المساعد الشخصي الرقمي

مشاهدة النسخة كاملة : Aud/nzd للمراقبه

Oil
22-12-2006, 12:39 AM
احتمال تكون فرصه حلوه للدولار الاسترالي مقابل النيوزلندي
الشراء من هالمناطق 1.1250 او احسن من هالسعر
والستوب لوز يكون الاغلاق 1.1200
والأهداف راح تكون كالتالي
الهدف الاول 1.1430 = فابيو 50
الهدف الثاني 1.1630 = مقاومه
الهدف الثالث 1.1730 = مقاومه
الهدف الرابع 1.1960 = مقاومه + فابيو 23
الهدف الخامس 1.2440 = التصحيح الكامل
اسباب التوصيه جداره دعم فابيو 61 واللى يعتبر اقوى خطوط الفابيوناتشي مثل ماهو مبين بالشارت
واي استفسار حاضر وبالخدمه موفقين
fesall
22-12-2006, 02:18 AM
للاسف ماعندى بالاميتريد دولار الاسترالي مقابل النيوزلندي

وبما انك داخل عالم العملات

انا عندى استراتيجيه ولحد الان ناجحه بنسبه 80%

واذا عندك حساب ديمو دش ولاتبيع باقل من 400 نقطه ومده التوصيه من 3 اسابيع الى شهر ونص

EUR/USD------------SeLL



وللتذكير السعر الحالى 1.3183
واذا الله عطانا عمر راح نرد على الموضوع بعد شهر
Oil
22-12-2006, 05:22 PM
للاسف ماعندى بالاميتريد دولار الاسترالي مقابل النيوزلندي

وبما انك داخل عالم العملات

انا عندى استراتيجيه ولحد الان ناجحه بنسبه 80%

واذا عندك حساب ديمو دش ولاتبيع باقل من 400 نقطه ومده التوصيه من 3 اسابيع الى شهر ونص

EUR/USD------------SeLL



وللتذكير السعر الحالى 1.3183
واذا الله عطانا عمر راح نرد على الموضوع بعد شهر
السل من هالمناطق متأخر حيل وينك من مستوى 13365
الحين اليورو كون الكوب والعروه على شارت الشهر واهي واضحه مثل ماهو بالشارت اذا تم الكسر اتوقع نشوف مستوى دولار ونص سهله عليه
اخبار امريكا سيئه جدا وهالشي يساعد اليورو
اذا دخلت بالصفقه نصيحه خل مستوى 13365 ستوب للخساره ولو انه كبير لكن اهنيه راح يتم الكسر والانطلاق لمستويات جديده ماوصلها اليورو
لان كل المؤشرات تدل على صعود اليورو
ممكن أعرف توصيتك بالبيع من هالمناطق ليش
لان التوصيه بالبيع طافت من اسبوعين تقريبا وحققت نتيجه طيبه لكن بالوقت الحالي شنو مقومات توصيتك
fesall
22-12-2006, 10:57 PM
والله انا مو خبير بالتحليل الفنى واتمنا انى اتعلم التحليل الفني
وانا تلميذ عن الشباب القط معلومه منى منى :)

لكن عندى المؤشر الاسبوعى السهم وصل الى القمه ولازم يرتد

وهذا الشارت ياليت تعطينى ملاحظاتك ونستفيد من خبرتك
Oil
23-12-2006, 01:09 AM
سوري بوغازي مااقدر ادز رسائل مستعجله الرصيد للحين مابلغ:D
بعدين انا ماني فاهم الشارت شلون يعني عطى اشاره بيع ممكن تشرحلي عشان افهمك
fesall
23-12-2006, 09:53 AM
لاحظ RVI وصل الى القمه وبدا يكسر الى تحت

و

Fx2 اعطى اشاره بيع اللى هيا باللون الاحمر
و
سلامتك
Oil
23-12-2006, 05:54 PM
بوغازي المؤشرات ممكن التلاعب فيها بسهوله
وترا ان بغيت الصج سعر اليورو خيالي جدا بالنسبه للدولار وهالسعر هذا
ماأعتقد دول اليورو مرتاحه له لانه راح يأثر تأثير قوي على اقتصادهم
لان
الصادرات راح تقل (المستهلك العالمي يأثر وياه الصرف)
والمستورد يزيد (لان اليورو لو تصرفه يوصل دولار وثلث)
يعني الحين قبل السياره الالمانيه يصدرونها لأمريكا 20 الف يورو
قبل اليورو اقل من الدولار تقريبا 85-90 سنت يجيب لك يورو واحد يعني السياره تطلع على اللى بياخذها اقل من عشرين الف دولار
الحين شصار
صار اليورو بدولار و30 سنت
صارت السلعه الاوربيه او السياره مثلا من عشرين الف دولار صارت الحين اكثر من 27 الف دولار بالحسبه القديمه وضيف عليها علاوه ارتفاع النفط وارتفاع اسعار الخام لأكثر السلع
النتيجه بالتالي مضره لدول اليورو (الاتحاد الاوربي)
لكن حصل ان ايام اليورو بتسعين سنت صار نمو قوي بالاقتصاد الاوربي والبنوك اهنيه قامت تحد هذا النمو لأسباب كثيره والنتيجه ارتفع سعر اليورو
يعني اليورو بالعربي راح يقيس هالمستوى دولار وثلاثين سنت اذا مشى وياهم كان بها مامشى وياهم البنوك راح تدش وتنزل سعر صرفه يعني لاتظن ان الحين مسوي هاي وبأي لحظه راح ينهار هالأحساس غلط احتمال يكمل
واذا ردينا لمؤشرات الشارت انا شفتها وضفت عليها ملاحظات
رقم واحد مؤشر fx2 عطاك بيع لكن مؤشر rvi بعده معطاك تقاطع يعني للحين ماعطا اشاره بيع ولاحظ تقاطع عقبها بمده مثل ماهو مبين بالسهم رقم اثنين
ولاحظ الماكد حزتها رقم ثلاثه بالمره ماعطا اشاره البيع ولو اعتمدنا المؤشرين مع بعض بغض النظر عن الماكد لاحظ النزول اللى صدنها مايسوا شي اللى هو رقم اربعه يعني شي بسيط
ومو معنى كلامي هذا ان اليورو راح يصعد او يصمد لا بالعكس تأكد هذي محافظ وتوقع منها عكس المتوقع
وانا من وجهه نظري اشوف ان البيع من مناطق 1,3800 اضمن من هالمستويات
وناطر تعليقك
Oil
23-12-2006, 06:45 PM
شرايك بالنيوزلندي ابرك من الاسترالي الاسترالي ماله ذنبه النيوزلندي شوفه بمركز سلطان الكيلو ماله اغلى من الاسترالي
fesall
23-12-2006, 10:03 PM
هلا استاذى
مؤشر fx2 مخليه يعطيك مؤشر لقرب حدوث بالصاعد وبالنازل
ماشالله عليك تبارك الرحمن شكلك محلل محترف
وانا على الله وعلى هالاستراتيجيه

اعطيك الشرح مالى مع مؤشر fx2 فقط
واذا عندك ملاحظات عشان اعدل
وعلى فكره اذا الاستراتيجيه عطتك 80% معناتها استراتيجيه ناجحه مثل التحليل الفنى
Oil
23-12-2006, 10:13 PM
بوغازي حط الثلاث مؤشرات وقولي طريقه الاعدادات وانا بنزلهم عندي وبقيسهم على كذا شارت وبقارنهم بالتذبذبات القويه والبسيطه وعلى كذا فريم وحزتها اقولك رأيي
fesall
23-12-2006, 10:19 PM
مؤشر اوقات مختلفه ولا شارت عملات مختلفه ؟


ورد على العرض تراه مغري
Oil
23-12-2006, 10:24 PM
يبا ضيفني مسنجر مو سالفه ماأقدر ادز رساله سريعه لازم 200 مشاركه
ضيفني عشان نعرف نتفاهم
Bo_Shahoda@hotmail.com
fesall
27-12-2006, 04:01 AM
للاسف ماعندى بالاميتريد دولار الاسترالي مقابل النيوزلندي
وبما انك داخل عالم العملات
انا عندى استراتيجيه ولحد الان ناجحه بنسبه 80%
واذا عندك حساب ديمو دش ولاتبيع باقل من 400 نقطه ومده التوصيه من 3 اسابيع الى شهر ونص
EUR/USD------------SeLL
وللتذكير السعر الحالى 1.3183
واذا الله عطانا عمر راح نرد على الموضوع بعد شهر


1.3113
لحد الان نازل 69 وفى مجال ينزل

:25: استراتيجيه بو عبدالله والاجر على الله
Oil
28-12-2006, 02:35 AM
1.3113
لحد الان نازل 69 وفى مجال ينزل

:25: استراتيجيه بو عبدالله والاجر على الله
اهلين بوغازي الله يزيد ويبارك بس ترا 400 نقطه كثير
بعدين والله انا مو مقتنع بسعر اليورو عالي حيل مادري ليش ساكتين عنه البنوك المركزيه الاوربيه يأثر عليهم
بس اللى مخوفني الكوب والعروه (القلاص) اللى مكونه هاليورو يخوف