سؤال للمختصين بالاستثمار ياريت تجابون عليه

[q8iaSaMrA]

السلام عليكم ورحمه الله وبركاته


ادش بالموضوع على طول بدون مقدمات :)

عندي مبلغ 100.000 دينار شنو تنصوحوني استثمر فيهم لمده خمس سنوات وشنو الحل الامثل للربح بأقل الخسائر


ومشكورين ماتقصرون انتظر تعليقاتكم:)

[Solid_investor]

شراء أرض في بوفطيرة و البيع بعد اكتمال الخدمات المردود 40-50% خلال خمس سنوات باذن الله اذا مو أكثر

[الديجيتال]

شراء أرض في بوفطيرة و البيع بعد اكتمال الخدمات المردود 40-50% خلال خمس سنوات باذن الله اذا مو أكثر

انت :10: كلامك عدل 100 % عساك علي القوه

[q8iaSaMrA]

مشكوووورين اخواني على التعاون يعني برايكم اني اشتري ارض احسن من اني اودع المبلغ في بيت التمويل كوديعه استثماريه :confused:

وياريت تعطوني على الاقل متوسط اسعار الاراضي في ابو فطيره

وجزاكم الله خير

:)

[ahmmb66]

ما ادري هل تجميد المبلغ في ارض مقابل 40-50% مردود علي 5 سنوات يعتبر استثمار جيد؟

[Solid_investor]

هالنسبة أقل تقدير ..... ممكن العائد يوصل الى 100% اذا الخدمات اكتملت قبل 5 سنوات

مثال :أوائل سنة 2002 أرض 400 زاوية بالعقيلة كانت من 55 الى 60 ألف
اليوم بعد 5 سنوات سعرها مو أقل من 130 ألف بسبب اكتمال الخدمات ( عائد فوق 100%)

ولكن 50% هو عائد متحفظ جدا في حالة تأخر الخدمات

ممكن أعادة صياغتها ان العائد المتوقع هو 50 % أقل تقدير و 100% في أعلى تقدير

بينما الودائع تتغير حسب سعر الخصم يعني بيت التمويل عوائد ودايعه آخر 4 سنين كانت بين 4 الى 8.4 % ...

مجرد رأي وليست دعوة للشراء

[بوخمسين1]

السلام عليكم ورحمه الله وبركاته


ادش بالموضوع على طول بدون مقدمات :)

عندي مبلغ 100.000 دينار شنو تنصوحوني استثمر فيهم لمده خمس سنوات وشنو الحل الامثل للربح بأقل الخسائر


ومشكورين ماتقصرون انتظر تعليقاتكم:)

نصيحتي لك أخوي

بالمبلغ تشتري 3 قطع أراضي بالخيران السكنية

وتشوفة بعد سنة بالكثير تأخذة دبل ... وراح تدعيلي

والسلام

[baz]

استثمر فى بروج للاجنحة الفندقية

فندق فى دبى موقع مميز

[RaYaNa_Q8]

مشكورين اخواني

اراضي الخيران فكره حلوة

يبيلها تفكير بهدوء لأني يديده بمجال الاستثمار

[Cha3bar]

أمس سمعت عن شركة محلية تسوق مشاريع عقارية ضخمة في منطقة صحار العمانية .. العائد المتوقع 35% خلال 18 شهر

[الديجيتال]

نصيحتي لك أخوي

بالمبلغ تشتري 3 قطع أراضي بالخيران السكنية

وتشوفة بعد سنة بالكثير تأخذة دبل ... وراح تدعيلي

والسلام

هلا بو خمسين رايك ونصيحتك ممتازه بس مو دبل مره وحده وخلال سنه مستحيل لا ما اعتقد انت تدري جم الحين الاراضي الخيران الشارع واحد 30 الف يعني تقصد توصل 60 الف خلال سنه مستحيل
الزاويه الحين 40 الف توصل 80 الف هم مستحيل

قول فيها كل ارض الفين حتي نقول 5 الاف حده

اما شرق القرين لما يسمحون فيها البناء او لما يبدون فيها الخدمات شوف الاسعار مو اقل من 20 الي 30 الف في الارض لانه ما كو اراضي في داخل الديره

علي فكره قبل شهر او شهرين وقف التداول فيها الحين صارله اسبوع شركات كبيره قاعده تطلب فيها

المنطقه ما عليها خوف بالمره اخذ وانت مرتاح فيها رزقه حلوه 00 وانا مسؤل عن كلامي

موفقين شباب
ومشكورين علي ارائكم الممتازه

[saed]

ما ادري هل تجميد المبلغ في ارض مقابل 40-50% مردود علي 5 سنوات يعتبر استثمار جيد؟
لا

[بدر أحمد عبد اللة عيسى]

البيوت حالياً في الولايات المنحده منخفضه جداً لا بل لدرجه كارثه و خاصه للأناس الذين اشتروا البيوت بأقساط من البنوك و بفائده متحركه مما سبب عجزهم عند ارتفاع سعر الفايده و عجزوا عن دفع اقساطهم و بخاصه ولاية ميوزوري.

جربي حظج وانا بالنسبه لي شاريت ومعدل الاسعار حسب جودة البناء والموقع..الخ
فيجب انت تعدين دراسه وافيه ومن ثم تبدأين.

[الديجيتال]

اما شرق القرين لما يسمحون فيها البناء او لما يبدون فيها الخدمات شوف الاسعار مو اقل من 20 الي 30 الف في الارض لانه ما كو اراضي في داخل الديره

علي فكره قبل شهر او شهرين وقف التداول فيها الحين صارله اسبوع شركات كبيره قاعده تطلب فيها

المنطقه ما عليها خوف بالمره اخذ وانت مرتاح فيها رزقه حلوه 00 وانا مسؤل عن كلامي

موفقين شباب
ومشكورين علي ارائكم الممتازه
اتصدقون يا جماعة لما اشوف مشاركاتي القديمه مثلا هذي المشاركه في شهر 3 والحين احنا في اخر السنه شهر 12 واشوف التوصيه احس اني مرتاح جدام الله سبحان وتعالي اولا ثم الاخوان اللي شرو واربحو علي هذي التوصيه وخصوصا صاحب الموضوع اللي سال ووصيناه بما يرضي الله ولله الحمد وصيت في اولها لو تلاحظون الكلام اني قلت تري الشركات صارلها اسبوع تطلب وماشاء الله الحين شوف الاسعار جم وصلت

عسالله يرزق الجميع امين يارب العالمين

ماشاء الله عليك بدر احمد عبدالله عيسي ما ادري اشلون طلعت هذي المشاركه بس عساك علي القوه
ولو تحط رابط جديد وتتكلم عن الاستثمار في الولايات المتحده
اذا كانت عندك معلومات نستفيد منه لا تقصر

موفق

[Solid_investor]

اتصدقون يا جماعة لما اشوف مشاركاتي القديمه مثلا هذي المشاركه في شهر 3 والحين احنا في اخر السنه شهر 12 واشوف التوصيه احس اني مرتاح جدام الله سبحان وتعالي اولا ثم الاخوان اللي شرو واربحو علي هذي التوصيه وخصوصا صاحب الموضوع اللي سال ووصيناه بما يرضي الله ولله الحمد وصيت في اولها لو تلاحظون الكلام اني قلت تري الشركات صارلها اسبوع تطلب وماشاء الله الحين شوف الاسعار جم وصلت

عسالله يرزق الجميع امين يارب العالمين

ماشاء الله عليك بدر احمد عبدالله عيسي ما ادري اشلون طلعت هذي المشاركه بس عساك علي القوه
ولو تحط رابط جديد وتتكلم عن الاستثمار في الولايات المتحده
اذا كانت عندك معلومات نستفيد منه لا تقصر

موفق

اخوي الديجتال
انا وصيتهم يشترون ارض في بوفطيرة شهر 3 الاسعار للشارع واحد كانت تقريبا 100 - 110 ألف واليوم معروضين ب 160 يعني عائد 50% بتسع شهور حلوين ؟ :oao5: