طريقة يومية للربح مضمونة بإذن الله

[المقرود]

هذا إهداء حق الأخوان اللي وين مايطقونها عوية ، ومو قادرين يستفيدون من ارتفاع السوق ،
عيب هالطريقة الوحيد إن ربحها قليل ، بس إن شاء الله مضمون ، فأرجوا اتباع الخطوات بالتفصيل

1) ابحث عن سهم تعتقد إنه مظلوم بسعره ، وأرباحه التشغيلية عالية ، يعني مكرر أرباحه قليل ، صار له مدة ثابت بمكانه ، وأنت متوقع له صعود ، ومقتنع بشرعيته
2) راجع أداء السهم في آخر 10 أيام تداول ، لازم يكون السعر ثابت تقريبا ، والسهم يتحرك في قناة ضيقة (هالنقطة مهمة جدا)
3) احسب نقطة الدعم اللي السهم قاعد يتداول عندها ، ومو قاعد يكسرها
4) توكل على الله وحط أمر شراء السهم على نقطة الدعم ، وبعد الشراء حط أمر بيع أعلى من سعر الشراء بتكة واحدة فقط يعني شريت السهم ب 510 فلس حط أمر بيع عند 520 فلس ، وإن شاء الله ينباع السهم بنفس اليوم أو اليوم اللي وراه ، وتطلع بربح 2% ، وهكذا كل يوم 2% لما تصير قنوع حدك
يعني اللي عنده خمس وحدات من السهم راح يربح يوميا 250 دينار بإذن الله ،

بس هناك بعض الأمور المهمة اللي لازم تراعيها
1) لازم يكون على السهم تداول يومي معقول ، مو واحد يشتري سهم رعد ويقول توهقت شريته وماقدرت أبيع ،
2) إذا شريت السهم واهو في بداية سعر الوحدة راح يكون ربحك أعظم مما لو شريته واهو بآخرها ، يعني لو فرضنا إن عندنا سهمين بالوحدة اللي بين 510 فلس إلى 1,000 د.ك
لو تشتري السهم 510 وتبيع ب 520 تربح 1.96 % أما لو تشتريه ب 950 وتبيع ب 960 فلس راح تربح 1% ، يعني النص تقريبا
3) ماراح أذكر أمثلة على شركات تنطبق عليها هالشروط ، لأن أخاف الكل يطبق عليها وتخترب السالفة ، وعقبها يصعد السهم ومايرجع ، بس والله الشركات اللي ينطبق عليها وايد ، وأنا حاليا في بالي خمس شركات


الله يوفقكم ، وكل واحد يربح يدعو لي

[فؤاد الكويتي]

جزاك الله خير ا

يعني لو 10 مرات بالشهر الدخل=2500 دك

لكن هل يتطلب هذا النوع من التداول او يفضل ان يكون عندك اشتراك في الاوسط برو؟
كذلك الواحد لو يركز على شركة واحدة واعدة ممكن يعمل اكثر اعتقد مثل الاولى من 405 الى 460 فلس
لكن هذا ما يتكرر على طول...بصراحة كنت افكر في هذا النوع من التداول بس اعتقد يأخذ وقت ويتطلب مراقبة...صح ؟ اخوي المبروك

[البرقاوي]

انا بصراحه ماشي علي هالطريقه الامنه .....لكن بشرط يكون السهم مو ثقيل...... خفيف وتكانه وطبعه حلو........مثل المتجعات .........اشتر تحت 200 وبيع فوق 200 والله يرزقكم

[ابو مناور]

جزاك الله خير ا

يعني لو 10 مرات بالشهر الدخل=2500 دك

لكن هل يتطلب هذا النوع من التداول او يفضل ان يكون عندك اشتراك في الاوسط برو؟
كذلك الواحد لو يركز على شركة واحدة واعدة ممكن يعمل اكثر اعتقد مثل الاولى من 405 الى 460 فلس
لكن هذا ما يتكرر على طول...بصراحة كنت افكر في هذا النوع من التداول بس اعتقد يأخذ وقت ويتطلب مراقبة...صح ؟ اخوي المبروك
بيض الله وجهك

[المقرود]

أخوي فؤاد
الموضوع ما يتطلب أوسط برو ولا يتطلب مراقبة ، إذا أنت دارس السهم ومجربه ، كل اللي عليك إنك قبل السوق تحط أمر على سعر الدعم وبس ، ومو شرط تبيع نفس اليوم إذا أنت ما تقدر تتابع السوق. حط أمر البيع اليوم اللي وراه.

الله يوفقك

[الاختيار]

اخي العزيز المقرود هل اضع الكمية اللي عندي كلها للبيع طبعا بعد ما اشتريها

[المقرود]

اخي العزيز المقرود هل اضع الكمية اللي عندي كلها للبيع طبعا بعد ما اشتريها

أخوي والله سؤالك يوحي بأنك راح تشتري بكميات عالية جدا ، :D
أنا المثال اللي ضربته على خمس وحدات بس أو حواليها ، يعني شوية ، يعني ما تأثر لو تعرض نصها أوتعرضها كلها ، بس إذا إنت ناوي تدش بكميات كبيرة جدا أكيد مو تحط أمر شراء بالكمية كاملة ولا أمر بيع بالكمية كاملة لأن بهالحالة راح ترفع السهم أو تضغط عليه

الله يوفقك

[الاختيار]

أخوي والله سؤالك يوحي بأنك راح تشتري بكميات عالية جدا ، :D
أنا المثال اللي ضربته على خمس وحدات بس أو حواليها ، يعني شوية ، يعني ما تأثر لو تعرض نصها أوتعرضها كلها ، بس إذا إنت ناوي تدش بكميات كبيرة جدا أكيد مو تحط أمر شراء بالكمية كاملة ولا أمر بيع بالكمية كاملة لأن بهالحالة راح ترفع السهم أو تضغط عليه

الله يوفقك
معلش يا مقرود تراني عليمي وقاعد اتعلم شوي شوي ومنك نستفيد ممكن تعطيني مثال لاي سهم بالكمية

[bo_rashed1]

لو تشتري السهم 510 وتبيع ب 520 تربح 1.96 % أما لو تشتريه ب 950 وتبيع ب 960 فلس راح تربح 1% ، يعني النص تقريبا
3) ماراح أذكر أمثلة على شركات تنطبق عليها هالشروط ، لأن أخاف الكل يطبق عليها وتخترب السالفة ، وعقبها يصعد السهم ومايرجع ، بس والله الشركات اللي ينطبق عليها وايد ، وأنا حاليا في بالي خمس شركات


جزاك الله خيــر اخوي المقرود وبصراحه فكرتك حلوه جدا. وياسلام اذا دخلي الشهري 2500 دينار , اقدم استقاله من الداوم أحسلي. :D

وعلى فكره كلامك واضح جدا وخصوصا على الشركات التي تنطبق عليها الشروط ;).
ومشكور على هالفكره.

اخوك / بـو راشـــــــد

[الغافغى]

[
3) ماراح أذكر أمثلة على شركات تنطبق عليها هالشروط ، لأن أخاف الكل يطبق عليها وتخترب السالفة ، وعقبها يصعد السهم ومايرجع ، بس والله الشركات اللي ينطبق عليها وايد ، وأنا حاليا في بالي خمس شركات



و لا عليك امر يالمقرود بس لو تعطينا شركة وحدة نطقطق عليها بكرة

[الحد الأعلى]

[مشكور أخوي ( المقرود ) أو مثل ما سمّاك أخونا فؤاد ( المبروك ) - على فكرة آنا من النوع اللي تتكلّم عنّه مثلاً في عز إرتفاع السوق ما أفكّر بالأسهم اللي مثل ما يقول المثل ( ويّا الخيل يا شقرة ) لكن و بتدقيق بسيط راح تشوفون يا أخوان إن في جم سهم عيال حلال - لا و فيهم رزقة حلوة - وآنا ماشي عكس السوق الناس على المخازن و ربعها مثلاً - وأخوكم رايح على الأسهم أمّهات 200. فلس و 300. فلس .
والله يرزقني وإيّاكم رزقاً حلالاً و مشكوين على هالنصايح

[الحد الأعلى]

و نصيحة أخوكم الصغير كل واحد فيكم يراقب له جم سهم مثلاً من 5 إلى 10 أسهم وأوّل ما يشتري سهم لازم يكون عارف بجم راح يبيعه - هذا حق المضاربة في نفس اليوم ، أو اذا باع سهم لازم يكون السهم البديل حقّه و اللي بيشتريه جاهز في باله و سعره بعد محدده من قبلها بيوم _ مثلاً يحط في باله : باجر أبي أبيع سهم الشركة س بسعر 260 فلس و اذا انباع السهم راح أشتري سهم الشركة ص ب 320 فلس . الخ

نصيحة صغيرة من أخوكم الصغير للي يبون يضاربون في نفس اليوم

[bo_rashed1]

2) إذا شريت السهم واهو في بداية سعر الوحدة راح يكون ربحك أعظم مما لو شريته واهو بآخرها

يا جماعة اخونا/ المبــروك ( المقرود ) :D

اعتقد انه ما قصر وكلامه واضح وياكثر الاسهم التي تنطبق عليها الشروط .

المعنــى في بطن الشاعــر ;)

[المقرود]

أشكركم إخواني جميعا
بس أرجو إنكم تعذروني في ذكر أي شركة ، وكذلك باقي الأخوان اللي راسلوني على الخاص
لأن والله إن ذكرنا شركة وحدة ، ماراح تصلح للمضاربة بعد ذكرها ، يعني لو فرضنا إن شركة وحدة طبق عليها 3 أعضاء هذه الطريقة ، كل واحد خمس وحدات صار المجموع 15 وحدة واختربت السالفة

عموما مثل ما ذكر الأخوان الشركات واااااااااايد ، أكثر مما نتصور

ويعطيكم العافية