المساعد الشخصي الرقمي

مشاهدة النسخة كاملة : حمى الاندماج والاستحواذ ..المشاريع فتحت شهية باقي الشركات

الحيدر911
22-04-2007, 10:25 PM
للمتابعين للاخبار الاقتصاديه العالميه.. نجد بأن عملية بيع الحصص الضخمه والاندماج والاستحواذ كثيره وهي عمليه صحيه وتنعش الاقتصاد وتضخ دماء جديده بالشركات
والظاهر هذه الموضه انتقلت لنا بالكويت..
لاحضنا هذه السنه بكثرة اخبار بيع الحصص والاستحواذ والاندماج(اللهم زيد وبارك)
ومن بعد بيعة المشاريع لأهم حصه لديها وهي الاتصالات فتحت الشهيه عند باقي الشركات وانكسر الحاجز واصبحت العمليه عاديه
من وجهة نظري المتواضعه .. الشيخ حمد صباح الاحمد فعلا رجل اقتصاد من الطراز الاول
buffan
22-04-2007, 11:05 PM
الاستحواذات صارت ضرورة لزيادة النمو...نفس اللي مرت فيه الاسواق المتطورة و لا زالت

و لهالسبب احس ان السوق فيه لقمة زينة هالسنة , بس الحذر واجب
المحلل المالي75
22-04-2007, 11:08 PM
فعلا ... حصل ماكان يتوقع

نشاط للسوق وسيولة كبيرة وجديدة إستفادت منها قطاعات كبيرة وأسهم كثيرة بالسوق
بوناشي
22-04-2007, 11:42 PM
باع الشركة وغيروا قانون الاستحواذ عن طريق البيع وقت التداول
استرليني
22-04-2007, 11:50 PM
بعد بيع الوطنية للاتصالات !
اعتقد المرشح الوحيد هو البنك التجاري !
كما وصلني من اخبار تقول ان صفقة البنك التجاري تتطبخ علي نار هادئة .
وهي مجرد ايام وتعلن الصفقة .
اتمني للجميع الخير والعافيـــة
Q8_POOS
22-04-2007, 11:54 PM
ياجماعة المشاريع عندهااا نسبة كبيرة بالوطنية من زمان احني نتكلم عن بيع الحصص مو استحواذات للتوضيح المفروض ايكون بيع الحصص لان المستثمر او المستحووووذ ممكن ايكون من الكويت او برااا الكويت يعني المشاريع استفادت من بيع حصتهااا مو استحواذهااااا



بو خالد
الحيدر911
23-04-2007, 03:14 AM
اشكركم اخواني على المرور والمشاركه
تم تقييم الجميع
الحيدر911
28-04-2007, 02:59 PM
هل هناك مفاجئه للهواتف ؟
arnaout
28-04-2007, 03:04 PM
هل هناك مفاجئه للهواتف ؟
أعتقد حركة السهم في الفترة الأخيرة تقول هناك مفاجئة كبري ( كبر التداوا الي صار ):p
الحيدر911
28-04-2007, 03:10 PM
أعتقد حركة السهم في الفترة الأخيرة تقول هناك مفاجئة كبري ( كبر التداوا الي صار ):p
اكيد في مفاجأه
اللي قاعد يصير بالسهم شي مو معقول .. ولا هو عبط
السالفه عوده .. ننطر ونشوف
استرليني
29-04-2007, 12:40 AM
اكيد في مفاجأه
اللي قاعد يصير بالسهم شي مو معقول .. ولا هو عبط
السالفه عوده .. ننطر ونشوف
شنو تتوقع ؟؟؟
انت صاحب الموضوع عطنا توقعاتك يا الحيدر11
مشكور مقدماً
الحيدر911
21-06-2007, 04:41 PM
شنو تتوقع ؟؟؟
انت صاحب الموضوع عطنا توقعاتك يا الحيدر11
مشكور مقدماً
يقولون الاثر يدل على المسير
وطريقة تداول الهواتف تدل على صفقه قادمه بالطريق
والله اعلم
Q8_POOS
21-06-2007, 04:49 PM
يقولون الاثر يدل على المسير
وطريقة تداول الهواتف تدل على صفقه قادمه بالطريق
والله اعلم

اتوقع ان الخرافي يبي يتملك اكثر نسبة بالهواتف عشان ايبيعهاا لشخص معروف
منو هالشخص ؟ يقولون الوليد بي طلال ميت عليها ويبي يشتريها ؟ يمكن اشاعة ويمكن صج والله اعلم ؟ ترا كلامي سامعة من اكثر من شخص من صح ويمكن غلط فاسامحوني اذا طلع مو صحيح لان احني في منتدي الكل يقول اللي عندة ؟ وانا قلت اللي عندي

بو خالد
توت أمون
21-06-2007, 11:47 PM
اتوقع ان الخرافي يبي يتملك اكثر نسبة بالهواتف عشان ايبيعهاا لشخص معروف
منو هالشخص ؟ يقولون الوليد بي طلال ميت عليها ويبي يشتريها ؟ يمكن اشاعة ويمكن صج والله اعلم ؟ ترا كلامي سامعة من اكثر من شخص من صح ويمكن غلط فاسامحوني اذا طلع مو صحيح لان احني في منتدي الكل يقول اللي عندة ؟ وانا قلت اللي عندي

بو خالد

... الخرافي يبي الجمل بما حمل لنفسه قبل أي أحد ثاني .. شركة ناجحة اسثماراتها ومشاريعها
بأفريقيا وبغيرها تتوافق مع مشاريع الخرافي وشركاته وسيطرته التجاريه بالهل مواقع تعطيه دفعه
سياسية أقتصادية (العالمية) ... علشان الوليد موشغال عند الوليد BROOKER أترك كلام الدواوين اللي عروقها موبالماي .. تحياتي