مساعده يا اخوان للى يعرف بدبى

[هذا انا]

السلام عليكم اخوانى انا ناوى ان شاء الله بشراء شقه بدبى ............ اد’ا احد عنده خبره فى هالموضوع او عنده دلال ثقه يفيدنى برقمه اكون له شاكر............ومشكورين مقدما:10:

[متداول]

السلام عليكم

انصحك بشراء جريدة Gulf News الاماراتية و هي باللغه الانجليزية و دائما يكون مرفق معها ملحق يومي عن الشقق في دبي و العروض وارقام مكاتب العقارات .

تقدر تحصلها بالكويت في بعض لوبيات الفنادق أو في محل بيع الجرائد و المجلات في الفنادق.



وموفق

[هذا انا]

مشكور يا مراقبنا العزيز................... وهم ما نستغنى من مساعده الجماعه اد’ا فى شى زين هناك بدبى

[متداول]

اخوي "هذا انا"

بالنسبة للشقق في دبي الحين العروض واايد و الطلبات قلت وفي احتمال كبير انه الاسعار تنزل في الفترة المقبلة لأن في مشاريع كبيرة راح يتم تسليمها اخر شهر 12 الياي , والكل يتوقع انه بعد التسليم و دخول عروض جديدة السوق تنزل الاسعار.
وغير جذي انه الاسعار وصلت الى مرحلة مبالغ فيها بحيث انه لو تأجر الشقه ما تعطيك مردود سنوي قوي و المردود الآن بين 5 و 6 بالمئة .

فأنصحك انك تنتظر ويفضل انك تزور دبي و تشوف اماكن المشاريع .

وموفق.

[هذا انا]

اخوي "هذا انا"

بالنسبة للشقق في دبي الحين العروض واايد و الطلبات قلت وفي احتمال كبير انه الاسعار تنزل في الفترة المقبلة لأن في مشاريع كبيرة راح يتم تسليمها اخر شهر 12 الياي , والكل يتوقع انه بعد التسليم و دخول عروض جديدة السوق تنزل الاسعار.
وغير جذي انه الاسعار وصلت الى مرحلة مبالغ فيها بحيث انه لو تأجر الشقه ما تعطيك مردود سنوي قوي و المردود الآن بين 5 و 6 بالمئة .

فأنصحك انك تنتظر ويفضل انك تزور دبي و تشوف اماكن المشاريع .

وموفق.
مشكور حبيبى وما قصرت .............. بس انا بصراحه ناوى اشترى حج نفسى ........ علشان احط حج نفسى مكان خارج الكويت علشان اغير جو لى وللعائله يوم او يومين شهريا واريح من عناء العمل يعنى انا بآخد’ مو للاستثمار وعارف ان الاسعار قاعده تنزل هناك والمتوفر بالسوق وايد وحتى لو اشتريت ما اقدر ابيع بسهوله هناك........ بس كان ودى احرص قبل ما اشترى واشترى شى مو بسعره ....... ومثل ما تفضلت لازم اروح هناك واشوف على الطبيعه افضل.............حبيب والله

[متداول]

دام لك وللعايلة

انصحك في مشروع دبي لاند راح يكون مشروع كبير وتنتهي مراحله الاولى في بداية 2008 و راح يكون في مدينة ملاهي اكبر من ديزني لاند و راح يكون فيه وايد شغلات حلوة و داخل هالمشروع في مشرع The Villa و هو فلل على مساحة 580 متر جاهزة والتسليم في 2008.

وفي عندك مشروع قريب يمهم مشروع Dubai Sports City اسعاره حلوة بالنسبة لشقق دبي الاستوديو تبدي اسعاره ب 25 ألف دينار .

وفي غيرهم وايد..


وبالتووفييق

[الــ$ــستثــ$ــر]

السلام عليكم اخوانى انا ناوى ان شاء الله بشراء شقه بدبى ............ اد’ا احد عنده خبره فى هالموضوع او عنده دلال ثقه يفيدنى برقمه اكون له شاكر............ومشكورين مقدما:10:


نصائح هامة لمن يريد شراء عقار بالخارج :

1 - الاستفسار عن شروط التملك بالدولة المراد الشراء فيها .

2 - عدم الاستعجال بالشراء فالأفضل أن ترى المشروع بعينك .

3 - دراسة جيدة لموقع المشروع .

4 - تســأل ؟؟ ما اذا يوجد شرط جزائي في حال تأخير تسليم المشروع .

5 - تستفسر عن وجود تأمين أم لا على المشروع خاصة بالنسبة للمشاريع الباهظة الثمن كالأبراج .

6 - تستفسر عن العائد السنوى المتوقع للمشروع .

[هذا انا]

يعطيكم العافيه يا المتداول ويا اخوى المستثمر على هالمعلومات والله والنعم فيكم وفى جميع الاخوان .......... اشرايكم يا اخوان فى برج راح ينبنى فى الشارقه فى المجاز وصاحبها ولد الفليج ومده التسليم بعد 30 شهر والشقه 2 غرفه ويبتدأ ب37 وطالع هل يسوى السعر........وهى فى بدايه الشارقه بالقرب من دبى

[متداول]

هلا اخوي "هذا انا"

طريج الشارقه دبي في زحمه مو طبيعية ما اقص عليك اذا قلتلك تاخذ منك مرات ساعه كامله يالله تطوف الشارع وتوصل دبي , تخيل اغلب اللي يشتغلون في دبي يسكنون في الشارقه عشان الايجارات ارخص , وانصحك انك دام تبي بلأمارات و تبي تزور دبي وايد دورلك شقه بدبي مو بالشارقه و احسن شي انك تيي تشووف بعينك الطريج بين دبي و الشارقه "شارع الاتحاد" .



وموفق

[هذا انا]

هلا اخوي "هذا انا"

طريج الشارقه دبي في زحمه مو طبيعية ما اقص عليك اذا قلتلك تاخذ منك مرات ساعه كامله يالله تطوف الشارع وتوصل دبي , تخيل اغلب اللي يشتغلون في دبي يسكنون في الشارقه عشان الايجارات ارخص , وانصحك انك دام تبي بلأمارات و تبي تزور دبي وايد دورلك شقه بدبي مو بالشارقه و احسن شي انك تيي تشووف بعينك الطريج بين دبي و الشارقه "شارع الاتحاد" .



وموفق
وانت صاج........ قلبك على قلبى هد’ا اللى خايف منه ............عاد البرج على شارع الاتحاد