طريقة التداول بالسوق السعودي

[بوخليفة]

من زمان وانا كنت اراقب السوقين الكويتي والسعودي
ودائما هناك تنافر بين السوقين
اذا صعد احدهم نزل الاخر
وهذا يعني ان هناك اموال تنتقل بين السوقين مع العلم بان هناك اكثر من صندوق كويتي
يعمل في السوق السعودي والكويتي
قبل فترة ليست ببعيده كان السوق السعودي فوووووق 6300 نقطه
والكويتي تحت( 4800 نقطه
الان حصل العكس السوق السعودي تحت 5,434.57
والكويتي فووووق 5,460.3
والتوقعات تشير الى انه هناك صعود ينتظر السوق الكويتي الى شهر 10 على ابعد تقدير
ونفس التوقعات تشير الى السوق السعودي سيعاني من جراء هذا الهبوط المخيفوسيظل السوق متذبذب
في ظل عدم الاستقرار الامني في السعوديه
انصح الاخوه ان تنتقلو بين السوقين
في الفترة التي ترون ان السوق الكويتي تشبع من الصعود وعلى وشك التصحيح
انتقلو الى السوق السعودي الذي لن يرتفع الى في نهاية هذه السنه تقريبا
طبعا مع مراقبتكم المستمره الى السوق السعودي على http://www.tadawul.com.sa
وانصح بمتابعة الاتصالات وسابك والكهرباء من اقوى الاسهم بالسوق السعودي
والمواشي والزراعيات للمضاربه السريعه
وبعض الشركات ذات الاسعار المتدنيه دائما يحصل عليها شغل مضاربي بحت
مع وجود منتدى يتكلم عن الاسهم السعوديه وهو http://www.thegulfbiz.com/vb/index.php
وتمنياتي لكم بالتوفيق

[ابو مشاري]

اخوي اي شي نعم وصلتني معلومات مؤكده من فتره بان الاموال تنتقل بين السوقين

وفكره حلوه من استطاع التنقل بين السوقين فهو ان شاءالله ربحان

ومشكور ويعطيك العافيه على المواقع اللي ذكرتها لنا للاستفاده

وبالتوفيق

[بوخليفة]

ولطريقة فتح حساب سهله جدا
اول شي تذهب الى بنك الراجحي بالخفجي وتفتح حسابيين
واحد جاري وواحد حساب تداول
وتفتح عندهم خدمة التداول عن طريق النت
واعتقد خلال شهر بالكثير تكون الموافقه قد نزلت لك
وعندها تستطيع ان تتداول بسهوله عن طريق الراجي للتداول
https://pay.alrajhibank.com.sa/scripts/alrtad.dll?pagename=GlbLogon
وهناك موقع يعطيك التداول مباشر نفس طريقة الاوسط برو
وهو المباشر برو http://www.mubasher.com.sa
وهذا الموقع تحتاج بطاقه تشتريها عن طريق مكتبة جرير في حولي مقابل جمعية حولي
وقيمة البطاقه 8 دنانير

[ابو مشاري]

كفيت ووفيت وجزاك الله خير اخوي اي شي

وموفق خير ان شاءالله

[بوخليفة]

حاضرين للطيبين يابوسلطان والشباب يستاهلون كل خير اللي نعطيهم هالمعلومات
للعلم انا اتنقل بين السوقين وتوني راد من السوق السعودي قبل 3 اشهر تقريبا

[ابو مشاري]

ما قصرت والله يوفقك ويوفق الاخوان سواء بالسوق السعودي او الكويتي

[ابو مشاري]

للرفع

[محمدفراج]

اولا السلام عليكم ورحمة الله وبركاتة


ثانيا

انا سعودي وشغال في الاسهم السعودية وعن طريق الانترنت من زمان


واللي يبي يسمع نصيحتي

لايشترك في الراجحي لان برنامج التداول عن طريق الانترنت زفت

كثيرا مايعلق ولا يتنفذ

واكثر شي تلقاه

الخدمة غير متاحة


وحاليا افضل البنوك عندنا في السعودية

من حيث تداول الانترنت هو مجموعة سامبا المالية ( البنك السعودي الامريكي سابقا )

حتى لو ماحولك انترنت يعني كنت بالسفر وودك تبيع فقط تتصل على رقمهم المجاني


وينفذ لك على طول

ولا يعلق معك وسهل وبسيط جدا وافضل من الراجحي مليون مره

انا تعاملت مع الانثنين والله سامبا افضل والرسوم وحده مافيها فرق

500 ريال في السنه من غير العمولة اللي هي .0015 , على كل صفقه

نصيحتي لمن يريد ان يتاجر يتوجة لمجموعة سامبا المالية وبيدعيلي

الشروط

1) تفتح حساب في البنك ( حساب جاري )

2) تضع مبلغ 50 الف ريال فقط لاغير ( الزامي عشان التداول بالانترنت )

3) تتوجة لاقرب فرع فيه فتح حساب تداول بالانترنت وخلال 10 ايام وانت تتداول

وتحياتي للجميع

واي سؤال او استفسار انا حاضر

اخوكم محمد فراج--- السعودية

[ابو مشاري]

ما تقصر اخوي محمد والله يجزاك خير على النصيحه والخدمه