سامحوني على القصور

[nabeels8]

مساء الخير
أخواني أعضاء المنتدى المحترمين
تحية طيبه وبعد
حبيت فقط أن أقولكم سامحوني على القصور وهذي أخر مشاركه مني في المنتدى والله يوفقكم يارب

[ashraf khalil]

خير انشاء الله نبيل
ليش أخر مشاركة شو السبب؟
انشاء الله المانع خير يارب
انت أخونا ومنا وفينا ومشاركتك مهمة ومطلوبة
واحنا وظيفتنا المصلحة العامة
وحب الخير للناس

[petroly]

مساء الخير
أخواني أعضاء المنتدى المحترمين
تحية طيبه وبعد
حبيت فقط أن أقولكم سامحوني على القصور وهذي أخر مشاركه مني في المنتدى والله يوفقكم يارب
لالالالا
مو من حقك يا نبيل تخلينا
وما راح نسامحك
اذا كان في احد مضايقك يا أخي قولنا واحنا نواريك فيه
واذا كان عندك ظروف خاصه ( مسموح )
مع ان احنا محتاجينك خصوصا في هذي الفتره
نتمنى المانع خير انشاء الله
ولا يكون احد المحافظ هددوك لتسريب معلوماتهم

الله يوفقك يارب

[بوعبود]

أخوي نبيل

عسى ماشر وليش آخر مشاركة :confused:

[بو علي]

عسى ما شر يا نبيل ... عسى مو زعلان على أحد

نتمنالك التوفيق و نرجو أن تبقى معانا

ولكن القرار لك و سو اللي يريحك

ومشكور على كل ما قدمت لاخوانك

[العميد]

لا ولن نسمح لك بالخروج من المنتدى
انت من الاشخاص الذين نعتز فيهم ياخي خذ اجازة قصيرة ولاتزيد عن الاسبوع
واذا في احد ضايقك قول منو وشوف الذي راح يحصله راح يكون اخر يوم في حياته

[ابو مشاري]

شالسالفه نبيل


شالسالفه يا اخوان الظاهر صايره موضه كل يوم واحد يتغلى :)

يبا المنتدى منتداك وبيتك الثاني يا نبيل بس شنو السالفه ؟؟؟

[مايغشمر]

أفا نبيل مولك هالسالفة لا وبعد سنه بتبطل ؟! :o

تراك إنت من الأعضاء المميزين واللي نعتز بمعرفتهم

أتمنى يكون المانع خير يافارس المعادن :D



أخوك مايغشمر

[عتيج الصوف]

ليش يا نبيل ؟ وشنو السبب ؟

عالعموم المنتدى خسر رجل مشهود له بالنزاهة وطيبة الأخلاق ومصدر كبير لمجموعة المشاريع :D

بس مو علي أفا عليك , راح أتابع كتاباتك وين ما تروح :)

[الأســــــد]

السلام عليكم ورحمة الله وبركاته

أن شاء الله يا نبيل موزعلان من أحد أنت الخير والبركة , والا ما تبي دعوات صغار المستثمرين الفقراءاللي ما لهم الأ الله ثم أعضاء المنتدى الجديرين بالثقة كل يوم , هذا كافي أعتقد , كل يوم لما تساعد على رزق الناس , وتريح قلوب النــــــاس

( فكـــــــــــــــــــــــــر بالمضوع )

[nabeels8]

مساءالخير
أخواني بس لا تعصبون كانت هذي كذبت إبريل بس الصراحه كتاباتكم خلتني أحاول اكثر من جذي حتى أفيدكم والله يوفقكم يارب ومشكورين وايد على المعزه إللي عطيتوني ياها وأمانه كل المشرفين والأعضاء أخواني وما تقصرون ولا تحاتون في أحد ما يدش بيته مستحيل على العموم الله يوفقنا ويوفقكم يارب
ولا تزعلون مني مجرد غشمره صغيره

[الخلوري]

الله يهديك اخوي نبيل

الوقت مو وقت القشمرة والسوق فيه خير

على العموم عرفت معزة اخوانك واخواتك بالمنتدى ، علشان اذا فكرة فعلا

ان تترك المنتدى عليك التفكير اكثر من مرة

الخلوري

[الأســــــد]

مع أني مضايقة من أخبار أسهم البحر , بس تدري خليتني أبتسم ( الله يخليك لنا يا نبيل )

[nabeels8]

مساء الخير
مشكورين وايد والله يوفقكم يارب وإنشاء الله كل أسهمكم فوق يارب

[فيرسون]

حسافه..

أنا إستانست ..قلت الحين إذا نبيل ترك المنتدى .. الأضواء بتصفالي .. و أصير نمبر ون (Number One)

بس دام إنها طلعت تكلوكه عالطاير .. يالله شنسوي بعد .. نقبل بنمبر تو .. :rolleyes:


بترولي .. لا تستانس وايد .. تراك نمبر ناين :D

حبيب الشعب يا بلبل والله ..و الله يوفقك يا رب (هذي مالتك عاد)

[petroly]

حسافه..

أنا إستانست ..قلت الحين إذا نبيل ترك المنتدى .. الأضواء بتصفالي .. و أصير نمبر ون (Number One)

بس دام إنها طلعت تكلوكه عالطاير .. يالله شنسوي بعد .. نقبل بنمبر تو .. :rolleyes:


بترولي .. لا تستانس وايد .. تراك نمبر ناين :D

حبيب الشعب يا بلبل والله ..و الله يوفقك يا رب (هذي مالتك عاد)
بوفارس ...روووووووووووح زييييييييييييييين
اخر واحد يتكلم انت
تغط تغط وراد بكل برود
مو على كيفك :mad:
يبا اقل شي كل يوم تسلم على المنتدى...قول سلام وروح سو اشغالك
لا تعيدها مفهوم :mad:
سامحنى على الاهليه
راعي التوصيه طلع مال جناعات وبس
بس قوللي شسويت بعت ولا لا
والله احاتيك
خلك على مجموعه المشاريع وراها خير كثير