اي خدمه من قطر انا حاضره للاخوان جميعا

[شمووخ]

السلام عليكم ورحمة الله وبركاته


اخواني

اسعد الله صباحكم بكل خير

انا حابه افيد واستفيد

وبهالقسم اشوف سيارات معروضه للبيع

فـ اللي يحب اعرض له اي حاجه انا مستعده للعرض في قطر

والعموله حسب المتفق عليه ( بعد ما احصل الشراي اكيد )

[السهم الامريكي]

حياك الله اختي العزيزه بين اخوانك في الكويت

بس حبيت أعرف اذا كان لج بالاراضي بقطر ولا لا؟

وفي حال الجواب نعم هل ما زالت هناك فرص للاستثمار في الاراضي هناك ام لا

[شمووخ]

الله يحييك ويبقيك اخوي السهم الامريكي

ايه اخوي

انا وسيطه عقاريه

بكل تأكيد فيه فرص للاستثمار للخليجيين بقطر

ويمكنهم التملك ايضاً

[السهم الامريكي]

تسلمين يالغالية بس ولا عليج امر تعطيني نبذة بسيطة عن المتوفر عندج مع الاسعار والمساحات والمناطق واكون شاكرلج وطريقة التواصل لاني عموما نازل بعد فترة قصيرة عندكم واكون شاكرلج

[شمووخ]

يا هلا وغلا

الله يحييك بين اخوانك وبديرتك

حاضرين اخوي

ابحث لك وارد لك برساله خاصه ان شاء الله

[tnvith]

عطينا فكره عن الاستثمار في قطر او من قطر ولنبديها بالعقار

[شمووخ]

مرحبا بك اخوي tnvith

الاستثمار في قطر مفتوح وكل خليجي له احقية التملك مثل القطري

قبل فتره واحد سعودي اشترى فندق هنا للاستثمار

ممكن لو احد حاب ياخذ عماره ويأجرها هذا بعد استثمار

ومدخوله ممتاز

العقار الحين عندنا بقطر صاير نار

يعني اللي حاب يستثمر بيلقى عروض حلوه ومدخول احلى

وفيه اراضي استثماريه ممكن الواحد يشتريها ويبني عليها مجمع او حتى يبيعها اذا يحب

المجال واسع انت حدد اللي تبيه اخوي tnvith

[شمووخ]

السهم الامريكي

كلمت لك ناس اليوم يجيبون لي مجموعة عروض استثماريه
بتكون عندك بكره ان شاء الله برساله خاصه

[عليمنكي]

اريد الاستثمار بقطر
هل يحق لي باستعمال الرخصه التجاريه الكويتيه ان اتعاقد بقطر او يلزمني ان استخرد رخصه قطريه

وسمعت ان الايجارات للمكاتب غااااااااليه
هل يوجد من يؤجر الرخصه

[عليمنكي]

السهم الامريكي

كلمت لك ناس اليوم يجيبون لي مجموعة عروض استثماريه
بتكون عندك بكره ان شاء الله برساله خاصه

ليه برساله خاصه
عمميها للاستفاده

[الجااملى91]

اهلا بكى بالمنتدى ونرجو منك الاعلان عن اى شى ترين فيه الفائده للشباب مثل العقارات السيارات او الاكتتابات الجديده فى دوحة الخير
شكرا

[شمووخ]

حاضرين بحط لكم كل شي هنا بالموضوع


يسمح للخليجي بالتملك فقط ، عقار سكني بحد اقصى 3 عقارات سكنيه على ان لا تتجاوز مجموع مساحتها (3000 متر مربع) للعقارات جميعا.


طبعاً هذا ينطبق في قطر دون المناطق الاستثماريه(اللؤلؤة ، الوسيل)

[شمووخ]

أرض مساحتها 3500 متر
عليها رخصة بناء مجمع عشر فلل ومسبح وحديقه ونادي صحي على شارعين

أرض سكنيه عليها رخصة بناء مجمعات فلل
المساحه 43000 متر
الفوت 120

[سامي1]

السلام عليكم ورحمة الله وبركاته


اخواني

اسعد الله صباحكم بكل خير

انا حابه افيد واستفيد

وبهالقسم اشوف سيارات معروضه للبيع

فـ اللي يحب اعرض له اي حاجه انا مستعده للعرض في قطر

والعموله حسب المتفق عليه ( بعد ما احصل الشراي اكيد )
مرحبا ياغالي ممكن تعطين ايميلك

[براك]

أرض مساحتها 3500 متر



عليها رخصة بناء مجمع عشر فلل ومسبح وحديقه ونادي صحي على شارعين

أرض سكنيه عليها رخصة بناء مجمعات فلل
المساحه 43000 متر

الفوت 120



هلا اختي ..

الارض اللي مساحتها 3500 متر تسوي 350 الف دينار ..
والثانيه ام 43000 متر تسوى 8 ملايين دينار كويتي

ما في عروض ارخص ؟

[شمووخ]

سامي1 إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.


السموحه منك اخ سامي ياليت تفتح المجال للرسائل الخاصه عشان ارسل لك الايميل

[شمووخ]

اخوي براك

ابشر نشوف لك عروض ارخص

[شمووخ]

فيه بيت رخيص يا اخوان

عمره تقريبا عشر سنوات

يصلح للاستثمار

مؤجر الحين على 4000 تقريبا

وسعره 600 الف ريال فقط.!

[شمووخ]

وفيه فيلا كبيره في النصر مساحتها 2400
10 غرف وفيها ملاحق خارجيه

السعر 10 مليون وقابل ان شاء الله

هذي الفيلا ايضا تصلح للاستثمار تتأجر على مدارس مثلا

[شمووخ]

العقار عندنا نار يا جماعه

يعني اللي بيشتري فيلا ويأجرها بيستفيد كثير

خصوصا اذا كانت الفيلا جديده

يأجرها ب 20 الف شهريا

[شمووخ]

فيلا مساحتها 830
8 غرف 3 منها ماستر ووحده اكبر من الماستر وصالتين وملاحق خارجيه
ومجلس خارجي ومجلس داخلي

مطلوب فيها 2 مليون وقابل

هذي بعد لو تتأجر على 25 الف شهري

يعني حلوه ايضا للاستثمار


وفيه برج للبيع بجيب لكم مواصفاته اول ما تتوفر

[شمووخ]

فيه برج إداري مؤجر على 4 مليون ريال شهرياً وفي موقع حلو

[بورسلي]

السلام عليكم ورحمة الله وبركاته


اخواني

اسعد الله صباحكم بكل خير

انا حابه افيد واستفيد

وبهالقسم اشوف سيارات معروضه للبيع

فـ اللي يحب اعرض له اي حاجه انا مستعده للعرض في قطر

والعموله حسب المتفق عليه ( بعد ما احصل الشراي اكيد )
السلام عليكم ورحمة الله وبركاته
أهلا وسهلا فيج أختي
الله يوفقج ويجعل عملج خالص لوجهه تعالى
سؤالي شلون أفتح حساب تداول في سوق قطر وهم عندي إهتمام بالبيوت هناك
يعطيج العافية

[kuwait25]

زين بغيت اتزوج من قطر شلوون ؟

[شمووخ]

kuwait25

مو مشكله نشوف لك خطابه بس هات مواصفاتك :D

[شمووخ]

السلام عليكم ورحمة الله وبركاته
أهلا وسهلا فيج أختي
الله يوفقج ويجعل عملج خالص لوجهه تعالى
سؤالي شلون أفتح حساب تداول في سوق قطر وهم عندي إهتمام بالبيوت هناك
يعطيج العافية

وعليكم السلام ورحمة الله وبركاته

اخوي بورسلي شيك الخاص واسفه على تأخري بالرد

[المجموووعي]

الله يعطيج العافيه اختي شموووخ...

حبيت اسأل:
بالنسبه للقانون ب قطر

هل صحيح ان في حالة شراء عقار وتسجيله باسمي؟؟؟ لايحق لي البيع الا بعد اربع سنوات او 8 سنين؟؟؟
(مو متأكد بالضبط من المده...لكن هناك مده محدده لنقل الملكيه)...


ومشكووووره اختي

[بورسلي]

وعليكم السلام ورحمة الله وبركاته



اخوي بورسلي شيك الخاص واسفه على تأخري بالرد

جزاج الله خير
تم الرد

[abu7md]

مرحبا . . . شمووخ . . .

عندي مصنع زيوت المحركات (تشحيم وشحوم)
حاب يسوق 120 صنف من الزيوت في قطر . . .
صناعة كويتية . . . تقنية امريكية . . .

عندك من يأخذ وكالة تسويق في قطر . . .

[آجل]

فيه بيت رخيص يا اخوان


عمره تقريبا عشر سنوات

يصلح للاستثمار

مؤجر الحين على 4000 تقريبا


وسعره 600 الف ريال فقط.!



اي منطقة وكم المساحه

[sarad]

السلام عليكم


مشكورة الاخت شموخ على الموضوع الجميل

لكن عندي سؤال انا حاب افتح
مصنع في قطر لصناعات منتجات البلاستيك

ابي اعرف الشروط في وزراة التجارة عندكم شنو الطلبات اللي يطلبونها

[الباتريوت]

لو سمحت ابى اشترى تريلا شاحنه واحب ان استأجرها بعقود اذا امكن وجم اسعار الايجار ووشكرا

[علمتني الحياة]

الاخت شموخ السلام عليكم ورحمة الله وبركاته اسال الله لكي ولنا التوفيق
وخدمتج طيبه ان شالله والمستفيد احنا بالدرجه الولى والله يرزقج على قدر نيتج



اختي شموخ
ابي ارض في منطقه متوقع لها ان تشهد عمران خلال الخمس سنوات القادمه
وتكون في موقع ممتاز ومساحتها طيبه يعني الف او الف و500 متر
بسعر حلو
وشاكرلج

[شحبار]

السلام عليكم
أسأل السيارات من الوكاله الي بقطر تفرق عن الكويت بالسعر تويوتا
واذا بشتري لاندكروز 2008 من قطر عباله السالف ولا سهله وشكرا

[البندر]

اختي شموووخ

انا عندي جيك في قطر فائض اكتتاب بنك الريان ولا وصلي للحين
تقدرين تخدميني :040104_emI3_prv:

[شمووخ]

السمووووحه منكم جميعاً

الاخوان اللي طلبوا اتمنى ترسلون لي ارقامكم بالخاص حتى يسهل علي خدمتكم

باللي اقدر عليه

وبرجع ارد على كل واحد منكم واسفه على التأخير

[شمووخ]

مرحبا . . . شمووخ . . .



عندي مصنع زيوت المحركات (تشحيم وشحوم)
حاب يسوق 120 صنف من الزيوت في قطر . . .
صناعة كويتية . . . تقنية امريكية . . .


عندك من يأخذ وكالة تسويق في قطر . . .



افتح لي الرسايل الخاصه لو تكرمت اخوي
او ارسل لي كل التفاصيل الخاصه بموضوع تسويق الزيوت في قطر مع رقم التلفون

[شمووخ]

لو سمحت ابى اشترى تريلا شاحنه واحب ان استأجرها بعقود اذا امكن وجم اسعار الايجار ووشكرا


شيك الخاص وانتظر ردك لاهنت

[شمووخ]

للاستثماار :



قطعة ارض مساحتها 5900 على 3 شوارع مطلوب 82 مليون وفي موقع جدا حلووو

[بورسلي]

سلام عليكم أختي شمموخ
الرجاء تشيكين على الخاص
يعطيج العافية

[برونزي]

ممكن أخوي تشوفلي سعر اللااااند كروزر 2007 و 2005 الجي اكس فول كم سعره
طبعاً اصفاااااار والمستعمل كم


وشكـرا لك

[اسهم شرعية]

السلام عليكم


مشكورة الاخت شموخ على الموضوع الجميل

لكن عندي سؤال انا حاب افتح
مصنع في قطر لصناعات منتجات البلاستيك

ابي اعرف الشروط في وزراة التجارة عندكم شنو الطلبات اللي يطلبونها
يسلام عليك خوش مشرووع اذا تبي مساهمين انا معاك بس حدد لي كم سعر السهم والكمية