستقيل منه واسلم على بقايا اعصاب الحيتان اللي مثل ما انتوا عارفين على كف عفريت 24\7 :(

[الحمد لله]

صبـــــــــــاح الخير

وسلامي للجمــــــيـــــــــــــــــع

الله يحييج يا ام فؤاد وتسلمين على هالضياااافة :)

انا بصراحة اول مرة اشارك واستمتعت عند قراءتي للموضوع

لكن مع الأسف :o ما املك لا في الاسماك ولا في المواااشي

يعطيكم العاااافية وشكرا للجميع

أخوكم بو يعقوب


صبحك الله بالورد ..
ما عندنا إلا حلالك ..
سوق السمج نوّر :)
أشرايكم فيني وانا أوسع قاعديتي :p

[قنوع]

السلام عليكم

صبحكم الله بالخير

مبروك يا المحلل على فوز البارشا ( برشلونة ) على ريال مدريد 3/صفر .

[ناصرالدين]

السلام عليكم

صباح الخير

حيالله بويعقوب .. شلونكم

بويعقوب انت مثلي من رابطه عدم الانحياز ... لا للزفر ولا للخرفان

المحلل شفت المباراه ... مثلك ... صج برد قلبي رونالدنيهو وميسي وايتو بعد

سلملي على كاظمه

[الحمد لله]

السلام عليكم

صباح الخير

حيالله بويعقوب .. شلونكم

بويعقوب انت مثلي من رابطه عدم الانحياز ... لا للزفر ولا للخرفان

المحلل شفت المباراه ... مثلك ... صج برد قلبي رونالدنيهو وميسي وايتو بعد

سلملي على كاظمه

وعليكم السلام

ولو أن مالي بالكرة ...

بس عندي خوش كلبيب يديد حق رونالدينو .. على إيميلي ..

تبيه؟

[قنوع]

السلام عليكم

صباح الخير

حيالله بويعقوب .. شلونكم

بويعقوب انت مثلي من رابطه عدم الانحياز ... لا للزفر ولا للخرفان

المحلل شفت المباراه ... مثلك ... صج برد قلبي رونالدنيهو وميسي وايتو بعد

سلملي على كاظمه

وعليكم السلام

حياكم الله بو يعقوب وناصر الدين .

وأنا بعد وياكم في رابطة عدم الإنحياز .

[ابو وليد]

السلام عليكم
وصبحكم الله بالخير جميعا بدون استثناء
شلونكم اليوم
يجماعه تراني مالي بالكوره ولا احبها
واذا اجبروني الشباب وشفت مباره الفريق الي اشجعه يخسر
مثل المنتخب ماعمري شفتله مباره وفاز

[مشروع قراده]

السلام عليكم
وصبحكم الله بالخير جميعا ،،،
المحلل الهيلوكبتر جاهزه :D
ام فؤاد مشكوره على الافاده .
و باجي الاعضاء برابطة الخرفان والرابطه المستجده ومجموعة عدم الانحياز اقول ترا اللي ماله اول ماله تالي :p
شعــــــــــــــــــــارنــــــــــــــا : يعيش الخروف ولا للزفر

[ابو وليد]

يعش يعش يعش
لاللزفر لاللزفر

[الحمد لله]

عصيان مدني !
:eek:

وين شرطة مكافحة الشغب ؟

-----------------

على طاري الشرطة .. يا جماعة مو حاسين أن أخوانا المصاروه ملوت الأمن اللي واقفين على باب البورصة يعني أمن مو قاعدين يسون شي، وهذا شي غلط، يعني تدش يصفر الجهاز ما يصفر شايل جنطة، حاط بمخباتك دبابة، لابس أعقال ناسف، محد يدري عنك.


الله يحفضنا أنشالله ..
:(

[ابو وليد]

خلها على الله
اخوي حمد الله

[ناصرالدين]

وعليكم السلام

ولو أن مالي بالكرة ...

بس عندي خوش كلبيب يديد حق رونالدينو .. على إيميلي ..

تبيه؟


ايه والله يا ليت تتطشره على ايميلي

quthom3@hotmail.com


مشكوووووووووور مقدما

يعيش الزفر مؤقتا ... لحين استقبالنا الايميل الموقر

[المحلل المجتهد]

صبحك الله بالورد ..
ما عندنا إلا حلالك ..
سوق السمج نوّر :)
أشرايكم فيني وانا أوسع قاعديتي :p

ممنوع الزفر :mad: :mad: :mad: :mad:

[المحلل المجتهد]

السلام عليكم

صبحكم الله بالخير

مبروك يا المحلل على فوز البارشا ( برشلونة ) على ريال مدريد 3/صفر .
وعليكم السلام .... رييااييل فعلا بردوا جبدي رونالدينهو لك خروف من الرابطة واسهم منحة :p :D وفره بالهيلوكبتر :D

[المحلل المجتهد]

السلام عليكم

صباح الخير

حيالله بويعقوب .. شلونكم

بويعقوب انت مثلي من رابطه عدم الانحياز ... لا للزفر ولا للخرفان

المحلل شفت المباراه ... مثلك ... صج برد قلبي رونالدنيهو وميسي وايتو بعد

سلملي على كاظمه

انضبطك حاضرين :cool: رييايييييييييييييييييل :rolleyes: ريال صار ما يسوى اريال :)

[المحلل المجتهد]

السلام عليكم
وصبحكم الله بالخير جميعا بدون استثناء
شلونكم اليوم
يجماعه تراني مالي بالكوره ولا احبها
واذا اجبروني الشباب وشفت مباره الفريق الي اشجعه يخسر
مثل المنتخب ماعمري شفتله مباره وفاز

وعليكم السلام بو وليد هلا وغلا لالا يا بو وليد لازم اتحب الكرة علشان الريس رياضي حتى النخاع :) يلا زهبتوا الماجله يبيله فره بالهيلوكبتر يا بو وليد ومشروع قراده وماني احد عندنا شغل مع الخروف :p :D

[المحلل المجتهد]

السلام عليكم
وصبحكم الله بالخير جميعا ،،،
المحلل الهيلوكبتر جاهزه :D
ام فؤاد مشكوره على الافاده .
و باجي الاعضاء برابطة الخرفان والرابطه المستجده ومجموعة عدم الانحياز اقول ترا اللي ماله اول ماله تالي :p
شعــــــــــــــــــــارنــــــــــــــا : يعيش الخروف ولا للزفر

البقاء للأقوى نطحة وحده من الخرفان اتطير الزفر

شعارنا إلا خروفي :p :D

سرى الليل يلا مشينا :p

[ابو وليد]

هلا بالريس الماجله زاهبه
قهوه عربيه وشاى وحليب ونسكافيه وقوه امريكيه
وكلن على حسب اللي يحبه

[المحلل المجتهد]

هلا بالريس الماجله زاهبه
قهوه عربيه وشاى وحليب ونسكافيه وقوه امريكيه
وكلن على حسب اللي يحبه

يبت قهوة فرنسية لأنه مشروع يحبها :cool:

[ابو وليد]

جميع انوع القهوه موجوده
واللي مو موجود نروح ونجيبه

[مشروع قراده]

يالله يالمحلل وبو وليد اركبو واربطوا حزام الامان :d

[المحلل المجتهد]

بسم الله الرحمن الرحيم .. ما اوصيييك اشوي اشوي علينا ترى اخاف من المطبات الهوائية :p :D بسرعة طير لا يتلصقون فينا نبيها محفوفة :D

[قنوع]

يالله يالمحلل وبو وليد اركبو واربطوا حزام الامان :d

حزام الأمان ولا حزام الخرفان .

لا تنسون دعاء الركوب .

الله يحفظكم .

[المحلل المجتهد]

حزام الأمان ولا حزام الخرفان .

لا تنسون دعاء الركوب .

الله يحفظكم .

ادري محتر وودك اتيي بس ما كسرت خاطرنا :p :D

[ابو وليد]

تعلن الخطوط الجويه قراده
عن اقلاع رحلتها
الرجاء من الركاب ربط الاحزمه
وأقفال الهواتف النقاله او تحويها الى الصامت لعدم ازعاج الكابتن
وشكرا

[المحلل المجتهد]

تعلن الخطوط الجويه قراده
عن اقلاع رحلتها
الرجاء من الركاب ربط الاحزمه
وأقفال الهواتف النقاله او تحويها الى الصامت لعدم ازعاج الكابتن
وشكرا

كل شي مصكوك وتوكل على الله رافقتنا السلامة في الحل والترحال :p :D

[قنوع]

ادري محتر وودك اتيي بس ما كسرت خاطرنا :p :D


زين وإذا شريت المجموعة الذهبية ( المواشي ) ، أقدر أركب معاكم حتى لو على المروحة .

[ابو وليد]

توكلنا على الله

[المحلل المجتهد]

زين وإذا شريت المجموعة الذهبية ( المواشي ) ، أقدر أركب معاكم حتى لو على المروحة .

لالالالا اتحاول لازم اتمر على عضويتك 4 اشهر على الاقل :cool: وموافقة جميع الاعضاء خصوصا الريس :rolleyes:

[المحلل المجتهد]

توكلنا على الله

على بركة الله

[قنوع]

لالالالا اتحاول لازم اتمر على عضويتك 4 اشهر على الاقل :cool: وموافقة جميع الاعضاء خصوصا الريس :rolleyes:

سعادة الريس ، لا تصير عنيد طال عمرك .

آخر مرة وما راح أعودها .

[المحلل المجتهد]

سعادة الريس ، لا تصير عنيد طال عمرك .

آخر مرة وما راح أعودها .
لي تجارب سابقة معاك وسبق انك خنت الرابطة :eek: .. لالالا اتحاول :rolleyes:

[قنوع]

أبو وليد ومشروع ما عليكم أمر توسطوا لي عند الريس ، ما أدري إشفيه علي .

[المحلل المجتهد]

http://www.almtr.com/

[blue]

السلام عليكم وصباح الخير وشلونكم وشخباركم

[قنوع]

السلام عليكم وصباح الخير وشلونكم وشخباركم

وعليكم السلام .

صبحك الله بالنور ، وين هالغيبة ؟

[blue]

اي والله غيبه
والله فقدتكم وخاصة سهمكم التعبان المواشي ..... وينك يالمحلل احس المفروض تغير اسم عايلتك الى المواشي شرايك

[ناصرالدين]

http://www.almtr.com/


جزاكم الله خير ... عندي الموقع ... مره طالع من المسجد ولقيت كاتبين الموقع على باب المسجد

بس ترى صوته بالطيبعه احلى

[المحلل المجتهد]

السلام عليكم وصباح الخير وشلونكم وشخباركم

وعليكم السلام .. صبحج الله بالنور ... بخير الله يسلمج يالقاطعة انتي اشلونج :rolleyes:

[ناصرالدين]

اي والله غيبه
والله فقدتكم وخاصة سهمكم التعبان المواشي ..... وينك يالمحلل احس المفروض تغير اسم عايلتك الى المواشي شرايك


هههههههههههههههههههههههههههههههههههههههههههههههههه هههه

[المحلل المجتهد]

اي والله غيبه
والله فقدتكم وخاصة سهمكم التعبان المواشي ..... وينك يالمحلل احس المفروض تغير اسم عايلتك الى المواشي شرايك
اصلا يمشي بعروقي هالخروف وارد واقول
إلا خروفي :o

[المحلل المجتهد]

هههههههههههههههههههههههههههههههههههههههههههههههههه هههه

تضحك :eek: :rolleyes: .. سوف نرى من سوف يضحك بالاخير وعطه دوسه يا بووليد خل نفتر اشوي بالهيلوكبتر ;)

[مشروع قراده]

بو وليد ما عليك أمر نبي صوب البحر شويه خل الخرفان اللي بالدبه يطلون على الزفر من فووووووق :d

[المحلل المجتهد]

بو وليد ما عليك أمر نبي صوب البحر شويه خل الخرفان اللي بالدبه يطلون على الزفر من فووووووق :d

هاهاهاهاهاهاهاهاها :p :D :D :D والله انك اتعجبني ;)

[مشروع قراده]

حاضرين للطيبين :cool:

[قنوع]

بو وليد ما عليك أمر نبي صوب البحر شويه خل الخرفان اللي بالدبه يطلون على الزفر من فووووووق :d

صبحك الله بالخير مشروع ، توسط لي عند المحلل علشان أركب معاكم بالهيلوكبتر ، الريس مو راد علي بالمرة ، مع إني أشجع برشلونة ، وأحب الخرفان خصوصا مع هالجو البديع .

[المحلل المجتهد]

حاضرين للطيبين :cool:

لا تنسى اتصكر الجام :D

[blue]

انتوا ليلحين مابعتولي الهلوكبتر ترى ابيها
الزحمة ماخلصت ولا راح تخلص بالكويت وانا الصراحة خايفة على ضغطي لايرتفع من النرفزة اليومية بالشارع
ف....يبيله هلكوبتر

[مشروع قراده]

ان شاء الله ابشر ، بس ها دير بالك كلش عاد إلا الخروف :d
المحلل طالبك قول : تم
--------- إلا خروفــــــــــــــي ---------

[المحلل المجتهد]

ان شاء الله ابشر ، بس ها دير بالك كلش ولا الخروف :d
المحلل طالبك قول : تم

--------- إلا خروفــــــــــــــي ---------




مشروع صكر الجام ترى برد
:D

[مشروع قراده]

مشروع صكر الجام ترى برد
:D
يا ابن الحلال ما يتعودها مره ثانيه :p
بصكر الجام بس قول تم :D

[المحلل المجتهد]

يا ابن الحلال ما يتعودها مره ثانيه :p
بصكر الجام بس قول تم :D

تعال امسوي لك قهوة فرنسية من اللي يحبها قلبك :p ... شنو يعني تم :p :D

[مشروع قراده]

تم يعني خلاص طاح الحطب
شفت قنوع الريس شلون قلبه كبير ؟ يالله اركب حياك :p

[قنوع]

يا ابن الحلال ما يتعودها مره ثانيه :p
بصكر الجام بس قول تم :D

مشروع ما قصرت ورايتك بيضاء ، بس الريس ما صرح بالشئ هذا ، وأنا عندي عزة نفس .

هين يا المحلل العزوبي :mad: :mad: ، راح أشتري هيلوكبتر جديدة ، وما راح أخلي أحد يركب معاي إلا أعداء الخرفان ، وصديقي اللدود مشروع . :) :)

ويا رب الأرجنتين تطلع من الدور الأول من كاس العالم .

[المحلل المجتهد]

مشروع ما قصرت ورايتك بيضاء ، بس الريس ما صرح بالشئ هذا ، وأنا عندي عزة نفس .

هين يا المحلل العزوبي :mad: :mad: ، راح أشتري هيلوكبتر جديدة ، وما راح أخلي أحد يركب معاي إلا أعداء الخرفان ، وصديقي اللدود مشروع . :) :)

ويا رب الأرجنتين تطلع من الدور الأول من كاس العالم .

مشكور :) وثانيا روح دور لك هيلوكبتر الوكالة محتكرة عندي وثانيا ما راح يدخلونها الجمارك لاني رابح قضية احتكار .. ;)

[المحلل المجتهد]

اشرايك بالدعم مشروع انفع رئيس الرابطة والا ما انفع :cool: .. اللحين منو الانفع وقت المحن والنزول الكبير ماشاء الله تبارك الرحمن .. المواشي والا الزفز :eek: :rolleyes:

[ناصرالدين]

السلام عليكم

انت للحين تدرس يا المحلل ...

بما اني اصبحت محلل مبتدئ من اليوم ... راح اضبطكم

اول تحليل لي راح يكون مؤشر السوق ... حدي قوي

نلاحظ وجود ثلاث شمعات تشاؤميه في اخر ثلاث ايام للمؤشر ...

الشمعه الاولى والثالثه تسمى hammer ( المطرقه ) ووجودها في top ولونها اسود ( ياخرابي ) تسمى الرجل المشنوق ... 80% الى 90 % نزول

وبينهم شمعه doji ( الصليب ) واذا طلعت في top والمؤشر نازل ==> تشاؤم

يعني وين مانطقها عويه ...

المتوسط (اذا كبرت الصوره ) جنه قطع معلم الشورما الماكد ( اللون الادعم ) ... يعني اشاره بيع

http://img240.imageshack.us/img240/1096/10nn.jpg


بالنسبه للشارت الاسبوعي للمؤشر

نلاحظ وجود شمعه سوده منذ 4 شهور تقريبا


http://img496.imageshack.us/img496/6845/12cu.jpg



ملاحظه مايطرح من قبلي هو اجتهاد محض ... يقبل النقد ( ياويله اللي يشخط فيني ) ... هذا اللي شفته من التحليل الفني ... ديربالكم التحليل الفني مووووووو قرآن كريم


شكلي بعد جم يوم بصك على بومشاري



بتاريخ 17/11 يوم الجمعه

[ناصرالدين]

السوق اليوم حده متطشر تطشير

[مشروع قراده]

اشرايك بالدعم مشروع انفع رئيس الرابطة والا ما انفع :cool: .. اللحين منو الانفع وقت المحن والنزول الكبير ماشاء الله تبارك الرحمن .. المواشي والا الزفز :eek: :rolleyes:
شلون ماتنفع ياريس ؟
طبعا اكيد ينفع الدعم وبين اليوم عقب هالنزول وان شاء الله يرتد للاعلى مع ارتداد السوق

[المحلل المجتهد]

شلون ماتنفع ياريس ؟
طبعا اكيد ينفع الدعم وبين اليوم عقب هالنزول وان شاء الله يرتد للاعلى مع ارتداد السوق
ان شاء الله ..... ناصر السوق ابو التشاؤم من شمعة الرجل المشنوق على قولتك :)

:) إلا خروفي :)

[ناصرالدين]

ان شاء الله ..... ناصر السوق ابو التشاؤم من شمعة الرجل المشنوق على قولتك :)



:) إلا خروفي :)



وين راحوا الزفر

خروفك مال خنق ... السوق صاعد السوق نازل خروفك مكانك راوح

بس اقول شرايك باجر ناخذ اعيان على الدعم ... ماتسوى

[المحلل المجتهد]

وين راحوا الزفر

خروفك مال خنق ... السوق صاعد السوق نازل خروفك مكانك راوح

بس اقول شرايك باجر ناخذ اعيان على الدعم ... ماتسوى

قاطين اخيوطهم ماكو نابر :eek: ...
اموت على هالبدليات خنق مرة وحدة :D :D :D سجل يا مشروع واشهد يا تاريخ
خنق

[مشروع قراده]

قاطين اخيوطهم ماكو نابر :eek: ...
اموت على هالبدليات خنق مرة وحدة :D :D :D سجل يا مشروع واشهد يا تاريخ
خنق

تم قبول النداء :D :D :D

[المحلل المجتهد]

تم قبول النداء :D :D :D

:D

[المحلل المجتهد]

اعيان اكويسه وارخيصه زينه ترى اعيان وحلوه على الدعم ;)

[ناصرالدين]

المحلل المجتهد بما اني محلل محترف ياليت توضحلي بالرسم شلون اقدر اطلع القاب ( الفجوه )

بالميتا ستوك طبعا ... هل هناك داله معينه تطلعلي القاب والا بمجرد النظر

هل التيكرتشارت يطلع القاب والا لأ

[قنوع]

اشرايك بالدعم مشروع انفع رئيس الرابطة والا ما انفع :cool: .. اللحين منو الانفع وقت المحن والنزول الكبير ماشاء الله تبارك الرحمن .. المواشي والا الزفز :eek: :rolleyes:

لا وأنت الصاج الكويتي أنفع .

ههههههههههههههههههههه

[المحلل المجتهد]

المحلل المجتهد بما اني محلل محترف ياليت توضحلي بالرسم شلون اقدر اطلع القاب ( الفجوه )

بالميتا ستوك طبعا ... هل هناك داله معينه تطلعلي القاب والا بمجرد النظر

هل التيكرتشارت يطلع القاب والا لأ

انا مجتهد وحالي حالكم لا محترف ولا بطيخ .. بالنسبة للفجوات بالغالب التيكر تشارت ما يطلعه بس مرات يطلعه القاب عبارة عن فراغ سعري يعني اتشوف فجوة اكبيرة بين الشمعتين مثال بحط لك رابط التجارية العقارية فيها قاب واضح وحللته على اساس القاب وحقق الهدف 100% لانه راح صكر القاب بالصعود والعكس صحيح اذا كان صاعد وترك تحته قاب لازم او بالاحرى بالغالب ينزل يصكرها اتمنى اوضحت الصورة :rolleyes:
http://66.46.183.12/stock/showthread.php?t=7159&page=13

[ناصرالدين]

انا مجتهد وحالي حالكم لا محترف ولا بطيخ .. بالنسبة للفجوات بالغالب التيكر تشارت ما يطلعه بس مرات يطلعه القاب عبارة عن فراغ سعري يعني اتشوف فجوة اكبيرة بين الشمعتين مثال بحط لك رابط التجارية العقارية فيها قاب واضح وحللته على اساس القاب وحقق الهدف 100% لانه راح صكر القاب بالصعود والعكس صحيح اذا كان صاعد وترك تحته قاب لازم او بالاحرى بالغالب ينزل يصكرها اتمنى اوضحت الصورة :rolleyes:
.. ثواني واشوف لك الرابط


جزاكم الله خير

بس رد على الجمله اللي انا كاتبها ... انا محلل محترف مو انت ... بس لازم نتواضع

[الهاتف]

السلام عليكم ممكن اشارك معاكم واكون اخ لكم

[قنوع]

السلام عليكم ممكن اشارك معاكم واكون اخ لكم

وعليكم السلام ، حياك الله يا الهاتف .

أنت تقول ممكن أشارك معاكم ، وأنا أقول لازم تشارك معانا وبمعنى أصح معاي ضد عصابة الخرفان الدايخة ، وأنا راح أنزل فيلم جديد بالإسم هذا بطولة المحلل وإخراج مشروع قرادة وإنتاج أبو وليد .

أخوك أبو مطلق .

[المحلل المجتهد]

جزاكم الله خير

بس رد على الجمله اللي انا كاتبها ... انا محلل محترف مو انت ... بس لازم نتواضع

اوكي انت المحترف انا اشدراني ما قريتها عدل اعذرني دايخ :confused: انا استاذن اللحين نشوفكم على خير

[المحلل المجتهد]

السلام عليكم ممكن اشارك معاكم واكون اخ لكم

وعليكم السلام اخي الكريم وهذي الساعة المباركة ممكنين حياك الله :)

[omfouad]

السلام عليكم ممكن اشارك معاكم واكون اخ لكم

حياك الله بين اخوانك وخواتك يا الهاتف في هذا الموضوع وبالمملكه بكبرها :)

المحلل المجتهد بما اني دُعيت من قِبل بووليد لركوب الهليكوبتر واعتذرت .. رجاءا تقبلون قنوع يركب بمكاني :rolleyes: وكلك ذوق يا زميلي المراقب .. ادري ماراح تردني :)

[الحمد لله]

كوني توني راد من الدوام وراسي صاكني ومالي خلق نفسي وفوق هذا ما قدرت أتابع السوق نهائياً ..
وقلت خل أشوف السوق الحين !
:eek:

وشفته وصكني راسي زود .. ليش جذي شنو صار .. منو مات ليش السوق حمر !

[ناصرالدين]

كوني توني راد من الدوام وراسي صاكني ومالي خلق نفسي وفوق هذا ما قدرت أتابع السوق نهائياً ..
وقلت خل أشوف السوق الحين !
:eek:

وشفته وصكني راسي زود .. ليش جذي شنو صار .. منو مات ليش السوق حمر !


السوق من حمر بس ... السوق متطشر تطشير

تصدق نفسك مالي خلق اليوم كلش

صارلي يمكن شهرين او اكثر وانا اسمع ان الخرفان حد اعلى ... ولا مره صاروا +30

تسقط الخرفان الدايخه ومعاهم الزفر الدايخ

شكله الزفر راح يصك على الخرفان بالدوخان

[الحمد لله]

على طاري الخرفان:

اليوم قاعد باجتماع وكان موجود ممثل عن الـهـيـئـة الـعـامــة للاســتثمـار وتكموا عن المواشي بس أذا الماوس مال الكي بورد نطق، انا بنطق وبقول شنو قال !

أنا وراكم والزمن طويل !


الله ثم الأسماك ثم الأمير

[ابو وليد]

السلام عليكم ممكن اشارك معاكم واكون اخ لكم
الساعه المبارك اللي تشاركنا فيها
ورابطة الخرفان ترحب فيك
وحياك الله ويانا بالمملكه

[الحمد لله]

السلام عليكم ممكن اشارك معاكم واكون اخ لكم

الساعة المباركة يزيدنا شرف :)

[jreea]

السلام عليكم ورحمة الله وبركاته ،،،

مشاء الله تبارك الرحمن جنه زادوا الزوار اهنيه على هذا الموضوع ،،،

المحلل الحق حط دعيات عن المواشي قبل لا يصفون مع رابطه الاسماك :cool:

بما أني عضو في رابطه الخرفان اقول عن نفسي وبصفتي الناطق الغير رسمي عن الشركه
اقول :

تبي يطلعلك شيب
تبي تبي يصير فيك خاز باز
تبي يصير فيك ضغط وسكر
تبي يطلعلك قرون
تبي تمشي بالشارع واتكلم نفسك

سارع الآن واخذ المواشي ،،،،، خدوها ،،،،،، بالله عليكم تاخدونها ،،، خدوها آخرها أطيبها :D

مع تحيات
جريئ
عضو رابطه الخرفان
رئيس حزب المعارضه داخل الرابطه الخرفانيه :)

[ابو وليد]

السلام عليكم
ومساكم الله بالخير جميعا
السوق حده يضيق الخلق
بس الحمدالله الخرفان ماسكه نفسها
ومنها للأعلى ان شاء الله

[المحلل المجتهد]

السوق من حمر بس ... السوق متطشر تطشير

تصدق نفسك مالي خلق اليوم كلش

صارلي يمكن شهرين او اكثر وانا اسمع ان الخرفان حد اعلى ... ولا مره صاروا +30

تسقط الخرفان الدايخه ومعاهم الزفر الدايخ

شكله الزفر راح يصك على الخرفان بالدوخان

للحين تتحرش .. ماشي انا اوريك يالمحترف :11:

[المحلل المجتهد]

مشروع قراده انت شنو كل ما ادش اتدش بالضبط :eek: شنو هالتوافق .. عندي لك سؤال اتعرف عبد السلام النابلسي :cool: :rolleyes: ;)

[المحلل المجتهد]

على طاري الخرفان:

اليوم قاعد باجتماع وكان موجود ممثل عن الـهـيـئـة الـعـامــة للاســتثمـار وتكموا عن المواشي بس أذا الماوس مال الكي بورد نطق، انا بنطق وبقول شنو قال !

أنا وراكم والزمن طويل !



الله ثم الأسماك ثم الأمير


شنو قالوا يالزفر :cool: :eek: :astonishe

[المحلل المجتهد]

السلام عليكم ورحمة الله وبركاته ،،،

مشاء الله تبارك الرحمن جنه زادوا الزوار اهنيه على هذا الموضوع ،،،

المحلل الحق حط دعيات عن المواشي قبل لا يصفون مع رابطه الاسماك :cool:

بما أني عضو في رابطه الخرفان اقول عن نفسي وبصفتي الناطق الغير رسمي عن الشركه
اقول :

تبي يطلعلك شيب
تبي تبي يصير فيك خاز باز
تبي يصير فيك ضغط وسكر
تبي يطلعلك قرون
تبي تمشي بالشارع واتكلم نفسك

سارع الآن واخذ المواشي ،،،،، خدوها ،،،،،، بالله عليكم تاخدونها ،،، خدوها آخرها أطيبها :D

مع تحيات
جريئ
عضو رابطه الخرفان
رئيس حزب المعارضه داخل الرابطه الخرفانيه :)

الرابطة اساسها قوي ومادام موجود بو وليد ومشروع قراده بتظل الرابطة قوية إلى الابد وتعيش رابطة الخرفان ويا جبل ما يهزك ريح :rolleyes: ان ما خليتك اتقول بسنا افلوس يا سعد ما اطلع المحلل بإذن واحد احد :sunglasse

[المحلل المجتهد]

حياك الله بين اخوانك وخواتك يا الهاتف في هذا الموضوع وبالمملكه بكبرها :)

المحلل المجتهد بما اني دُعيت من قِبل بووليد لركوب الهليكوبتر واعتذرت .. رجاءا تقبلون قنوع يركب بمكاني :rolleyes: وكلك ذوق يا زميلي المراقب .. ادري ماراح تردني :)


للأسف ما اقدر اخذ مكانج واحد ثاني :cool: :rolleyes:

[مشروع قراده]

مشروع قراده انت شنو كل ما ادش اتدش بالضبط :eek: شنو هالتوافق .. عندي لك سؤال اتعرف عبد السلام النابلسي :cool: :rolleyes: ;)
السلام عليكم ومساكم الله بالخير جميعا ، ومبروكين على هالتعديلات بالمنتدى ، وصمود الخرفان اليوم رغم النزول اللي صار اليوم .
هلا بالريس :sunglasse
انت لاحظت هالشي ؟ تعرف اعزوبيه وعندنا السهم الخرفاني اكيد اندش مع بعض :D

اي اعرف عبدالسلام النابلسي ، لاتقولي فلمه مع اسماعيل يس في الجيش ؟ :p

[ابو وليد]

ياهلا ومرحبا
بالريس ونائب الريس
شريكم سويت اتفاقيه مع
كتيبه القطط للأنقضاض على رابطة الزفر

[المحلل المجتهد]

ياهلا ومرحبا
بالريس ونائب الريس
شريكم سويت اتفاقيه مع
كتيبه القطط للأنقضاض على رابطة الزفر

هلا وغلا بو وليد له ماله داعي لانهم بيخيسون ابروحهم :25:

[ابو وليد]

هلا وغلا بو وليد له ماله داعي لانهم بيخيسون ابروحهم :25:
حلـــــــــــــــــــــــــوه :D :D :D :D
لغينا الاتفاقيه:25: :25: :25:

[مشروع قراده]

هلا بوليد
كتيبه مره وحده :astonishe
خلهم وماعليك مردهم بيصيرون تونه :p

[المحلل المجتهد]

هلا بوليد
كتيبه مره وحده :astonishe
خلهم وماعليك مردهم بيصيرون تونه :p

هاها عاد يمدحون التونه بالليمون خصوصا ا ذا كنت بالحداق :smile1: وينك يا بو ابداح مو جنه يبيله حداق :cool:

[المحلل المجتهد]

منو عنده طراد :astonishe

[مشروع قراده]

طراد 14 بدون سايق ينفع ؟ :d

[المحلل المجتهد]

طراد 14 بدون سايق ينفع ؟ :d
شنو بسوي عملية انتحارية انا :eek: :D .. تصبحون على خير حدي فصلت ....... النووووووووووووم

[مشروع قراده]

حسبي الله على عدوك :d
وانت من اهل الخير

[blue]

شنو بسوي عملية انتحارية انا :eek: :D .. تصبحون على خير حدي فصلت ....... النووووووووووووم

حرام عليك قطعت المخدة صاير جنك ياهل تنام بعد صلاة العشا

[الحمد لله]

هلا وغلا بو وليد له ماله داعي لانهم بيخيسون ابروحهم :25:

أقول رئيس رابطة جنون البقر:

مفاوضات نهائية لبيع جزء من حصة الاسماك بسدافكو ؛؛ ومحافظ سعودية تلاحق السهم !! مبروك 00:smile1:

يالله ما عليه ..
تره في وقت والله باجر بدلوا ودشوا ويانة بفرق السعر ..
عادي أحنا يا السمكيين روحنا رياضية ونحب الخير للناس، وانتو صارلكم ست أشهر على 500 و530 حبة فوء وحبة تحت .. تعالو طلعوا ويانة والله أطوفكم "الفيوو" من على قمة 700 فلس :)

مبروك أم فؤاد .. السمج بصير كفيار لابستر فلوس :sunglasse

اتغشمر يا جماعة أنشالله كل الأسهم فوق .. خرفان سمج المهم الرزقة الطيبة :)

[blue]

يعني محد قالي اشتري اسماك

اشتري ؟ ولا مااشتري ؟

[الحمد لله]

يعني محد قالي اشتري اسماك

اشتري ؟ ولا مااشتري ؟

:smile1: نطري تداول باجر إذا تحرك يعني الخبر صجي .. ودشي
وإذا أكد الخبر ياعني أربطوا الأحزمة .. بنطير !
وأذا نفه الخبر بنضل حبايب مع الواشي صفر صفر ..:astonishe

وتصبحون على الإسماك

[المحلل المجتهد]

حرام عليك قطعت المخدة صاير جنك ياهل تنام بعد صلاة العشا

دايخ من الارهاق ثانيا انا اقوم قبل الخمس اروح اصلي الفير لاني اذا نمت متاخر ما اقوم ثالثا من باجر ان شاء الله برد امارس هوايتي المفضلة قيادة الدراجة الهوائية الجو عجيب لممارسة هالرياضة :sunglasse

[المحلل المجتهد]

السلام عليكم وصبحكم الله بالخير :sunglasse

[ابو وليد]

وعليكم السلام
وصبحك الله بالنور والسرور
ياريس

[مشروع قراده]

السلام عليكم
وصبحكم الله بالخير جميعا ،،،

[قنوع]

السلام عليكم .

صبحكم الله بالخير .

[مشروع قراده]

عليكم السلام
هلا بو مطلق صباح النور

[الحمد لله]

السلام عليكم، وصبحكم الله بالخير،

رونادينو
أنا ما أدي حق منو طرشت إيميل رونادينو البارح الصبح، عاد وصل ولا ما وصل؟

[المحلل المجتهد]

وعليكم السلام وصبحكم الله بالخير جميعا ها بووليد ومشروع حررتوا الهيلوكبتر :sunglasse

[قنوع]

عليكم السلام
هلا بو مطلق صباح النور

هلا وغلا بو محمد .

عليكم السلام ( الحمد لله ) ، وصبحك الله بالنور .

أعتقد إيميل رونالدينيو دزيته ناصر الدين ، بس ما ادري إذا وصل له أو لا .

[مشروع قراده]

وعليكم السلام وصبحكم الله بالخير جميعا ها بووليد ومشروع حررتوا الهيلوكبتر :sunglasse
هلا ياريس ، جاهزه ومن مساع محررها ، مشينا ؟

[قنوع]

مشروع ، الريس قلبه قاسي ، مو راضي إني أركب معاكم الهيلوكبتر ، حتى أم فؤاد جزاها الله خير تنازلت عن مقعدها لي ، ومع ذلك عمك أصمخ ، مصكر الجام الله يهداه .

[المحلل المجتهد]

هلا ياريس ، جاهزه ومن مساع محررها ، مشينا ؟

توكلنا على الله لو امر على البحر وانشوف السمج تحتنا ترى يايب معاي خروف لزوم الجو :astonishe .. اذكر لما كنا اصغار كان عندنا طلي اصغير بالبيت اذكر كنا انغسله بشامبو لا دموع بعد اليوم جونسون ولما كبر وبيذبحونه صار ذبحه بالبيت انا واعيالي عمي لا اتذبحونه امربينه وتعبانين عليه واخر شي تذبحونه :11: