اتجاهات لا يؤيد التوزيعات سواء كانت منحه او نقدا !!!!!

[eTjahat]

نعم والف نعم

لا وألف لا للتوزيعات التي توزعها الشركات سواء كانت منحة اسهم أو منحة فلوس كاش

ماهو السبب يا eTjahat ؟ ليش تعارض يا إتجاهات هذا السلوك وهذا المسار الي تسلكه الشركات وتفتخر فيه بعض الشركات بشكل دعائي وهناك من الشركات من يحارب من أجل معرفة منافسه ماذا قدم حتى يعلن ماذا يمكن له ان يقدم

هذه السنه صارت حرب شعواء ابتدأت من البنوك وتأخرت نتائج البنوك عن الإعلان بسبب هذه الحرب الشعواء !! بعد ما قام وأعلن البرجين

بيتك
والوطني

عن ارباحهم هلت البنوك الثانيه بالاعلان وانا اعرف من اكثر من مصدر ان بعض البنوك كانت راسمه ومخططه ان توزع رقم أقل من الي قامت بالإعلان عنه لكن مجارة البرجين او العملاقين كان امر واجب وحتي

زيد على ما سبق الحرب الي في قطاع الاستثمار ، إذ بعد ما أعلنت التسهيلات التجارية وجلوبل عن نتائجهم أعلنت دار الاستثمار ودون اي سابق إعلان عن موعد اجتماع مجلس إدارة عن نتائجها وتوزيعاتها وكان اجتماع دار الاستثمار اجتماع خاطف وسريع واحد اعضاءه كان مسافر وحضر الاجتماع عن طريق التلفون !!

كل ما سبق من امثله ليس هو موضوعنا !!

موضوعنا عن سبب رفضنا للتوزيعات

اسمحوا لي بروح بعيد شويه واحط عيني على البوصله الي دائما اشوفها واتعلم منها واهي بوصلة السوق الامريكي

في السوق الامريكي عدد قليل جدا من يقوم بالتوزيعات على المساهمين لكن كبرى الشركات الانتاجيه والخدماتيه لا توزع شي ليش ؟

انا اقولكم ليش والموضوع جدا بسيط وما أكتبه يالاخوان ماهو إلا راي يعني أقصد أن هذي اهي قناعتي واتمنى تقرأون قناعتي ورايي وتشاركوني الراي يمكن اقتنع منكم

اقولكم ليش

الهدف يالاخوان من أي مؤسسين لأي شركه هو : تعـظيم رأس المال

يعني لو كان راس مالي 00 00 00 1 مليون دينار كويتي
وحققت ربح بعد سنة قدره 000 100 مئة الف دينار بعد خصم المصاريف

يعني صار راس مالي الجديد 000 100 1 مليون ومئة دينار

تخيلوا قلت بوزع على مساهمين الشركه 50 % من ارباحي

جم صار راس مالي 000 050 1 بعد خصم الارباح

واهني مربط الفرس والسؤال المهم

هل هالشركه الي ابقت 50 % من ارباحها كافيه لان تنمو وتتوسع وتحقق ارباح عاليه مع الوقت

الجواب اعتقد : N O ليش يا إتجاهات ؟

لان هالشركه راح تلجأ للاقتراض مع الوقت علشان توفي بالتزاماتها وتحقق اهدافها المرسومه ان كان لها اهداف مرسومه

مع ملاحظة امر مهم وهو عن راس المال 00 00 00 1 الي بدأنا فيه

ليس كله كاش ؟

لانه جزء من رأس المال الشركه عباره عن أصول ( اثاث ، مبنى ، اجهزة ، معدات ، سيارات ... الخ )

يعني جم بقى من راس المال عشان ادخل مشاريع وانجح وانمو ؟

بالفعل : أنا مع عدم توزيع اسهم منحه ولا بتوزيع منحة كاش

لاني ابي الشركات تقلل من الاقتراض وتتوسع من ارباحها

والسوق اهو الي يقرر كم هو السعر العادل للسهم

شنو رايكم بقناعتي ؟ ورأيي ؟؟

[طويل_الأمد]

تصدق عاد كلام جميل

صكوك, الدار, المخازن (قبل),

كلها شركات ذكيه
مستقبلها واعد

ولكن مجلس الإداره يستثمر و يستثمر وبعدين؟ و تاليتها؟

آنا معطيك مليون تستثمرهم و ما تعطيني عائد أهدك و أدور غيرك
معلوم؟

ترى إذا عطيتني أرباح (نقدي) راح أعطيكياهم... و افهم يافهيم

[جمبازي]

كلام سليم

المفروض الشركات ماتوزع ؟؟؟؟؟


المفروض الواحد يشترى السهم ويعتبره زكاه


والارباح يوم القيامه ...


اشهالكلام ياشباب ياحلوين ...باى قاموس موجود هالكلام


الغرض من وجود الشركات ...اصلا توزيع الارباح .. وليس تكديسها


ممكن اقتطاع جزىء للاحتياطيات ... وبعد كم سنه راح ينمو الاحتياطى



اما موضوع المنحه ... فانا ضده


اما موضوع الكاش فانا ضدكم


تقبلوا تحياتى

[الجارد]

السلام عليكم

العزيز اتجاهات

لما قرأت عنوان الموضوع لم يعجبني .

لكن لما قرأت موضوعك بتمعن أقتنعت إلى حد ما .

عندما لا توزع الشركة أرباح أو منح و تضيفها إلى رأس المال ، سيكون البديل هو مزيد من النجاح و النمو في المشاريع و بالتالي الأرباح

و النتيجة أن سعر السهم يرتفع أرتفاعا كبيرا .



بهذه الحالة يكون ربح المساهمين هو ارتفاع قيمة أسهمهم الذي يعني زيادة رأس مالهم المستثمر بالشركة .

أما المنح كما تعلم هي بالأصل Stock Splits تجزئة للسهم و توزيع قيمة السهم على عدة أسهم .



بهذه الحالة أنا مؤيد لك .

شكرا على هذه الإضاءة .


تستاهل التقييم .

دمت بخير .

[بوحسين11]

هذا ترقيع فاشل للاسهم الفاشله التي لا توزع نقدي او منحة للمستثمرين

بالله شالفايدة استثمر على شنو على بصل واصبر

[عين السيح]

السلام عليكم

فعلا رأي جميل أخوي اتجاهات وكلام مقنع , بارك الله فيك
والبديل عن الربح هو ما شرحه الأخ الجارد
واثنينكم تستاهلون تقييم :10:

السلام عليكم

العزيز اتجاهات

لما قرأت عنوان الموضوع لم يعجبني .

لكن لما قرأت موضوعك بتمعن أقتنعت إلى حد ما .

عندما لا توزع الشركة أرباح أو منح و تضيفها إلى رأس المال ، سيكون البديل هو مزيد من النجاح و النمو في المشاريع و بالتالي الأرباح

و النتيجة أن سعر السهم يرتفع أرتفاعا كبيرا .



بهذه الحالة يكون ربح المساهمين هو ارتفاع قيمة أسهمهم الذي يعني زيادة رأس مالهم المستثمر بالشركة .

أما المنح كما تعلم هي بالأصل Stock Splits تجزئة للسهم و توزيع قيمة السهم على عدة أسهم .



بهذه الحالة أنا مؤيد لك .

شكرا على هذه الإضاءة .


تستاهل التقييم .

دمت بخير .

[سوق التجار]

أخوي أتجاهات ... كلامك جميل ....

.... أفضل الشركات هي التي تحتفظ بأرباحها التي حققتها حتى تعيد أستثمارها ... لكن ليس كلها ... جزء منها فقط ... فأذا كانت الشركة لاتقوم بتوزيع جزء من أرباحها ... فلا تتوقع بأنه سوف يكون لها مشتري ...

... لأن بكل بساطه المستثمر هدفه من الاستثمار بالشركة هو الحصول على الأرباح ... ولا تقولي بأن المستثمر سوف يجني أرباحه جراء أرتفاع قيمه السهم !! ... لأن من سيشتري منك السهم يعلم بأنه لن يحصل على أرباح من الشركة ... والاستفادة الوحيدة بعد ذلك سوف تكون عند تصفيه الشركة ... لأنها سوف تكون الطريقة الوحيدة لحصول المستثمر على أرباح.

واضيف على ذلك بأن السوق سوف يكون سوق مضاربه من الدرجه الأولى... والمستثمرين سوف يحولون أموالهم الى البنوك والصناديق والعقارات.

وهذا الكلام يمثل رأي الشخصي.

[مستثمر1]

نعم والف نعم

لا وألف لا للتوزيعات التي توزعها الشركات سواء كانت منحة اسهم أو منحة فلوس كاش

ماهو السبب يا eTjahat ؟ ليش تعارض يا إتجاهات هذا السلوك وهذا المسار الي تسلكه الشركات وتفتخر فيه بعض الشركات بشكل دعائي وهناك من الشركات من يحارب من أجل معرفة منافسه ماذا قدم حتى يعلن ماذا يمكن له ان يقدم

هذه السنه صارت حرب شعواء ابتدأت من البنوك وتأخرت نتائج البنوك عن الإعلان بسبب هذه الحرب الشعواء !! بعد ما قام وأعلن البرجين

بيتك
والوطني

عن ارباحهم هلت البنوك الثانيه بالاعلان وانا اعرف من اكثر من مصدر ان بعض البنوك كانت راسمه ومخططه ان توزع رقم أقل من الي قامت بالإعلان عنه لكن مجارة البرجين او العملاقين كان امر واجب وحتي

زيد على ما سبق الحرب الي في قطاع الاستثمار ، إذ بعد ما أعلنت التسهيلات التجارية وجلوبل عن نتائجهم أعلنت دار الاستثمار ودون اي سابق إعلان عن موعد اجتماع مجلس إدارة عن نتائجها وتوزيعاتها وكان اجتماع دار الاستثمار اجتماع خاطف وسريع واحد اعضاءه كان مسافر وحضر الاجتماع عن طريق التلفون !!

كل ما سبق من امثله ليس هو موضوعنا !!

موضوعنا عن سبب رفضنا للتوزيعات

اسمحوا لي بروح بعيد شويه واحط عيني على البوصله الي دائما اشوفها واتعلم منها واهي بوصلة السوق الامريكي

في السوق الامريكي عدد قليل جدا من يقوم بالتوزيعات على المساهمين لكن كبرى الشركات الانتاجيه والخدماتيه لا توزع شي ليش ؟

انا اقولكم ليش والموضوع جدا بسيط وما أكتبه يالاخوان ماهو إلا راي يعني أقصد أن هذي اهي قناعتي واتمنى تقرأون قناعتي ورايي وتشاركوني الراي يمكن اقتنع منكم

اقولكم ليش

الهدف يالاخوان من أي مؤسسين لأي شركه هو : تعـظيم رأس المال

يعني لو كان راس مالي 00 00 00 1 مليون دينار كويتي
وحققت ربح بعد سنة قدره 000 100 مئة الف دينار بعد خصم المصاريف

يعني صار راس مالي الجديد 000 100 1 مليون ومئة دينار

تخيلوا قلت بوزع على مساهمين الشركه 50 % من ارباحي

جم صار راس مالي 000 050 1 بعد خصم الارباح

واهني مربط الفرس والسؤال المهم

هل هالشركه الي ابقت 50 % من ارباحها كافيه لان تنمو وتتوسع وتحقق ارباح عاليه مع الوقت

الجواب اعتقد : N O ليش يا إتجاهات ؟

لان هالشركه راح تلجأ للاقتراض مع الوقت علشان توفي بالتزاماتها وتحقق اهدافها المرسومه ان كان لها اهداف مرسومه

مع ملاحظة امر مهم وهو عن راس المال 00 00 00 1 الي بدأنا فيه

ليس كله كاش ؟

لانه جزء من رأس المال الشركه عباره عن أصول ( اثاث ، مبنى ، اجهزة ، معدات ، سيارات ... الخ )

يعني جم بقى من راس المال عشان ادخل مشاريع وانجح وانمو ؟

بالفعل : أنا مع عدم توزيع اسهم منحه ولا بتوزيع منحة كاش

لاني ابي الشركات تقلل من الاقتراض وتتوسع من ارباحها

والسوق اهو الي يقرر كم هو السعر العادل للسهم

شنو رايكم بقناعتي ؟ ورأيي ؟؟

كلام جداا جميل.ولكن يجب ان يكون هنالك هدف.
اي الشركه في بدايتهاا تضع استراتيجيه معينه للوصول للهدف مثلااا المخازن تريد تحقيق ربح صافي مليار دولاار .
هنا على الشركه ان تحتفظ بالارباح لغايه تحقيق الهدف ومن ثم يبدأ التوزيع.
وهذا المثال يطبق على جميع الشركات ان تضع حميع الشركات استراتيجيات معينه واهداف تريد ان تحققها وتطمح اليهاا (ولكن تضع الاهدااف بعقلانيه)
وبهالطريه تبتعد عن الاقتراض وتصبح وتيره النموو اسرع لتحقيق الاهدااف.
ويجب وضع مده معينه لتلك الاستراتيجيات.
وشكراااا

[الريان]

اسمحوا لي بروح بعيد شويه واحط عيني على البوصله الي دائما اشوفها واتعلم منها واهي بوصلة السوق الامريكي

انا ما ادري من وين جايب فكرة السوق الامريكي قليل يوزعون وخاصه الشركات الكبري

جنرال موترز خسرانه ووزعت خلال سنة دولار

aa موزعه قريب ممن الدولار لارباح 2006
وشركة hp المعروفة موزعه خلال سنة ربع دولار بس على فترات كل هالشركات

وحتي شركات جهاز القارمن موعزه نص دولار خلال ارباح 2006

اخي الكريم تاكد من هالمعلومة قبل نشرها الشركات الكبري شركات اغلبها توزيع اما الفكرة اللي انت تبيها شركات النمو السريع والتي تحتاج سيولة فتلك لها تفصيل بعضها يوزع وبعضها لا

انا اخذ عينه من شركات الداو حتي شركة الاثاث هوم ديبت موزعها 70 سنت لعام 2006 ولا على اربع فترات


بعض الشركات الامريكية مثل كوكولا 1.24 دولار واربع وعشرين سنت والامثلة كثيره بالنسبة للشركات الكبيرة قبل سنتين وزعت مايكروسفت ثلاث دولار

شوف شركات التامين عندهم كم توزع

شركات النمو السريع نعم لاتوزع لحاجتها الي السيولة وهي مبرر مقبول جدا لكن ان تقول الشركات الكبري لاتوزع فهذه المعلومة ليست صحيحة لاجملة ولاتفصيل

[الريان]

للتوضيح الشركات اللي تبيها يكونون في النازدك وللعلم شركات ارباحها لاتصل الي مستوي كبير حتي تعتبر معيار او مثال للشركات الكبري

[zlz]

المخازن شكلها ما راح توزع وقاعدة تمهد :)

[المتوكل]

انا ما ادري من وين جايب فكرة السوق الامريكي قليل يوزعون وخاصه الشركات الكبري

جنرال موترز خسرانه ووزعت خلال سنة دولار

aa موزعه قريب ممن الدولار لارباح 2006
وشركة hp المعروفة موزعه خلال سنة ربع دولار بس على فترات كل هالشركات

وحتي شركات جهاز القارمن موعزه نص دولار خلال ارباح 2006

اخي الكريم تاكد من هالمعلومة قبل نشرها الشركات الكبري شركات اغلبها توزيع اما الفكرة اللي انت تبيها شركات النمو السريع والتي تحتاج سيولة فتلك لها تفصيل بعضها يوزع وبعضها لا

انا اخذ عينه من شركات الداو حتي شركة الاثاث هوم ديبت موزعها 70 سنت لعام 2006 ولا على اربع فترات


بعض الشركات الامريكية مثل كوكولا 1.24 دولار واربع وعشرين سنت والامثلة كثيره بالنسبة للشركات الكبيرة قبل سنتين وزعت مايكروسفت ثلاث دولار

شوف شركات التامين عندهم كم توزع

شركات النمو السريع نعم لاتوزع لحاجتها الي السيولة وهي مبرر مقبول جدا لكن ان تقول الشركات الكبري لاتوزع فهذه المعلومة ليست صحيحة لاجملة ولاتفصيل
استاذ و تستحق التقييم يا الريان :^:

[آجل]

اساس شعبية السهم وارتفاعاته هو الارباح

اذا ماذا نعمل في مكرر الربحية

وامر اخر مافائدة الاستثمار اذا لم يحقق لي ربح على الاقل سنوي ؟

كمستثمر اذا كنت مؤسس مثلا احدى الشركات وانا علي يقين بان اول ثلاث سنوات مجتمعه ربحي لا يتعدى 10 % وعلى المدى البعيد سوف ينمو الربح ويتضاعف مبلغ الاستثمار او بالأحرى المردود المادي لفلوسي و حلالي اللي مجمده طوال السنوات الاولى .

توجهك اخ اتجاهات صحيح في حالتين :

1 ـ اذا كان لدي هناك مردود آخر لي

2 ـ اذا كانت الشركة عائلية اذا يمكن ان اكون موظف وفي نفس الوقت مالك للاسهم او حتى عضو في مجلس الاداره .


يبقى ان الاسهم الناجحه هي التي توزيعاتها تشغيليه وقوية ولكم الضدان الولى الهواتف الثانية ارباح النقل عن عام 2005 . وانت احكم

[eTjahat]

اما موضوع المنحه ... فانا ضده
اما موضوع الكاش فانا ضدكم

تقبلوا تحياتى

بالنهايه يالاخو تعتبر منحه مؤثره على ارباح الشركه وتقدمها وابيك تعيد النظر بكلامنا ومانبيك تقرر وتقتنتع بكلامنا بس تعيد النظر انت لو صاحب حلال ومعاك مساهمين ايهما افضل توزع على ربعك واهلك الي اهم مساهمين معاك ارباح هالسنه او تقولهم خلونا نتوسع ونطور شغلنا ومع الوقت راح نطلع ارباح اكثر هذا على مستوى تعامل صغير فمابالك بشركات واجب عليها وملزومه تتطور وماتتوقف عن تطورها وتوسعها
اذا التطور يالجمبازي بيتحقق من الاقتراض والديون وصكوك المشاركه لاطبنا ولاغدا الشر

تصدق يالجبمازي احد اسباب ثقل سوقنا وعدم حركته بشكل انسيابي قوي اهو الاسهم الي منكته بالسوق ومتوزعه عند خلق الله بسبب المنح الي توزعها الشركات

ولنا في سهم جلوبل عبره وذكره

سنة 2005 كانت توزيعات جلوبل عند كل الي كلمتهم انها زينه واحسن توزيعه ووصل السهم اذكر 3300 وتفصخ على ما اذكر عند 1200 شوف جم سعره اليوم

قولي بالله عليك لو ان جلوبل ماوزعت سنة 2005 ولا شي لا منحه اسهم ولا منحه فلوس كاش وكان سعرها 1200 عند الجمعيه العموميه وقالت حق المساهمين ياناس ترانا مقترضين وترانا بنتوسع وبنسوي شغل جديد

تتوقع جم يكون ارباحها خلال الثلاث ارباع وبالتاكيد نهاية السنة هذا على مستوى الشركه

وتتوقع جم راح يكون سعر السهم الي راح يقبل عليه كثير من الناس بسبب ارباح الشركه الي خلت السهم بالسوق يتفاعل ويدخل عليه اكثر من مضارب ومستثمر

صدقني هذا حال اغلب الاسهم في السوق الامريكي وهو سوق ديناميكي وحركي

[eTjahat]

بهذه الحالة أنا مؤيد لك .

شكرا على هذه الإضاءة .


تستاهل التقييم .


دمت بخير .


ودمت انت بخير وانت الي تستاهل التقييم يالجارد انشالله نشوف شي من الي نقوله مطبق على ارض الواقع ونقرا في يوم من الايام ان شركه من الشركات المدرجه محققه ارباح جيده ومعقوله لكنها تبي تستثمر هالارباح في التوسع والتطوير وانها ماراح توزع ارباح حزتها بنشوف السهم لهذي الشركه بيتحرك وبيصعد وبياخذ حاصله مع الوقت والسوق هو الي يحكم بالنهايه
اذا كان السوق واعي راح يعرف ان هالشركه قاعده تطبق خططها وقاعده تمشي على انها تحقق هالاهداف والخطط والاستراتيجيات
لكن اذا السوق واهله غير واعيين ولا يعرفون الله وين قاطهم فالله في خلقه شؤون

[eTjahat]

هذا ترقيع فاشل للاسهم الفاشله التي لا توزع نقدي او منحة للمستثمرين

بالله شالفايدة استثمر على شنو على بصل واصبر

مارقعنا حق ولا سهم يالاخو يابوحسين ولا نعرف نرقع نعرف شي واحد هو اني لازم ادور على مصلحتي واحط في اعتباري ان هالشركات تبي مصلحتها وانها مو مدرجه اسهمها في السوق علشان بس تلهم الي اكو والي ماكو
انت لو مستثمر بتقعد تحسب الف حساب للتوزيعات وبس تطلع توزيعه مو زينه بتروح تبيع كل الي استثمرته خلال فتره على سبيل المثال تسع شهور بسبت انك مو مقتنع من التوزيعه

لكن لو قلنا لك ان بنك بوبيان مثلا ربحان 10 ملايين دينار وان هالربح راح يفتح فروع وراح يتوسع وراح يفتح فرع في اسيا وفي البحرين وفي الامارات وراح يشغل موظفين

شراح يحسبها المدير الي قاعد يدير محافظ وصناديق وانت مثله واحسن منه

راح يقول اكيد هالتوسع لبنك بوبيان يخليه يربح بدل 10 ملايين يربح 20 مليون وبيت النازل يربح 15 مليون بعد خصم المصاريف

يعني استثماره لرأس المال + الارباح المحققه جاب نتيجه

تخيل العكس

راح وزع ارباحه عليك وعلينا وعنده خطط يفتح فروع ويعين موظفين
حزتها شراح يسوي
راح يوقف ومايتحرك ولا يتتطور على امل ان يحقق ارباح ثانيه بفروعه الحاليه وبعدد موظفينه الحاليين ويقولك ويقولي يالله من مال الله عطونا الله يعطيكم ويوم ما الله يرزقهم يقولون جان زين ماوزعنا واستفدنا من الخرده ووسعنا وتطورنا

مافي ترقيع يابوحسين المسئله كل مافيها اني نقلت لك قناعتي واتمنى اني اشوفها مطبقه بسوقنا

سلامتك وتعيش

[eTjahat]

السلام عليكم

فعلا رأي جميل أخوي اتجاهات وكلام مقنع , بارك الله فيك
والبديل عن الربح هو ما شرحه الأخ الجارد
واثنينكم تستاهلون تقييم :10:

انت والجار الي يستاهل التقييم ومشكور على مرورك ومشاركتك بهالموضوع الي اهدف منه نقل قناعتي لكم وأوضح لكم ليش وسبب هالقناعه ومن غير طبعا اي زعل او احتقان
البعض منا اذا خالفته الراي يزعل ومايكتب انا اقول لا تزعل مني وخالفني كل مره لاني اكيد راح اتعلم منك

طبعا مو انت المقصود يامبارك

[eTjahat]

أخوي أتجاهات ... كلامك جميل ....

.... أفضل الشركات هي التي تحتفظ بأرباحها التي حققتها حتى تعيد أستثمارها ... لكن ليس كلها ... جزء منها فقط ... فأذا كانت الشركة لاتقوم بتوزيع جزء من أرباحها ... فلا تتوقع بأنه سوف يكون لها مشتري ...

... لأن بكل بساطه المستثمر هدفه من الاستثمار بالشركة هو الحصول على الأرباح ... ولا تقولي بأن المستثمر سوف يجني أرباحه جراء أرتفاع قيمه السهم !! ... لأن من سيشتري منك السهم يعلم بأنه لن يحصل على أرباح من الشركة ... والاستفادة الوحيدة بعد ذلك سوف تكون عند تصفيه الشركة ... لأنها سوف تكون الطريقة الوحيدة لحصول المستثمر على أرباح.

واضيف على ذلك بأن السوق سوف يكون سوق مضاربه من الدرجه الأولى... والمستثمرين سوف يحولون أموالهم الى البنوك والصناديق والعقارات.

وهذا الكلام يمثل رأي الشخصي.

سوق التجار انشالله تفتح لنا سوق ونتاجر وياك وكلامك كله على بعضه على راسي من فوق وتستاهل التقييم بس علمني اشلون اقيمك
ودي ارد عليك بالخط الاحمر
تكفه روح وعد اصدقاءك الي تعرفهم واهلك وكل من حط فلوسه بالبورصه واسئلهم بس سؤال واحد
انت مضارب او مستثمر ؟ وبعد ماتعد وتحسب قولي جم صاروا ؟

ليش تروح بعيد تعال خل نسوي انا وياك موضوع فيه تقييم ونسئل نفس السؤال

بتشوف المضاربين مالهم والي

[eTjahat]

كلام جداا جميل.ولكن يجب ان يكون هنالك هدف.
اي الشركه في بدايتهاا تضع استراتيجيه معينه للوصول للهدف مثلااا المخازن تريد تحقيق ربح صافي مليار دولاار .
هنا على الشركه ان تحتفظ بالارباح لغايه تحقيق الهدف ومن ثم يبدأ التوزيع.
وهذا المثال يطبق على جميع الشركات ان تضع حميع الشركات استراتيجيات معينه واهداف تريد ان تحققها وتطمح اليهاا (ولكن تضع الاهدااف بعقلانيه)
وبهالطريه تبتعد عن الاقتراض وتصبح وتيره النموو اسرع لتحقيق الاهدااف.
ويجب وضع مده معينه لتلك الاستراتيجيات.
وشكراااا


ما اذكر اي شركه يالاخو يالمستثمر في السوق الامريكي قامت بتوزيع ارباح قبل سبع او ثمان سنوات كانت قد استثمرت ارباحها ولقت عندها فائض فقررت توزيع ارباحها

مافي شك ولا عندي اي خلاف ان كانت الشركه قد وصلت وحققت ارباح تفوق الرقم المطلوب عليها انجازه وتطويره لمشاريعها

يعني خلنا نحط سيناريو ونقول شركة المشاريع القابضه - كيبكو اربحت 15 مليون دينار بسنة 2006 والخطه الي اهم حاطينها للتوسع والتطوير خلال خمس سنوات القادمه تتطلب بس 13 مليون دينار شالمانع وقتها توزع 2 مليون على المساهمين

هالسيناريو ممكن بس لا يعرض الشركه الا انها تروح وتقترض وتصرف اكثر يعني لازم تحط على الطاوله كل السيناريوهات والتوقعات وحزتها تقرر توزع

بس هل فعلا في مبلغ يكفي اي تطور او توسع حتى لو من باب التوقع

دينار ايام 1980 غير ايام 2006 واكيد غير ايام 2007

[eTjahat]

انا ما ادري من وين جايب فكرة السوق الامريكي قليل يوزعون وخاصه الشركات الكبري

شوف شركات التامين عندهم كم توزع

شركات النمو السريع نعم لاتوزع لحاجتها الي السيولة وهي مبرر مقبول جدا لكن ان تقول الشركات الكبري لاتوزع فهذه المعلومة ليست صحيحة لاجملة ولاتفصيل

مكتوب تحت اسمك استاذ تحليل فني يعني انت استاذ مضاربه فالمحلل الفني لا يمكن له ان يكون مستثمر وليس هذا موضوعنا لكن موضوعنا انك لو كنت في السوق الامريكي وتبي تروح تستثمر راح تلقى بالفعل شركات تعطي توزيعات وانت تفضلت واعطيتنا امثله انا بصراحه ما اتعب حالي واروح اشوفها وادور عليها مثل شركات التامين لكن الي اعرفه وتابعته خلال رحلتي مع السوق الامريكي اني ماشفت شركات المضاربه اقصد الي تتميز بانها للمضاربه قامت ووزعت منح ومنها مثل ماقلت شركات النمو السريع

خلني ادور لك اسماء الشركات الي ماتوزع والي عليها شعبيه كبيره وارفعها لك بالمنتدى

[eTjahat]

استاذ و تستحق التقييم يا الريان :^:

بارك الله فيك يالمتوكل وكلنا استاذه انت وانا والريان وكل من يقرا هو استاذ وبالتاكيد كل واحد ينقل خبراته وتجاربه وقناعته هو استاذ

انا استاذ يالمتوكل وانت تستاهل التقييم واكيد استاذ الريان يستاهل اكثر من تقييم

بس لو تقولون لي شلون اقيمكم انا بخير

[eTjahat]

.

نرجو الأستاذ الفضل إتجاهات الرد
.

الاستاذ الفاضل المهذب جدا قمنا بعمل اللا زم طال عمرك وجاري الرد على البقيه واسمحو لي بالتاخير ترى الجو هاليومين جو انك تعيش بالبر
البر من نعم الله علينا تقدر تسترخي وتقدر تلعب وتقدر تفكر وتبدع وامس كان يومنا كله لعب في لعب واليوم راحه وصلاة الجمعة بعد شويه

[eTjahat]

اساس شعبية السهم وارتفاعاته هو الارباح


اذا ماذا نعمل في مكرر الربحية

وامر اخر مافائدة الاستثمار اذا لم يحقق لي ربح على الاقل سنوي ؟

كمستثمر اذا كنت مؤسس مثلا احدى الشركات وانا علي يقين بان اول ثلاث سنوات مجتمعه ربحي لا يتعدى 10 % وعلى المدى البعيد سوف ينمو الربح ويتضاعف مبلغ الاستثمار او بالأحرى المردود المادي لفلوسي و حلالي اللي مجمده طوال السنوات الاولى .

توجهك اخ اتجاهات صحيح في حالتين :

1 ـ اذا كان لدي هناك مردود آخر لي

2 ـ اذا كانت الشركة عائلية اذا يمكن ان اكون موظف وفي نفس الوقت مالك للاسهم او حتى عضو في مجلس الاداره .



يبقى ان الاسهم الناجحه هي التي توزيعاتها تشغيليه وقوية ولكم الضدان الولى الهواتف الثانية ارباح النقل عن عام 2005 . وانت احكم



تسمح لي بطلب صغير واصغر من الصغير يالاخو آجل
تصدق لو كنت قريت مشاركتك لكان حطيت اسمك مع المشاركات الي كتبتها قبل شوي

طلبي الله يخليك اهو انك تلخص من كلامي الي كتبته فوق ويكون اهو ردي لك
ترى الوقت ياكلني ووراي صلاة وشغل بعدها سامحني

[eTjahat]

.


آمين يارب


قصدي إن شركاته من المستحيل تبقى على أسعار 2006!
.

مافي شي اسمه مستحيل يالاخو يالمهذب جدا

من كان يتوقع او يحط في باله انه يقرا انه شركة المواشي مكيرش اقصد انعام القابضه في السوق السعودي تخسر خساير الدنيا وتتوقف اهي وشركة البيشه الزراعيه عن التداول ؟؟؟؟؟

توقع غير المتوقع

توقع او اسرح معاي انك تسمع خبر افلاس شركة دوليه م أ او شركة جيزان وبيعهم في سوق الجت بسعر 20 فلس للسهم

كل شي متوقع

للعلم يالمهذب جدا ترى جماعة البحر لاهين بالمضاربه على اسهم المشاريع فا مو فاضيين حق شركاتهم هاليومين

[جمبازي]

بارك الله فيك يالمتوكل وكلنا استاذه انت وانا والريان وكل من يقرا هو استاذ وبالتاكيد كل واحد ينقل خبراته وتجاربه وقناعته هو استاذ

انا استاذ يالمتوكل وانت تستاهل التقييم واكيد استاذ الريان يستاهل اكثر من تقييم

بس لو تقولون لي شلون اقيمكم انا بخير


حاضرين اخوى اتجاهات :)


روح حق مشاركة جمبازى (بس جمبازى)


تلقى اعلى الصفحه على اليسار ظرف عليه علامه صح او x



اضغط على الظرف ..تطلع لك موافق اوغير موافق


اضغط موافق (موتوهقنى وتخصم منى ) انا بالغصب جمعت الرصيد


وعقبها اكتب سبب التقييم (يستاهل :25: :25: )


وخلصت وملصت :D :D

[الخلوري]

شكرا للاخ اتجاهات على هذا الموضوع

دعوة للنقاش

الخلوري

[splendid]

السلام عليكم ..

اذن مالفائده من الاستثمار في اسواق الاوراق الماليه ؟؟؟!!!

بمعنى آخر ,,

شنو اللي يخليني اشتري اسهم لا تعود على بمنفعه ؟؟!!!!

[eTjahat]

حاضرين اخوى اتجاهات :)


روح حق مشاركة جمبازى (بس جمبازى)


تلقى اعلى الصفحه على اليسار ظرف عليه علامه صح او x



اضغط على الظرف ..تطلع لك موافق اوغير موافق


اضغط موافق (موتوهقنى وتخصم منى ) انا بالغصب جمعت الرصيد


وعقبها اكتب سبب التقييم (يستاهل :25: :25: )


وخلصت وملصت :D :D

قيمتك وعرفت شلون اقيم الحين وين نتايج التقييم هذا السؤال
المهم عند اي رقم احصل على هديه ؟
بالله عليك محلات الالعاب احسن من المنتدى ؟:) اتشغمر ياخوك
محلات الالعاب تطلع لك كوبونات صغيرونه وتروح عند الموظف تقوله تفضل
يعطيك مقابلهم قلم رصاص أو لزقات عليهم صورة ميكي ماوس
الحين احنا اهني نقيم ونقول قيمتك وتالي ؟
لازم نسوي جمعيه نتحطاط كل واحد دينار والي يحصل على رقم اكبر
ياخذ كل الي تبرعوا
شقلت ؟ شنورايك ؟

[eTjahat]

شكرا للاخ اتجاهات على هذا الموضوع

دعوة للنقاش

الخلوري

شكرا لك ولمجهودك وتعبك معانا هاليومين وبالفعل اثبتوا يامشرفين على هالمنتدى
انكم جادين في توصيل ا لمعلومه والفكره وتصحيح اي مسار معاكس للاتجاه الصحيح
واحنا كلنا لازم نكون فريق واحد وايد وحده عشان نتحد ونقدر نسوي شي فيه مصلحتنا كلنا
وخوكم اتجاهات تراه بالشوفه وبالخدمه مايردكم الا لسانكم والي عندي بحطه وبكتبه
بس الوقت لازم يسعفنا الله يقدرنا ويساعدنا ومشكورين يالربع

[سوق الاوراق]

نعم والف نعم

لا وألف لا للتوزيعات التي توزعها الشركات سواء كانت منحة اسهم أو منحة فلوس كاش

ماهو السبب يا eTjahat ؟ ليش تعارض يا إتجاهات هذا السلوك وهذا المسار الي تسلكه الشركات وتفتخر فيه بعض الشركات بشكل دعائي وهناك من الشركات من يحارب من أجل معرفة منافسه ماذا قدم حتى يعلن ماذا يمكن له ان يقدم

هذه السنه صارت حرب شعواء ابتدأت من البنوك وتأخرت نتائج البنوك عن الإعلان بسبب هذه الحرب الشعواء !! بعد ما قام وأعلن البرجين

بيتك
والوطني

عن ارباحهم هلت البنوك الثانيه بالاعلان وانا اعرف من اكثر من مصدر ان بعض البنوك كانت راسمه ومخططه ان توزع رقم أقل من الي قامت بالإعلان عنه لكن مجارة البرجين او العملاقين كان امر واجب وحتي

زيد على ما سبق الحرب الي في قطاع الاستثمار ، إذ بعد ما أعلنت التسهيلات التجارية وجلوبل عن نتائجهم أعلنت دار الاستثمار ودون اي سابق إعلان عن موعد اجتماع مجلس إدارة عن نتائجها وتوزيعاتها وكان اجتماع دار الاستثمار اجتماع خاطف وسريع واحد اعضاءه كان مسافر وحضر الاجتماع عن طريق التلفون !!

كل ما سبق من امثله ليس هو موضوعنا !!

موضوعنا عن سبب رفضنا للتوزيعات

اسمحوا لي بروح بعيد شويه واحط عيني على البوصله الي دائما اشوفها واتعلم منها واهي بوصلة السوق الامريكي

في السوق الامريكي عدد قليل جدا من يقوم بالتوزيعات على المساهمين لكن كبرى الشركات الانتاجيه والخدماتيه لا توزع شي ليش ؟

انا اقولكم ليش والموضوع جدا بسيط وما أكتبه يالاخوان ماهو إلا راي يعني أقصد أن هذي اهي قناعتي واتمنى تقرأون قناعتي ورايي وتشاركوني الراي يمكن اقتنع منكم

اقولكم ليش

الهدف يالاخوان من أي مؤسسين لأي شركه هو : تعـظيم رأس المال

يعني لو كان راس مالي 00 00 00 1 مليون دينار كويتي
وحققت ربح بعد سنة قدره 000 100 مئة الف دينار بعد خصم المصاريف

يعني صار راس مالي الجديد 000 100 1 مليون ومئة دينار

تخيلوا قلت بوزع على مساهمين الشركه 50 % من ارباحي

جم صار راس مالي 000 050 1 بعد خصم الارباح

واهني مربط الفرس والسؤال المهم

هل هالشركه الي ابقت 50 % من ارباحها كافيه لان تنمو وتتوسع وتحقق ارباح عاليه مع الوقت

الجواب اعتقد : N O ليش يا إتجاهات ؟

لان هالشركه راح تلجأ للاقتراض مع الوقت علشان توفي بالتزاماتها وتحقق اهدافها المرسومه ان كان لها اهداف مرسومه

مع ملاحظة امر مهم وهو عن راس المال 00 00 00 1 الي بدأنا فيه

ليس كله كاش ؟

لانه جزء من رأس المال الشركه عباره عن أصول ( اثاث ، مبنى ، اجهزة ، معدات ، سيارات ... الخ )

يعني جم بقى من راس المال عشان ادخل مشاريع وانجح وانمو ؟

بالفعل : أنا مع عدم توزيع اسهم منحه ولا بتوزيع منحة كاش

لاني ابي الشركات تقلل من الاقتراض وتتوسع من ارباحها

والسوق اهو الي يقرر كم هو السعر العادل للسهم

شنو رايكم بقناعتي ؟ ورأيي ؟؟

السلام عليكم

eTjahat شفيك حبيبي عسى ما شر طالع رونسايد . لو لاحقينك الشرطة قلنا ما يخالف معاك حق تخربط .
لو فيك صداع مزمن هم قلنا ما يخالف تخوره . بس عاد مو جذي اخوي . ترى قاعد افكر يمكن اروح افحص قواي العقلية لولا شكي باْنها نكتة :25:
تبي راْينا بالمقالة : تصدق ما اقدر اقولك لاني اخاف انك تزعل !

[eTjahat]

السلام عليكم ..


اذن مالفائده من الاستثمار في اسواق الاوراق الماليه ؟؟؟!!!

بمعنى آخر ,,


شنو اللي يخليني اشتري اسهم لا تعود على بمنفعه ؟؟!!!!



عليكم السلام
اجاوبك يالاخو بعنوانك الي باللون الاحمر والي طرز فيه اسمك بعنوان محترف تحليل فني
الي اعرفه وامارسه يالحبيب انه المحلل الفني هو استاذ ومعلم وشيخ المضاربين
يعني مايهمه شكثر وزعت هالشركه وشكثر اربحت
لان المحلل الفني هو مثل تابع الاثر مثل اي مؤرخ يحاول مسك خيط البدايه ليعرف
متى النهايه
لكن ان تسئلني شالفايده اعتقد سطوري السابقه واسمح لي اقولك تقدر تقرا سطوري مره
ثانيه راح تعرف شنو اهي قناعتي من عدم رغبتي وتأييدي في التوزيعات الي توزعها
الشركات من منح ونقدي

بس بعلق بشغله صغيره الموضوع كله برمته يحتاج الى ربط
شقصد من الربط ؟
يعني مايصير تقوم الشركات بعدم التوزيع والية السوق تفتقر الى ادوات استثماريه والى
منهج صحيح في التعامل

خذ مثال وخلني بالنهايه اوصل للفكره معاك

لو شريت وانت تعرف هالشي اكيد سهم هواتف بسعر 4 دنانير وبعته بسعر 4100
هل نسبة الربح مثلها لو شريت سهم الامان بسعر 150 فلس وبعتها بسعر 160 فلس
طبعا الجواب لا والسبب اهو نظام الوحدات الفاشل والخاطئ في سوقنا
انا مع الوحدات لكن بشكل نسب

شعلاقة الوحدات والنسب ياشيخ اتجاهات بسالفة التوزيعات
وين رحت بعيد

مارحت بعيد يالاخو

اهني الربط الي اقصده
يعني العمليه كامله ومتكامله وكلها تدور في حلقه وحده

شركه اربحت 10 ملايين دينار وقررت عدم توزيع اي شيء والسبب هو رغبة الشركة في الغاء شي اسمه احتياطي اختياري والاكتفاء بالاحتياطي القانوني في الميزانيه ومن ثم استثمار هالتسع ملايين بعد خصم مليون للاحتياطي القانوني في مشاريع وافكار جديده

المحافظ وبالذات الصناديق الواعيه ومدراءها الي يعرفون ان هالشركه راح تحقق عوائد من استثمارها بالربح راح تدخل على السهم وراح ترفع من سعر السهم والسهم الي كان سعره قبل النتايج بثلاث دنانير يمكن يوصل 4 دنانير بسبب هالمنهج

والعكس بالعكس لو في مدراء صناديق عندهم وعي ومنهج صح
لقرروا ببيع السهم الي يوزع ارباح حتى لو كانت التوزيعه معقوله ومقبوله
لانهم راح يحسبونها من اكثر من صوب وجانب

طبعا بندخل على سالفة الشورت سيل short sell
وهم بنعيد سالفة شعلاقة الشورت بالتوزيعات :) ؟

العملية مترابطه ومتكاملة

بالنهاية المضارب مايهمه توزيعات كثر ما يهمه تحليل فني لمسار السهم وسلوكه
وكذلك يهمه معرفة من باب العلم بالشيء توقعات الارباح للشركات

اختم بمثال عن احد الصناديق الناجحه في الكويت

هالصندوق مديره عرف اللعبه وقال ليش اعور راسي بشركه توزع وتعال احسب سعر الفسخ
وشوف شكثر راح استلم ارباح واسهم تدش الصندوق تصير تحصيل حاصل
شقال هالمدير الي انا اسميه مدير متحفظ وناجح في نفس الوقت
قال يبه بحط فلوسي بالتوزيعه التاليه والي يعرف بالانكليزي Asset Allocation

40 % للأسهم ذات الارباح المجديه والمجزيه بشرط بيع السهم قبل الجمعية العمومية
30 % للأسهم الواعده والبيع قبل الجميعة العمومية
20 % للمضاربة اليومية والاسبوعية
10 % نقدا

طبعا هالمدير مو مغفل لانه وقت ما يشتري الاسهم الي تنحدر تحت مستوى 40 % اهو يعرف ان توقيت الشراء مناسب وانه توقيت البيع ايضا مناسب
اعطيك سهم اشتراها قبل العموميه بشهر تقريبا وهو سهم بيتك
بسعر 2200 وكان عنده هالسهم من قبل اربع شهور
تكلفته قول 2100
باع السهم بسعر 2420
يعني حقق 14 %

طبعا اهو حسبها قال لو بنطر الجمعيه العموميه يعني انا راغب بزيادة راس المال وراح استلم اسهم منحه ومافي ضمان ان السهم راح يرجع بوقت قياسي لاسعاره قبل الفسخ
وبالتالي اسهم جديده بدش الصندوق وهالاسهم تعتبر محجوزه الى ان ياتي يوم ويرتفع السهم واقدر ابيعه

طيب ليش ما استثمر الكاش الى بأيدي وادش وقت ما يوصل السهم الى القاع وانطر عليه ويدش من جديد الى مستوى 40 % في التوزيع الامثل للصندوق ؟

هالمدير سلوكه سلوك مضاربي واهو مضارب يشتغل على الايام والاسابيع والاشهر

المشكله بهالصندوق انه يحتوي على اسهم تكلفتها عاليه والا جان شفنه اداءه في الاعلانات والصحف بشي من الفخر وخلوها للايام اهي راح تتكلم عن اداء هالصندوق بالذات وانا بالفعل استثمرت فيه وماودي اقول عنه عشان لا تكون دعايه او لاي طارئ يحدث للشركه او للصندوق

طولت عليك واتمنى ان تكون قناعتي غير ملزمه لكنها فقط دعوه للحوار المتبادل

[الناصر]

اخي اتجاهات.....

اود ان اسجل اعجابي الكبير بطرحك وبثقافتك وبافكارك التي استفدت منها كثيرا
كثر الله من امثالك......

تحياتي لشخصك الكريم؛؛؛؛؛؛؛؛؛؛؛؛؛

[splendid]

عليكم السلام
اجاوبك يالاخو بعنوانك الي باللون الاحمر والي طرز فيه اسمك بعنوان محترف تحليل فني
الي اعرفه وامارسه يالحبيب انه المحلل الفني هو استاذ ومعلم وشيخ المضاربين
يعني مايهمه شكثر وزعت هالشركه وشكثر اربحت
لان المحلل الفني هو مثل تابع الاثر مثل اي مؤرخ يحاول مسك خيط البدايه ليعرف
متى النهايه
لكن ان تسئلني شالفايده اعتقد سطوري السابقه واسمح لي اقولك تقدر تقرا سطوري مره
ثانيه راح تعرف شنو اهي قناعتي من عدم رغبتي وتأييدي في التوزيعات الي توزعها
الشركات من منح ونقدي

بس بعلق بشغله صغيره الموضوع كله برمته يحتاج الى ربط
شقصد من الربط ؟


اخي الكريم ,, انا قرات كل كلامك وفاهم كلامك ,, ومو من عادتي اناقش بدون ما اقرأ ..

خل عنك اني محلل فني او غيره ..

اسواق الاوراق الماليه لماذا انشأت ؟؟

هل للاستثمار ام للمضاربه ؟؟؟

( لاحظ اتكلم عن اسواق المال وليست العملات او ال Commodities ) ..

اخي الكريم ,,

انا شنو يفيدني فيه توسع الشركه ومشاريعها اذا انا اصلا ما احصل على عائد من سهم هذه الشركه

؟؟؟؟

خذ على سبيل المثال المخازن واللي اكتتبوا بزياده راس المال على 2250 فلس في العام الماضي ...

شنو استفادوا ؟؟؟!!!!




شركه اربحت 10 ملايين دينار وقررت عدم توزيع اي شيء والسبب هو رغبة الشركة في الغاء شي اسمه احتياطي اختياري والاكتفاء بالاحتياطي القانوني في الميزانيه ومن ثم استثمار هالتسع ملايين بعد خصم مليون للاحتياطي القانوني في مشاريع وافكار جديده

المحافظ وبالذات الصناديق الواعيه ومدراءها الي يعرفون ان هالشركه راح تحقق عوائد من استثمارها بالربح راح تدخل على السهم وراح ترفع من سعر السهم والسهم الي كان سعره قبل النتايج بثلاث دنانير يمكن يوصل 4 دنانير بسبب هالمنهج


اسمح لي بالاقتباس ,, اعتقد لو تقارن المثال اللي ذكرته بشركه المخازن ,, راح تعرف ان المثال اللي

ذكرته اخي الكريم لا يمكن ان يحدث في مثل هذه الظروف ...

لكن لو تعلن المخازن عن توزيعه مثل الهواتف او اكثر ..

شوف صناع السوق شنو راح يسوون بالسهم ..

---------------------------------------------------

بالنسبه لوضع السوق الكويتي من سنه 2002 الى آخر سنه 2005 ,, كل شي ممكن يصير ,,

شفنا شركات تخسر وسعرها يرتفع ,, السبب شنو ؟؟؟؟!!!!

السوق كان Bullish Sentiment

وهذا اللي خلى سهم مثل بوبيان بربح فلس واحد فقط ,, يرتفع من 940 لس الى 1380 فلس ..

--------------------------------------------------------

صحيح ان اسواق المنطقه كلها ناشئه ,, وينقصها الكثير من التشريعات والقوانين لتنظيم العمل فيها

وتامين مناخ استثماري حقيقي بادخال آليات استثماريه جديده ,, مثل ما ذكرت ال Short sell

ممكن يكون سد منيع لانهيارات الاسواق عندنا ,,

لكن شنو اللي يضمن انه لا يتحول مثل آليه الآجل لتدمير الاسهم في دورات التصحيح ؟؟!!!

وانها ممكن تستغل ابشع استغلال في تدمير صغار المستثمرين ..

واخيرا ,,

اوافقك بشده على ضروره المطالبه بتغيير القوانين وسن تشريعات تنظم اسواق المال وتكون خاليه

من الثغرات ,, والاهم من ذلك تطبيقها ,,

تحياتي ..

[المسبار]

عليكم السلام
اجاوبك يالاخو بعنوانك الي باللون الاحمر والي طرز فيه اسمك بعنوان محترف تحليل فني
الي اعرفه وامارسه يالحبيب انه المحلل الفني هو استاذ ومعلم وشيخ المضاربين
يعني مايهمه شكثر وزعت هالشركه وشكثر اربحت
لان المحلل الفني هو مثل تابع الاثر مثل اي مؤرخ يحاول مسك خيط البدايه ليعرف
متى النهايه
لكن ان تسئلني شالفايده اعتقد سطوري السابقه واسمح لي اقولك تقدر تقرا سطوري مره
ثانيه راح تعرف شنو اهي قناعتي من عدم رغبتي وتأييدي في التوزيعات الي توزعها
الشركات من منح ونقدي

بس بعلق بشغله صغيره الموضوع كله برمته يحتاج الى ربط
شقصد من الربط ؟
يعني مايصير تقوم الشركات بعدم التوزيع والية السوق تفتقر الى ادوات استثماريه والى
منهج صحيح في التعامل

خذ مثال وخلني بالنهايه اوصل للفكره معاك

لو شريت وانت تعرف هالشي اكيد سهم هواتف بسعر 4 دنانير وبعته بسعر 4100
هل نسبة الربح مثلها لو شريت سهم الامان بسعر 150 فلس وبعتها بسعر 160 فلس
طبعا الجواب لا والسبب اهو نظام الوحدات الفاشل والخاطئ في سوقنا
انا مع الوحدات لكن بشكل نسب

شعلاقة الوحدات والنسب ياشيخ اتجاهات بسالفة التوزيعات
وين رحت بعيد

مارحت بعيد يالاخو

اهني الربط الي اقصده
يعني العمليه كامله ومتكامله وكلها تدور في حلقه وحده

شركه اربحت 10 ملايين دينار وقررت عدم توزيع اي شيء والسبب هو رغبة الشركة في الغاء شي اسمه احتياطي اختياري والاكتفاء بالاحتياطي القانوني في الميزانيه ومن ثم استثمار هالتسع ملايين بعد خصم مليون للاحتياطي القانوني في مشاريع وافكار جديده

المحافظ وبالذات الصناديق الواعيه ومدراءها الي يعرفون ان هالشركه راح تحقق عوائد من استثمارها بالربح راح تدخل على السهم وراح ترفع من سعر السهم والسهم الي كان سعره قبل النتايج بثلاث دنانير يمكن يوصل 4 دنانير بسبب هالمنهج

والعكس بالعكس لو في مدراء صناديق عندهم وعي ومنهج صح
لقرروا ببيع السهم الي يوزع ارباح حتى لو كانت التوزيعه معقوله ومقبوله
لانهم راح يحسبونها من اكثر من صوب وجانب

طبعا بندخل على سالفة الشورت سيل short sell
وهم بنعيد سالفة شعلاقة الشورت بالتوزيعات :) ؟

العملية مترابطه ومتكاملة

بالنهاية المضارب مايهمه توزيعات كثر ما يهمه تحليل فني لمسار السهم وسلوكه
وكذلك يهمه معرفة من باب العلم بالشيء توقعات الارباح للشركات

اختم بمثال عن احد الصناديق الناجحه في الكويت

هالصندوق مديره عرف اللعبه وقال ليش اعور راسي بشركه توزع وتعال احسب سعر الفسخ
وشوف شكثر راح استلم ارباح واسهم تدش الصندوق تصير تحصيل حاصل
شقال هالمدير الي انا اسميه مدير متحفظ وناجح في نفس الوقت
قال يبه بحط فلوسي بالتوزيعه التاليه والي يعرف بالانكليزي Asset Allocation

40 % للأسهم ذات الارباح المجديه والمجزيه بشرط بيع السهم قبل الجمعية العمومية
30 % للأسهم الواعده والبيع قبل الجميعة العمومية
20 % للمضاربة اليومية والاسبوعية
10 % نقدا

طبعا هالمدير مو مغفل لانه وقت ما يشتري الاسهم الي تنحدر تحت مستوى 40 % اهو يعرف ان توقيت الشراء مناسب وانه توقيت البيع ايضا مناسب
اعطيك سهم اشتراها قبل العموميه بشهر تقريبا وهو سهم بيتك
بسعر 2200 وكان عنده هالسهم من قبل اربع شهور
تكلفته قول 2100
باع السهم بسعر 2420
يعني حقق 14 %

طبعا اهو حسبها قال لو بنطر الجمعيه العموميه يعني انا راغب بزيادة راس المال وراح استلم اسهم منحه ومافي ضمان ان السهم راح يرجع بوقت قياسي لاسعاره قبل الفسخ
وبالتالي اسهم جديده بدش الصندوق وهالاسهم تعتبر محجوزه الى ان ياتي يوم ويرتفع السهم واقدر ابيعه

طيب ليش ما استثمر الكاش الى بأيدي وادش وقت ما يوصل السهم الى القاع وانطر عليه ويدش من جديد الى مستوى 40 % في التوزيع الامثل للصندوق ؟

هالمدير سلوكه سلوك مضاربي واهو مضارب يشتغل على الايام والاسابيع والاشهر

المشكله بهالصندوق انه يحتوي على اسهم تكلفتها عاليه والا جان شفنه اداءه في الاعلانات والصحف بشي من الفخر وخلوها للايام اهي راح تتكلم عن اداء هالصندوق بالذات وانا بالفعل استثمرت فيه وماودي اقول عنه عشان لا تكون دعايه او لاي طارئ يحدث للشركه او للصندوق

طولت عليك واتمنى ان تكون قناعتي غير ملزمه لكنها فقط دعوه للحوار المتبادل

السلام عليكم

طرحك ممتاز يا اخي وقدرت تشرح وجهة نظرك بوضوح
ولكني اختلف معك بشده

لدينا شركة تربح 10 ملايين وتقوم بتوزيع 5 ملايين، وتخلي 5 ملايين، ليش ؟؟ للتوسع طبعا
لدينا شركة تربح مليون وما توزع ارباح، ليش ؟ هم للتوسع
كما لدينا شركة مثل المخازن ربحانه 100 مليون، وفوق هذا طلبت زيادة راس مال 16 مليون، ليش ؟؟؟ للتوسع/ بس شنو صار وياها ؟؟؟؟؟؟ مصيبه :×

المقصود ان التوسع لا يحتاج حجب توزيع ارباح
وايضا يجب ان يوضع هدف للتوسع العملي

الحاصل بالكويت غلط بغلط
السنه اللي فاتت في شركتين او 3 عندهم خطط توسعيه واحتاجو فلوس، فوزعو منح وطلبو زيادة راس مال، قام سعرهم ارتفع وهذا طبيعي
احترو باقي الهوامير فقالو نبي نرفع راس المال من غير خطط، بس عشان يرتفع السهم
والنتيجه ؟؟؟؟ تدهور قوي بالارباح ووصل الى خساير محققه ايضا

المقصود، الارباح يجب ان توزع سنويا، ومو شرط توزع كل الارباح اذا كان لدى الشركه شي مهم
ولكن تقولي شركة ما توزع ارباح بالمره، فمالها وجود.
-----------------------------------------------
ابو عبدالله - الخلوري-
لا يجوز مقارنة شركة بالكويت في شركة بامريكا
يعني لما بوينغ ما توزع ارباح وتقول بتستثمر الارباح لصناعة طياره جديده، الكل يستفيد
لما ميكروسوفت ما توزع عشان تستفيد من الارباح لبرنامج جديد، الكل يستفيد

لكن لما تقولي الوطنيه العقاريه ما تبي توزع عشان تستفيد من الارباح لبناء فندق في ليبيا، نقول مالت على الشركه، ونعرض ثاني يوم بالحد الادنى

ولكم الشكر

[eTjahat]

اخي اتجاهات.....

اود ان اسجل اعجابي الكبير بطرحك وبثقافتك وبافكارك التي استفدت منها كثيرا
كثر الله من امثالك......

تحياتي لشخصك الكريم؛؛؛؛؛؛؛؛؛؛؛؛؛

الاخو الناصر بالامس كنت برد عليك لكن ظروف النت للمنتدى كانت مستحيله اني ارد عليك
والبطء كان هو سيد الموقف مع الاسف

انا من يسجل اعجابي فيك وفي بقية الاخوان الي شاركونا الراي وعرضوا علينا افكارهم فجزاهم الله خير الجزاء واسئل الله ان يحسب كل عملهم في ميزانهم

اتمنى ان استفيد منك ونستفيد كلنا من بعض وهذي هي سنة الحياة لازم اشيلك واكيد تشيلني
موفق خير وباجي الشباب والخوات

[eTjahat]

صحيح ان اسواق المنطقه كلها ناشئه ,, وينقصها الكثير من التشريعات والقوانين لتنظيم العمل فيها

وتامين مناخ استثماري حقيقي بادخال آليات استثماريه جديده ,, مثل ما ذكرت ال Short sell

ممكن يكون سد منيع لانهيارات الاسواق عندنا ,,

لكن شنو اللي يضمن انه لا يتحول مثل آليه الآجل لتدمير الاسهم في دورات التصحيح ؟؟!!!

وانها ممكن تستغل ابشع استغلال في تدمير صغار المستثمرين ..

واخيرا ,,

اوافقك بشده على ضروره المطالبه بتغيير القوانين وسن تشريعات تنظم اسواق المال وتكون خاليه

من الثغرات ,, والاهم من ذلك تطبيقها ,,


تحياتي ..


يالاخو splendid هم انا اشكرك على مشاركتك في قناعتي ورايي ومثل ماقلت في السطور السابقه اني فقط احب يقرأ الاعضاء رايي وماهو ملزم ان يغير الواحد قناعته ورايه فكل منه له راي والحكم اهو قائمة الطلب والعرض بالسوق

ولا راح اناقشك عن قناعتك المتثمله في الامثله الي طرحتها يالاخو splendid لكني بصراحه بودي ازيد على ماقمت بوضعه باللون الاحمر

واقول للاحمر الاول وازيد عليه ان مو بس ينقصنا تشريعات وقوانين ، لان القوانين موجوده ومتروسه لكن تطبيقها معدوم الي بزيده في هالمقام اني احتاج ايضا مخرجات واعيه يعني تعرف ان الاصل في اسواق المال والاسهم مثل ما تفضلت انت ببداية كلامك اهي للاستثمار وليس للمضاربه لكن تطور العمران والحياة وتبدل الصوره اصبح للمضاربين دور في تحرك سعر السهم السوقي وبالتالي اصبح القاعده ( الاستثمار ) هي الاستثناء و(المضاربه ) مع بالغ اسفي هي الاصل والقاعده ولا اقدر انا وانت نغير الاستثناء الجديد فاليوم في عالم النت والكمبيوتر صرنا نتداول واحنا ببيوتنا ونشوف السوق والجارت ونحط اوامرنا وانت قاعد على سريرك ان بغيت ولان المضاربه صارت هي الاساس واغلب حركات وقيم التداول راجعه للمضاربه فاني احتاج الى وعي استثماري وهذا ما ينقصنا مثل ما انا ملاحظ

الاحمر الثاني تقول شنو الضمان مايصير في اخفاقات للشورت والاوبشن وأي اداة جديدة مثل ماصار مع الاجل صدقني واخذها من اخوك كان يشوف الناس شلون تشتري واحلف بالله غيره ماحلفت اني في يوم من الايام كنت بالصاله بسنة 2005 تحديدا وقلت حق واحد ترى سهم من الاسهم يسوى شراءه اجل واذكر انه كان عقارات كويت ثاني يوم او ثالث يوم شفته وانا ماعرفه هذيج المعرفه قالي ياولد الحلال مشكور مشكور تراني شريت والسهم الحين صاعد فوق تكلفتي بعشر فلوس ولو بعته الحين بربح هالكثر قلت له الله يوفقك
وربي بعد شهر وانقطاع عن السوق والصاله رحت وشفته قالي الله يهداك خسرتنا تقلقصنا بهالسهم الميت قلت له ليش مابعت وفعلت الستوب لوز او الحد من الخساير قالي وهذي اهي حالتي اشتري وابيع بخساره بنطر
من هذاك اليوم وبديت اخفف زيارتي للصاله بحكم شغلي وياليت اعرف متى باع او متى برد على عقارات الكويت ان كان هو السهم

طبعا هالمثال ما ابي اعممه على كل الي اخسروا من الاجل بس بواريك شلون الناس بعض الناس تشتري اجل بدون اي وعي ودرايه
خذ مثال ثاني في ناس اسميهم انا مضاربين ( هز وسطك ) شلون يعني ؟ يرقصون ؟ جان زين يمكن الرقصيين ماعندهم ستوب لوز الي اقصده من هالنوع انه يشتري اجل ويرتفع السهم خل نقول 5 % ربح ومايبيع ولين نزل عليه يقولك اخ جان زين يالاخو بعت ايام ماكنت اشوف ربحي ورق وهوه

المقام يطول بالاجل ومشاكله اخر شي بقوله بهالمقام ان في ناس تشتري اجل واقسم لك بالله وحده انهم مايعرف شلون يحسبون الفايده ولا يعرفون شلون يتم التجديد وابسطها لو سئلته المنحه متى تستتلمها وشكثر بتستلم مايجاوبك ولا يعرف يجاوبك
الحل للقضيه هذي وغيرها من القضايا هو انهم يتعلمون بالاول بعدين يدشون سوق الاسهم

الاحمر الثالث متى ماتغيرت القوانين الحاليه والي اهي معيقه متى ماتطور اداء السوق بشكل كامل فالسوق كله على بعضه حلقة وصل ولا يوجد غنى عن كل شي يمكن نشوفه صغير

[eTjahat]

السلام عليكم

طرحك ممتاز يا اخي وقدرت تشرح وجهة نظرك بوضوح
ولكني اختلف معك بشده

لدينا شركة تربح 10 ملايين وتقوم بتوزيع 5 ملايين، وتخلي 5 ملايين، ليش ؟؟ للتوسع طبعا
لدينا شركة تربح مليون وما توزع ارباح، ليش ؟ هم للتوسع
كما لدينا شركة مثل المخازن ربحانه 100 مليون، وفوق هذا طلبت زيادة راس مال 16 مليون، ليش ؟؟؟ للتوسع/ بس شنو صار وياها ؟؟؟؟؟؟ مصيبه :×

المقصود ان التوسع لا يحتاج حجب توزيع ارباح
وايضا يجب ان يوضع هدف للتوسع العملي

الحاصل بالكويت غلط بغلط
السنه اللي فاتت في شركتين او 3 عندهم خطط توسعيه واحتاجو فلوس، فوزعو منح وطلبو زيادة راس مال، قام سعرهم ارتفع وهذا طبيعي
احترو باقي الهوامير فقالو نبي نرفع راس المال من غير خطط، بس عشان يرتفع السهم
والنتيجه ؟؟؟؟ تدهور قوي بالارباح ووصل الى خساير محققه ايضا

المقصود، الارباح يجب ان توزع سنويا، ومو شرط توزع كل الارباح اذا كان لدى الشركه شي مهم
ولكن تقولي شركة ما توزع ارباح بالمره، فمالها وجود.
-----------------------------------------------
ابو عبدالله - الخلوري-
لا يجوز مقارنة شركة بالكويت في شركة بامريكا
يعني لما بوينغ ما توزع ارباح وتقول بتستثمر الارباح لصناعة طياره جديده، الكل يستفيد
لما ميكروسوفت ما توزع عشان تستفيد من الارباح لبرنامج جديد، الكل يستفيد

لكن لما تقولي الوطنيه العقاريه ما تبي توزع عشان تستفيد من الارباح لبناء فندق في ليبيا، نقول مالت على الشركه، ونعرض ثاني يوم بالحد الادنى

ولكم الشكر

يالاخو المسبار الله يبارك فيك ويخليك ويسلمك ويحفظك ربي ويصبحك ويربحك يارب
بصراحه كلامك كله على بعضه هو راي مهم وسديد وانا بحاجه لان اقرا مثل هالكلام المهم
ولا اخالفك في قناعتك ورايك لكني ازيد عليهم رايي وخلنا نستفيد والكل يستفيد من طرحه وراييه

باللون الاحمر تقول ان التوسع لايجب ان يحجب الارباح وازيد عليك ماتفضلت ماشي الحال لا يحجب الارباح شراح تكون النتيجه ؟ راح اتكون ان هالشركه راح توصل لوقت من الاوقات وتقترض او تدخل معاها شريك جديد يشتري الاسهم من السوق بعد ماتبيع اسهم خزانه او تسحب من الاحتياطي القانوني اذا اضطرت لذلك او تصدر سندات او صكوك يعني بالنهايه قرض × قرض وفوائد تتراكم والارباح مع الوقت تتقلص وتقل

باللون الازرق انا اجزم ان الي صار بالمثال الي تفضلت فيه اهو بسبب عدم وجود وعي استثماري وعدم وجود فكر ناضج
بالله عليك شركه خسرانه مثل الاسمنت الابيض وتقوم بتوزيع ارباح ؟
قولي بالله عليك لو الاسمنت الابيض تقول للناس صراحة انا خسرت بسبب 1 و 2 و 3 وراح اعالج
هالخلل والخساره بالاجراء 1 و 2 و 3
لكنها تسكت الناس وترضي اطراف لها علاقه استراتيجيه وياها بتوزيعه لاداء خاسر
اهني المشكله

ولا احب اعيد الي انا قلته لكن للذكره واقولها للذكرى
صدقني التوسع او حتى بناء نشاط جديد يحتاج مصاريف هائله ولو في وعي عند مدراء الصناديق
واالمحافظ لعرفوا ان سبب التوزيعه البسيطه اهي من صالح السوق

مثال قلته في مكان ما كان سهم جلوبل قبل توزيعة عام 2005 يتداول عند سعر 2,700 ووصل بعد الاعلان او اثناءه الى 3200 وبعدها تفسخ عند تقريبا ما اذكر 1,300 وماذكر جم كان زيادة راس مالهم
الحين لو حطينا هالارقام في الميزان شراح نشوف ؟ انشوف لاني اتذكر اني بعت بعد الفسخ بنفس تكلفة الشراء يعني لا ربحت ولا خسرت ويمكن خسرت وقت وفرص مضاربه ثانيه
نزل السهم من مستوى 1,300 واليوم شوف عند جم يتداول
بتقولي سهم واعد اقولك واعد ليش لا لكن توزيعة الاسهم المنحة تثقل السهم وتعيق حركته
اعرف مستثمر ومالك كبير يملك كميه كبيره يقولي ولده والله ابتلشنا بهالورق يعني هالاسهم الجديده
متى نبيعها ومنو بيشتري مني ؟
لكن لو قالت رئيسة جلوبل الاخت مها اننا من اجل فتح مكاتب جديده وتوسع في انشطه وانشاء صناديق وشركات متخصصه راح نرحل هالارباح الى الميزانيه ليرتفع راس مالنا من رقم الى رقم
هل كانت تحتاج جلوبل الى الاقتراض طويل او قصير الاجل ؟

مثال جلوبل ينطبق عندي على كل الشركات
وسلامتكم

[قاهر الهوامير]

قرات طرح الاخ اتجاهات والتعقيبات عليه

واود التلخيص

طبعا هناك اتجاهين يتنازعان جمهور متداولى البورصه

الاتجاه الاشهر هو المضاربة السريعه سعيا وراء الربح السريع و
الاتجاه الثانى هو الاستثمار الطويل بشركة تعطى عوائد معقولة سنويا

وبالطبع لكل وجاهته وجمهوره وقد يضارب المستثمر ويستثمر المضارب احيانا
السؤال المهم الذى لم يتمكن اتجاهات من اجابته فهو لماذا يشترى الناس الاسهم ؟؟! لماذا تعتبر سلعة ذات قيمة ؟؟؟هل يكفى انها سلعه يلعب بها البعض فيصعدونها حينا ويخفضونها احيانا!!؟

هناك من يشترى عقارا سكنيا لتاجيره والربح منه وهناك من يربح من السمسرة بهذه العقارات
فهل يمكن للسمسار ان يعمل اذا لم يوجد المشترى الباحث عن العائد من الايجار !؟
المضارب هو السمسار وقد يربح اكثر لكن ازمة الاسواق تشتد ويفتقد فيها المنطق اذا قل الطلب الاستثمارى على الاسهم الى ما تحت 70% كما يؤكد عدد كبير من الخبراء وباعتقادى ان احد اوجه ازمة السوق الكويتى تحديدا هو سعى قطاع كبيرمن الصناديق وشركات الاستثمار وراء المضاربة بكثافة ! هذا والله اعلم.انا لا اشترى سهم غالبا الا بعد النظر فى تاريخ توزيعاته

[qadnan]

قد تكون وجهه نظر السيد اتجاهات مقبوله في الاسواق الكبيرة مثل نيو يورك لان السوق مفتوح وهناك قوانين وشفافيه عاليه ويتم تداول الاسهم عالميا وقيم وكميات مهوله لكن في سوق مثل الكويت محدود وما كو شفافية وخمسة اشخاص يتحكمون فيه اذا مافي ارباح كل الناس تتجه الى العقار او ودائع البنوك بدون تعب وهذا الاسلوب اتبعته مجموعه المشاريع في السابق ادي الى هروب المستثمرين لان محد يأخذ سهم مايتحرك في السوق ولا يعطي ارباح .