ابي نصيحتكم يا اخوان

[sky-q8]

ابي نصيحتكم يا اخوان بخصوص شراء منزل او انطر دوري بالاسكان انا مقدم علي الاسكان شهر 6 2001 وعندي 100 الاف دينار كاش غير السبعين مالة بنك التسليف شنو تنصحوني اشتري منزل او انطر خيطان او انطر دوري بالرعاية السكنية

[الديجيتال]

ابي نصيحتكم يا اخوان بخصوص شراء منزل او انطر دوري بالاسكان انا مقدم علي الاسكان شهر 6 2001 وعندي 100 الاف دينار كاش غير السبعين مالة بنك التسليف شنو تنصحوني اشتري منزل او انطر خيطان او انطر دوري بالرعاية السكنية
حياك الله اخوي في منتداك منتدي النوادي في قسم العقار
يعني معناها عندك 170 الف اهنيه يتوقف علي المنطقه اللي انت تبيها اذا بالديره صعب تشتري بهذا المبلغ ام اذا تبي مثل في المنطقه العاشره او الرابعه او الجهراء تحصل اقل بعد بس بيوت دخل محدود
ام الفلل ممكن تحصل شارع واحد

اذا خيطان تتوقع يحوشك انصحك فيها

ام الانتظار الاسكان حط في بالك 5 مناطق ( مدينه جابر وسعد وصباح والخيران والصبيه )

عطيتك كل الاختيارات وانت اختار وعسالله يوفقك ان شاء الله

[AL-MELHEM]

ابي نصيحتكم يا اخوان بخصوص شراء منزل او انطر دوري بالاسكان انا مقدم علي الاسكان شهر 6 2001 وعندي 100 الاف دينار كاش غير السبعين مالة بنك التسليف شنو تنصحوني اشتري منزل او انطر خيطان او انطر دوري بالرعاية السكنية

هلا اخ سكاي وهلا اخوي ابوحمد حياكم الله وكلامك مائه بالمائه اخوي بوحمد

وازيد عليه للاخ سكاي اشتر وبدون اي تردد اخوك بومحمد

[sky-q8]

اشكر اخواني الي عطوني النصيحه وبصراحه اعتبرها نصيحة اخ كبير لي
بخصوص اخوي الملحم وين تنصحني اشتري بصراحه انا ارغب بمنطقة القرين او مبارك الكبير اذا عندك شئ عطني خبر

[Solid_investor]

ابي نصيحتكم يا اخوان بخصوص شراء منزل او انطر دوري بالاسكان انا مقدم علي الاسكان شهر 6 2001 وعندي 100 الاف دينار كاش غير السبعين مالة بنك التسليف شنو تنصحوني اشتري منزل او انطر خيطان او انطر دوري بالرعاية السكنية

انصحك تدخل مزاد خيطان وتاخذ لك ارض وبعدين تاخذ قرض ال 70 وتبني

الله يوفقك

[sky-q8]

الله يجزاك خير Solid_investor بس ما تدري متي يبون يسون المزاد وشنو المطلوب ؟

[Solid_investor]

الله يجزاك خير Solid_investor بس ما تدري متي يبون يسون المزاد وشنو المطلوب ؟

ما عندي فكرة بس خلك متابع الصحف اليومية ان شاء الله بينزلون أعلان عن الموضوع والافضل مراجعة الاسكان للسؤال

والله يوفقك ان شاء الله

[صعفاك]

ابي نصيحتكم يا اخوان بخصوص شراء منزل او انطر دوري بالاسكان انا مقدم علي الاسكان شهر 6 2001 وعندي 100 الاف دينار كاش غير السبعين مالة بنك التسليف شنو تنصحوني اشتري منزل او انطر خيطان او انطر دوري بالرعاية السكنية
السلام عليكم جميعا
انت يا اخ سكاى طلبت النصيحه وابشر بالنصيحه من اخوك
حاول تشترى بيت بالفلوس اللى معاك 100 الف حتى لو تزيدهم عن طريق بيت التمويل
( تاخذ سلفه ) بحدود 30 الف انشاء الله تقدر تشترى بيت حكومه وتحطه باسم امك او ابوك اطال الله باعمارهم وتاخذ وكاله منه على البيت وتنطر دورك مع الناس
اما بخصوص خيطان انا استبعد انك تقدر تاخذ فيها لانه طلبك جديد وراح تصير الاولويه للاقدميه مثل حالى طلبى 1991
وهذى نصيحتى لك وعسا الله يوفقك

[sky-q8]

مشكور اخوي صعفاك علي النصيحه وتوجيهي بس ممكن سؤال
س- شنو شروط الدخول بالمزاد وجم قيسمه راح تكون بالمزاد والاوليه الي يدفع اكثر او الي طلبة اقدم وجم منطقه راح يسون عليها مزاد ؟
وناطر نصيحة باقي الاخوان
وبخصوص الوالد والوالده متوفيين الله يرحمه ويرحم اموات الملسمين

[التحليل الفني]

ابي نصيحتكم يا اخوان بخصوص شراء منزل او انطر دوري بالاسكان انا مقدم علي الاسكان شهر 6 2001 وعندي 100 الاف دينار كاش غير السبعين مالة بنك التسليف شنو تنصحوني اشتري منزل او انطر خيطان او انطر دوري بالرعاية السكنية

اذا تقدر على خيطان بدون تردد نصيحه لاتطوفك

[sky-q8]

الله يجزاك خير اخوي التحليل الفني بخصوص خيطان اول اهتمامي بس ما عندي اي معلومات عن المزاد وشلون الطريقه وسمعت في مناطق ثانية بتنزل مزاد غير خيطان والنسيم

[صعفاك]

مشكور اخوي صعفاك علي النصيحه وتوجيهي بس ممكن سؤال
س- شنو شروط الدخول بالمزاد وجم قيسمه راح تكون بالمزاد والاوليه الي يدفع اكثر او الي طلبة اقدم وجم منطقه راح يسون عليها مزاد ؟
وناطر نصيحة باقي الاخوان
وبخصوص الوالد والوالده متوفيين الله يرحمه ويرحم اموات الملسمين
العفو يا سكاى
عسا والدينك للجنه
تقدر تحط العقار باسم احد اخوانك او خواتك اللى عندهم بيوت او شخص تثق فيه
ج _ عدد قسائم خيطان لا يتجاوز 1200 قسيمه
واحتمال مشروح ابو حليفه راح يصير عليه مزاد ( بجانب نادى الساحل )
سالفت المزاد ماراح تصير مثل مو متخيلها البعض اى واحد عنده طلب يدخل المزاد لان طلبات الاسكان تجاوزت 76000 الف
مستحيل تجيب كل العدد الكبير وتقولهم يالله مزاد راح يصير للاقدميه وراح يتحدد السعر هذا اللى سمعناه 100 _150 الف اسعار الاراضى هذا اول تصريح لاكن بعدين راح ينزلون الاسعار مثل صباح السالم
والله اعلم

[sky-q8]

مشكور اخوي صعفاك علي المعلومات وحبيت اسئلك عن بيوت القرين الحكومية عموم القرين او القصور او مبارك الكبير اذا في بيت للبيع انا شراي

[صعفاك]

مشكور اخوي صعفاك علي المعلومات وحبيت اسئلك عن بيوت القرين الحكومية عموم القرين او القصور او مبارك الكبير اذا في بيت للبيع انا شراي
العفو ياخوى
اذا بغيت تشترى بيت تابع المكاتب اول باول بالاتصال ووضع اعلان بالوسيط او 808080 وتابع وابحث وباذن الله راح تحصل
بس دير بالك من البيوت الغير محرره _ احرص كل الحرص على وجود الوثيقه الاصليه قبل كل شى ممكن تحصل بيوت بسعر رخيص بس مافيها وثائق واكثر المكاتب راح يقولولك مافيه مشكله انت حرر البيت من الرهن ان كان مطلوب للتسليف او للاسكان والشخص راح يحولك البيت بعد التحرير وراح تحط عليه ضمانات وكلام فاضى ديربالك
انا صارت معاى بغيت اشترى بيت مطلوب واتفقنا على السعر وعطيته كلمه وهو كذالك واتفقنا بكره اعطيه العربون 7 الاف وادفع المبلغ المطلوب لتحرير الوثيقه ويعطينى صاحب البيت اقرار دين من المحكمه باجمالى المبلغ لحين تحويل الوثيقه وجميع الضمانات اللى بغيتها قال حاضر ورحت للدوانيه وسالت واحد من الربع وقالى دير بالك قلتله الرجل مسوى كل الضمانات جان يقولى عطنى اسمه واتصلت على صاب المنزل واخذت اسمه الكامل بحجة العربون شيك _
وبعد السؤال عن الشخص تبين انه عليه ثلاث احكام القاء قبض 38 قضيه كلها ماليه ولولا رحمة ربك لكنت رقم 39 ومع العلم بان الشخص من عائله معروفه
وهذه السالفه للعبره لك ولجميع الاخوه الافاضل اعضاء النتدى

[buhamood]

اخواني ابي اشتري بيت. ميزانيتي ما بين 100 و 110 الف دك.الدفع كاش و فوري . فيكم كل الخير انشاء الله
smarty_q8@yahoo.com (smarty_q8@yahoo.com)