مشاهدة النسخة كاملة : كلمات كويتيه قديمه ....
ام النور
23-03-2007, 12:29 PM
الجيل اللي ما لحق على هالكلمات دخلوا وشوفوا كلامنا .. يا حلاته من كلام :) :)
مصطلحات كويتية : كلام الكويتيين القدامى
زبوط النقعه : هذا الوصف يطلقه الكويتين على الشخص القصير ضعيف البنيه فيشبهونه بالزبوط والزبوط هو نوع من القواقع البحرية الساحليه والنقعه هي ساحل البحر القريب
عفلنقي : صفه تطلق على الشخص سئ السمعه المتلاعب
يتزنكح : يعني يمشى ببرود يتمطي في مشيته مثال اشوفك ياي متزنكح اليوم
عقر بقر : تقال هذه الكلمه للانسان المريض واللى يبون اتغشمرون معاه مثال اشفيك طاقك عقر بقر يعني اشفيك حاشك مرض البقرة اللى انكسرت ريلها او امرضت وما قامت تقدر تقوم
امزهلق : اي مرتب ومنمق يعني اذا كان عندك شى قديم ونظفته وصار جنه يديد
فشغى : يقال مثال فلان ماكل فشغي اي متعب ومرهق من الفقر او المرض او المصايب
قنزوعه : عباره عن انه هناك بعض الفتيات قديما بالكويت اللى شعورهم فلافل اللى شعورهم جدائل فتكون شبه منتصبه فاسمونهم الناس قبل ام القنازع
كيري ميري : وهو لفظ يقوله القدماء يعنون به اللف والدوران فيقول البعض مثال انا ما عندي كيري ميري يعني انا ما اعرف اللف وادور ولا اعرف الغشمره اعرف الحق وبس
سنسون انعية : وهو وصف يطلق على الشخص الضعيف الذي لا رأي له وليس بيده حل ولا ربط خاصه اذا كان مسؤولا يعني اذا مديرك بالدوام ما عنده شخصيه معناته اهوا سنسون انعيه
امعطعط : عبارة عن الشخص اللي بنية جسمه ضعيفه نتيجة مرض او شيخوخة بحيث لا يقوي على القيام بأي عمل
بربس : صفة تطلق على الكلام عديم الفائدة وعلى العمل الذي لا فائدة ترجي من ورائه وعلىالشخص الذي لا اعتماد عليه مثال شغلكم بربس
تدهوك : مثال فلان متدهوك اي ضاعت منه الحيلة فلا يعرف كيف يتصرف
سواده : كتله سوداء كجهولة وغير واضحه المعالم الا باقترابها منك او باقترابك منها مثال مره قاعد امشى ما وعيت الا ذيج السواده من بعيد يوم قربت منها والا هي صخله بعير خروف كيفكم نقو
غمنده : كلمة بمعني اتفاق سري لتنفيذ عمل ما ربما يكون للشر أقرب مثال صلوح وحمود بينهم غمنده مادري شخططون عليه
نام ابمردانه : يعني عباره عن انه تشاجر معه وطرحه أرضا واشبعه ضربا مثال طفتك الهوشه عبووود نام ابمردان جسووم
هوله : مثال انت يالهوله اي قبيح المنظر ولا يتسم بشئ من الجمال وينطبق ذلك على الذكر والانثي
زند العبد : نوع من انواع الحلويات التى يعجب بها الاطفال قديما .... تري على ايامهم هذا باونتي وسنيكرز هاهاها
امدوكر : فلان امدوكر اي ناقص عقل ولا يحسن التصرف ولا يجيد التركيز
بزبز : يعني اول ما يخط شارب الشاب او لحيته يقولون بزبزت شواربه او لحيته
خاوط : فلان يخاوط في السكيك يعني يمشى على غير هدي وعن غير قصد او بالاحري يذهب من طريق ويأتي من اخر من دون هدف
امصين : هذه الكلمة تطلق مجازا على كل ماهو قذر وكريه وخبيث الرائحة يعني الواحد اللى صار له مده مو متسبح او الملابس اللى صار لها مده ما انغسلت انت يا امصين قوم تسبح
تصومع : بمعني تشوش فكره من شدة ما يلاقيه من اهانات اضطربت حالته وأصبح لايحسن التصرف
اعنبوك : وهي في الحقيقه كلمة توبيخيه يتقبلها البعض حيث يقولها الكويتي لأصدقائه وأبنائه واهل بيته مثال اعنبوك وين رحت ...اعنبوك يوز اذيتـنا لكن في الحقيقه هي مسببة قاسية محرفة ومخففه من كلمة ألعن ابوك ولكن تـلفظ بدون قصد
شكيصي : فلان صار يلاعبني الشكيصي اي لا يصدق بمواعيده معه يراوغه ويؤمله والشكيصي عبارة عن لعبة
يتروط : اي يتثني ويتهزهز في حركاته او مشيته وتطلق على كل شى هذا شأنه ياختصار الكلمه تنطبق على بنات هالوقت
مردويسه : كلمة كويتيه قديمة وتعني الامور الفوضوية او المختلطة مع بعضها مما لا فائده منها اليهال خلوا البيت مردويسه
ادنات الدون : يمعني أقل القليل فيقال عن الطفل كثير البكاء حمووودي يبجي على ادنات الدون اي على اقل سبب
سفله : من الفاظ التحقير فلان سفله اي انه سافل ومنحط وما عنده اخلاق
متبعبس : بمعني مضطرب ومرتبك تبعبست اي اصبحت في حالة اضطراب شديد
اخريبجي : فلان والله اخريبجي يعني المبذر اللى يصرف امواله بسخاء وتبذير غير عبائي
خنت : خنت حيلي وهو لفظ يطلقه النساء تعبيرا عن عطفهم وشفقتهم على كل من يستحق ذلك من الضعفاء والمحتاجين والمرضى والعجزه مو سوالف ربعنا الله يهداهم بالملعب خنت حيلي يالأخضر جمهورك ساكت
امخنجر : شفيك امخنجر اليوم اي انه مزاجه ليس على ما يرام بسبب مرض او غيره
بايرة : المرأة التى فاتها سن الزواج ولم يتقدم احد لخطبتها (العانس)
تنهزر : مثال فلان تنهزر فلان اي زجره ووجه اليه انتقادات حاده وعبارات لاذعه
زغنبوط : عساك تاكل زغنبوط انشاء الله او زغنبوط في بطنك بمعني ان ما اكلته سيكون اخر اكله تاكلها في حياتك و تقال لمن ياكل الحرام او ياكل شيئا دون رضا صاحبه
عكرش : فلان عكرش ويهه بمعني عبس او قطب حواجبه
يتكعكع : يعني يتضاحك والكعكعه هي الضحك مع اخراج صوت كع كع ومنها القهقهة قه قه قه ومنها الكركرة وصوتها كر كر كر
ازحير : تقال هذه الكلمة لأحدهم حين عدم الرضا منه وخاصه وهو يأكل مثال تاكل ازحير انشاء الله او عندما تقول الام حق ولدها ازحر يعني مثل ابلع واهيا مو راضيه عنه
امشلوط : مثال فلان حار امشلوط اي عصبي المزاج يغضب لاتفه الأسباب
تكمكمت : وتطلق هذه الكلمة على المرأة التى تريد ان تتخفي وهي تحت عباءتها عن احد لا تود ان يراها او يتعرف عليها مثال شيخه يوم شافت فلان او فلانه تكمكمت عنها
دياية ام أحمد : وهو وصف يطلق على الانسان الضعيف الذي لا يستطيع القيام بأي عمل
تناتيش : وهي تعبر عن الشئ القليل وغالبا باختصار اذا حضر شخص للأكل وما لقي الا شوية من الاكل وقام ياكل منها مثال عزموني بيت فلان على الغداء وصلت متاخر كليت بس تناتيش
يتحيلق : صفة تطلق على الشخص اللى كثير المجاملات الذي يتودد ويمتدح ليحصل على بغيته وهدفه وبعض الاحيان يقال عنه يعجف او عجاف
امشدق : القصد منها على بعض الشباب على انهم تجاوزوا سن الطفولة والشباب
ثجيل طينه : سعود ثجيل طينه هي صفة تطلق على ثقيل الدم الذي لا يتقبله الناس سواء بالاحاديث او في التصرفات
خيخي : صفة تطلق على الجبان الذي لا يحسن التصرف
أيبااااه : كلمه يقولها الكويتين عند التعجب او استحسان شيء ما
ذيخ : بس القصد منها الصبي الشيطان اللى يلعب مع يهال اصغر منه وهو اكبر منهم مثال فهووود ذيخ اشلون يلعب مع اليهال
تريع : وهو صوت يخرجه الانسان من جوفه بواسطة فمه نتيجة لاكثار من اكل او شرب وخاصه اذا اكل فجل وشرب اللبن او المياه الغازيه وييييييييييييييييييييييييع
ويع : القصد منها للتعبير عن كل شئ قبيح او قذر مما تشمئز له النفس
متكهين : مثال فلان متكهين اي انه يتصنع في حركاته ودائما يحاول اقلد اللى اكبر منه بالسن
يزامط : وهو الذي يتباهي أمام الآخرين بما لديه حتي وان كان كاذبا
ازوير : اعوير وازوير والمنكسر واللى ما فيه خير وهو مثل يطلق على حثالة الناس ومن لاخير فيهم واللى ما منهم فايده
اطريجعي : والله فلان اطريجعي كلمة القصد منها المذله والتحقير انه هذا الشخص ماله قيمة
خري مري : القصد منها المكان الذي لايعرف فيه الداخل من الخارج فيقولون الناس في هذا المكان خري مري
خماجير : وهي عبارة عن مجموعة من الأدوات او الاشياء القديمة الغير مرتبه واللتي اختلطت ببعضها وقد تكون غير صالحه للاستعمال
حبربش : تري هالكلمه وهميه معروفه عند الكويتين وقولونها على فئة من لا تعجبهم من الناس او بالاحري تنطبق على حثالة الناس ومن هم من دون المستوي مثال تري هذا من طقة هالحبربش
حنفيش : مادري ليش شاكه في هالكلمة انها مصريه هاهاها بس اهيا كويتيه وهي صفة تطلق على الشاب الذي لا يهتم بمظهره وأناقته وغالبا ما يكون ضخم وقبيح والله يا كثرهم هالايام هالحنافيش تشوفهم بكل مكان ورازين روحهم بكل مكان
سمردحه : يعني لما واحد اقول حوش سمردحه يعني واسع المساحة ويقال ايضا يطرد فيه الخيل وهي صفة لساحات البيوت
غلفج : وتطلق هذه الكلمة على تواجد أعداد كثيرة غير معروفه من الناس في مكان ما
قرقعه : وهذة الكلمه مأخوذه من اصوات الاواني والصناديق وغيرها حينما ترتطم ببعضها
كميخ : وهذا التعبير يطلق على الانسان الأبله قليل الفطنه مثال انت يا كمخه
طقن : وهي كلمة كويتيه قديمة تستعمل للذم والتحقير فاذا غضبت من أحد تقول له انت يا طقن وكذلك تستخدم هذه الكلمة للأشياء الرديئة
متعومس : اي مضطرب ومرتبك من شدة ما يرقيه او متشوش الفكر لايدري ما يفعل
يخمخم : مثل البلاع الذي يأكل ما يقع تحت يده دون التقيد بمواعيد الاكل مثال واحد رد البيت وبعدين بيتهم حطوا الغداء قالهم ما ابى اكل لاني اليوم امخمخم اي تناولت اكلا من هنا وهناك
املجع : يعني عن واحد صاحب فطنه وذكي ما يفوته شى الا بعد ما اتاكد منه وتفحصه
بطران : ويطلقها الكويتين على الشخص الفالت غير الملتزم بنظام معين ويفعل ما يريد وما يهتم حق اي حجي او نقد ينقال عليه
خازر : مثال فلان يخازر بعينه يعني يصوب عينه الي شى معين
رنع : مثال فلان رنع راس فلان بالصخره يعني واحد طق الثاني بصخره
يزوغل : وهذه الكلمة تعني التلاعب والخداع والتحايل في اللعب عند الصبيان مثل الغش طبعا قبل لما يلعبون وواحد فيهم ازوغل على طول مكافخ وهواش ونجره
شاتر : وهذه الكلمه تطلق على الخضروات والمزروعات الخضراء الطازجة فيقال عنها شاترة يعني شكلها حلو
اطوق : لما يقولون فلان جلب اطوق القصد تطلق على الانسان المتعالى الذي لا يحترم غيره او الخبيث سيء السلوك والسمعه
امجثي : اي ذهب بريق لونه واصبح اجلح مثل واحد مريض وتغير وجهه من المرض مثال شفي ويهك امجثي اليوم
امصرقع : مثال فلان حار وامصرقع اي عصبي المزاج لا يتحمل المناقشه ولا يستطيع التفاهم سريع الغضب ويثور لاتفه الاسباب تري مو القصد منها انه خبل ومينون
طواعين : مثال من سنين الطواعين اي من مدة طويله او من زمان طويل اي ايام الطاعون الوباء او الموت من الوباء
طحس : مثال فلان يطحس يعني يشتغل او يعمل بجد ويجهد نفسه كثيرا ويعاني دون يعي لنفسه أو يحق مصلحة مثال اخر خله يطحس اي يمعني اتركه يعاني
اكحيله : وهي صفه تطلق على المرأة الشريفة النزيهة العفيفة الطاهرة
خبه : هي الضجه واختلاط الاصوات مثال سمعنا خبة أو خبخبة اي ضجيج مثال اخر يانه افلان وخبنا وياه يعني سبب لنا ازعاج
امتشتش : يطلق هذااللفظ على الشخص الذي ابتلي بسمنه تزيد عن الحد اي المتين
امتكتك : لما يقولون فلان امتكتك يعني متناسق في جسمه من ناحية طوله وعرضه
خواره : لما يقولون فلان خواره يعني ليس محل ثقه وما تحصل منه فايده مثال اخر فلان يخوره بالحجي اي بمعني ينقصه الجد اثناء الحديث
كوكش : لما يقولون فلان عنده عيال كوكش يعني وايد او كثيرون وتستعمل للمبالغة في الكثرة
يتمخطر : اي يمشى بغرور او يمشى مشية المعجب بنفسه
اجرينبه : مثال فلان طاف اجرينبه اي انه عندما لبس الغتره لفها حول رأسه وعلى فكره تري هالنوع من انواع النسفات القديمه ولا يلبسها الا البحارة واصحاب الاعمال كال****ة والبنائين
ساتول : وهو عباره عن الخط الواحد من الناس او الحيوانات الذي يمشي بعضه وراء بعض على خط واحد ومنتطم
شيفه : بمعني قبيح المنظر
اتسمر : مثال افلان اتسمر في مكانه اي ثبت في مكانه كالمسمار الذي دق في الارض
طمطم : لما يقولون فلان طمطم السالفه او طمطم القضية يعني مثل اخفي او دفن الموضوع
انجعم : تستعمل هذه الكلمه للزجر او الردع بمعني كن صامتا ساكنا يعني مثلا لما واحد بعاقب ولده اقوله دش الدار او البيت وانجعر فيه
امعابد : مثال فلان امعابد ذاك المكان امعابد يعني انه يتردد عليه كثيرا فهو ملازم له دائما او جاعله كالمعبد مثل ما شاء الله شبابنا وبناتنا امعابد بالسالميه
جمبازي : صفه تطلق على الشخص المكار الذي يتصف بالكذب واكل اموال الناس بالباطل والضحك مثال فلان قاعد يتجمبز على الناس
تت : هذى صج فعلا كلمة كويتيه بحته وهي لفظ يقال لزجر القطط وطردها وذلك بتكراره عدة مرات تت تت تت تت
لندني : وهي صفه تطلق على كل بضاعه ممتازة على غيرها من حيث الجودة والمتانه والقوة باعتبار انها جاءت من لندن رمز الصناعات القوية وكذلك على الجو إن كان ربيعي
م
ن
ق
و
ل
محمد - بو بدر
23-03-2007, 01:48 PM
ياسلام عليج يا ام النوور من وين اتجيبين هالشغلات الحلوه
هذى:10: انا اقترح انسميج قائدة المنتدى العام كل يوم شى جديد
قمنا نطالع المنتدى العام قبل منتدى الاسهم صرنا معابدين اهنى
وانا كلامى صج ماعندى كيرى ميرى وانا حسبالى كل هالمده
كيرى ميرى من انواع الجبن :d
+ 6 مايبيله حجى
هدي أعصابك
23-03-2007, 01:56 PM
ياسلام عليج يا ام النوور من وين اتجيبين هالشغلات الحلوه
هذى:10: انا اقترح انسميج قائدة المنتدى العام كل يوم شى جديد
قمنا نطالع المنتدى العام قبل منتدى الاسهم صرنا معابدين اهنى
وانا كلامى صج ماعندى كيرى ميرى وانا حسبالى كل هالمده
كيرى ميرى من انواع الجبن :d
+ 6 مايبيله حجى
إي و الله تستاهل أم النور ....
و تستاهل بعد التقييم +
الباسل
23-03-2007, 02:19 PM
موضوعج حلو وامزهلق واينن ويفتخ ... :)
ام النور
23-03-2007, 02:36 PM
ياسلام عليج يا ام النوور من وين اتجيبين هالشغلات الحلوه
هذى:10: انا اقترح انسميج قائدة المنتدى العام كل يوم شى جديد
قمنا نطالع المنتدى العام قبل منتدى الاسهم صرنا معابدين اهنى
وانا كلامى صج ماعندى كيرى ميرى وانا حسبالى كل هالمده
كيرى ميرى من انواع الجبن :d
+ 6 مايبيله حجى
كيري ميرى من انواع الجبن :eek: :eek:
لا يبا الصج حياكم الله .. عجبني الموضوع وكان يايني بالايميل . قلت أبد الا احطه حق الاعضاء بالمنتدى علشان اللي ما يعرف هالكلمات الكويتيه .. يشاركنا ويعرفها :) :) وشكرا على التقييم
إي و الله تستاهل أم النور ....
و تستاهل بعد التقييم +
شكرا اخيي هدي اعصابك .. وتستاهل الطيب .. والحمدلله عجبكم :) :)
موضوعج حلو وامزهلق واينن ويفتخ ... :)
شكرا على الكلمات الطيبه .. وتستاهلون .. واذا عندكم كلمات عتيجه بعد شاركونا وضيفوها للموضوووع :) :)
وانا ودي اثنين من اخوانا اللي بالمنتدى بالذات يشاركونا بالموضوووع لانه اساميهم عتيجه ومن الكلمات الكويتيه القديمه .. ما راح اقول اهمه منو بس يا ليت يشاركونا :25: :25:
مسك الروح
23-03-2007, 03:14 PM
يعطيج العافية اختي ام النور الموضوع حده حلو والكلمات احلى واحلى :)
ام النور
23-03-2007, 03:21 PM
يعطيج العافية اختي ام النور الموضوع حده حلو والكلمات احلى واحلى :)
هلا والله اخيي مسك اشلونج ؟؟؟
الله يعافيج يا رب .. وانتي لو عندج كلمات مني والا مني كنتي سامعتهم من الوالد الله يرحمه ومو مذكورين فوق يا ريت تضيفينهم علشان الكل يستفيد:) :)
مسك الروح
23-03-2007, 03:27 PM
هلا والله اخيي مسك اشلونج ؟؟؟
الله يعافيج يا رب .. وانتي لو عندج كلمات مني والا مني كنتي سامعتهم من الوالد الله يرحمه ومو مذكورين فوق يا ريت تضيفينهم علشان الكل يستفيد:) :)
هلا بام النور ....انا الحمدلله بخير دام انتي بخير ....ان شاء الله لو ذكرت اي كلمة راح اكتبها تامرين امر :)
ام النور
23-03-2007, 03:29 PM
موضوعج حلو وامزهلق واينن ويفتخ ... :)
يا الله زدنا كلماتنا القديمه بكلمه من اخونا الباسل .. شكراااا .:) :)
استشاري
23-03-2007, 10:51 PM
مشكوره اختنا ام النور على هالموضوع وصراحه بعض هالكلمات ردتنا لأيام أول وياحلوها من أيام ...تستاهلين التقييم
الباسل
23-03-2007, 11:52 PM
انا مره كنت بعرس وقاعد اشرب جاي ياني شايب الله يطوله بعمره ويعطيه الصحه والعافيه قالي ممكن تعطيني (الميدفه) انا استغربت فصاحبي يمي قالي يمكن يقصد قفشة الحوس .. طلع صج الميدفه يعني قفشة الحوس وبالاصل يقصد(المجداف):) وفي بعض الكلمات القديمه اذكرها ويمكن الشباب يعرفونها مثل (ادفسك) يعني اطرحك بالارض ونام ابمردانك:) وكلمة(اداغش) تستخدم بلعب كرة القدم يعني افرك.. واهم شي كلمة(كنديشن) طبعا يعني التكييف:) وحبيت اضيف العاب قبل (المقصي)(التيل) والتيل العاب وايد منها(الطنب..الاورطه..ملاحق..عشره عشرين) وسلامتكم:)
الحيدر911
24-03-2007, 02:32 PM
بعض الكلمات القديمه
كودنه , خكري = اثول او غبي
جامره = غطا البالوعه الصغيره(كرمكم الله)
عدامه = صعده او طمره
جلاله= واشر
قبان= ميزان الماي
بطيخه= سرير او فراش
قبق= غطا مكينة السياره
بنسل= قلم رصاص(الشياب لي الحين يقولون بنسل)
وللحديث بقيه
م / بورصاوي
24-03-2007, 10:03 PM
جزن الشفت رابص = اثنين حساوية يبون يحشون في واحد قاعد يمهم
يوهص = يفهم
منقار = اكل
وهيص = مو زين
خشاف = حلو
مجرسن = يوعان
مداوير = فلوس
الكلمات حساوية بحته
بدران
24-03-2007, 10:53 PM
مشكورة ام النور
والله ايام زمان وهالكلمات
لها حلاوتها .
ومنها ........
حمك زورك : تقال عندما يحاول الشخص بفك شيء ما بكل قوته
عدل مدل :وصف ان الشيء وايد زين.
ام النور
24-03-2007, 10:55 PM
مشكوره اختنا ام النور على هالموضوع وصراحه بعض هالكلمات ردتنا لأيام أول وياحلوها من أيام ...تستاهلين التقييم
حياك الله .. وتستاهل الطيب .
انا مره كنت بعرس وقاعد اشرب جاي ياني شايب الله يطوله بعمره ويعطيه الصحه والعافيه قالي ممكن تعطيني (الميدفه) انا استغربت فصاحبي يمي قالي يمكن يقصد قفشة الحوس .. طلع صج الميدفه يعني قفشة الحوس وبالاصل يقصد(المجداف):) وفي بعض الكلمات القديمه اذكرها ويمكن الشباب يعرفونها مثل (ادفسك) يعني اطرحك بالارض ونام ابمردانك:) وكلمة(اداغش) تستخدم بلعب كرة القدم يعني افرك.. واهم شي كلمة(كنديشن) طبعا يعني التكييف:) وحبيت اضيف العاب قبل (المقصي)(التيل) والتيل العاب وايد منها(الطنب..الاورطه..ملاحق..عشره عشرين) وسلامتكم:)
الله يسلمك ويعافيك .. وشكرا على الاضافه .. بس وقفت عند كلمة الميدفه :confused: . بصراحه اول مره اسمعها ومعناها المجداف ..:)
بعض الكلمات القديمه
كودنه , خكري = اثول او غبي
جامره = غطا البالوعه الصغيره(كرمكم الله)
عدامه = صعده او طمره
جلاله= واشر
قبان= ميزان الماي
بطيخه= سرير او فراش
قبق= غطا مكينة السياره
بنسل= قلم رصاص(الشياب لي الحين يقولون بنسل)
وللحديث بقيه
هلا والله اخيي بومحمد .. يعطيك العافيه على الاضافه وضحكتني بطيخه لاني اول كل ما قالوها كنت اضحك :D وبانتظار المزيد من الكلمات القديمه:)
جزن الشفت رابص = اثنين حساوية يبون يحشون في واحد قاعد يمهم
يوهص = يفهم
منقار = اكل
وهيص = مو زين
خشاف = حلو
مجرسن = يوعان
مداوير = فلوس
الكلمات حساوية بحته
مساك الله بالخير اخوي م.بورصاوي ويعطيك العافيه .. شكرا على الاضافه والترجمه وبانتظار المزيد من الاضافات :) :)
ام النور
24-03-2007, 10:58 PM
مشكورة ام النور
والله ايام زمان وهالكلمات
لها حلاوتها .
ومنها ........
حمك زورك : تقال عندما يحاول الشخص بفك شيء ما بكل قوته
عدل مدل :وصف ان الشيء وايد زين.
العفو وحياك الله ...
وشكرا على الاضافه .. وشغلك عدل مدل :)
بدران
24-03-2007, 11:09 PM
انت شغلك عدل مدل
اضافة
تتيونه : يعني تطعيم ( نقول اول اليوم تينونه في المدرسة ) يعني طعمونه
نرجع من المدرسة ما نقدر نحرك ايدنا علشان نغيب ثاني يوم ..
راشد ( ابو نواف )
24-03-2007, 11:30 PM
اختي ام النور .
امس كتبت لك سالفة عن المكشات قبل . لكن للاسف انقطع الاتصال وما دري وين راحت المشاركة .
احب اضيف لمشاركتك .
مسويك .. الشخص الضعيف اللى كنه مسواك .
عقر بقر .. الواحد من شدة الخوف يتسمر في مكانة وما يقدر يتحرك ويقول طقني عقر بقر .
الطريجعي .. تطلق كذلك على الشى الصغير . الحداق يسأل صاحبه شنوا الصيد اليوم فيرد عليه
شعوم طريجعية .
راشد ( ابو نواف )
24-03-2007, 11:31 PM
ام النور سأ لى هالشباب شنو .
الداغ
اختي ام النور .
امس كتبت لك سالفة عن المكشات قبل . لكن للاسف انقطع الاتصال وما دري وين راحت المشاركة .
احب اضيف لمشاركتك .
مسويك .. الشخص الضعيف اللى كنه مسواك .
عقر بقر .. الواحد من شدة الخوف يتسمر في مكانة وما يقدر يتحرك ويقول طقني عقر بقر .
الطريجعي .. تطلق كذلك على الشى الصغير . الحداق يسأل صاحبه شنوا الصيد اليوم فيرد عليه
شعوم طريجعية .
هلا اخوي راشد1 الله يعطيك العافية
الي اعرفه ان النقرور الصغير يتسمى طريجعي والجمع طريجعية مو الشعم
والشعري يتسمى شحذوذ والجمع شحاذيذ
وكلمة مسويك اذا تقصد فيها مسيويج صح تنقال للشخص ضعيف البنية (العصل) وبعد تنقال للقبي الصغير :)
ام النور
25-03-2007, 12:02 AM
انت شغلك عدل مدل
اضافة
تتيونه : يعني تطعيم ( نقول اول اليوم تينونه في المدرسة ) يعني طعمونه
نرجع من المدرسة ما نقدر نحرك ايدنا علشان نغيب ثاني يوم ..
مشكور اخونا بدرااان ..
ذكرتنا بالتطعيم أول بالمدرسه كانت تمسك ايدنا الأبله حيييييييييل والسستر تقزنا بالابره ونقعد نوارص منها ..:bawling: :bawling: وطبعا يومين غيااااااااااااااب:D
اختي ام النور .
امس كتبت لك سالفة عن المكشات قبل . لكن للاسف انقطع الاتصال وما دري وين راحت المشاركة .
احب اضيف لمشاركتك .
مسويك .. الشخص الضعيف اللى كنه مسواك .
عقر بقر .. الواحد من شدة الخوف يتسمر في مكانة وما يقدر يتحرك ويقول طقني عقر بقر .
الطريجعي .. تطلق كذلك على الشى الصغير . الحداق يسأل صاحبه شنوا الصيد اليوم فيرد عليه
شعوم طريجعية .
شكرا اخونا راشد على الاضااافات .. بس هالكلمه يديده علي ما عرفتها " طريعجيه " .. شكرا :)
ام النور سأ لى هالشباب شنو .
الداغ
الداغ :confused: :confused: :confused:
ام النور
25-03-2007, 12:04 AM
اللي اعرفه ان النقرور الصغير يتسمى طريجعي والجمع طريجعية مو الشعم
والشعري يتسمى شحذوذ والجمع شحاذيذ
وكلمة مسويك اذا تقصد فيها مسيويج صح تنقال للشخص ضعيف البنية (العصل) وبعد تنقال للقبي الصغير :)
هلا والله بوسليمااان ...اثاري عندك مواهب بالكلماااات العتيجه :) :)
شكرا على الاضافه ..بس شنو القبي :eek: :eek:
babow
25-03-2007, 12:09 AM
:25: الله يعطيج العافيه علي الموضوع الحلو اضن انتي والاخوان ماقصرتو
بالكلمات الكويتيه القديمه ,وياحلات السوالف القديمه .
هذي كلامات متعارف عليها بين الكويتين ولاكن توجد كلمات تخص مناطق مثل اهل شرق واهل جبله واهل الرقاب ولا انا غلطان خصوص الشفت (اورن).............
ام النور
25-03-2007, 12:13 AM
:25: الله يعطيج العافيه علي الموضوع الحلو اضن انتي والاخوان ماقصرتو
بالكلمات الكويتيه القديمه ,وياحلات السوالف القديمه .
هذي كلامات متعارف عليها بين الكويتين ولاكن توجد كلمات تخص مناطق مثل اهل شرق واهل جبله واهل المرقاب ولا انا غلطان خصوص الشفت (اورن).............
حياك الله اخونا babowوالله يعافيك
فعلا أكو بعض الكلمات تختلف من منطقه الى اخرى ..وتبين معانا لما نتكلم يقولك هذا من اهل جبله والا من اهل المرقاب من طريقته بالكلام :) :)
هلا والله بوسليمااان ...اثاري عندك مواهب بالكلماااات العتيجه :) :)
شكرا على الاضافه ..بس شنو القبي :eek: :eek:
يطولي عمرج
القبي دودة متوسطة الحجم لونها اصفر اذا كانت على قيد الحياة واذا مات القبي يصير لونه ادعم
وجمعها قبابي يستخدم في الحبال كطعم للطيور
الصغبر يسمى مسيويج والوسط عتل والكبير جدا يسمى سفيفة
تتواجد في الرمال تحت شجر الكين والاثل وتتواجد بكثافة بمحاصير الغنم ومحاكر الحمام
بالله هذا سؤال؟؟ياحبج للاحراج :11:
ام النور
25-03-2007, 12:21 AM
يطولي عمرج
القبي دودة متوسطة الحجم لونها اصفر اذا كانت على قيد الحياة واذا مات القبي يصير لونه ادعم
وجمعها قبابي يستخدم في الحبال كطعم للطيور
الصغبر يسمى مسيويج والوسط عتل والكبير جدا يسمى سفيفة
تتواجد في الرمال تحت شجر الكين والاثل وتتواجد بكثافة بمحاصير الغنم ومحاكر الحمام
بالله هذا سؤال؟؟ياحبج للاحراج :11:
خبره يا ناس خبره بالحباااااااااااااال .. :D
شكرا يا بو سليماااان .. شفت اشلون سؤالي لك طلع كل الموااااااااهب :25:
الحيدر911
25-03-2007, 12:24 AM
ام النور سأ لى هالشباب شنو .
الداغ
الداغ + لام=الدلاغ :D
ام النور
25-03-2007, 12:26 AM
الداغ + لام=الدلاغ :D
ما يصير تحط اضافااات من عندك بومحمد:11:
اخونا راشد1 قال الداغ مو دلاغ:cool: :cool: :cool:
وبيني وبينك حتى انا فكرت بالدلاغ :p
خبره يا ناس خبره بالحباااااااااااااال .. :D
شكرا يا بو سليماااان .. شفت اشلون سؤالي لك طلع كل الموااااااااهب :25:
اي مواهب الله يهداج
الي يسمعج يقول مسوي تحليل حق سهم ميكروسفت او نوكيا
مومواهبنا تفشل مانبيها تطلع :)
على فكرة من عيوب القبي في الحبال
1- مايتحمل الشمس القوية (ما كان عندنا سن بلوك)
2- صعوبة نقله يحتاج تب فيه رمل مو مثل الزهيوي
نحط 15 زهيوي فى بطل ونسده بتمرة وبالمخبة وخلك كوول
ام النور
25-03-2007, 12:32 AM
من غير شر انا فاقده اخونا بوخالد بهالموضووووووووووع ...:p :p ولا هانوا باجي الاعضااء طبعا ..
ومتأكده عنده كلمااااااااات لــــــــي الدفنه :25: :25:
ام النور
25-03-2007, 12:41 AM
اي مواهب الله يهداج
الي يسمعج يقول مسوي تحليل حق سهم ميكروسفت او نوكيا
مومواهبنا تفشل مانبيها تطلع :)
على فكرة من عيوب القبي في الحبال
1- مايتحمل الشمس القوية (ما كان عندنا سن بلوك)
2- صعوبة نقله يحتاج تب فيه رمل مو مثل الزهيوي
نحط 15 زهيوي فى بطل ونسده بتمرة وبالمخبة وخلك كوول
وييييييييييييييييييييييييييع .. :eek: :eek: لا وكوووووووووول بعد:11: :11:
الحيدر911
25-03-2007, 12:48 AM
بوسليمان تكفه .. تدري شكثر تكلمنا عن الزهيويه؟ .. وقتها انت بالبر.. خل نسولف عن الزهور شوي
على فكره .. في زهيوي متلثم ,, ليش؟؟
داق الشنب :d
من غير شر انا فاقده اخونا بوخالد بهالموضووووووووووع ...:p :p ولا هانوا باجي الاعضااء طبعا ..
ومتأكده عنده كلمااااااااات لــــــــي الدفنه :25: :25:
بوخالد قاعد هالحزة من صجج
هذا عشاه خبز رقاق ولبن وماله شغل بالمكيف
فنيلة علاق ووزار وبنكة توصوص
يابولة بنكة بديدة ماطلع صوت حاشه ارق وماعرف ينام :)
بوسليمان تكفه .. تدري شكثر تكلمنا عن الزهيويه؟ .. وقتها انت بالبر.. خل نسولف عن الزهور شوي
على فكره .. في زهيوي متلثم ,, ليش؟؟
داق الشنب :d
خلاص مانتكلم عن الزهيوية
ماشي اي نوع من الزهور بوريشة ولا بودبة
الحيدر911
25-03-2007, 01:18 AM
خلاص مانتكلم عن الزهيوية
ماشي اي نوع من الزهور بوريشة ولا بودبة
ماكو فايده فيك يالله شنسوي بعد .. نسولف عن البو دبه
بدران
25-03-2007, 07:46 AM
والله زمان
نشكر الجميع على التواصل
ومن الكلمات العتيجة
الحسان : يعني صالون الحلاقة والشخص الذي يعمل فيه يسمى محسن
وقد تطورت كلمة الحسان واصبحت بعدها حلاق ثم تطورت واصبحت صالون
واليوم معهد حلاقة وتجهيز معاريس
بالأول لين نروح الحسان نقول حق المحسن قص الشعر تواليت يعني مسوي تسريحة :D :D
ام النور
25-03-2007, 01:07 PM
والله زمان
نشكر الجميع على التواصل
ومن الكلمات العتيجة
الحسان : يعني صالون الحلاقة والشخص الذي يعمل فيه يسمى محسن
وقد تطورت كلمة الحسان واصبحت بعدها حلاق ثم تطورت واصبحت صالون
واليوم معهد حلاقة وتجهيز معاريس
بالأول لين نروح الحسان نقول حق المحسن قص الشعر تواليت يعني مسوي تسريحة :D :D
مشكوووووور اخونا بدراان على الاضافه .. وبعد احنا هبينا اول اذا رحنا الصالون نقول نبي نقص "جرسون " يعني اخو التواليت =قصة البوي الحين :25: :25:
الحيدر911
25-03-2007, 05:38 PM
والله زمان
نشكر الجميع على التواصل
ومن الكلمات العتيجة
الحسان : يعني صالون الحلاقة والشخص الذي يعمل فيه يسمى محسن
وقد تطورت كلمة الحسان واصبحت بعدها حلاق ثم تطورت واصبحت صالون
واليوم معهد حلاقة وتجهيز معاريس
بالأول لين نروح الحسان نقول حق المحسن قص الشعر تواليت يعني مسوي تسريحة :D :D
اي والله اخوي بدران .. صدقت
كنا نروح الحلاق الهندي .. يحلق 7 يهال بنص ساعه .. ورشاش الماي ماله مثل البمب يعبيه هوا ويبخ شعرك ماي .. والتحسونه تواليت وانقز ياولد.. مو مثل الحين تروح الحلاق تلقى 15 واحد من هالشباب قاضبين دور علشان يستشور شعره ويفتر بالاسواق وكل واحد نافش شعره فوق تقول حاط أناناس فوق راسه
عرناص سابقا :D
Bo Khaled
25-03-2007, 06:17 PM
بوخالد قاعد هالحزة من صجج
هذا عشاه خبز رقاق ولبن وماله شغل بالمكيف
فنيلة علاق ووزار وبنكة توصوص
يابولة بنكة بديدة ماطلع صوت حاشه ارق وماعرف ينام :)
وانت ويه هالويه احسن شي عندك المكيف
لا يكون جبسون ؟
++++
على فكره تعرفون مكيف عنتر ...ولا ما لحقتوا عليها ( الكنديشه ) :rolleyes:
الحيدر911
25-03-2007, 06:21 PM
وانت ويه هالويه احسن شي عندك المكيف
لا يكون جبسون ؟
++++
على فكره تعرفون مكيف عنتر ...ولا ما لحقتوا عليها ( الكنديشه ) :rolleyes:
مكيف عنتر و كلفنيتور .. طبعا الجبسون لازم ضرسه طايح وشالعين الفلتر علشان يبرد اكثر
بوخالد تذكر ثلاجات ( وايت ويستنغ هاوس)
الله يرحمه الوالد كان كل ما يشوفني بالشارع يقولي شعندك تهايل بالسكيك
اعتقد المعنى معروف والنتيجة قاط الجاري ومنحاش داخل البخار وهو المكان اللي توقف فيه السيارة ويشبه بحد كبير الكراج الموجود في المنازل حاليا مع اختلاف حجم الفئران في فترة السبعينات مقارنة مع انواعها الحاليه واللي كشخت وصارت تسمى "هامستر".
وأذكر لما كنا نطلع الحبال مع الوالد وربعه...كانت مهمتي الرئيسية الحفاظ على بطل البيبسي المتروس زهيوية والتأكد ان الكلينكس اللي يسكر البطل..مغلق باحكام..كان بالنسبة لي فلم رعب خصوصا لحظة تجميعهم من اقرب بالوعة في البيت.. اللي يطير.. واللي يتعلق بالدشداشة واللي يزرق بين اصابع ايدي واللي يمشي على ظهر الدشداشة.. واحلى ما فيهم.. اللي مسوي نفسه فاهم و شجاع وبكل ثقة يتمشى عند الساس يعني جنه مو له.. والساس هو سور المنزل الخارجي واللي كنا نتواجد عليه اغلب ايام السنة للاتقاط البمبر والكنار. والبمبر هو نوع من انواع الفواكه الشديد اللزوجه واللي تسبب انزلاقات غضروفية لكثير من هواة لعب الطبماخية في فترة الظهيرة واللي يتمركزون في حوش المنزل.
:) :) :) :)
يا حلاة أيام قبل... طرق الجاري وعصاة البيسبول.. اقصد المقصي
وهاذي ياريت يشرحها لكم احد الاعضاء المخضرمين في اللعبه
Bo Khaled
25-03-2007, 07:59 PM
مكيف عنتر و كلفنيتور .. طبعا الجبسون لازم ضرسه طايح وشالعين الفلتر علشان يبرد اكثر
بوخالد تذكر ثلاجات ( وايت ويستنغ هاوس)
اي اذكرها
اللي مسكة الباب شطولها جنها عصاة وممدوده
عالعرض ...ليش ...ما ادري !!:cool:
ولازم اطقها طقه حيل لي بره يالله تفتح
واكو منهم لونهم اخضر ولا اصفر :25:
والعجيب بيت الثلج
تلاقي باني فيه الثلج اللي ما تقدر تحط لو بطل بيبسي :)
ماكو شي اسمه No FROST :p
Bo Khaled
25-03-2007, 08:02 PM
الله يرحمه الوالد كان كل ما يشوفني بالشارع يقولي شعندك تهايل بالسكيك
اعتقد المعنى معروف والنتيجة قاط الجاري ومنحاش داخل البخار وهو المكان اللي توقف فيه السيارة ويشبه بحد كبير الكراج الموجود في المنازل حاليا مع اختلاف حجم الفئران في فترة السبعينات مقارنة مع انواعها الحاليه واللي كشخت وصارت تسمى "هامستر".
وأذكر لما كنا نطلع الحبال مع الوالد وربعه...كانت مهمتي الرئيسية الحفاظ على بطل البيبسي المتروس زهيوية والتأكد ان الكلينكس اللي يسكر البطل..مغلق باحكام..كان بالنسبة لي فلم رعب خصوصا لحظة تجميعهم من اقرب بالوعة في البيت.. اللي يطير.. واللي يتعلق بالدشداشة واللي يزرق بين اصابع ايدي واللي يمشي على ظهر الدشداشة.. واحلى ما فيهم.. اللي مسوي نفسه فاهم و شجاع وبكل ثقة يتمشى عند الساس يعني جنه مو له.. والساس هو سور المنزل الخارجي واللي كنا نتواجد عليه اغلب ايام السنة للاتقاط البمبر والكنار. والبمبر هو نوع من انواع الفواكه الشديد اللزوجه واللي تسبب انزلاقات غضروفية لكثير من هواة لعب الطبماخية في فترة الظهيرة واللي يتمركزون في حوش المنزل.
:) :) :) :)
يا حلاة أيام قبل... طرق الجاري وعصاة البيسبول.. اقصد المقصي
وهاذي ياريت يشرحها لكم احد الاعضاء المخضرمين في اللعبه
حياك الله بو عبد الوهاب بهالصفحه
شبو البخور يا بنات :)
اما المقصي يا بو عبدالوهاب يا كرهها اذا يت العصا الصغيره على بو بتلقفها ولا مفتلته من ايدك وباطه راسك :D
م / بورصاوي
25-03-2007, 09:42 PM
والله زمان
نشكر الجميع على التواصل
ومن الكلمات العتيجة
الحسان : يعني صالون الحلاقة والشخص الذي يعمل فيه يسمى محسن
وقد تطورت كلمة الحسان واصبحت بعدها حلاق ثم تطورت واصبحت صالون
واليوم معهد حلاقة وتجهيز معاريس
بالأول لين نروح الحسان نقول حق المحسن قص الشعر تواليت يعني مسوي تسريحة :D :D
مساك الله بالخير اخوي بدران ... ذكرتني بس انا كنت كشخة لمن اروح الحسان اقوله تواليت خفيف ... :)
من بعد الدجة ... قمنا انحسن تواليت خفيف .... والحين انت شنو اسم قصتك .... اتوقع سبايكي ولا تمليس :)
ام النور
26-03-2007, 12:21 AM
الله يرحمه الوالد كان كل ما يشوفني بالشارع يقولي شعندك تهايل بالسكيك
اعتقد المعنى معروف والنتيجة قاط الجاري ومنحاش داخل البخار وهو المكان اللي توقف فيه السيارة ويشبه بحد كبير الكراج الموجود في المنازل حاليا مع اختلاف حجم الفئران في فترة السبعينات مقارنة مع انواعها الحاليه واللي كشخت وصارت تسمى "هامستر".
وأذكر لما كنا نطلع الحبال مع الوالد وربعه...كانت مهمتي الرئيسية الحفاظ على بطل البيبسي المتروس زهيوية والتأكد ان الكلينكس اللي يسكر البطل..مغلق باحكام..كان بالنسبة لي فلم رعب خصوصا لحظة تجميعهم من اقرب بالوعة في البيت.. اللي يطير.. واللي يتعلق بالدشداشة واللي يزرق بين اصابع ايدي واللي يمشي على ظهر الدشداشة.. واحلى ما فيهم.. اللي مسوي نفسه فاهم و شجاع وبكل ثقة يتمشى عند الساس يعني جنه مو له.. والساس هو سور المنزل الخارجي واللي كنا نتواجد عليه اغلب ايام السنة للاتقاط البمبر والكنار. والبمبر هو نوع من انواع الفواكه الشديد اللزوجه واللي تسبب انزلاقات غضروفية لكثير من هواة لعب الطبماخية في فترة الظهيرة واللي يتمركزون في حوش المنزل.
:) :) :) :)
يا حلاة أيام قبل... طرق الجاري وعصاة البيسبول.. اقصد المقصي
وهاذي ياريت يشرحها لكم احد الاعضاء المخضرمين في اللعبه
يا حيا الله مراقبنا بوعبدالوهاب .. ما شاء الله اغلب الكلمات اللي بسالفتك من الكلمات الكويتيه القديمه .. شكرا على مشاركتنا بالصفحه ..:) :)
اما سالفة الحبال وتصيــــــــــــَد الزهيويه فهذا تخصص pennوالحيدر وبوخالد وعليمنكي ...:rolleyes:
ام النور
26-03-2007, 12:28 AM
حياك الله بو عبد الوهاب بهالصفحه
شبو البخور يا بنات :)
اما المقصي يا بو عبدالوهاب يا كرهها اذا يت العصا الصغيره على بو بتلقفها ولا مفتلته من ايدك وباطه راسك :D
شبينا البخووور طال عمرك وطبعا انت تدري ان مسك اهيه لجنة الاستقبال ...
مكيف عنتر و كلفنيتور .. طبعا الجبسون لازم ضرسه طايح وشالعين الفلتر علشان يبرد اكثر
بوخالد تذكر ثلاجات ( وايت ويستنغ هاوس)
:D :D :D :D :D :D
اي والله اخوي بدران .. صدقت
كنا نروح الحلاق الهندي .. يحلق 7 يهال بنص ساعه .. ورشاش الماي ماله مثل البمب يعبيه هوا ويبخ شعرك ماي .. والتحسونه تواليت وانقز ياولد.. مو مثل الحين تروح الحلاق تلقى 15 واحد من هالشباب قاضبين دور علشان يستشور شعره ويفتر بالاسواق وكل واحد نافش شعره فوق تقول حاط أناناس فوق راسه
عرناص سابقا :D
الا جنها عرفيه على راسه " نبات العرفج ":p :p
بوخالد قاعد هالحزة من صجج
هذا عشاه خبز رقاق ولبن وماله شغل بالمكيف
فنيلة علاق ووزار وبنكة توصوص
يابولة بنكة بديدة ماطلع صوت حاشه ارق وماعرف ينام :)
لا لا ما يصير هذا ابونا العوووود يا بو سليماااااااااان .:)
بساحله شوي والا شيفكنا منه بعدين :bawling:
الحيدر911
26-03-2007, 12:32 AM
ياحيا الله بوسليمان
بوخالد الله يهداه يكوكنا عليك وينحاش :cool:
ام النور
26-03-2007, 12:38 AM
ياحيا الله بوسليمان
بوخالد الله يهداه يكوكنا عليك وينحاش :cool:
واي قطها براس اخينا بوخالد ...واهوه سوه نفسه برييييييييييييء
اقوووول أروح اسوي اقتباس حق مشاركاتك بملوك افريقيا :25: :25: :25: :25:
بو سليمان ما عليك من بومحمد ترى اهوه اللي مشيش بوخالد عليك :11: :11:
يا حيا الله مراقبنا بوعبدالوهاب .. ما شاء الله اغلب الكلمات اللي بسالفتك من الكلمات الكويتيه القديمه .. شكرا على مشاركتنا بالصفحه ..:) :)
اما سالفة الحبال وتصيــــــــــــَد الزهيويه فهذا تخصص pennوالحيدر وبوخالد وعليمنكي ...:rolleyes:
لا يا ام النور انا وين وهالسوالف وين
انا فترة الطفولة والمراهقة كنت بالبيان انجلش سكول من يذكر مس هايدي؟؟
حبال وزهيوية سألي الهيلق بوخالد والحيدر كانو بالقلفج سكول
ياحيا الله بوسليمان
بوخالد الله يهداه يكوكنا عليك وينحاش :cool:
اوه ظلمتك يابومحمد:confused:
ام النور
26-03-2007, 12:47 AM
لا يا ام النور انا وين وهالسوالف وين
انا فترة الطفولة والمراهقة كنت بالبيان انجلش سكول من يذكر مس هايدي؟؟
حبال وزهيوية سألي الهيلق بوخالد والحيدر كانو بالقلفج سكول
والله ما عندي رد الا لووووووووووووووووووووووووووووووووووووووول .. :D :D :D :D :D :D :D :D :D :D بس أقول بوسليمان :هايدي مو جنه مسلسل كرتوني :eek: :eek:
الحيدر911
26-03-2007, 12:48 AM
لا يا ام النور انا وين وهالسوالف وين
انا فترة الطفولة والمراهقة كنت بالبيان انجلش سكول من يذكر مس هايدي؟؟
حبال وزهيوية سألي الهيلق بوخالد والحيدر كانو بالقلفج سكول
الله الله ياكبرها عندالله
بوخالد الحق على صاحبنا .. يقول ابلته مس هايدي
مس هايدي اهي اللي معلمتك بطول كراش وزهيويه وتمر؟؟
لا يالهيس على هالسالفه :11:
ام النور
26-03-2007, 12:48 AM
اوه ظلمتك يابومحمد:confused:
لآلالالالالالالالالالالالالالا .. لا تصدقه روح شوف مشاركاته بملوك افريقيا اشقايل هناااك :11: :11: :11: :11:
الله الله ياكبرها عندالله
بوخالد الحق على صاحبنا .. يقول ابلته مس هايدي
مس هايدي اهي اللي معلمتك بطول كراش وزهيويه وتمر؟؟
لا يالهيس على هالسالفه :11:
هذي سوالفك؟؟
تبي اشتكي عليك ويشطبونك :25:
الحيدر911
26-03-2007, 12:52 AM
لآلالالالالالالالالالالالالالا .. لا تصدقه روح شوف مشاركاته بملوك افريقيا اشقايل هناااك :11: :11: :11: :11:
اثاريج منتي هينه حق تزلق الوايرات
ييبي ليتاتي :11:
الحيدر911
26-03-2007, 12:54 AM
هذي سوالفك؟؟
تبي اشتكي عليك ويشطبونك :25:
ترا عندي واسطه بالمنتدى .. وينك انت
تبيني اردك حمالي المنتدى مره ثانيه؟؟
ام النور
26-03-2007, 12:54 AM
اثاريج منتي هينه حق تزلق الوايرات
ييبي ليتاتي :11:
ما عندك اثبااااااااات انهم ليتاتك :p :p ... وين الاثبات ها .. وينـــــــــــــــه:25: :25: :25:
لآلالالالالالالالالالالالالالا .. لا تصدقه روح شوف مشاركاته بملوك افريقيا اشقايل هناااك :11: :11: :11: :11:
خليه ان ماسويته واحد منهم
وانقيله ديرة حارة وكلها ركضة وهيلة لين اقطع نسمه
ويسمونه حيدراباد ملك الزباد
الحيدر911
26-03-2007, 12:58 AM
خليه ان ماسويته واحد منهم
وانقيله ديرة حارة وكلها ركضة وهيلة لين اقطع نسمه
ويسمونه حيدراباد ملك الزباد
الشرهه علي شاريلك غتره جيفينشي.. بظبطك
لكن ماكو فايده .. خلك على غترتك الاسود والابيض مالت عرفات .. اللي جنها علم سباق
الحيدر911
26-03-2007, 12:59 AM
ام النور مكيفه طبعا :11:
ترا عندي واسطه بالمنتدى .. وينك انت
تبيني اردك حمالي المنتدى مره ثانيه؟؟
اسمع
هذا وانت بالبلدية تقول جذي
لو بالخارجية جان شسويت
انا اقول روح نام باجر وراك افرارة على مطاعم الفقارة واذا فيك خير
خالف امريكانا وهذا ويهي اذا ما حولوك هجانة
ام النور
26-03-2007, 01:02 AM
ام النور مكيفه طبعا :11:
عند ويهك .. افااا عليك :25: :25: :25: بس ناقصنا بوخالد وتكمل السالفه :25: .. والا مسك خنت حيلي تنام مبجر:D
الحيدر911
26-03-2007, 01:06 AM
اسمع
هذا وانت بالبلدية تقول جذي
لو بالخارجية جان شسويت
انا اقول روح نام باجر وراك افرارة على مطاعم الفقارة واذا فيك خير
خالف امريكانا وهذا ويهي اذا ما حولوك هجانة
انا بقطاع الهندسه يالدرو
تبيني احط بيتكم بدوار وتحتكم نفق وفوقكم جسر
ويم دريشتك موقف باصات
الشرهه علي شاريلك غتره جيفينشي.. بظبطك
لكن ماكو فايده .. خلك على غترتك الاسود والابيض مالت عرفات .. اللي جنها علم سباق
حلاية مكسرك المقلم شنو علم الارجنتين
انا بقطاع الهندسه يالدرو
تبيني احط بيتكم بدوار وتحتكم نفق وفوقكم جسر
ويم دريشتك موقف باصات
قوية قوية ودي ودي اصدق بس قوية
جان حطيت بيتكم على البحر وزرقت ربعك المهربة
الحيدر911
26-03-2007, 01:09 AM
[/color][/size]
حلاية مكسرك المقلم شنو علم الارجنتين
لي الحين تلبس باتا ؟
الحيدر911
26-03-2007, 01:11 AM
قوية قوية ودي ودي اصدق بس قوية
جان حطيت بيتكم على البحر وزرقت ربعك المهربة
مادري منو حاطله المنيوم 14 قدم .. لا يصيدونك بس
حسبالهم طوربيد محلي
لي الحين تلبس باتا ؟
والله انك رفيجي وحبيب :)
اخاف يحسبونا نتهاوش :D
وجنا طلعنا عن الموضوع :rolleyes:
ام النور
26-03-2007, 01:15 AM
والله انك رفيجي وحبيب :)
اخاف يحسبونا نتهاوش :D
وجنا طلعنا عن الموضوع :rolleyes:
عدل يا بو سليمان:10: يبا اللي يعرفكم عدل يدري انكم ربع وحبايب ومعاكم بوخالد بعد... والسالفه كلها غشمره بغشمره :) :)
أقول بومحمد ليلحين تبي ليتاتك:confused: :confused:
الحيدر911
26-03-2007, 01:16 AM
كله من ام النور
بو سليمان عندك ياها
الحيدر911
26-03-2007, 01:18 AM
بوسليمان حبيبي وصديقي
ترا ياجماعه باجر الصبح انا مبسط بستاربكس الي بالمرينا مقابل المرسى .. واللي بيحضر حياه الله
كله من ام النور
بو سليمان عندك ياها
مش ممكن ابدا
ام النور
26-03-2007, 01:19 AM
كله من ام النور
بو سليمان عندك ياها
لا والله وانا اشعلي :eek: :eek: :eek: .. انا اصلا من الجمهوووور وقاعده ساكته حتى ما اشجع :25: :25:
ول ول ول بيشيش بوسليمان علي:11:
ام النور
26-03-2007, 01:22 AM
تصبحوووووووووووووووون على خيييييييييير :) :) :)
الحيدر911
26-03-2007, 01:32 AM
بو سليمان .. ترا مشاركاتنا فضيحه الله يخسك :d
شرايك نشطبهم ؟
بوسليمان حبيبي وصديقي
ترا ياجماعه باجر الصبح انا مبسط بستاربكس الي بالمرينا مقابل المرسى .. واللي بيحضر حياه الله
تسلم يابومحمد :10: :10: :10:
والله انك رفيجي وحبيب :)
اخاف يحسبونا نتهاوش :D
وجنا طلعنا عن الموضوع :rolleyes:
:D :D بوسليمان وبوخالد وبومحمد .. ادري داش عرض بس
والله الله يوسع صدوووركم مثل ما وسعتوا اصدوورنا.. حقيقة
مقعدكم حلو وسوالفكم احلا ..
ام النووور موضوعج عجيب مثل باجي مواضيعج :10: :10:
مو شي يديد عليج الله يعطيج العافيه
زين كلمة: يضهووول .. مارة عليكم اكيد
ولا : جقققاالة .. ؟
و : حريمتك / حريمتج
و(الروشنة) وهي وصف قديم لجزء صغير من الغرفة..
ومحد يستخدما في وقتنا لان مالها عازة
المشكلة الواحد لي بغي يذكر مثل هالاحجيات حزة الحزة ما تطرى على باله
والحجوة عادة تطلع تلقائي بالموقف نفسه
بس ما عليج من تطري علي حجوه بكتبها
الحيدر911
26-03-2007, 01:42 AM
هلا والله اخوي براك
ان شاءالله تكون مستانس معانا .. بس موتقول حق احد :d
تعال سكاتي:)
طبعا انا وبوسليمان وبوخالد وام النور كل جم يوم عندنا فاصل فكاهي
:D :D بوسليمان وبوخالد وبومحمد .. ادري داش عرض بس
والله الله يوسع صدوووركم مثل ما وسعتوا اصدوورنا.. حقيقة
مقعدكم حلو وسوالفكم احلا ..
ام النووور موضوعج عجيب مثل باجي مواضيعج :10: :10:
مو شي يديد عليج الله يعطيج العافيه
زين كلمة: يضهووول .. مارة عليكم اكيد
ولا : جقققاالة .. ؟
و : حريمتك / حريمتج
و(الروشنة) وهي وصف قديم لجزء صغير من الغرفة..
ومحد يستخدما في وقتنا لان مالها عازة
المشكلة الواحد لي بغي يذكر مثل هالاحجيات حزة الحزة ما تطرى على باله
والحجوة عادة تطلع تلقائي بالموقف نفسه
بس ما عليج من تطري علي حجوه بكتبها
هلا وغلا باخوي براك
وكل براك عزيز وكله بركة
يضهول = يبالغ بالشين ويكبر السالفة
جققققاالة = نحاسة على سواد قلب
حريمتك = يعني بعدك او حامض على بوزك
ولك تقييم من اخوك
الحيدر911
26-03-2007, 01:44 AM
تسلم يابومحمد :10: :10: :10:
الله يسلمك بعد جبدي
_________________
جنه السيرفر ذبحنا وهو يعنفص علينا :11:
ذبحنا هالسيرفر ... لي وقف يعـــل
هلا والله اخوي براك
ان شاءالله تكون مستانس معانا .. بس موتقول حق احد :d
تعال سكاتي:)
طبعا انا وبوسليمان وبوخالد وام النور كل جم يوم عندنا فاصل فكاهي
هلا فيك بومحمد :)
اي ابشررر سكاااتي ولا يهمك :10:
والله و3000 نعم فيكم كلكم عسى الله يكثر من امثالكم :)
هلا وغلا باخوي براك
وكل براك عزيز وكله بركة
يضهول = يبالغ بالشين ويكبر السالفة
جققققاالة = نحاسة على سواد قلب
حريمتك = يعني بعدك او حامض على بوزك
ولك تقييم من اخوك
الله يعز شانك يا بوسليمان مشكور طال عمرك ما قصررت
لا مضبوووط شغلك اصلي مشاء الله ..
لا وشكلنا احنا اللي بنضيع وياكم :rolleyes: مشاء الله كويتييين قححححح الله يحفظكم
ومشكوور يالغالي عالتقييم .. بقيييمكم بس ما عرف شلون
ام النور
26-03-2007, 09:51 AM
:D :D بوسليمان وبوخالد وبومحمد .. ادري داش عرض بس
والله الله يوسع صدوووركم مثل ما وسعتوا اصدوورنا.. حقيقة
مقعدكم حلو وسوالفكم احلا ..
ام النووور موضوعج عجيب مثل باجي مواضيعج :10: :10:
مو شي يديد عليج الله يعطيج العافيه
زين كلمة: يضهووول .. مارة عليكم اكيد
ولا : جقققاالة .. ؟
و : حريمتك / حريمتج
و(الروشنة) وهي وصف قديم لجزء صغير من الغرفة..
ومحد يستخدما في وقتنا لان مالها عازة
المشكلة الواحد لي بغي يذكر مثل هالاحجيات حزة الحزة ما تطرى على باله
والحجوة عادة تطلع تلقائي بالموقف نفسه
بس ما عليج من تطري علي حجوه بكتبها
صباح النور والسرور .. هلا اخونا براك...
ان شاء الله دوم مستانس معانا .. وبوخالد وبومحمد وبوسليمان وطبعا معانا شقيقتنا الصغرى مسك كلنا اخوانكم ونتمنىدخولكم معانا ومشاركتنا ..وشكرا على الكلام الطيب .
هلا والله اخوي براك
ان شاءالله تكون مستانس معانا .. بس موتقول حق احد :d
تعال سكاتي:)
طبعا انا وبوسليمان وبوخالد وام النور كل جم يوم عندنا فاصل فكاهي
فضحتنا يا بومحمد .... ما تعرف تسكت .. لازم تخربها :cool: :cool:
Bo Khaled
26-03-2007, 12:53 PM
بو حمود وبو سليمان وام النور
انتو يبه شمهببين البارحه :eek:
عسى الواحد ما يغفل عنكم شويه ...الا سويتو فاصل فكاهي :)
وانا اقول البارحه وانا نايم اسمع صفارات الاسعاف
اثره ملخ امالخ :p
مسك الروح
26-03-2007, 01:07 PM
بو حمود وبو سليمان وام النور
انتو يبه شمهببين البارحه :eek:
عسى الواحد ما يغفل عنكم شويه ...الا سويتو فاصل فكاهي :)
وانا اقول البارحه وانا نايم اسمع صفارات الاسعاف
اثره ملخ امالخ :p
كلش مو مال الواحد يغفل عنهم ...اغيب يوم والقاكم واصلين صفحة تعش :rolleyes:
مسك الروح
26-03-2007, 01:08 PM
[quote=ام النور;546890]صباح النور والسرور .. هلا اخونا براك...
ان شاء الله دوم مستانس معانا .. وبوخالد وبومحمد وبوسليمان وطبعا معانا شقيقتنا الصغرى مسك كلنا اخوانكم ونتمنىدخولكم معانا ومشاركتنا ..وشكرا على الكلام الطيب .
[/color]
كشتي فيني وتقولين شقيقتج الصغرى :bawling: :bawling:
[quote=ام النور;546890]صباح النور والسرور .. هلا اخونا براك...
ان شاء الله دوم مستانس معانا .. وبوخالد وبومحمد وبوسليمان وطبعا معانا شقيقتنا الصغرى مسك كلنا اخوانكم ونتمنىدخولكم معانا ومشاركتنا ..وشكرا على الكلام الطيب .
quote]
هلا اختي ام النور ..
مشكورة ما قصرتي .. تشرفتنا صراحة بمعرفة هاليمعة الطيبة
ام النور
26-03-2007, 01:21 PM
بو حمود وبو سليمان وام النور
انتو يبه شمهببين البارحه :eek:
عسى الواحد ما يغفل عنكم شويه ...الا سويتو فاصل فكاهي :)
وانا اقول البارحه وانا نايم اسمع صفارات الاسعاف
اثره ملخ امالخ :p
والله يا بوخالد انا كنت قاعده عاجله ما سويت شي :bawling: :bawling: كنت مع الجمهووور اهمه اللي كانوا حاطين عليك:25: :25: والحمدلله ان صفحتنا ماكان فيها كوشيااات ولا مساند والا جان تحاذفوا مثل ديوانيه الاسهم لما طشرهم بوسليمان:eek:
كلش مو مال الواحد يغفل عنهم ...اغيب يوم والقاكم واصلين صفحة تعش :rolleyes:
ما نقدر نصبر ما نكتب شي مسك .. بس الصج الصج امس بدعوا بومحمد وبوسليماااان .
[quote=ام النور;546890]صباح النور والسرور .. هلا اخونا براك...
ان شاء الله دوم مستانس معانا .. وبوخالد وبومحمد وبوسليمان وطبعا معانا شقيقتنا الصغرى مسك كلنا اخوانكم ونتمنىدخولكم معانا ومشاركتنا ..وشكرا على الكلام الطيب .
[/color]
كشتي فيني وتقولين شقيقتج الصغرى :bawling: :bawling:
هذا وانا قايلة شقيقتى الصغرى جذيه هاوشتيني .. عيل لو قايله اني انا وياااج توم يعني نفس المواليد جان اشسويتي :11: :11:
الحيدر911
26-03-2007, 02:35 PM
[quote=ام النور;547238]والله يا بوخالد انا كنت قاعده عاجله ما سويت شي :bawling: :bawling: كنت مع الجمهووور اهمه اللي كانوا حاطين عليك:25: :25: والحمدلله ان صفحتنا ماكان فيها كوشيااات ولا مساند والا جان تحاذفوا مثل ديوانيه الاسهم لما طشرهم بوسليمان:eek:
!!! لا والله .. بعد بعد .. تمسكني بعد :11:
شعللتيها واخرتها تصبحون على خير وقبيتي
اشوه ان السيرفر علق .. وللا جان انا وبوسليمان مطارح بسجاجين والدم لي البلاعيم
Bo Khaled
26-03-2007, 02:44 PM
[quote=ام النور;547238]والله يا بوخالد انا كنت قاعده عاجله ما سويت شي :bawling: :bawling: كنت مع الجمهووور اهمه اللي كانوا حاطين عليك:25: :25: والحمدلله ان صفحتنا ماكان فيها كوشيااات ولا مساند والا جان تحاذفوا مثل ديوانيه الاسهم لما طشرهم بوسليمان:eek:
!!! لا والله .. بعد بعد .. تمسكني بعد :11:
شعللتيها واخرتها تصبحون على خير وقبيتي
اشوه ان السيرفر علق .. وللا جان انا وبوسليمان مطارح بسجاجين والدم لي البلاعيم
انا اقول لكه برنج بوكس عالحنج خل راسه يدور وراه :p
الحيدر911
26-03-2007, 02:46 PM
بو حمود وبو سليمان وام النور
انتو يبه شمهببين البارحه :eek:
عسى الواحد ما يغفل عنكم شويه ...الا سويتو فاصل فكاهي :)
وانا اقول البارحه وانا نايم اسمع صفارات الاسعاف
اثره ملخ امالخ :p
هلا بوخلود
لا ماكو شي .. مجرد نقاش بريء بيني وبين بوسليمان
كلمة قديمة
((ضحكت من سرك بله))
من يعرفها
ادري الي شايف الحيدر يعرفها..
[quote=الحيدر911;547422]
انا اقول لكه برنج بوكس عالحنج خل راسه يدور وراه :p
كلمة قديمة من يعرفها ؟؟
((تقلقلو حنوجك))
بوخالد عطهم مثال وسولف خل يشوفون
بس واحد ياجماعة الخير يقضب غترته وعقالة
الحيدر911
26-03-2007, 03:14 PM
رد الماي بحنيورك
دعوى قديمه واحيانا استعملها مع بوسليمان :11:
الحيدر911
26-03-2007, 03:17 PM
[quote=الحيدر911;547422]
انا اقول لكه برنج بوكس عالحنج خل راسه يدور وراه :p
بلكه برنج روفر بنص سيارته
اصبر علي بس بوخلود .. اوريك فيه
[quote=Bo Khaled;547459]
بلكه برنج روفر بنص سيارته
اصبر علي بس بوخلود .. اوريك فيه
بوحواجب معجفة يدافع عن بواذون :11:
عطه شوي من حواجبك مسيكين حواجبه جنهم حب رقي:D
مسك الروح
26-03-2007, 04:00 PM
تذكرون اول ما صارت ام النور عضوة متميزة شنو كانوا كاتبين لها بدال متميزة ؟؟؟؟؟ كلمة قديمة بس منو يذكرها :confused:
الحيدر911
26-03-2007, 04:12 PM
تذكرون اول ما صارت ام النور عضوة متميزة شنو كانوا كاتبين لها بدال متميزة ؟؟؟؟؟ كلمة قديمة بس منو بذكرها :confused:
هلا بأخيتي ام احمد .. الحمدلله على السلامه
بشري شلون الصغيره .. ان شاءالله بخير
مسك الروح
26-03-2007, 05:26 PM
هلا بأخيتي ام احمد .. الحمدلله على السلامه
بشري شلون الصغيره .. ان شاءالله بخير
اهلا اخ بومحمد الله يسلمك يارب
نحمدالله على كل حال المسكينة طاحت على ريولها مرة ثانية وينفتح الجرح مرة ثانية
Bo Khaled
26-03-2007, 05:30 PM
كلمة قديمة
((ضحكت من سرك بله))
من يعرفها
ادري الي شايف الحيدر يعرفها..
شوفوا هذا
قاعد يضحك من سره :p
http://xs313.xs.to/xs313/07111/king13.jpg
Bo Khaled
26-03-2007, 05:36 PM
[quote=الحيدر911;547557]
بوحواجب معجفة يدافع عن بواذون :11:
عطه شوي من حواجبك مسيكين حواجبه جنهم حب رقي:D
انجلع جلعك الله
ياهندي قريح;)
شنو قريح ما ادري :cool:
الحرسون
26-03-2007, 06:05 PM
كلمة قديمة تقال ...حق واحد صاعد مثلا فوق الكبت او فوق السطح ......بس طويله شوى
حدر واحدرتن تحدرلى بطنك :eek:
كلمة قديمة تقال ...حق واحد صاعد مثلا فوق الكبت او فوق السطح ......بس طويله شوى
حدر واحدرتن تحدرلى بطنك :eek:
:10: :10: :10:
الحرسون
26-03-2007, 07:29 PM
:10: :10: :10:
اشلونك بوسليمان ....معاك معشى الجن راعي الاربعتش ....يقولك خوش جو الحين حق الحداق
في الارياق ....وانصحك تروح بالستعش ....مع مكينة ايسوزو 2 حصان ...لايطوفك الجو ادري فيك ماتطلع الا بالضربات :10: :D
شكلك ......مشغل الكنديشن ونايم :D
اشلونك بوسليمان ....معاك معشى الجن راعي الاربعتش ....يقولك خوش جو الحين حق الحداق
في الارياق ....وانصحك تروح بالستعش ....مع مكينة ايسوزو 2 حصان ...لايطوفك الجو ادري فيك ماتطلع الا بالضربات :10: :D
شكلك ......مشغل الكنديشن ونايم :D
عاش بو احمد
حي الله الحداق العود :)
بهالجو تبيني اروح الارياق يالظالم
وستعش بعد :confused:
الحيدر911
26-03-2007, 08:32 PM
(هفه تلايمك) دعاوي العيايز
اكو كلمات قديمه حلوه بس المشكله ما تنقال :d
الحيدر911
26-03-2007, 08:35 PM
عاش بو احمد
حي الله الحداق العود :)
بهالجو تبيني اروح الارياق يالظالم
وستعش بعد :confused:
:eek: :eek:
الارياق و ستعش و حصانين
يتراوالي لو تروح مشي ارحم
(هفه تلايمك) دعاوي العيايز
اكو كلمات قديمه حلوه بس المشكله ما تنقال :d
يعني شتبي بالله ؟؟
تبي مراقب يقولك عادي قول
ادري تقرقع بقلبك :)بس اضبط حالك مالنا خلق نكفلك
الحيدر911
26-03-2007, 08:57 PM
يعني شتبي بالله ؟؟
تبي مراقب يقولك عادي قول
ادري تقرقع بقلبك :)بس اضبط حالك مالنا خلق نكفلك
ماقدر .. تحوس بقلبي :D
:eek: :eek:
الارياق و ستعش و حصانين
يتراوالي لو تروح مشي ارحم
حلوة :D :D :D
ماقدر .. تحوس بقلبي :D
قولي على الخاص:)
الحيدر911
26-03-2007, 09:01 PM
قولي على الخاص:)
بخاطري على العام
ببطهااااااااااااااا
واللييي فيهاااااااااااا فيهااااااااااااااااااااااااا
لا لا اتغشمر :D
ام النور
26-03-2007, 11:45 PM
كلمة قديمة
((ضحكت من سرك بله))
من يعرفها
ادري الي شايف الحيدر يعرفها..
[quote=Bo Khaled;547459]
كلمة قديمة من يعرفها ؟؟
((تقلقلو حنوجك))
بوخالد عطهم مثال وسولف خل يشوفون
بس واحد ياجماعة الخير يقضب غترته وعقالة
رد الماي بحنيورك
دعوى قديمه واحيانا استعملها مع بوسليمان :11:
[quote=Bo Khaled;547459]
بلكه برنج روفر بنص سيارته
اصبر علي بس بوخلود .. اوريك فيه
كلمة قديمة تقال ...حق واحد صاعد مثلا فوق الكبت او فوق السطح ......بس طويله شوى
حدر واحدرتن تحدرلى بطنك :eek:
(هفه تلايمك) دعاوي العيايز
اكو كلمات قديمه حلوه بس المشكله ما تنقال :d
تصدقون وانا اقرأ الامثال مالتكم اعتقدت اني داشة بالغلط يا على دوانية الصيادين يا على دوانية العيل الاول ..:eek: :eek: :eek:
بس ناقص يحطون جدامكم دوه وفحم واستكانات قبل المنقطه باللون الازرق وغوري الشاي ... ودامه ودومنه وتكمل السالفه :25: :25: :25: :D :D :D :D :D :D :D
مسك الروح
26-03-2007, 11:50 PM
[quote=مسك الروح;547688]تذكرون اول ما صارت ام النور عضوة متميزة شنو كانوا كاتبين لها بدال متميزة ؟؟؟؟؟ كلمة قديمة بس منو يذكرها :confused:
ام النور
27-03-2007, 09:56 AM
[quote=مسك الروح;547688]تذكرون اول ما صارت ام النور عضوة متميزة شنو كانوا كاتبين لها بدال متميزة ؟؟؟؟؟ كلمة قديمة بس منو يذكرها :confused:
مسك ....:11: :11: :11:
أمس حطيتي نفس هالمشاركه والحمدلله عدت على خير ومحد شافها .. والحين رديتيها .:11: :11:
ده انا غلبااااااااااااااااان :bawling: :bawling:
مسك الروح
27-03-2007, 09:59 AM
[quote=مسك الروح;548530]
مسك ....:11: :11: :11:
أمس حطيتي نفس هالمشاركه والحمدلله عدت على خير ومحد شافها .. والحين رديتيها .:11: :11:
ده انا غلبااااااااااااااااان :bawling: :bawling:
اهلا وسهلا :25: :25: ...
الا ابيهم يجاوبونها
ام النور
27-03-2007, 10:01 AM
عندي اليوم جم كلمه قديمه ودي أضيفهم :
دريول : كانت تنقال حق السايق .
شداخه : اللي يصيدون فيها الفيران .
مجراخه : اللي يجرخون فيها السوائل " يعني خلاط يدوي .
ام النور
27-03-2007, 10:02 AM
[quote=ام النور;549328]
اهلا وسهلا :25: :25: ...
الا ابيهم يجاوبونها
محد يعرف .... محد يذكر ..:25: :25:
مسك الروح
27-03-2007, 10:06 AM
[quote=مسك الروح;549335]
محد يعرف .... محد يذكر ..:25: :25:
تراهنين انهم يذكرونها :25:
[quote=ام النور;549347]
تراهنين انهم يذكرونها :25:
راهني وانتي مغمضة:)
مسك الروح
27-03-2007, 10:33 AM
[quote=مسك الروح;549360]
راهني وانتي مغمضة:)
هيااااااااااااااااااااااااااااااااااااا :10:
ام النور عليج يومين ريوق وغدا وعشا :25:
ام النور
27-03-2007, 10:33 AM
[quote=مسك الروح;549360]
راهني وانتي مغمضة:)
:11: :11: :11: :11: :11: :11: :11: :11:
[quote=penn;549440]
:11: :11: :11: :11: :11: :11: :11: :11:
:D :) :D :) :D :) :D :)
اهلا اخ بومحمد الله يسلمك يارب
نحمدالله على كل حال المسكينة طاحت على ريولها مرة ثانية وينفتح الجرح مرة ثانية
سلامات سلامات .. الففف لا باس عليها
يالله يومين ان شاء الله وماكو الا العافيه
اخو قبل كلا قاصين علينا (تكبر وتنسسسى)
عوااااار .. اي اكبر وانسى!!
مسك الروح
27-03-2007, 11:43 AM
[quote=penn;549440]
:11: :11: :11: :11: :11: :11: :11: :11:
[quote=ام النور;549451]
:D :) :D :) :D :) :D :)
http://www.travel4arab.com/vb/images/smilies/109.gif http://www.travel4arab.com/vb/images/smilies/109.gif http://www.travel4arab.com/vb/images/smilies/109.gif
مسك الروح
27-03-2007, 11:44 AM
سلامات سلامات .. الففف لا باس عليها
يالله يومين ان شاء الله وماكو الا العافيه
اخو قبل كلا قاصين علينا (تكبر وتنسسسى)
عوااااار .. اي اكبر وانسى!!
مشكور وما قصرت اخ براك ...وان شاء الله ماكو الاالعافية وعلى قولتك تكبر وتنسى
شوفوا هذا
قاعد يضحك من سره :p
http://xs313.xs.to/xs313/07111/king13.jpg
هههههههههه .. والله صدددقت:10:
اثاررري جذيه اللي يضحك من سرررررره
والله عاد كبرت السر بالفوتو شوووب عشان تكون الضحكة واضحة
بس لاعت جبدي ومسحتهاااااا
ام النور
27-03-2007, 12:39 PM
[quote=ام النور;549451]
[quote=penn;549524]
http://www.travel4arab.com/vb/images/smilies/109.gif http://www.travel4arab.com/vb/images/smilies/109.gif http://www.travel4arab.com/vb/images/smilies/109.gif
حق الشماته يا سعد :11: :11:
مسك الروح
27-03-2007, 12:40 PM
[quote=مسك الروح;549643][quote=ام النور;549451]
حق الشماته يا سعد :11: :11:
لا والله مو شماته
Bo Khaled
27-03-2007, 05:54 PM
هههههههههه .. والله صدددقت:10:
اثاررري جذيه اللي يضحك من سرررررره
والله عاد كبرت السر بالفوتو شوووب عشان تكون الضحكة واضحة
بس لاعت جبدي ومسحتهاااااا
لا
ولو تدقق عدل
تلاقي اكو ضروس ولهات ولسان الموت :cool:
الحيدر911
27-03-2007, 08:37 PM
لا
ولو تدقق عدل
تلاقي اكو ضروس ولهات ولسان الموت :cool:
انا شاك ان الاسد صجي
والملك اهو اللي محنط
Bo Khaled
27-03-2007, 08:46 PM
انا شاك ان الاسد صجي
والملك اهو اللي محنط
انا اللي باط جبدي تدري شنو ؟
كا يعرف يحط برده وراه
زين تستر مثل الناس :rolleyes:
وتستر وحط الزايد من البطانه على كرشتك
zgombi
28-03-2007, 01:45 PM
موضوع اكثر من رائع بس ممكن احد يترجم هالكلمتين :)
مسارجيه ..وامعط شنو ترجمتهم ؟
جمبازي
28-03-2007, 03:00 PM
الجيل اللي ما لحق على هالكلمات دخلوا وشوفوا كلامنا .. يا حلاته من كلام :) :)
مصطلحات كويتية : كلام الكويتيين القدامى
زبوط النقعه : هذا الوصف يطلقه الكويتين على الشخص القصير ضعيف البنيه فيشبهونه بالزبوط والزبوط هو نوع من القواقع البحرية الساحليه والنقعه هي ساحل البحر القريب
عفلنقي : صفه تطلق على الشخص سئ السمعه المتلاعب
يتزنكح : يعني يمشى ببرود يتمطي في مشيته مثال اشوفك ياي متزنكح اليوم
عقر بقر : تقال هذه الكلمه للانسان المريض واللى يبون اتغشمرون معاه مثال اشفيك طاقك عقر بقر يعني اشفيك حاشك مرض البقرة اللى انكسرت ريلها او امرضت وما قامت تقدر تقوم
امزهلق : اي مرتب ومنمق يعني اذا كان عندك شى قديم ونظفته وصار جنه يديد
فشغى : يقال مثال فلان ماكل فشغي اي متعب ومرهق من الفقر او المرض او المصايب
قنزوعه : عباره عن انه هناك بعض الفتيات قديما بالكويت اللى شعورهم فلافل اللى شعورهم جدائل فتكون شبه منتصبه فاسمونهم الناس قبل ام القنازع
كيري ميري : وهو لفظ يقوله القدماء يعنون به اللف والدوران فيقول البعض مثال انا ما عندي كيري ميري يعني انا ما اعرف اللف وادور ولا اعرف الغشمره اعرف الحق وبس
سنسون انعية : وهو وصف يطلق على الشخص الضعيف الذي لا رأي له وليس بيده حل ولا ربط خاصه اذا كان مسؤولا يعني اذا مديرك بالدوام ما عنده شخصيه معناته اهوا سنسون انعيه
امعطعط : عبارة عن الشخص اللي بنية جسمه ضعيفه نتيجة مرض او شيخوخة بحيث لا يقوي على القيام بأي عمل
بربس : صفة تطلق على الكلام عديم الفائدة وعلى العمل الذي لا فائدة ترجي من ورائه وعلىالشخص الذي لا اعتماد عليه مثال شغلكم بربس
تدهوك : مثال فلان متدهوك اي ضاعت منه الحيلة فلا يعرف كيف يتصرف
سواده : كتله سوداء كجهولة وغير واضحه المعالم الا باقترابها منك او باقترابك منها مثال مره قاعد امشى ما وعيت الا ذيج السواده من بعيد يوم قربت منها والا هي صخله بعير خروف كيفكم نقو
غمنده : كلمة بمعني اتفاق سري لتنفيذ عمل ما ربما يكون للشر أقرب مثال صلوح وحمود بينهم غمنده مادري شخططون عليه
نام ابمردانه : يعني عباره عن انه تشاجر معه وطرحه أرضا واشبعه ضربا مثال طفتك الهوشه عبووود نام ابمردان جسووم
هوله : مثال انت يالهوله اي قبيح المنظر ولا يتسم بشئ من الجمال وينطبق ذلك على الذكر والانثي
زند العبد : نوع من انواع الحلويات التى يعجب بها الاطفال قديما .... تري على ايامهم هذا باونتي وسنيكرز هاهاها
امدوكر : فلان امدوكر اي ناقص عقل ولا يحسن التصرف ولا يجيد التركيز
بزبز : يعني اول ما يخط شارب الشاب او لحيته يقولون بزبزت شواربه او لحيته
خاوط : فلان يخاوط في السكيك يعني يمشى على غير هدي وعن غير قصد او بالاحري يذهب من طريق ويأتي من اخر من دون هدف
امصين : هذه الكلمة تطلق مجازا على كل ماهو قذر وكريه وخبيث الرائحة يعني الواحد اللى صار له مده مو متسبح او الملابس اللى صار لها مده ما انغسلت انت يا امصين قوم تسبح
تصومع : بمعني تشوش فكره من شدة ما يلاقيه من اهانات اضطربت حالته وأصبح لايحسن التصرف
اعنبوك : وهي في الحقيقه كلمة توبيخيه يتقبلها البعض حيث يقولها الكويتي لأصدقائه وأبنائه واهل بيته مثال اعنبوك وين رحت ...اعنبوك يوز اذيتـنا لكن في الحقيقه هي مسببة قاسية محرفة ومخففه من كلمة ألعن ابوك ولكن تـلفظ بدون قصد
شكيصي : فلان صار يلاعبني الشكيصي اي لا يصدق بمواعيده معه يراوغه ويؤمله والشكيصي عبارة عن لعبة
يتروط : اي يتثني ويتهزهز في حركاته او مشيته وتطلق على كل شى هذا شأنه ياختصار الكلمه تنطبق على بنات هالوقت
مردويسه : كلمة كويتيه قديمة وتعني الامور الفوضوية او المختلطة مع بعضها مما لا فائده منها اليهال خلوا البيت مردويسه
ادنات الدون : يمعني أقل القليل فيقال عن الطفل كثير البكاء حمووودي يبجي على ادنات الدون اي على اقل سبب
سفله : من الفاظ التحقير فلان سفله اي انه سافل ومنحط وما عنده اخلاق
متبعبس : بمعني مضطرب ومرتبك تبعبست اي اصبحت في حالة اضطراب شديد
اخريبجي : فلان والله اخريبجي يعني المبذر اللى يصرف امواله بسخاء وتبذير غير عبائي
خنت : خنت حيلي وهو لفظ يطلقه النساء تعبيرا عن عطفهم وشفقتهم على كل من يستحق ذلك من الضعفاء والمحتاجين والمرضى والعجزه مو سوالف ربعنا الله يهداهم بالملعب خنت حيلي يالأخضر جمهورك ساكت
امخنجر : شفيك امخنجر اليوم اي انه مزاجه ليس على ما يرام بسبب مرض او غيره
بايرة : المرأة التى فاتها سن الزواج ولم يتقدم احد لخطبتها (العانس)
تنهزر : مثال فلان تنهزر فلان اي زجره ووجه اليه انتقادات حاده وعبارات لاذعه
زغنبوط : عساك تاكل زغنبوط انشاء الله او زغنبوط في بطنك بمعني ان ما اكلته سيكون اخر اكله تاكلها في حياتك و تقال لمن ياكل الحرام او ياكل شيئا دون رضا صاحبه
عكرش : فلان عكرش ويهه بمعني عبس او قطب حواجبه
يتكعكع : يعني يتضاحك والكعكعه هي الضحك مع اخراج صوت كع كع ومنها القهقهة قه قه قه ومنها الكركرة وصوتها كر كر كر
ازحير : تقال هذه الكلمة لأحدهم حين عدم الرضا منه وخاصه وهو يأكل مثال تاكل ازحير انشاء الله او عندما تقول الام حق ولدها ازحر يعني مثل ابلع واهيا مو راضيه عنه
امشلوط : مثال فلان حار امشلوط اي عصبي المزاج يغضب لاتفه الأسباب
تكمكمت : وتطلق هذه الكلمة على المرأة التى تريد ان تتخفي وهي تحت عباءتها عن احد لا تود ان يراها او يتعرف عليها مثال شيخه يوم شافت فلان او فلانه تكمكمت عنها
دياية ام أحمد : وهو وصف يطلق على الانسان الضعيف الذي لا يستطيع القيام بأي عمل
تناتيش : وهي تعبر عن الشئ القليل وغالبا باختصار اذا حضر شخص للأكل وما لقي الا شوية من الاكل وقام ياكل منها مثال عزموني بيت فلان على الغداء وصلت متاخر كليت بس تناتيش
يتحيلق : صفة تطلق على الشخص اللى كثير المجاملات الذي يتودد ويمتدح ليحصل على بغيته وهدفه وبعض الاحيان يقال عنه يعجف او عجاف
امشدق : القصد منها على بعض الشباب على انهم تجاوزوا سن الطفولة والشباب
ثجيل طينه : سعود ثجيل طينه هي صفة تطلق على ثقيل الدم الذي لا يتقبله الناس سواء بالاحاديث او في التصرفات
خيخي : صفة تطلق على الجبان الذي لا يحسن التصرف
أيبااااه : كلمه يقولها الكويتين عند التعجب او استحسان شيء ما
ذيخ : بس القصد منها الصبي الشيطان اللى يلعب مع يهال اصغر منه وهو اكبر منهم مثال فهووود ذيخ اشلون يلعب مع اليهال
تريع : وهو صوت يخرجه الانسان من جوفه بواسطة فمه نتيجة لاكثار من اكل او شرب وخاصه اذا اكل فجل وشرب اللبن او المياه الغازيه وييييييييييييييييييييييييع
ويع : القصد منها للتعبير عن كل شئ قبيح او قذر مما تشمئز له النفس
متكهين : مثال فلان متكهين اي انه يتصنع في حركاته ودائما يحاول اقلد اللى اكبر منه بالسن
يزامط : وهو الذي يتباهي أمام الآخرين بما لديه حتي وان كان كاذبا
ازوير : اعوير وازوير والمنكسر واللى ما فيه خير وهو مثل يطلق على حثالة الناس ومن لاخير فيهم واللى ما منهم فايده
اطريجعي : والله فلان اطريجعي كلمة القصد منها المذله والتحقير انه هذا الشخص ماله قيمة
خري مري : القصد منها المكان الذي لايعرف فيه الداخل من الخارج فيقولون الناس في هذا المكان خري مري
خماجير : وهي عبارة عن مجموعة من الأدوات او الاشياء القديمة الغير مرتبه واللتي اختلطت ببعضها وقد تكون غير صالحه للاستعمال
حبربش : تري هالكلمه وهميه معروفه عند الكويتين وقولونها على فئة من لا تعجبهم من الناس او بالاحري تنطبق على حثالة الناس ومن هم من دون المستوي مثال تري هذا من طقة هالحبربش
حنفيش : مادري ليش شاكه في هالكلمة انها مصريه هاهاها بس اهيا كويتيه وهي صفة تطلق على الشاب الذي لا يهتم بمظهره وأناقته وغالبا ما يكون ضخم وقبيح والله يا كثرهم هالايام هالحنافيش تشوفهم بكل مكان ورازين روحهم بكل مكان
سمردحه : يعني لما واحد اقول حوش سمردحه يعني واسع المساحة ويقال ايضا يطرد فيه الخيل وهي صفة لساحات البيوت
غلفج : وتطلق هذه الكلمة على تواجد أعداد كثيرة غير معروفه من الناس في مكان ما
قرقعه : وهذة الكلمه مأخوذه من اصوات الاواني والصناديق وغيرها حينما ترتطم ببعضها
كميخ : وهذا التعبير يطلق على الانسان الأبله قليل الفطنه مثال انت يا كمخه
طقن : وهي كلمة كويتيه قديمة تستعمل للذم والتحقير فاذا غضبت من أحد تقول له انت يا طقن وكذلك تستخدم هذه الكلمة للأشياء الرديئة
متعومس : اي مضطرب ومرتبك من شدة ما يرقيه او متشوش الفكر لايدري ما يفعل
يخمخم : مثل البلاع الذي يأكل ما يقع تحت يده دون التقيد بمواعيد الاكل مثال واحد رد البيت وبعدين بيتهم حطوا الغداء قالهم ما ابى اكل لاني اليوم امخمخم اي تناولت اكلا من هنا وهناك
املجع : يعني عن واحد صاحب فطنه وذكي ما يفوته شى الا بعد ما اتاكد منه وتفحصه
بطران : ويطلقها الكويتين على الشخص الفالت غير الملتزم بنظام معين ويفعل ما يريد وما يهتم حق اي حجي او نقد ينقال عليه
خازر : مثال فلان يخازر بعينه يعني يصوب عينه الي شى معين
رنع : مثال فلان رنع راس فلان بالصخره يعني واحد طق الثاني بصخره
يزوغل : وهذه الكلمة تعني التلاعب والخداع والتحايل في اللعب عند الصبيان مثل الغش طبعا قبل لما يلعبون وواحد فيهم ازوغل على طول مكافخ وهواش ونجره
شاتر : وهذه الكلمه تطلق على الخضروات والمزروعات الخضراء الطازجة فيقال عنها شاترة يعني شكلها حلو
اطوق : لما يقولون فلان جلب اطوق القصد تطلق على الانسان المتعالى الذي لا يحترم غيره او الخبيث سيء السلوك والسمعه
امجثي : اي ذهب بريق لونه واصبح اجلح مثل واحد مريض وتغير وجهه من المرض مثال شفي ويهك امجثي اليوم
امصرقع : مثال فلان حار وامصرقع اي عصبي المزاج لا يتحمل المناقشه ولا يستطيع التفاهم سريع الغضب ويثور لاتفه الاسباب تري مو القصد منها انه خبل ومينون
طواعين : مثال من سنين الطواعين اي من مدة طويله او من زمان طويل اي ايام الطاعون الوباء او الموت من الوباء
طحس : مثال فلان يطحس يعني يشتغل او يعمل بجد ويجهد نفسه كثيرا ويعاني دون يعي لنفسه أو يحق مصلحة مثال اخر خله يطحس اي يمعني اتركه يعاني
اكحيله : وهي صفه تطلق على المرأة الشريفة النزيهة العفيفة الطاهرة
خبه : هي الضجه واختلاط الاصوات مثال سمعنا خبة أو خبخبة اي ضجيج مثال اخر يانه افلان وخبنا وياه يعني سبب لنا ازعاج
امتشتش : يطلق هذااللفظ على الشخص الذي ابتلي بسمنه تزيد عن الحد اي المتين
امتكتك : لما يقولون فلان امتكتك يعني متناسق في جسمه من ناحية طوله وعرضه
خواره : لما يقولون فلان خواره يعني ليس محل ثقه وما تحصل منه فايده مثال اخر فلان يخوره بالحجي اي بمعني ينقصه الجد اثناء الحديث
كوكش : لما يقولون فلان عنده عيال كوكش يعني وايد او كثيرون وتستعمل للمبالغة في الكثرة
يتمخطر : اي يمشى بغرور او يمشى مشية المعجب بنفسه
اجرينبه : مثال فلان طاف اجرينبه اي انه عندما لبس الغتره لفها حول رأسه وعلى فكره تري هالنوع من انواع النسفات القديمه ولا يلبسها الا البحارة واصحاب الاعمال كال****ة والبنائين
ساتول : وهو عباره عن الخط الواحد من الناس او الحيوانات الذي يمشي بعضه وراء بعض على خط واحد ومنتطم
شيفه : بمعني قبيح المنظر
اتسمر : مثال افلان اتسمر في مكانه اي ثبت في مكانه كالمسمار الذي دق في الارض
طمطم : لما يقولون فلان طمطم السالفه او طمطم القضية يعني مثل اخفي او دفن الموضوع
انجعم : تستعمل هذه الكلمه للزجر او الردع بمعني كن صامتا ساكنا يعني مثلا لما واحد بعاقب ولده اقوله دش الدار او البيت وانجعر فيه
امعابد : مثال فلان امعابد ذاك المكان امعابد يعني انه يتردد عليه كثيرا فهو ملازم له دائما او جاعله كالمعبد مثل ما شاء الله شبابنا وبناتنا امعابد بالسالميه
جمبازي : صفه تطلق على الشخص المكار الذي يتصف بالكذب واكل اموال الناس بالباطل والضحك مثال فلان قاعد يتجمبز على الناس
تت : هذى صج فعلا كلمة كويتيه بحته وهي لفظ يقال لزجر القطط وطردها وذلك بتكراره عدة مرات تت تت تت تت
لندني : وهي صفه تطلق على كل بضاعه ممتازة على غيرها من حيث الجودة والمتانه والقوة باعتبار انها جاءت من لندن رمز الصناعات القوية وكذلك على الجو إن كان ربيعي
م
ن
ق
و
ل
ههههههههههههههههههههههههههههههههه
فعلا ....كلام صحيح ..
واصل التسميه ..اتخذته ..للدخول للمنتدى ....لمحاربة ...الجمبازيين ..من المحافظ وعملائهم .
احسنتى ياام النور ...:10: :10:
وكاتبتها باللون الاصفر ...وصغيره ..يصير خير :11:
ام النور
28-03-2007, 06:52 PM
ههههههههههههههههههههههههههههههههه
فعلا ....كلام صحيح ..
واصل التسميه ..اتخذته ..للدخول للمنتدى ....لمحاربة ...الجمبازيين ..من المحافظ وعملائهم .
احسنتى ياام النور ...:10: :10:
وكاتبتها باللون الاصفر ...وصغيره ..يصير خير :11:
هلا والله بوعبد الله " الجمبازي " اشلونك ؟؟؟وشكرا على الاطراء...
يبا كتبت الكلمه ومعناها باللون الاصفر الصغير علشان ما تزعل ... والا لو على المحافظ هالجمبازيه بكتبها بالحمر وبأكبر خط بعد :D :D
راشد ( ابو نواف )
28-03-2007, 10:00 PM
اهلا اخ بومحمد الله يسلمك يارب
نحمدالله على كل حال المسكينة طاحت على ريولها مرة ثانية وينفتح الجرح مرة ثانية
ما تشوف شر ان شاء الله .
الله يشفيها ويقومها بالسلامة وتلعب حيلة مثل امها .
مسك الروح
28-03-2007, 10:23 PM
ما تشوف شر ان شاء الله .
الله يشفيها ويقومها بالسلامة وتلعب حيلة مثل امها .
اهلا اخ راشد .... الله يسلمك يارب ما قصرت ,,,,, شخباري الحين من يلعب حيلة الحين اسكيتنك والا جيم بوي مادري دي اس .... والله ايام قبل اللعب احسن من الحين
راشد ( ابو نواف )
29-03-2007, 12:29 PM
صبحك الله بالخير .
اذا ما عليك كلافة ارجو ترجمة كلامك لاني ما اعرف شنوا تقولين .
راشد ( ابو نواف )
29-03-2007, 03:12 PM
اخيتي ام النور .
شلونك عساك طيبة .
احنا بنحط كلمات عتيجة . ونسأل الشباب عنها اذا عرفوها كان بها واذا ما عرفوها جاوبيهم .
شنوا ، المدعاب
الباغدير
القفر
الملالة
العزيزو
نكتفي الحين والباقي يأتي .
مسك الروح
29-03-2007, 03:42 PM
صبحك الله بالخير .
اذا ما عليك كلافة ارجو ترجمة كلامك لاني ما اعرف شنوا تقولين .
مساء النور ....
اخ راشد تقصد الكلام اللي انا كاتبته تبي ترجمته ؟؟؟؟
راشد ( ابو نواف )
29-03-2007, 03:48 PM
اهلا اخ راشد .... الله يسلمك يارب ما قصرت ,,,,, شخباري الحين من يلعب حيلة الحين اسكيتنك والا جيم بوي مادري دي اس .... والله ايام قبل اللعب احسن من الحين
اى هذا اللي تلعبونة الحين .
مسك الروح
29-03-2007, 03:55 PM
اى هذا اللي تلعبونة الحين .
من صجك ما تعرفها .... اوكي راح اقول لك شنو اهي ...
اهي لعبة الكترونية فيها شريط صغير ويلعبون فيها اليهال .... واسكيتنك اهو عبارة عن التزحلق على الجليد بواسطة جوتي معين ( عزكم الله )
راشد ( ابو نواف )
30-03-2007, 02:23 PM
من صجك ما تعرفها .... اوكي راح اقول لك شنو اهي ...
اهي لعبة الكترونية فيها شريط صغير ويلعبون فيها اليهال .... واسكيتنك اهو عبارة عن التزحلق على الجليد بواسطة جوتي معين ( عزكم الله )
هذى اللى تقولين عنها كيتنق مدري شنو عندنا منها بالكويت وبكم يبيعونها .
بشتري واحدة حق المرة .
ام النور
30-03-2007, 02:44 PM
هذى اللى تقولين عنها كيتنق مدري شنو عندنا منها بالكويت وبكم يبيعونها .
بشتري واحدة حق المرة .
لالالالالالالالالالالالالالالالا تعلييييييييييق :D :D :D
ام النور
30-03-2007, 02:47 PM
اخيتي ام النور .
شلونك عساك طيبة .
احنا بنحط كلمات عتيجة . ونسأل الشباب عنها اذا عرفوها كان بها واذا ما عرفوها جاوبيهم .
شنوا ، المدعاب
الباغدير
القفر
الملالة
العزيزو
نكتفي الحين والباقي يأتي .
اخيي راشد .. ومن قالك انا اعرف شنو معناهم :confused: .. أصلا انا نفس مواليد مسك :D .. ما لحقت على هالشغلالالالات .. لو سمحت ممكن الترجمه ...:25: :25:
يعني لازم تبين اني اشكبري :eek: :eek: ... اي اعرفهم بس ماني قايله .. انت قووووول ..:cool: :cool:
مسك الروح
30-03-2007, 06:46 PM
هذى اللى تقولين عنها كيتنق مدري شنو عندنا منها بالكويت وبكم يبيعونها .
بشتري واحدة حق المرة .
والله يا بابا عود راشد هذا الله يطول عمرك اسمها اسكيتنك يعني صالة تزحلق على الجليد ...اشلون تشتري وحدة منها :confused: ولا بعد حق المرة ناوي عليها تتكسر
مسك الروح
30-03-2007, 06:48 PM
اخيي راشد .. ومن قالك انا اعرف شنو معناهم :confused: .. أصلا انا نفس مواليد مسك :D .. ما لحقت على هالشغلالالالات .. لو سمحت ممكن الترجمه ...:25: :25:
يعني لازم تبين اني اشكبري :eek: :eek: ... اي اعرفهم بس ماني قايله .. انت قووووول ..:cool: :cool:
اي صاااااااااااااااجة نفس اليوم بعد .....اقول ام النور عاد قولي شنو معناهم علشان نتنور :25:
راشد ( ابو نواف )
30-03-2007, 07:16 PM
اي صاااااااااااااااجة نفس اليوم بعد .....اقول ام النور عاد قولي شنو معناهم على نتنور :25:
ان ما خليتكم اتهاوشون وكل واحدة تنتف كشة الثانية ماكون راشد .
الحين صرت بابا عود هين .
ام النور
31-03-2007, 12:46 AM
ان ما خليتكم اتهاوشون وكل واحدة تنتف كشة الثانية ماكون راشد .
الحين صرت بابا عود هين .
دايما وابدا وهالشي معروف اللي يحازي عن قصص قبل والا يعرف الكلام القديم مال أول يسمونه بابا عووود .. واذا اهيه مره يسموووونها يديده والا حبابه ..:p
فانت ليش زعــــــــــــلان ومعصب .. اذا ما تبي بابا عود .. شوفلك مسمى ثاني واحنا حاضرين :) :)
المطرف
31-03-2007, 02:11 AM
ام النور rashid 1 مسك الروح
واللة انتم حلوين
:)
راشد ( ابو نواف )
31-03-2007, 11:36 AM
ام النور rashid 1 مسك الروح
واللة انتم حلوين
:)
ياهلا وسهلا باخوى المطرف .
الله يابك علشان تصف معاى وتفكني من هالملسونة مسك واختها .
ترى شابين على شب
ام النور
31-03-2007, 01:29 PM
ام النور rashid 1 مسك الروح
واللة انتم حلوين
:)
:)
شكرا اخونا المطرف على مرورك ... وكلك ذوق :) :)
ياهلا وسهلا باخوى المطرف .
الله يابك علشان تصف معاى وتفكني من هالملسونة مسك واختها .
تستاهل التقييم +3 خن واريهم كرم الرجال مو اهم الجعوص .
ترى شابين على شب
الله يسامحك اخيي راشد .. ليش تظلمني انا واختي وتقول اننا بخلا .. و احنا دايما نندي بالنقاط عسى ما شفنا أحد دخل معانا بالمواضيع الا شجعناه وقيمناه حتى لو ما نقوووول ..:cool: :cool:
وبعدين ليش ملسن:eek: :11: ليش ليش يعني ليش احنا شنو سوينا .. ها... ها... ها...:cool: :cool:
راشد ( ابو نواف )
01-04-2007, 07:11 PM
:)
شكرا اخونا المطرف على مرورك ... وكلك ذوق :) :)
الله يسامحك اخيي راشد .. ليش تظلمني انا واختي وتقول اننا بخلا .. و احنا دايما نندي بالنقاط عسى ما شفنا أحد دخل معانا بالمواضيع الا شجعناه وقيمناه حتى لو ما نقوووول ..:cool: :cool:
وبعدين ليش ملسن:eek: :11: ليش ليش يعني ليش احنا شنو سوينا .. ها... ها... ها...:cool: :cool:
انتوا تقتلون القتيل وتمشون بجنازته .
انتي واختك توارثتوني وانا حى .
ام النور
01-04-2007, 10:38 PM
انتوا تقتلون القتيل وتمشون بجنازته .
انتي واختك توارثتوني وانا حى .
اخذي الورث +4
:cool: :cool: :cool: :cool: :11:
راشد ( ابو نواف )
02-04-2007, 06:36 PM
:cool: :cool: :cool: :cool: :11:
عزيزتي ام النور .
بكون ذرب شوية .
ليش ماتضيفين قطاوي قبل . اذا وافقتي نبلش .
دشتي البورصه
04-04-2007, 12:52 AM
عزيزتي ام النور .
بكون ذرب شوية .
ليش ماتضيفين قطاوي قبل . اذا وافقتي نبلش .
المشكله مالحقت علي كلامات قبل
دكتور متقاعد
04-04-2007, 07:38 AM
الاخت ام النور المبدعه :
موضوع شيق وجميل واكثر من رائع حلو انا الواحد يعرف كلام اول بس انا لي عتب عليج اختي ,,,,
اولا يمعتي علينا الشياب والعيايز وثاني شي دامانج تعرفين هالامور ليش ما تنظمين لنا رحلة تكون شهرية طبعا على حساب مراقبين المنتدى شهر يكون في فيلكا وشهر يكون حق القصر الاحمر في الجهرا وشهر وهكذا وبيني وبينج والسر عندج في الامان انا قاعد احاول اجرهم علشان يوزعون تذاكر سفر حق الصيف الله يعطيج العافيه مجهود تستحقين على التقييم .:^:
دكتور متقاعد
04-04-2007, 07:39 AM
عزيزتي ام النور .
بكون ذرب شوية .
ليش ماتضيفين قطاوي قبل . اذا وافقتي نبلش .
ياعم راشد قطاوي فسرها لانه في ناس تحسب مياو مياو لا بعد شرايك تقولنا حزايه :25: :25: :25: يالشايب
ام النور
04-04-2007, 08:04 AM
الاخت ام النور المبدعه :
موضوع شيق وجميل واكثر من رائع حلو انا الواحد يعرف كلام اول بس انا لي عتب عليج اختي ,,,,
اولا يمعتي علينا الشياب والعيايز وثاني شي دامانج تعرفين هالامور ليش ما تنظمين لنا رحلة تكون شهرية طبعا على حساب مراقبين المنتدى شهر يكون في فيلكا وشهر يكون حق القصر الاحمر في الجهرا وشهر وهكذا وبيني وبينج والسر عندج في الامان انا قاعد احاول اجرهم علشان يوزعون تذاكر سفر حق الصيف الله يعطيج العافيه مجهود تستحقين على التقييم .:^:
صباح الخير .. دكتورنا .
حياك الله معانا في صفحة كلمات كويتيه قديمه .. ونتشرف بمشاركتك معانا ..
اولا .. شكرا على الاطراء .. ما عليك زود طال عمرك .
ثانيا .. الشياب والعيايز أهمه الخير والبركه " والماضي لا ما نتركه ":) :D
المشكله مالحقت علي كلامات قبل
ماكو مشكله اخوي دشتي .. انت بس واضب على هالموضوع وما عليك شر ان شاء الله
ايام واتصير اقدددع واحد فينا :10:
بدران
07-04-2007, 05:07 PM
من الكلمات القديمة أو بمعنى اصح الاشياء القديمة المطرح والمسند
بالاول ماكو قنفات الا القليل منها
كان يوجد بالصاله مطارح ومساند وبشرط من القطن الي مودينه النداف الي براس العاير .
راس العاير : تعني زاوية الفريج
ودايما يمعة الشباب بالفريج براس العاير ... حاطين صناديق البيبسي وقاعدين عليها طق زقاير وسوالف
ام النور
07-04-2007, 08:47 PM
ماكو مشكله اخوي دشتي .. انت بس واضب على هالموضوع وما عليك شر ان شاء الله
ايام واتصير اقدددع واحد فينا :10:
مساء الخير اخيي براك .. كلامك عدل:10: بجهود الاعضاء واضافاتهم راح نعرف كلمات قديمه ممكن نسمعها وما نعرف معناها أو ممكن فعلا اندثرت ..وخلونا نعيد كلماتنا الكويتيه القديمه والحلوه مره ثانيه للتداول .
شكراا .
من الكلمات القديمة أو بمعنى اصح الاشياء القديمة المطرح والمسند
بالاول ماكو قنفات الا القليل منها
كان يوجد بالصاله مطارح ومساند وبشرط من القطن الي مودينه النداف الي براس العاير .
راس العاير : تعني زاوية الفريج
ودايما يمعة الشباب بالفريج براس العاير ... حاطين صناديق البيبسي وقاعدين عليها طق زقاير وسوالف
شكرا اخونا بدران على الاضافه .. وفعلا مشاركتك كانت فيها أكثر من كلمة قديمه .. وممكن نغير كلمة صناديق البيبسي الى " سحاحير " البيبسي علشان تكون بعد قديمه .
يعطيك العافيه .
Bo Khaled
07-04-2007, 08:56 PM
ام النور شنو يعني :
دنكه (دنقه ) ؟؟:)
ام النور
07-04-2007, 09:14 PM
ام النور شنو يعني :
دنكه (دنقه ) ؟؟:)
حق التوهق يا بوخالد...:cool:
اول ما قريتها حسبت انها تنكه .. واستانست ويايه باكتب شنو معناها والا طلع دنكه :eek: مــــــــــــأ أعرفها :bawling:
Bo Khaled
07-04-2007, 09:40 PM
حق التوهق يا بوخالد...:cool:
اول ما قريتها حسبت انها تنكه .. واستانست ويايه باكتب شنو معناها والا طلع دنكه :eek: مــــــــــــأ أعرفها :bawling:
منتي راعية بنيان (بناء )
ننطر احد يعرف :)
منتي راعية بنيان (بناء )
ننطر احد يعرف :)
مشكور بوخالد عالتقييم وصل :))
الدنقه الدنقه .. عادي اشيرر ؟؟
مو الحديده المدوره اللي فوق الجليب ينزلون منها الحبل ويزعبون تب الماي ؟
راشد ( ابو نواف )
07-04-2007, 11:45 PM
ام النور شنو يعني :
دنكه (دنقه ) ؟؟:)
الطوفة بدون دنقات يطيح طابوقها .
الدنقة ( العمود ) .
تستاهل +5
بدران
08-04-2007, 01:28 PM
شكرا اخونا بدران على الاضافه .. وفعلا مشاركتك كانت فيها أكثر من كلمة قديمه .. وممكن نغير كلمة صناديق البيبسي الى " سحاحير " البيبسي علشان تكون بعد قديمه .
يعطيك العافيه .[/quote]
مشكورة الاخت ام النور على الملاحظة
فعلا سحاحير البيبسي ( سحارة صفرة ) او الكراش ( سحارة بيضة ) او الكندادراي( سحارة خضرة )
ام النور
23-04-2007, 01:04 PM
هاذي بعد كلمااات كويتيه قديمه من كلمااات الماضي العريق ..
• إبـطـيـني : الشخص الذي يحب الأكل بكثرة وفي أي وقت
• أثول : تطلق على الشخص الذي لا يجيد تدبير عمله
• إزقومبي : الشخص غير الجدي والمتلاعب
• إشلايتي : الشخص غير الجدي والمتلاعب
• إلهيس الأربد : تقال للفتى الخامل البليد
• إمتبتب : الشخص السمين
• إمربرب : الطفل الصغير حسن التغذية
• إمشلوَط: تطلق على الأكل الحار ، وتطلق على الرجل عصبي المزاج
• إمهتمل : تطلق على من لا يعتني بملبسه ومظهره
• الأوتي: أداة لكي الملابس
• بَـحَاصَـه : الأرض الصلبة قليلة التراب
• بلاغة شف : فضول ، محاولة التدخل في شئون الغير ومعرفة ما يدور بينهم
• بو هبه : يقدم على الشيء لفترة بسيطة ثم يمتنع
• بـوتـمـبه : الشخص السمين
• بيض الصعّو : الشيء النادر ، الذي تسمع عنه ولا تراه
• ثقيل طينه : دمه ثقيل لا ترتاح لوجوده
• جمبازي : الشخص غير الجدي والمتلاعب
• الجندل (الشندل) : خشب يستخدم لسقف الغرفة
• الحاله كسيفه : الحاله سيئة
خـّري مـّري = الدخول والخروج من غير إستئذان أو نظام
• خـذ وخـل : تقال للشخص الذي ليست لديه مصداقية أو لمن يتحدث بأمور غير صحيحه
• خنت حيلي : تطلق على من يكسر الخاطر ، وتستخدمها النساء فقط
• راشدي : الضرب بالكف على الخـد أو الوجه
• ربادي : جبان
• سمردحه : تطلق على المكان الكبير والواسع
• سِـنيار : مرافقة بعض بالمراكب ، وعادة تستخدم بالسفر أو الطريق الطويل بحري كان أو بري
• سوجري : الصروال الذي يصل طوله إلى مافوق الركبة بقليل
• شريَص : أمسك بالشيء بقوة
• الششمه : النظارة
• شقردي : سريع في القيام بالعمل
• شلاويط : ريحة اللحم المشوي
• شـماطيط : الملابس المقطعة
• الصبخة : الأرض التي تبخر عنها ماء البحر وبقي عليها الملح
• طاقته البوهه : مندهش ومنبهر
• طِـحـيـحَـه : متوفر وبكثره ( مثلا السمك بالسوق اليوم طحيحه )
• طريره : حاده – سنينه
• طمطم عليه : أخفى ودفن وستر على عمله أو قوله
• طنبحله : الشخص السمين
• طنطل : تطلق على الشخص الطويل
• عاقد النونه : الشخص الذي يقرب حاجبيه إلى بعض تعبيرا عن الزعـل
• عـيّـار : الشخص المراوغ
• غـزير : بحر عميق
• غطاوي : فوازير
• غـمَـنـدَه : السـر ويقال (بينهم غمنده)
• فاصخ : يقول ويعمل أشياء من غير إستحياء
• الـفـي : ظل الجدار أو السقف أو الشجره ، يقال فلان جالس في الفي
• كشخه : اللبس الجميل أو الفاخر أو الجديد
• كودنه : تطلق على الشخص الغبي
• كيري ميري : اللف والدوران ، يقال فلان ما عنده كيري ميري . يعني فلان جد لا يحب اللف والدوران
• لا توطوط : لا تأتي مطلقا
• لاهـوب : الهواء الجاف والحار ، يقال اليوم الهوا لاهـوب يصلخ الوجه
• لغلاغه : تطلق على مياه البحر عندما تكون أمواجه خفيفة
• لغـوه : كلام كثير ليس منه فائدة
• لـُـوتي : الشخص غير الجدي والمتلاعب
• متعـومِـس : مضطرب ومرتبك
• مِـتـلَـيّـيــش : متعب جدا ومرهق
• مَـجـعَـرَه : شباب ليسوا على خلق يعبثون ويثيرون الفوضى
• مشفوح : ينقض على الشيء كأنه مو شايف خير
• مصـَمك : قابض على الشيء بشدة
• ملقوف : من يتدخل فيما لا يعنيه
• منكر حسنه : ناكر أو ناكرة الجميل
• مـيـوَه : الفاكهه
• نجره : خلاف بين شخصين
• نجـري : الشخص الذي يجادل في كل شيء
• الهدوم : الملابس
• يرطن : التحدث بلغة أجنبية
• يزوغـل : يغش في اللعب
مــ نـــ قـــ و لــ...
هاذي بعد كلمااات كويتيه قديمه من كلمااات الماضي العريق ..
• إبـطـيـني : الشخص الذي يحب الأكل بكثرة وفي أي وقت
• أثول : تطلق على الشخص الذي لا يجيد تدبير عمله
• إزقومبي : الشخص غير الجدي والمتلاعب
• إشلايتي : الشخص غير الجدي والمتلاعب
• إلهيس الأربد : تقال للفتى الخامل البليد
• إمتبتب : الشخص السمين
• إمربرب : الطفل الصغير حسن التغذية
• إمشلوَط: تطلق على الأكل الحار ، وتطلق على الرجل عصبي المزاج
• إمهتمل : تطلق على من لا يعتني بملبسه ومظهره
• الأوتي: أداة لكي الملابس
• بَـحَاصَـه : الأرض الصلبة قليلة التراب
• بلاغة شف : فضول ، محاولة التدخل في شئون الغير ومعرفة ما يدور بينهم
• بو هبه : يقدم على الشيء لفترة بسيطة ثم يمتنع
• بـوتـمـبه : الشخص السمين
• بيض الصعّو : الشيء النادر ، الذي تسمع عنه ولا تراه
• ثقيل طينه : دمه ثقيل لا ترتاح لوجوده
• جمبازي : الشخص غير الجدي والمتلاعب
• الجندل (الشندل) : خشب يستخدم لسقف الغرفة
• الحاله كسيفه : الحاله سيئة
خـّري مـّري = الدخول والخروج من غير إستئذان أو نظام
• خـذ وخـل : تقال للشخص الذي ليست لديه مصداقية أو لمن يتحدث بأمور غير صحيحه
• خنت حيلي : تطلق على من يكسر الخاطر ، وتستخدمها النساء فقط
• راشدي : الضرب بالكف على الخـد أو الوجه
• ربادي : جبان
• سمردحه : تطلق على المكان الكبير والواسع
• سِـنيار : مرافقة بعض بالمراكب ، وعادة تستخدم بالسفر أو الطريق الطويل بحري كان أو بري
• سوجري : الصروال الذي يصل طوله إلى مافوق الركبة بقليل
• شريَص : أمسك بالشيء بقوة
• الششمه : النظارة
• شقردي : سريع في القيام بالعمل
• شلاويط : ريحة اللحم المشوي
• شـماطيط : الملابس المقطعة
• الصبخة : الأرض التي تبخر عنها ماء البحر وبقي عليها الملح
• طاقته البوهه : مندهش ومنبهر
• طِـحـيـحَـه : متوفر وبكثره ( مثلا السمك بالسوق اليوم طحيحه )
• طريره : حاده – سنينه
• طمطم عليه : أخفى ودفن وستر على عمله أو قوله
• طنبحله : الشخص السمين
• طنطل : تطلق على الشخص الطويل
• عاقد النونه : الشخص الذي يقرب حاجبيه إلى بعض تعبيرا عن الزعـل
• عـيّـار : الشخص المراوغ
• غـزير : بحر عميق
• غطاوي : فوازير
• غـمَـنـدَه : السـر ويقال (بينهم غمنده)
• فاصخ : يقول ويعمل أشياء من غير إستحياء
• الـفـي : ظل الجدار أو السقف أو الشجره ، يقال فلان جالس في الفي
• كشخه : اللبس الجميل أو الفاخر أو الجديد
• كودنه : تطلق على الشخص الغبي
• كيري ميري : اللف والدوران ، يقال فلان ما عنده كيري ميري . يعني فلان جد لا يحب اللف والدوران
• لا توطوط : لا تأتي مطلقا
• لاهـوب : الهواء الجاف والحار ، يقال اليوم الهوا لاهـوب يصلخ الوجه
• لغلاغه : تطلق على مياه البحر عندما تكون أمواجه خفيفة
• لغـوه : كلام كثير ليس منه فائدة
• لـُـوتي : الشخص غير الجدي والمتلاعب
• متعـومِـس : مضطرب ومرتبك
• مِـتـلَـيّـيــش : متعب جدا ومرهق
• مَـجـعَـرَه : شباب ليسوا على خلق يعبثون ويثيرون الفوضى
• مشفوح : ينقض على الشيء كأنه مو شايف خير
• مصـَمك : قابض على الشيء بشدة
• ملقوف : من يتدخل فيما لا يعنيه
• منكر حسنه : ناكر أو ناكرة الجميل
• مـيـوَه : الفاكهه
• نجره : خلاف بين شخصين
• نجـري : الشخص الذي يجادل في كل شيء
• الهدوم : الملابس
• يرطن : التحدث بلغة أجنبية
• يزوغـل : يغش في اللعب
مــ نـــ قـــ و لــ...
الله يعطيج العافية من شفت لون الكتابة بالكحلي عرفت انه منقول :) افا تنوقلين حجي :)
ام النور
23-04-2007, 01:19 PM
الله يعطيج العافية من شفت لون الكتابة بالكحلي عرفت انه منقول :) افا تنوقلين حجي :)
:25: :25:
ام النور
27-04-2007, 07:01 PM
اشدعوه محد يبي يقرا الكلمات القديمه اليديده اللي حطيتها :cool: :cool: :D
الحيدر911
27-04-2007, 07:14 PM
كلمات لها ذكرى جميله
ياما سمعناها من شيابنا :d
الله يعطيج العافيه اخيتي ام النور على مجهودج
ام النور
27-04-2007, 07:29 PM
كلمات لها ذكرى جميله
ياما سمعناها من شيابنا :d
الله يعطيج العافيه اخيتي ام النور على مجهودج
الله يعافيك اخيي بومحمد.. بس أكيد انت سامعها بس من شيابكم :cool: :cool: .. يعني انت ما تقولها :25:
دشتي البورصه
27-04-2007, 07:32 PM
الله يعطيج العافيه نشاءالله
الحيدر911
27-04-2007, 07:32 PM
الله يعافيك اخيي بومحمد.. بس أكيد انت سامعها بس من شيابكم :cool: :cool: .. يعني انت ما تقولها :25:
اقولها في وقت الضروره :D
ام النور
27-04-2007, 08:15 PM
الله يعطيج العافيه نشاءالله
الله يعافيك ..
اقولها في وقت الضروره :D
أكيييييييييييييييد .. يعني مو اهوه غلب كلامك.:D .
والله انا اتمنى اني اقوله كله , بس سبحان الله احيانا انسى الكلمه القديمه , وتطلع اليديده مو العتيجه:cool: .
ام النور
30-05-2007, 08:18 PM
مساء الخيراااات ..
اللي عنده كلمات كويتيه قديمه يتفضل يشاركنا ويضيفها والا ما عنده او من الجيل اليديد اللي ما لحّق على كلماتنا وما يعرفها حياه الله يقرأ كلماتنا الكويتيه القديمه الحلوه .
المحلل المجتهد
31-05-2007, 01:22 PM
خوش موضوع ام النور يعطيج العافية ... نبي معنى خطاك اللاش :cool: خطاك السوء عارفينها لكن اللاش ؟ وما مدى علاقته باللآش :D
i.altorah
01-06-2007, 05:31 AM
شغلج عدل يا ام النور والله ذكرتيني بالوالد وسوالفه ,,,
عندكم بعد كلمة خاشوقه = قفشه او ملعقه للاكل ,,,
ششمه = نظاره ,,,
سحتني = مثال اليوم برد سحتني يعني شديد البروده ,,,
طبعا شقردي الكل عارفها ,,,
ودر = عابس مثل شفي ويهك صاير ودر اليوم يعني عابس ويلوع الجبد ,,,
بجك = يعني شوف في احد ياي بسوي شغله ( بجكلي )
جقاير = زقاير ,,
تخمبغ = يعني تخوره بالحجي ( الكلام )
نبش = يعني دور عدل و انبش المكان كله ,,,
واذا ذكرت بعد قلت لكم ,,,
ام النور
11-06-2007, 09:51 AM
خوش موضوع ام النور يعطيج العافية ... نبي معنى خطاك اللاش :cool: خطاك السوء عارفينها لكن اللاش ؟ وما مدى علاقته باللآش :D
الله يعافيك مراقبنا .. شكرا على المرور ..
والله ما أدري بالضبط شنو معنى اللاش بس يمكن يقصدون فيها اللا شي ..يعني خطاك اللاشي .:confused:
وكلش ما اعتقد انها صوب اللآش:D
شغلج عدل يا ام النور والله ذكرتيني بالوالد وسوالفه ,,,
عندكم بعد كلمة خاشوقه = قفشه او ملعقه للاكل ,,,
ششمه = نظاره ,,,
سحتني = مثال اليوم برد سحتني يعني شديد البروده ,,,
طبعا شقردي الكل عارفها ,,,
ودر = عابس مثل شفي ويهك صاير ودر اليوم يعني عابس ويلوع الجبد ,,,
بجك = يعني شوف في احد ياي بسوي شغله ( بجكلي )
جقاير = زقاير ,,
تخمبغ = يعني تخوره بالحجي ( الكلام )
نبش = يعني دور عدل و انبش المكان كله ,,,
واذا ذكرت بعد قلت لكم ,,,
شكرا اخونا التوره على الاضافه ..
ام النور
06-07-2007, 05:01 PM
ايمااان مطلوبه فورااا وحاااالا في صفحة كلماات كويتيه قديمه :D:D
حطي حق الجمااعه شنو معنى كلمة قبيبه :p:D:D
عليمنكي
06-07-2007, 05:21 PM
بجك = يعني شوف في احد ياي بسوي شغله ( بجكلي )
واذا ذكرت بعد قلت لكم ,,,
:confused:
بجكلى
ايمااان مطلوبه فورااا وحاااالا في صفحة كلماات كويتيه قديمه :D:D
حطي حق الجمااعه شنو معنى كلمة قبيبه :p:D:D
ام النور الظاهر ايمان مشغوله وتدرين اليوم الجمعه......
انا اجاوبج واقول معنى كلمة قبيبه.. يعنى قبه يعنى نحشه يعنى الهروب. :)
طبعا نقول للشباب كلمة بعرام تعنى باص..
كلمة كنديشن تعنى مكيف.. الله يحفظج
Bo Khaled
06-07-2007, 10:55 PM
ايمااان مطلوبه فورااا وحاااالا في صفحة كلماات كويتيه قديمه :D:D
حطي حق الجمااعه شنو معنى كلمة قبيبه :p:D:D
ام النور الظاهر ايمان مشغوله وتدرين اليوم الجمعه......
انا اجاوبج واقول معنى كلمة قبيبه.. يعنى قبه يعنى نحشه يعنى الهروب. :)
طبعا نقول للشباب كلمة بعرام تعنى باص..
كلمة كنديشن تعنى مكيف.. الله يحفظج
هلا بالجاركي وام النور
المقصود بالقبيبه اللي تقصده اختي ايمان وام النور هو الاكل الزايد اللي يحفظ لي وقت متأخر او لثاني يوم...وليس القبه...:)
صح ولا انا غلطان ؟؟:rolleyes:
ايمان
06-07-2007, 11:21 PM
[quote=Bo Khaled;751565]هلا بالجاركي وام النور
المقصود بالقبيبه اللي تقصده اختي ايمان وام النور هو الاكل الزايد اللي يحفظ لي وقت متأخر او لثاني يوم...وليس القبه...:)
صح ولا انا غلطان ؟؟:rolleyes:
صح أخوي بو خالد وينوكل الصبح :)
ام النور
06-07-2007, 11:43 PM
هلا بالجاركي وام النور
المقصود بالقبيبه اللي تقصده اختي ايمان وام النور هو الاكل الزايد اللي يحفظ لي وقت متأخر او لثاني يوم...وليس القبه...:)
صح ولا انا غلطان ؟؟:rolleyes:
[quote=Bo Khaled;751565]هلا بالجاركي وام النور
المقصود بالقبيبه اللي تقصده اختي ايمان وام النور هو الاكل الزايد اللي يحفظ لي وقت متأخر او لثاني يوم...وليس القبه...:)
صح ولا انا غلطان ؟؟:rolleyes:
صح أخوي بو خالد وينوكل الصبح :)
الاجااااااااااابه صح يا سلالالالالام عليكم :10::10::10:
علشان جذيه يابوخالد انا قلت حق ايمان هنااك بالكافيه ما ابي آكل أكل بااايت ;):D:D
ياهلا بالعزيز بوخالد. وب اختنا ايمان الغاليه..
ما لحقت اقول لك ان كلامك صح بوخالد لان كان قصدى كلمة قبيب
وهى الهروب ودارجه عند الشباب. بس ماشاء الله عليها اكدت المعنى اختنا ايمان الله يحفظها ويحفظك.انا رحت بعيد سامحنى
شنو اهمه للحين قاعدين يتكلمون عن الطبخ:confused:
ايمان وينج ام النور الله يذكرها بالخير قاعده تدورج...
موفقين خير يارب
بسم الله الرحمن الرحيم
اللهجة العامية الكويتية
++++++++++++++++++++
تتميز الكويت بلهجتها العامية الجميلة والمرنة وقد صنفت فيها عدة كتب منها كتاب للرسام والباحث الشعبي أيوب حسين الأيوب ولعل المحقق في هذا المجال يلاحظ اندثار الكثير من كلمات هذه اللهجة وظهور كلمات جديدة مع تعاقب الأجيال المختلفة وهبوب رياح الثقافات المتباينة، وهنا أسرد بعض الكلمات العامية الكويتية مثالا لا حصرا:
•إخرطي و خربوطة : سيء وغير حسن
•سيدا : إلى الأمام
•إنقز : إقفز
•صكر : إقفل
•بطّل : إفتح
•حدر : أسفل
•دقوس : شطة
•سكّان : عجلة القيادة
•يم : بجانب
•إغسل إيدك : اقطع الأمل
•شنو : ماذا
•فلْته : لا يعلى عليه
•تصروع : خاف خوفا شديدا
•كودنه : أبله
•مايعرف راسه من كرياسه : كناية عن الغبي
•مايعرف كوعه من بوعه : كناية عن الغبي
•بزر : غر لا خبرة له
•زتك : أسرع
•صيف : تأخر
•دعله : من الدلع و تقال في من يتصرف كالأطفال
•يفتر : يكهرب
•يجندس : ينحني
•كشخه : أنيق
•أدعم : بني
•أببي : أريد
•جنه البخت : كناية عن جودة الشيء
•مطحون : مستخدم أستخدام كثير أو شديد
بعض الكلمات التي دخلت على لهجة شباب الكويت ما بعد عام 2000 :
•كوول : و هي مأخوذة من اللهجة الأمريكية و معناها الحرفي بارد جدا و يقصد بها جيد جدا .
•يقز : والمقصود بها يتسكع ولها معنى آخر .
•أي شي : و هي عبارة تعجب تفيد الاستهجان .
ثم إن اللهجة الكويتية تتمايز تمايزا طفيفا جدا لا يلحظه إلا أهلها فيما بين فئات الشعب المختلفة طبقا لأصولهم فتلك الفئة (وهي أقلية بسيطة جدا) التي ترجع أصولها إلى الأحساء مثلا لها بعض الكلمات الخاصة بها منها : يكسع (أي ينسل بهدوء) الشفت ( أي فلان ) الرابص (كناية بمعنى الموجود عندما يريدون ذكر شخص حاضر دون أن ينتبه لهم) مداوير (أي نقود) أخشف (أحسن) أوهص (أسوأ) يجربن (يكذب) والتي قد لا يفهمها جميع الكويتيين. ورغم عدم بروز الكثير من التمايز بين لهجة أهالي "شرق" شرق مدينة الكويت القديمة وأهالي "جبلة" في غربها الا انه يمكن ملاحظة التمايز بين الكويتيين من أهالي الحواضر والكويتيين من أهالي البادية. وهنالك ثروة لغوية هائلة من الأمثلة الشعبية الكويتية التي يشترك أكثرها مع بقية اللهجات العربية منها: شحادك يالمسمار قال مطرقه، طقني وبكى غلبني واشتكى ، مال البخيل ياكله العيار، اللي ماله أول ماله تالي، شاق القاع وقايل امباع، يغطني بالبحر ويطلعني يابس، ماأخس من المربوط إلا المفتلت، الناس بالناس والعبدة تندب الراس، طارت الطيور بأرزاقها، تحيلقي تميلقي ما في الجدر حكوكه، مد ريولك على قد لحافك، اللي ما يعرف الصقر يشويه، شعلم المعيدي باكل الزبيدي.
تحياتى
jemee
01-08-2007, 12:33 AM
يسلم
والولد الشيطان يسمونه وكيح
al7zeeeen
01-08-2007, 12:49 AM
قواك الله اخوي صوابر
وحط بالك ترى الشفت رابص:D
jemee
01-08-2007, 12:51 AM
قواك الله اخوي صوابر
وحط بالك ترى الشفت رابص:D
قويهههههههههههه طلع من ربعنااااااااااااااااااااااااا
الله يسلمك من كل شر وبارك الله فيك يااخ jemee
تحياتى
قواك الله اخوي صوابر
وحط بالك ترى الشفت رابص:D
تسلم يارب وبارك الله فيك
الشفت رابص يبى مداوير يجربن علينا:)
تحياتى
jemee
01-08-2007, 01:04 AM
تسلم يارب وبارك الله فيك
الشفت رابص يبى مداوير يجربن علينا:)
تحياتى
دشوا بالعميق هههههههه
babow
01-08-2007, 01:07 AM
صعتونا لشفوت رابصين ههههههههههه
ماتجزنون عاد
jemee
01-08-2007, 01:10 AM
صعتونا لشفوت رابصين ههههههههههه
ماتجزنون عاد
هذا المنتدى كله لا
لازمنا قعده حلوه
dounya_malak
01-08-2007, 01:47 AM
بارك الله فيك اخ صوابر عالمعلومة الان صرت اعرف كم كلمة كويتية شكرا
jemee
01-08-2007, 01:54 AM
بارك الله فيك اخ صوابر عالمعلومة الان صرت اعرف كم كلمة((( كويويتية))) شكرا
شنو هذي الكلمه ما وردت علي ههههههههههههههههههه
حياكم الله اخوانى على الردود الطيبه
تحياتى
المهم طلع الشفت اى شى :)
تحياتى
dounya_malak
01-08-2007, 11:32 AM
شنو هذي الكلمه ما وردت علي ههههههههههههههههههه
والله تنفع مراقب امتحانات
خاصة في اللغة العربية
المرة الجاية راح ارد بالفرنسي وورينا شطرتك:25::25::25::25::25::25::p
Abo Muhammed
01-08-2007, 12:12 PM
امدربح = متين = زائد الوزن :25: :d
اسلقا = سريع :d:25:
Abo Muhammed
01-08-2007, 12:31 PM
ساتول = طابور طويل :d:d
jemee
01-08-2007, 12:38 PM
والله تنفع مراقب امتحانات
خاصة في اللغة العربية
المرة الجاية راح ارد بالفرنسي وورينا شطرتك:25::25::25::25::25::25::p
لالالالا فرنسي ما عرف بس ايطالي ممكن:rolleyes::rolleyes:
الهيس الاربد = الاسد الكسول:)
al7zeeeen
01-08-2007, 01:18 PM
كنديشن = مكيف
كرفايه = سرير
و انطركم عند الدروازه :D
jemee
01-08-2007, 01:19 PM
دروازة عبد الرزاق;)
يخليك تفتر مثل الكتويل = الكتويل موشر اتجاه الهواء:)
jemee
01-08-2007, 01:31 PM
افرك خشتك بالقاع = امسح راسك بالارض
اسلوب تهديد
صارت:)
انام بمردانك = اضربك ضرب مبرح
تحياتى
jemee
01-08-2007, 01:33 PM
بالهده= بعد المدرسه:25:
jemee
01-08-2007, 01:37 PM
والله لأدبغك= مأخوده من دباغة الجلد
اسلوب تهديد
jemee
01-08-2007, 01:39 PM
راس العاير = زاوية البيوت
jemee
01-08-2007, 01:40 PM
الفريج= الحي او الحاره
jemee
01-08-2007, 01:40 PM
لبيده = غميضه