صندوق الوسم راح يدش على هالاسهم مثل ماوصلني

[عدنان سالم]

صاحبي قريب لمدير في شركة كويتية للتمويل والاستثمار قالي بالحرف راح ندش على اسهم خليجيات وحدد لي الفجيرة والابيض عشان يجنون ارباحها بسرعه

قلت له صندوق مايدش على خليجيات قالي الهيئة مو مشاركة مع الصندوق يعني يقدر الصندوق يضارب او يستثمر في اسهم الخليجيات ومن الاسهم الي راح يدشون عليها مثل ماوردني هي المال واسماك والدولية للاجارة وانابيب والرابطة هذا الي قاله لي بس اكد لي انهم يبون يضاربون بسرعه عشان يجنون ارباح ويعلنون مع اول اعلان عن تحقيق ارباح لصندوق الوسم

هذا الي وصلني ومن صاحبي الثقة

[أبا عبدالله]

لا تنسى المواشي لأنها بالوسم توفر عليهم العلف !

[ابو مناور]

هل تقصد ع. س.

[عدنان سالم]

لالا ياخوي بومناور مو عبدالرحمن السعيد بس شخص والله العظيم مدير في الشركة صاحبي يصير ولد عمه واهو الي مضبطني بالسوق هالسنه هذي وماقصر معاي الله شاهد على كلمة اقولها

[ابو مناور]

لالا ياخوي بومناور مو عبدالرحمن السعيد بس شخص والله العظيم مدير في الشركة صاحبي يصير ولد عمه واهو الي مضبطني بالسوق هالسنه هذي وماقصر معاي الله شاهد على كلمة اقولها كفو واللله شوف وخر عن اى شى اسمه بحر ومجموعة المشاريع ومجموعة الاوراق وانت تربح ;)

[رائد بورصة]

الحين محافظهم دخلت على وطنية عقارية واسهم الجناعات
ويروحون لك حق فجيرة وخليجيات

احسن وابرك لهم يرحون يدشون بالاهلي او بالاتحاد عقارية
يصعدونهم ويورون الناس ان هالاسهم من وراه خير

[افتتاح]

صاحبي قريب لمدير في شركة كويتية للتمويل والاستثمار قالي بالحرف راح ندش على اسهم خليجيات وحدد لي الفجيرة والابيض عشان يجنون ارباحها بسرعه

قلت له صندوق مايدش على خليجيات قالي الهيئة مو مشاركة مع الصندوق يعني يقدر الصندوق يضارب او يستثمر في اسهم الخليجيات ومن الاسهم الي راح يدشون عليها مثل ماوردني هي المال واسماك والدولية للاجارة وانابيب والرابطة هذا الي قاله لي بس اكد لي انهم يبون يضاربون بسرعه عشان يجنون ارباح ويعلنون مع اول اعلان عن تحقيق ارباح لصندوق الوسم

هذا الي وصلني ومن صاحبي الثقة
مع احترامي الشديد لما تفضلت به الا انني اختلف معك لان الصندوق مخصص للاستثمار في اسهم الشركات الكويتية وليس الخليجية وهذا خبر اكيد .. الصندوق هدفه الاستثمار في اسهم الشركات الكويتية.

[afham]

السلام عليكم
شكرا عدنان على التوصيه

[رائد بورصة]

افتتاح كلامك عين العدل والعقل

عدنان سالم قول حق صاحبك يقول حق المدير لا يغامر
مع اسهم ماتركد

خلهم يدشون على الاهلي وبيان والاتحاد عقارية
تراهم ابرك لهم

[Wise]

اما سهم الانابيب فى التداول اللي قاعد يصير عليه تداول واضح ولا يحتاج تعليق واضح دخول المحافظ عليه والصناديق وشكله تجميع

[aljeemaz-2]

أسكان ...أولى ..وخيرنه لنا ماراح إبعيد .. ;)

[المتابع المستقل]

إن كان صحيح ما ذكر عن دخول صندوق الوسم بأسهم الخليجيات لتحقيق ربح سريع وإظهار عوائد مجزية باول إفصاح له، فقد ثبت سوء تقدير مدير الصندوق، فقد ركز على الخليحيات خاصةً الفجيرة وأسمنت أبيض ودخل عليهم فى وقت خاطئ حيث معروف أن تلك الفترة من الصيف "الشهرين الماضيين" فترة ركود لتلك الأسهم وهو ما ظهر جلياً عند تداول تلك الأسهم عند إدراجها بسوق أبوظبى فلم تشهد أى إقبال وبالتالي إنخفضت حتى أن سهم فجيرة لم يتم تداوله لفترة طويلة لعدم وجود أى طلبات عليه.

للأسف الضحية لسوء إدارة الصندوق هم من إكتتبوا فيه والذين صدموا بانخفاض قيمة وحدات الصندوق عن قيمة الاكتتاب.

إن سمعة الشركة الكويتية للتمويل والاستثمار على المحك بالنسبة لأداء صندوقها الجديد الخاسر فى وقت يرتفع فيه السوق ككل ويحقق أرقام قياسية للمؤشر.

والله يصبر ملاك وحدات هذا الصندوق