سؤال بخصوص مضخة ماء فى البيت ..!!

[كويتى اصيل]

السلام عليكم يالربع ..:)
عندى دفع الماى ضعيف شوى فى الدور الاول ومعلم الصحى واحد قال لى ركب مضخة والثانى قال ما يحتاج مضخة ..شرايكم تركيب مضخة فيه مشكلة ؟ وشنو انواع المضخات وحجمها؟ الى يقدر يفيدنى لا يخلى جزاكم الله خير لان واحد من الربع يقول لما ركب مضخة تاذى من كثر تسريب الماى عنده والله اعلم ..!!

[يعقوب الشطي]

اذا عندك السخانات مركزية لابد من مضخة دفع واذا سخانات عادية مو ضروري
وموفق خير

[محمد عبدالله]

تركيب مضخه ماء بالبيت لها محاسن ومساوئ
وتتطلب ضرؤريات قبل التركيب
محاسنها:-
*تنعم بدوش ماودك تطلع منه:)


مساوئ:-
*حاجه الماكينه للصيانه الدوريه واذا ما عندك خبره الله يعين على المصروف والخراب
*صرف ماء رهيب

متطلبات قبل التركيب:-
01يستحسن فصل الشبكه الخاصه بالدور الاول والسطح عن الارضى والسرداب
لان الارضى والسرداب يكون الضغط وتدفق الماء اكثر من الباقى نتيجه العلو عن الخزان
02 تركيب حنفيات تتحمل ضغط الماكينه ويستحسن نوع PN20
03تركيب مفتاح ضبط الضغطPRESSURE SWITCH من النوع الذى يكمن ان تتحكم بالضغط افضل نوع خزان الهواء
04 توفير غطاء للماكينه عن الشمس والمطر
احسن انواع المكاين:-
* النوع الذى تكون قطع الغيار متوفره بالشركه
* من الستانلس ستيل ما يصدأ
*ان تكون الريش الداخليه ايضا ستيل ابتعد عن البلاستك لان مع الحراره يخرب
*سهله الصيانه
* البول برنغات اصليه حتى ما تحن بصوت وتجيم

المهم احسن نوع عند شركه مجربها من 1988 اذا نويت خبرنى لانه بعض المصطلحات ما اعرف شلون اصيغها بالعربى لان المرحومه انغليزيه من كارديف:sudilol:

[كويتى اصيل]

يعطيكم العافية يا شباب وما قصرتوا ..
بعد يالربع منو يقدر يفيدنا بهالموضوع :)