سوقنا سوق المهاره

[بوفيصل]

السوق نعم سوق المهاره و سوق المهاره ممكن احسن لان في مصداقيه واضحه بخصوص البيع والمشترى اما سوقنا عكس تماما الربحان ينزل و الخسران يصعد انا ادري تبون مثال ماشي اعطيكم مثال (بوبيان بس كافي علشان لا نفضح الباجي)
و السوق ايضا مقتصر على اسهم الجناعات انزين و الباقي شنو مهاره ايبيعون ادلاقات و فنايل و سراويل اسهم ثابته ما تتحرك لا وربحانه ربح جيد بالاخير سوق تلش والي ايقول سوقنا زين ومرتفع هذا اكيد عند اسهم الجناعات فقط و دليل ثاني ان سوق المهاره احسن البضاعه واضحه احنا عندنا اوامر وهميه بالدرجه الاولى يا عمي كلا كذب ابكذب معلش على الكلام خل الكبار يعرفون ان الصغار عارفين السالفه .................................... وشكرا ;)

[الشورى خالد]

السلام عليكم الاخ ابوفيصل والله ضحكت على كلامك لانه عين العقل بس لازم تصبر لانهم يتبعون اي سياسة تطفيش تزهيق تتتتت اصبر

[aljeemaz-2]

شللي يوديك حق سوق المهاره يا بوفيصل روح مر على المارينا مول شوف السنع كله .

شلك بسعيد وباعمير ....خلك مع سلطان وفواز ...

المهم حبيت أتغشمر معاك بس يابوفيصل لا زم إتعرف إنه هذا سوق محد يرحم فيه ولو مافيه خسران جان مافيه ربحان

والسوق اللي تشوفه له أسباب عديده منها لا الحصر
إنتهاء أغلب نتائج الشركات ( ماعدا مجموعة المخازن )
الضغط على حملة الآجل .وإسترجاع الأسهم بأنزل الأسعار قبل عطلة العيد
وأهم شي إقرار رفع الفائده مره اخرى ربع نقطه يوم الخميس القادم وهذا سبب رئيسي باللي يصير في السوق .


والله يوفق اهل المارينا .والجناعات .

[بوخليفة]

بو فيصل امبين عليك خسران , تبي نصيحتي عندك سهمين صواريخ انشالله بيعوضونك ... سلطان ووطنية عقارية , والله يوفقك

[أبا عبدالله]

يالجيماز ..

الجناعات شفنا شغلهم لكن أهل المارينا شوفهم بعد العيد !

[bufahad]

منو أهل المارينا ؟

[خالدة]

العقارات المنحدة تملك مارينا مول

[الريان]

انا ما ادري ليش الشباب اكثرهم مو مقتنع بالسوق بالكويتي والتحاليل فيه

خذ هذي السالفه واحكم :

قاعدين انا وشباب بالبالتوك بروم للاسهم الامريكيه وقاعد نتناقش ونشوف الاسهم وطبعا والسوق شغال يعني لايف ومافي احد مايعرف شركة سيسكو csco من اقوى الشركات العالميه للشبكات للانترنت والسوق كان شوي مو ذالك الزود يعني التداول بطيء وراكد جدا وعلى فكره هالشركه تداولها الطبيعي لا يقل عن50 مليون سهم واليوم هذا التداول بطيء على الشركه بس كان يمشي وتخيل السوق مدته 6 ساعات ونص يعني تقريبا كل عشر دقايق التداول بالنسبه لهذه الشركه يوصل الي مليون سهم وبالنسبه لها تداول ضعيف كانت وفي شركه وقفهتها ادارة السوق ولاندري شنو الموشوع بعدين نزل الخبر ان الشركه الحين يبي يجيها خبر مثل السوق الكويتي اذا في خبر يوقفون بس مو دايم عن هالشركه ضار عليها تداول بعدين وقفوها ونزل الخبر اقسم بالله من العجياب ذالك اليوم ماينسي يعني ايام تجيك تخليك تستفيد وقف سهم سيسكو ماعليها تداول والناس كلها تقريبا العالم كله يراقب هالشركه اللي نزل عليها الخبر

الشركه من 35 دولار الي 46 دولار اول شي كان التداول اقل من مليون خلال ربع ساعه وصل الي 16 مليون
نسوا سيسكو والشركات اللي احسن منها الثانيه قاموا يقطعون في هالشركه وهذا الشي اليوم وامس صاير بمجموعة الجناعات يعني متي ما انتهي الخبر انتهى التفاعل فاستقل الفرص والمثل يقولك خلك مع الركب وفي الختام السلام واسف على الايطاله

[aljeemaz-2]

يالجيماز ..

الجناعات شفنا شغلهم لكن أهل المارينا شوفهم بعد العيد !


خلني الحين آخذ رزقتي من اهل لجناعات وعقب العيد ماراح أروح المرينا لان كل من هب ودب راح يروح ;)
لانه إبمخابيهم صارت فيه خرده ....
عقب العيد راح أشتري أسهم ماتحركت .
الدار
اعيان
الاستثمارات الوطنيه
العقاري
الصناعات الوطنيه
وإذا تبي نصيحتي إشتر يوم السبت من قبل الإقفال ..
والله يوفقكم كلكم