المساعد الشخصي الرقمي

مشاهدة النسخة كاملة : الكميه

worood
20-07-2005, 05:09 PM
ابشترى اسهم في السوق الرسمي
يعنى كم الكميه اللى اجدر اشتريها يعني مثل سهم الشال

وبى شرح لهذا الجدول

وشكرا جزيلا

http://www.kuwaitse.com/Service/TCategoryA.aspx
المحلل المجتهد
21-07-2005, 04:27 PM
بكل بساطة اختي ورود بالنسبة للسؤال الأول للشال سعر السهم 202 على اقفال يوم الاربعاء يعني اقل شي تشترينه 20 الف سهم ما يصير اقل يصير اكثر مضاعف له يعني 40 الف ...

وبالنسبة للجدول معناه أيضا بكل بساطة ان السهم من 102 إلى 250 يصعد وينزل 2 فلس خمس وحدات يعني مثال سهم الشال سعره 202 ممكن يوم السبت اتشوفينه حد اعلى يعني يصعد خمس مرات فا يصير 212 يعني 10 افلوس وممكن حد ادنى اتشوفينه يصير 192

مقياس وحدة السعر معناته اشكثر يصعد كل مرة يعني اللي تحت الربع يصعد فلسين واللي فوق الربع يصعد 5 افلوس يعني الحد الاعلى 25 واللي فوق ال500 يصعد 10 خمس مرات يعني الحد الاعلى 50 الخ اما وحدة الكمية فتعني انه اقل شي تشترين كمية اسهم يعني مثال من 510 لي 1000 اقل شي 5 الاف سهم لما يصير 1020 تقدرين تشترين 2.500 سهم بس لما ينزل تحت الدينار ما راح تقدرين اتبيعين السهم اللي شريتيه 2.500 الا في سوق الكسور ان شاء الله اوضحت الصورة وبالتوفيق
worood
22-07-2005, 06:05 PM
اخي في الله المحلل المجتهد


يعطيك العافيه اخوي العزيز والله يجزيك خير الجزاء

والشرح اكثر من رائع والصوره وضحت
المحلل المجتهد
23-07-2005, 09:21 PM
اخي في الله المحلل المجتهد


يعطيك العافيه اخوي العزيز والله يجزيك خير الجزاء

والشرح اكثر من رائع والصوره وضحت

حياج الله اختي ورود والله يرزقج من واسع فضله