مشاعر

[altheeeeb]

سهر.. والدنيا نعسانه .. سهر
والفرقا كانت عن حبايبنا .. قدر
والجرح نزف الدمعتين .. والدمع شباك الحزانا للقمر ..
ِبِعد الأمل .. لما ِبِعدت وفرحي راح ..
ِبعد الزمان .. عني .. وعن عيني الصباح ..
ذي الفرقا كانت عن حبايبنا قدر ..
والجرح نزف الدمعتين .. والدمع شباك الحزانا للقمر ..
آه .. من حنانك .. لسا مالي بالدفا كل الوجود ..
وآه .. يا حبيبي .. لو بعادك كان جفى والا صدود ..
ذي الفرقا كانت عن حبايبنا سهر ..

[altheeeeb]

قالت لي مليت .. ودي بحد غيرك
جمّع جروحك .. لمّلم مشاويرك
واذا قضى صبرك .. جّرب صبر غيرك
لو اشغلك وعذبك طيفي .. ابكي
واذا بكيت اكتب بدمعك شعر .. اشكي لمراسيلك
وبوعدك اذا صرخ جرحك ونادى .. دمعتي تنزل عليك
بضحك على ايامي معك .. واخذ على غدري عهد مايخلص لغيرك
اعذرني .. مليت

ماتبيني .. ملّت الصدق المشاعر ..
يانور ايامي وسنيني اللي مضت
يالظلام اللي بيديني ..
مابقى فيني بقايا اتركيني
سل الحزن لغدرك خناجر .. ومالقاني فيني
وجرحي نادى .. يامحاجر الدمع مايكفيني
ضاعت بداياتي .. بقيت نهاياتي .. واسأل اجاباتي ..
هو أنا اخطيت ؟!
هو بقى في اللي بيجي ياليت .. ؟1
ماتت اجاباتي
قالتلي .. مليت

يا اكثر جروحي الاخيرة ..
لو عرفتي اليوم قلبي ودعك
يا آخر جروحي الكثيرة ..
ماعرفتي اليوم ما عاد اذكرك
وما اذكر من اللي مضى .. الا غرامك والفراق
و بعض اللقاء والإشتياق ..
وكل الاحاسيس الصغيرة ..
يابرد عمري و يا هجيره .. تخطين لو يخطر في بالك
انك في بالي كل دقيقة ..
وانك خيالي والحقيقة
واني احبك مهما كنتي ..
يابرد عمري وزمهريرة
ان كان قلتي اني فقدتك .. ماصدقتي
وان كان قلتي مانسيتك .. ماصدقتي
لو عرفتي مااذكر من اللي مضالي الا انتي
وما اذكر من اللي مضى الا انتي
وما اذكر الا اني بكيت
وفي ليلة مافيها وفاء .. قلتيلي مليت
يا انتي اخر أولي ..
لاتصدقي اني نسيت !!

[altheeeeb]

سيد جروحي شمس عمري وظلي البعد طوّل والخطأ منك واضح
اذا غرورك يمنعك تعتذر لي تعال جنبي وابتسم لي iiواسامح
تدري احبك لكن الموت ذلّي ادوس انا قلبي لو الشوق جامح
الله عطاك الحظ واصبحت خلّي والله عطانياك طاغى iiملامح
سألتني يا ياسميني وفُلي ياكيف يشفى الورد .. والشوك جارح
مثل العيون اللي لها كل كلي زايد حلاها لكن الدمع مالح
وش تنتظر يكفي دلال وتغلي الوقت ماهو للوصل دوم سانح
مادمت ترحالك ومادمت حلي ان صرت انا خسران ماصرت رابح
لا تعطي الفرصة لعذالنا اللي لكل ماهو يهدم الحب طامح
مالك صبر عني ومالي تسلي والوقت خيل صوب الآجال رامح
سيد جروحي شمس عمري وظلي الحب بعد وقرب .. مخطي وصافح
اذا غرورك يمنعك تعتذرلي لا تعتذرلي قول اسمي واسامح

[altheeeeb]

جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب

[altheeeeb]

ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..

[altheeeeb]

هو فيه مثلك .. ياللي الحسن ظلك
ليه العطر ؟!
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتي ماغيرك عيون
وانا احبك .. وانتي انفاسك دخون
ياللي احبك .. ليه احبك ؟
او ليه ماحبك .. ؟!
وانتي علـّمتيني ان الحب كله اسئلة ما تنتهي
ليه ما احبك .. ؟!
وانتي علـّمتيني ان الحب لا غدا لمثلك .. ابد ماينتهي
ياللي علـّمتك عذابي والهجر .. ليه ما احبك ؟!
ياللي علـّمتك تكوني ..في ضعف ضعفك .. اقوى مني
يا انتي ضحكاتك تغني .. وابتساماتك شعر
يا انتي ضحكاتك تغني .. وكل ما شفتك اصر
انك اجمل من جمالك .. من خيالك .. من دلالك
على حبك انا .. بقفل ابوابي
وبطيوفك انا.. بسقي اهدابي
يا انتي .. يا انتي احبابي
تصدقين .. تصدقين .. صدقي
قلبي لكي وحدك . .صدقي
ماقوى على بعدك دقايق .. بس دقايق
ياظلي .. يا داري
يا اجمل ..افكاري ..
تظلميني لوتقولي اني عاشق .. بس عاشق !!
ياللي وحدك تسمعي صمتي وكلامي
ياللي ضيك ..اتعب همومي وظلامي ..
صدقي اللي في قلبي لك ِ ..
اكبر من افكار القصايد والحكي
تصدقي انك اجمل في عيوني من جمالك من خيالك من دلالك
لا يالقلب الحنون
لا تاخذك فيني الظنون

[altheeeeb]

كلنا عشاق لكن ..
إنتي لا ما انتي معايا ..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا .. وشوفي غيرك
اظهري من ليل كحلك ومن أساورك وحريرك
افتحي الشباك مره .. شوفي الناس والشوارع
وش كثر هالغربه مره .. للي وسط الزحمه ضايع
انتي مشغوله بروحك .. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه ..</SPAN>
كلناعشاق لكن
كلنا نحبك.. نحبك
وأنتي جرحك في ساكن .. وأنا جرحي برا قلبك
أمشي لو نصف المسافة .. وقفي بينك وبيني
أكسري كل المرايا .. أنتي أجمل وسط عيني
يا للي مشغولة بروحك من خذا قلبك وروحك
هو أنا .. ولا سوايا
كلنا عشاق لكن
كل واحد له حكاية

[فارس bbb]

دخلتنا بجو بدر بن عبدالمحسن وبعثرت فينا أورقنا القديمه..

شكرآ علا الاطراء الجميل العابر.

[altheeeeb]

دخلتنا بجو بدر بن عبدالمحسن وبعثرت فينا أورقنا القديمه..

شكرآ علا الاطراء الجميل العابر.


انطلع من جو البورصه شوي ولا شرايك فارس

موفق خير ياخوي

[altheeeeb]

اعترف وابصم
على العشره بعد
اني انا
ما افهم ابد

للحين انا عندي امل
ان

البشر صادق
حنون
وان
المشاعر ماتهون

فيه معاني
ساميه

محفوضه في
وسط العيون

فعلا انا فعلا
غبي



مخدوع في زيف وظنون


مسكين انا شفت الغدر
من يوم امنت البشر

عشت بحزن
عشت بقهر

كله من اسباب البشر
وغدر البشر


يمكن تكون
حكمٍ من احكام القدر

ويمكن تكون
سبة غبائي والظنون

في كل مره انصدم
اقسم قسم

ما اامن انسان واقول
ان الغدر طبع البشر

وسرعان ما انسى القسم
وارجع
اامن هالبشر

واشغل عيوني بالسهر

واعطي محبه صادقه

واصير شمسٍ شارقه

تشع لهم صدق وحنان

نور وامان

والقى جزاء هذا الحنان
وصدق المشاعر والامان

غدر البشر

وارجع اقول
وابصم على العشره بعد

اني انا ما افهم ابد
للحين انا عندي امل

ان البشر صادق حنون
وان المشاعر ماتهون

فيها معاني صادقه
محفوضه في وسط العيون

[altheeeeb]

الليل له قلب ...
وانا في قلب الليل ... قلب ...
وانتي احساس الأخير ...
ابهنا الوعد القصير ...
وبعذابي اللي بيصير ...
لا وقف قلب الليل ...
شمس النهار ... ترقى السما ...
وجهي الغروب ...
وبعض الظلام شالك ...
بعض اللي في بالك أنا ... وهم الدروب ...
اللي بتفرقنا ... بعد لحظة ... بعد لحظة ...
وهج الشعاع ... ما يطفي النجمة ...
قولي معي ... ما يطفي النجمه ...
شمس الوداع ... ما تطفي البسمة ...
خلي احساسي الأخير ...
ابهنا الوعد القصير ...
وما عليَّ من اللي بيصير ...
لا وقف قلب الليل ...

[altheeeeb]

لو تغيبـي ولو رحـل وجهك حبيبـي
في غيابـي عنك أشوفك .. وفي عذابـي منك أشوفك
صـدقينـي مـا نـقـص هالليـل بعدك إلا قمـرا
وما فـقـدت من النهـار إلا شعاع الشمس بكـرا
واجمل الناس حبيبـي ..
لو تغيبـي لو رحـل وجهك حبيبـي
تصغر الدنيا وتضيـق
كلّ مافي الدنيا أعرفه إلا بيتـي والطريق
أنا أحبك ذا نصيبـي .. إبعدي عني وغيبـي
صـدقينـي مـانـقـص هالليـل بعدك إلا قمـرا
ومافـقـدت من النهـار إلا شعاع الشمس بكـرا
لك ليـالي ما سألتـي .. ولي ليـالي ما سـألت
ولو دريت إنك زعلتـي .. كان أفرح مـازعـلت
بس داري مافي قلبـك إلا قلبـك
واختياري إني أحبـك والا أحبـك
ومن عذاب الحب يكفـي لو تجرّح قلب واحد
وإنتي يا حبـي وضعفـي لا يهمك كله واحد
لجل تتغير فصول .. ويبكي الغيـم في عيونـي
وتزهر جبال وسهول .. اضحكي بيـّا وبدونـي
وصدقينـي مـا نـقـص هالليـل بعدك إلا قمـرا
ومافـقـدت من النهـار إلا شعاع الشمس بكـرا

[فارس bbb]

هالشاعر هذه موطبيعي لنه يسبب لي تسونامى من المشاعر أن قلت الركده أو التأبه أوالحنين أو.......



وشكرآ مره أخره..

[altheeeeb]

هداء لك فارس

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت ..

[altheeeeb]

ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..

يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..

يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..

[altheeeeb]

ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين
لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن
والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن
لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن
خــلـنــي بــخـــتـــار لــحظـــة مقتلـــي

[altheeeeb]

نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك

يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت
وإن زاد ظلمك ما عدلت
آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك

[فارس bbb]

الله أكبر عليك..


أنت مو محلل أرقام
أنت محلل مشاعر

[altheeeeb]

إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثر الظلام .. وراح السحاب وبارقه

إنتي عيونك هالمدى .. بحر وطيور مهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه

إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين
وين الوعد يامفارقه
إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

[altheeeeb]

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد

[فارس bbb]

أحساسك راقي جدآ

وشكرآعلا الاهداء

[altheeeeb]

أحساسك راقي جدآ

وشكرآعلا الاهداء


انت وكل الاخوان
كلكم رقي وتستاهلون كل الخير

[altheeeeb]

ضايق الصـدر بالله وسـع الخاطـر
دنيـاك يازيـن ماتستاهـل الضيقـة
الله علـى مايفـرج كربتـك قــادر
والله له الحكـم فـي دبـرة مخاليقـه
حلو العيون استهانت دمعهـا الحـادر
كف العباير حزيـن الدمـع ماأطيقـه
حرام كيف الحزن يغشي وجهك الطاهر
والورد في وجنتـك حـرام تجريحـه
يفداك قلب علـى ماتشتهـي حاضـر
يفداك باللي بقـى لـي مـن معاليقـه
مافـات خلـه ولاتهتـم مـن بـاكـر
واغنم مـن اليـوم ماساقـت توافيقـه

[altheeeeb]

لو وفيت و جيت يـوم(ن) زرتنـي
لو صدقت أفنيت روحي في هـواك
لوسمحـت بنظرتـك و أمهلتـنـي
أحضن عيونك بقلب(ن) ما نسـاك
لو لمسـت الوجـد بـي ولعتنـي
و اهتديت بنـور قلبـي و افتـداك
لو نظـرت بعيـن قلبـك شفتنـي
ما معي مخلـوق يستاهـل غـلاك
ليتـك مـن الحـب مـا خوّفتنـي
كان اعيش ألفين عمر(ن) في رجاك
يـا قليـل الحـظ لـو رغّبتـنـي
كان أبخجل كل بدر(ن) من ضياك

[altheeeeb]

تدلل علينا .. ياسمـي الظبـي وش عـاد
تدلل .. ولك بأمر الهوى شافع(ن) عنـدي
ولك في خيال الشاعر .. المهتـوي ميعـاد
ومجلس على غيمه وليلـة قمـر ..نجـدي
أسافر معك لبلاد .. وانزل معك فـي بـلاد
ومـن غيمـه لغيمـه.. ولا للمسـا حـدّي
رسمتك ضحوك الفجر .. يا فرحة الأعيـاد
و لمعة شعاع(ن) ينغمس في ..ندى.. وردي
وغنيت بك صوت(ن) لقلب الهـوى ميـلاد
و نغمة غرام(ن) ذاب .. في لحنها ..وجدي
أشوفك مطر .. هتّان ..لابرق .. لارعّـاد
من الوسم يبعث..بالصحـارى زهـر ودي
أحبك وصل وأبعاد .. أحبك رضى وعنـاد
ولا يختلف وعدي .. ولا ينتقـض عهـدي

[altheeeeb]

من خصايص عنود الصيد كثر الطواري

وعادة الظبي يجفل لاتحرك ظلالـه
ما يصيد الجوازي كود بخصٍ وضاري

القنص بالركاده والتسرع جهالـه
ولايعرف الطرد من لايعرف الصحاري

ماتعرّض سموم ولاتعرض شماله
كلّ دربٍ عليه من المخاليـق سـاري

للسوالف رجال وللشكاله رجالـه
وانت عشقة حياتي ياغـزال البـراري

أتفاول بوجهك سعد من صرت فاله
إنـت والله حبيبـي وإنـت والله داري

إن نظرة عيونك يم غيرك جمالـه
ماانقطع سيل حبك بالمعاليـق جـاري

كنّ قلبي خلقه الله لحبـك سبالـه
ليلتي ياقمرها ..غـار منهـا نهـاري

حيث وصل المودّه همسةٍ في لياله
جعل واهج غرامك مثل وجدي ونـاري

مير مااظن في دنيا المحبة عدالـه

[altheeeeb]

إستكثـرك وقتـي علَـيْ وغـدا بـك
عـادة زمانـي كلّمـا طـاب هـوّنْ
ليـت الـذي ودّاك يـا زيـن جابـك
تشوف عقبـك كيـف الايّـام سـوّنْ
شرق(ن) مشيت وغرب وقتي مشىَ بك
والقلب ما له لايـم(ن) فيـك لـوْ وَنْ
عقب الهنـا بـك ذاق لوعـة عذابـك
تـلـونّـت دنـيــاه ولا تـلــوّنْ
طويتني طـيّ الـورق فـي كتابـك
حتّـى معاليـق الحشـا لـك تطـوّنْ
إشتقـت لأيّـام الهـوَى فـي جنابـك
يوم الشّموع بليـل الاحبـاب ضـوّنْ
واشتقت أقـول لهاتفـك مرحبـا بـك
واشتقـت لغيـوم الصحـاري تكـوّنْ
عوّد ترَى داعي الهـوَى عنـد بابـك
واروي القلوب الّلي بعـد مـا تـروّنْ
غنّيت لـك عمـري ولاجـا جوابـك
واسمـي مـعَ مجنـون ليلَـى تـدوّنْ

[altheeeeb]

من عذابي قلت لعيونـك هـلا

يا هلا بك يا عذابي يا هـلا
ما يكفّي لوعتي بك من غـلاك

رحت تبعد عن عيوني يا غلا
تحسب اني سالي مثلـك وانـا

في هواك الله حسيبك مبتلـى
ما يسلينـي مكـان ولا زمـان

لا ولا غيـرك حبيـبِ لا ولا
قلبي الي ما يطيع لمـن بغـاه

من نظر عينك تعهّد بالـولا
صار لك بالقلب مرباع ومصيف

يوم غيرك عن مرابيعه جـلا
فيه لك مقيال عن حرّ الزمـان

والدفا عن برد شمله بالخـلا

[altheeeeb]

لايـطــول غـيـابـك ثـــم اخـــذ عـلـيـه
لو تخليت عنى عنـك قلبـي ماتخلـى
الـعــذر والتـعـلـل والـحـكـي مانـبـيـه
مـن تحـرك فـؤاده بالـهـوى ماتخـلـى
طبعي الصبر لكـن وش عليـه ارتجيـه
من طويـل الصبـر يعقـوب وايـوب مـلا
دامني حي عطني وش بقي نحتريه
مابي دموعك اللي عقب موتي تهـلا
مابـقـي بالعـمـر مـقـدر مــاراح فـيــه
كــل مــازل يــومٍ يــوم بالعـمـر ولــى
مايعـرف الجمـر مـثـل الــذي يكتـويـه
احـد يدفـا بنـاره واحـد فـيـه يتصـلـى
يامـن القلـب حطيـتـه براحـتـه يـديـه
مارضـى لـه مكـان غيـر كـفـك مـحـلا
كـم تعـذر وعيـا عــن هــوى مهتـويـه
ليـن طـاح بيميـنـك بالـغـرام وتجـلـى

[altheeeeb]

تبيه..
تحت الليل..
وسياط النظر والخوف
تبيه
والميعاد عيّا ينتظر ملهوف..
تبيه والساعة دهر
ما مرّ
ما أرسل خبر
تبيه..
ما ملّت وظلت تحتريه
كل الوفا شفته على ذاك الرصيف.. ذاك المسا
كل الجفا شفته على نفس الرصيف .. نفس المسا
كانت تعض ابهامها حيره
كانت تشب وتنطفي غيره
كانت تموت وتحتضر.. وكانت أبد ما تنتظر غيره
آه يا قلبها .. مسكين ما يدري
أن الهوى سكين يجرح ولا يبري
وان الوهم أحلى حقيقة في الغرام..
وان الحبيب اللي تبيه .. أحلام
آه يا قلبها .. هذا زمان صعب
يموت فيه الصدق .. ويعيش فيه الكذب
يا قلبها
لا تنتظر
دور لها… على غيره

[altheeeeb]

مـهما يقولون مهما صار مهما تم
أنـت البدايات وأخر ساحل ومينا

فـي هـرجة الناس بالعذال لاتهتم
لـو هم يحسون فينا ماحكوا فينا

ماعقب شرب الصبر والمر والعلقم
شـي عـلى طـاري الفرقا يودينا

حنا اجتمعنا وشمل العاشقين التم
خـضنا حروب الهوى فزنا وردينا

اهـواك مـاهي مواويل بها اترنم
تـرى الـمواويل هي اللي تغنينا

مـنا الـوفا يـاوفي الروح يتعلم
وكـل التعابير تبحر من شواطينا

حبيب عمري حياة القلب خل الهم
تـقسي الـليالى ولـكن ماتقسينا

وان كـان جـدت جدايد حبنا اقدم
ولاعـاش راسٍ على الدنيا يبكين

[altheeeeb]

تشكي وانا اشكي و كل منا له ظروف
تقول بي هم وانا اقول بي هـــــم

لا نبرة تاصل ولا ناظر يشــــوف
محروم انا منها وهي غصب تحرم

تعصف بنا الدنيا ونصمد لها وقـــوف
نموت ويبقى حبنا لا يهـــــــــدم

حب تعلى فوق ميثاق وحلـــوف
لو طاح ما اظن الزمان يتنــدم

يا بنت انا وانتي و الاحزان والخـوف
صرنا رفاقه كلنا بدرب اعتــــــم

وابله علينا لو مشينل تــــــرزم
درب جمعنا كله رماح وسيــــــوف

تشكي وانا اشكي و الصبر يشعل الجوف
فينا عظيم الشوق و الوجد اعظـم

لوكان لهموم الهوى شفاف و حـروف
كان الحشي من زود مابه تكلــم

[altheeeeb]

قل كلام يشرح الخاطر أو ارحل

لا تطولها وهي عندي قصيرة

لو تبي تزعل و أنا ما اخطي ازعل

و ابتعد ما دامت الدنيا كبيرة

فوق هذا و الله إني ما اتحمل

المشاعر من طباعك مستجيرة

كان ودك نتفق بالحب تفضل

و كان قلبك ما يبي موجود غيره

غيرك أغلى غيرك أحلى غيرك أجمل

و كل بنت ودها تكون الأسيره

يا عجول بالحكم دايم تمهل

كان لك قلب و لك عين بصيره

لك نزفت الحب ما القصد أتجمل

كنت صادق في القليل و في كثيره

كنت أنا أسأل عنك أبي لو يوم تسأل

كنت ادور لك عذر اقول خيرة

القصيد اللي من أعماقي تسلل

كيف ما قدرّت من ينسج حريره

انتظرت الشكر لكنه تحول

للبحور اللي قوافيها غزيره

منت الآخر في جحودك و منت الأول

انت واحد ماعرفته بهالجزيرة