مدن المانية [الأرشيف] - نوادي المضاربة والإستثمار

مشاهدة النسخة كاملة : مدن المانية

م / بورصاوي

19-12-2005, 10:41 PM

انشاء الله باجر اضبط لكم صور القرية الاولمبية بميونخ الي اقامو فيها دورة الالعاب الاولمبية 1973 والي راح يسوون فيها كاس العالم 2006 انشاء الله
soon

م / بورصاوي

20-12-2005, 04:04 PM

اهداء اولمبك بارك بسمونها بالالماني ينراح للمكان بالاندرجراود سهل جدا
وفيه مركز تسوق كبير اسمه زينتروم من المحطة تاخذ باص للزنتروم للتسوق..
بس الي يبي يروح للملعب يروح مشي من المحطة قريب اكو يمة ملاهي ومحلات بيع ملابس رياضة ومداليات وتحف رياضية ...
وبالطريق راح اشوف مصنع Bmw شي مو طبيعي كبير وفيه معرض من اول سيارة Bmw الى يومنا هذا بس المكان تحفة الي يطب ميونخ لازم يزوره
الملعب الاولمبي

م / بورصاوي

20-12-2005, 04:08 PM

صورة ثانية للملعب يذكرني بملاعبنا بون تحديد اسامي
لا ونسيت اقولكم واجهه الملعب فيه بحيرة
يعني تقعد بالمباراه ما تدري عين عاللعب وعين عالبحيرة
شي ما ينوصف

م / بورصاوي

20-12-2005, 04:11 PM

شويه الصورة مو واضحة ترى واقف على السور ما يصير احد يدخل الملعب
بس قلت اذا احد ياني جنه مولي هو يكلمني الماني وانا اكلمه انجليزي وتضيع السالفة

م / بورصاوي

20-12-2005, 04:22 PM

اخر صورة بالقرية الاولمبية

م / بورصاوي

22-12-2005, 11:09 AM

ميونخ

المدينة تأسست عام 1158
تعتبر ميونخ منطقة صناعية تجارية تقافية
وفيها جامعة تأسست سنة 1826م
عدد سكانها 100000 نسمة
قوس النصر . هدية الجيش الفرنسي للجيش الالماني بعد الحرب العالمية الاولى

م / بورصاوي

22-12-2005, 11:26 AM

تشهد ميونخ مهرجان من كل سنه 10/10 من الساعة 10 ص الى الساعة 10م
مهرجان دولي تقام فيه عروض الخيول والموسيقى والانشطة السياحية ...
أتذكر مرة سايق الباص الي اتعامل معاه قالي ابي ملابس خليجية ( غترة وعقال ودشداشة ) قلت له مو مشكلة قالي بشرط انك تاخذ فلوسهم علشان اضمن انك راح تدزهم علشان البسهم بالمهرجان :d

قلعة ملك بافاريا في ميونخ مكان لازم يروح له سايح ميونخ

م / بورصاوي

22-12-2005, 11:38 AM

مناطق سياحية يمكن زيارتها في ميونخ

رحلة جارمش :
اخذ القطار من محطة هابانوف والتوجه لمحطة جارمش وعند الوصول تاخذ الباص الى محطة ايبسي واخذ التلفريك الى منطقة الثلج
ملاحظة : المنطقة تسكر الساعة 5 قبلها تأخذ القطار وتنزل من الجبل وبجاني التلفريك في بحيرة من احلى بحيرات ميونخ وفيها تأجير طراريد ومطاعم

الرحلة الثانية :
جزر جمسي

الرحلة الثالثة :
مدينة العاب ليجولاند

الرحلة الرابعة :
الحديقة الانجليزية

م / بورصاوي

22-12-2005, 11:46 AM

الحلو بميونخ انك تروح كل مكان بالقطارت من محطة الهابانوف كأنك قاعد بمطار دولي شاشات كبيرة واقلاع ووصول ، من المحطة الهابانوف تقدر تروح كل المدن الالمانية وتروح النمسا و الشيك ووايد دول بس ما اذكرها....

ضربة حظ

22-12-2005, 03:46 PM

م / بورصاوي

22-12-2005, 05:37 PM

اخوي بورصاوي

بما انك خبره باوروبا

عندي استفسار

شنو الارخص اخذ package من مكاتب السياحه لاوروبا (يعني 3-4 دول) او اروح دوله اوروبيه و اسافر بالبر من دوله لدوله ؟
يعني مثلا اسافر المانيا وبالسياره الف على جيرانها ؟

الله يربح بترولي ويوقف خسارتي
اذا كنتوا شباب تأجير سيارة اونس ..
بالنسبة للعائلات الباكج اريح لك على الاقل كل شي يكون مضمون السكن والمراصلات ...

م / بورصاوي

23-12-2005, 06:42 PM

المانيا تستضيف كأس العالم 2006
في المانيا :

6200 محمية طبيعية .
612 ملعب جولف .
6000 متحف .
8766 معرض .
95 الف فعالية ثقافية كل عام .
ملاعب المانية

م / بورصاوي

23-12-2005, 06:49 PM

فرانكفورت

مدينة التناقضات ( فيها الحداثة والتقاليد والثقافة والتجارة والعمل والاسترخاء ) .
اجمل منظر للافق في المانيا حيث اعلى مبني اداري في اوربا وهو مقر البنك التجاري الرئيسي 56 دور و 259 م ارتفاع .
مدينة الصناعة والمال .
مراكز التسوق المنتشرة في كثير من الشوارع .
2 مليون زائر سنويا .

م / بورصاوي

23-12-2005, 06:54 PM

تعتبر فرانكفورت قاعدة للرحلات اليومية في الجبال والغابات والقصور العجيبة التي يندر وجود مثلها .
من الفنادق المميزة فندق ارابيلا شيراتون ويقع وسط المدينة

م / بورصاوي

23-12-2005, 06:57 PM

للحصول على معلومات اضافية عن المانيا دور بالموقع :
www.germany-tourism.de (http://www.germany-tourism.de)

م / بورصاوي

23-12-2005, 07:03 PM

هامبورغ

المدينة الراقية ذات النافورة الشهيرة وسط بحيرة اسن .
تعتبر مركز للموسيقى العالمية .
بها سلسلة من الفنادق الضخمة فندق الفورسيزن يطل على البحيرة مباشرة ( النافورة ) وبالبعض يطل على مناطق طبيعية .

م / بورصاوي

23-12-2005, 07:06 PM

مطار هامبورغ

م / بورصاوي

23-12-2005, 07:09 PM

متعة التسوق في المجمعات الراقية وخصوصا شارع ريبربان المشهور
اماكن التنزه كثيرة حول البحيرة .احد مجمعات هامبورغ

م / بورصاوي

23-12-2005, 07:16 PM

ليبزج
شعارها هناك شيئ لكل شخص كل عام .
مدينة الموسيقى عاش فيها وايد ناس مشهورين بس ما اعرف اساميهم احاول ادور عليهم :D .
محطة القطارات الرئيسية عبارة عن 3 طوابق واكثر من 150 محل تجاري .

م / بورصاوي

23-12-2005, 07:19 PM

من الفنادق المشهورة فندق الماريوت مقابل محطة القطار الرئيسية .
يوجد فيها مراكز تسوق كثيرة .

م / بورصاوي

23-12-2005, 07:21 PM

من برلين الى ليبزج ساعة ونص بالقطار .

م / بورصاوي

23-12-2005, 07:26 PM

وصلنا الى برلين

عاصمة المانيا الفاتنة بطرازها المعماري .
يوجد بها 15 مسرح و170 متحف .
فيها مراكز تسوق وفيها مجمع تجاري يمتد لمسافة 2 ميل .

م / بورصاوي

23-12-2005, 07:27 PM

برلين

م / بورصاوي

23-12-2005, 07:30 PM

من الفنادق المشهورة فندق أدلون كمبينسكي .
واخر صورة عندي مدخل لحديقة الحيوانات :D .انشاء الله يكون الموضوع عجب الجميع ....

م / بورصاوي

23-12-2005, 07:38 PM

نسيت اهم شي

بدران

23-12-2005, 08:06 PM

كفيت ووفيت يا م/ بورصاوي
بس ياريت يكون بالمنتدى مساحة للتوقعات بخصوص مباريات كأس العالم ويكون هناك مشاركة من الجميع بهذا الخصوص . اشرايكم .....؟

م / بورصاوي

24-12-2005, 06:30 PM

انشاء الله لا فتحوا الشباب قسم رياضي .... اطرح فكرتك ;)

omfouad

25-12-2005, 09:43 AM

كفيت ووفيت يا م/ بورصاوي
بس ياريت يكون بالمنتدى مساحة للتوقعات بخصوص مباريات كأس العالم ويكون هناك مشاركة من الجميع بهذا الخصوص . اشرايكم .....؟

هلا اخونا بدر علي .. حياك الله بنادي السياحه والسفر وسعداء بمشاركتك
بالنسبه لطلبك ان شاء الله راح تلقاه بالوقت المناسب بهذا الرابط :)
http://66.46.183.12/stock/showthread.php?t=6442

omfouad

25-12-2005, 10:10 AM

بما اني كنت بألمانيا على نص شهر سبتمبر اللي فات
فرانكفورت --> مدينه صغيره جدا وتعتبر مدينه البنوك وكم هائل من الموظفين في هالبنوك .. ( نسيت الارقام :( sorry )
ولما اقول صغيره يعني اذا ماكو زحمه على قولة المرشد اللي اخذنا معاه التور بنص ساعه سياقه تخلصها من بدايتها لي نهايتها
الرحلات اللي فيها فعلا متنوعه وكثيره وممتعه حيل " اذا لقيت البروشور بحط بعض الرحلات عشان لا اغلط بالاسماء للمدن.. "

هامبورغ --> تقع في شمال المانيا >> 3 ساعات بالقطار من فرانكفورت الى هامبورغ
احلى مدينه من الثلاث اللي زرتهم بألمانيا من كل النواحي
البحيره والكافيهات والسوق الراقي .. على فكره هامبورغ فيها رابع اقدم مبنى سوق اوراق ماليه بالعالم ;)

ميونخ --> تقع في جنوب المانيا >> 6 ساعات من هامبورغ الى ميونخ و3 ساعات من ميونخ الى فرانكفورت بالقطار طبعا
ميونخ الحلو فيها انك يوميا تشتري التذكره العائليه ليوم كامل حق الاندر جراوند وتفتر على راحتك ومتى ما خلصت من السوق والتمشي تركب .. تمسك خريطة المترو وتشوف وينك وتاخذ اقرب مترو يمك وترد مو شرط ترجع للمكان اللي وصلت منه :)
طبعا ميونخ سوووووووووووق .. اكيد كل شي موجود بالكويت وهذا كلام صحيح بس انا اولا اسافر لتغيير الجو والاستمتاع بالطبيعه الخلابه لدول اوروبا وثانيا اتسوق لما اسافر لأني بكل بساطه بالسنه حسنه اروح السوق بالكويت من الاشكال اللي اشوفها :p

اهم شي والمفروض ما يطوفكم اذا رحتوا المانيا هو الايس كريم اللي له نكهات وتطلب النكهه اللي تحبها عاد يطلعونها من الفريزر ويضغطونها بالمكينه على الكون ... مو بكل مكان تلقونه لكن اذا لقيتوه لا تتعدون لين تذوقونه ;)

بالنسبه للقطار والتنقل بين مدن المانيا او اي دوله اوروبيه عموما ان شاء الله راح اييب لكم الرابط عشان تستفيدون من سعر الخصم على التذاكر سواء لأكثر من شخص او حسب المده اللي تقعدونها وبالتالي كم مدينه بتزورون
على سبيل المثال انا وبو فؤاد اخذنا التذكره اللي تتميز بالدرجه الاولى بالقطارالسريع لمدة خمس ايام يعني ( فرانكفورت هامبورغ --> يوم ينشطب من التذكره - هامبورغ ميونخ --> يوم ثاني يعتبر وهكذا ولما ردينا كان باقي يوم بس مو مشكله اللي وفرناه بسعرها حيل يسوى ) لشراء التذاكر للقطار بس توصلون فرانكفورت ماين .. نزلوا تحت بتيرمينال B وطلعوا على المترو تلقون محل سفريات منه تشترون التذاكر للقطار او للمترو وغيره ... ملاحظه .. يبون صورة الجواز للي بتنطبع اساميهم بالتذاكر لأن لازم يكونون مو المان :cool:
عندي صور حلوه بس للاسف ما اعرف اصغر الحجم واحجامهم huge :o
اعتذر للاطاله واتمنى اكون فدتكم :)

م / بورصاوي

25-12-2005, 09:14 PM

بالسفر اول ما نوصل الى ميونخ احس براحة نفسية وناسة تطلع من الصبح تتمشى بالكارلس بلاز صوب النافورة هذا اشهر شارع عندهم محلات ومطاعم وقهاوي وتمشي وتشوف هالناس الي يطرون ....:d الجماعة حتى طرارتهم تونس ... يسوون حركات

م / بورصاوي

07-09-2006, 10:10 PM

للرفع

م / بورصاوي

07-09-2006, 10:12 PM

للرفع

م / بورصاوي

09-09-2006, 04:16 PM

مدينه بافاريا الالمانية ... من احلى المدن

http://us.news1.yimg.com/us.yimg.com/i/fifa/gen/fifa/20050126/i/115805729.jpg
http://us.news1.yimg.com/us.yimg.com/i/fifa/gen/fifa/20031129/i/1303181744.jpg
http://us.news1.yimg.com/us.yimg.com/i/fifa/gen/fifa/20031129/i/2887472187.jpg
http://us.news1.yimg.com/us.yimg.com/i/fifa/gen/fifa/20031129/i/2273970854.jpg
http://us.news1.yimg.com/us.yimg.com/i/fifa/gen/fifa/20031127/i/1367526728.jpg
http://us.news1.yimg.com/us.yimg.com/i/fifa/gen/fifa/20050126/i/288312421.jpg
http://us.news1.yimg.com/us.yimg.com/i/fifa/gen/fifa/20050126/i/3025884596.jpg

منقول