الاجاره بالتملك

[اللمبي]

مساء الخير يا اصحاب واعضا وزوارالنادي !سؤال عن الاجاره بالتملك والدفع 30% وشنو الضمانات للبنك وشنو البنك ربوي او اسلامي وله حد معين للمبلغ او مفتوح ؟وشكرا جزيلا علي هذا المنتدي الطيب الذي يوفر علينا كل العناء والمشقه وشكرا للاعضاء والزوار ؟

[متداول]

السلام عليكم اخوي اللمبي

راح اقولك معلوماتي البسيطة عن الاجارة بالتملك و اذا في شي غلط ياليت الاستاذ الديجيتال "بوحمد" يصلحلي.

الاجارة بالتملك خدمه تمويلية يقدمها بيت التمويل فأهيا اسلامية و غير ربوية
والبنك ضماناته: 30% دفعة مقدمه من قيمة العقار + العقار راح يكون مسجل بأسمهم .
ومافي حد معين للعقار اللي بتشتريه دام انك بتدفع المقدم

واللي اعرفه اذا كانت ارض فضاء لازم تدفع 50% لأنه ما راح يكون فيها دخل .


وموفق

[الديجيتال]

السلام عليكم اخوي اللمبي

راح اقولك معلوماتي البسيطة عن الاجارة بالتملك و اذا في شي غلط ياليت الاستاذ الديجيتال "بوحمد" يصلحلي.

الاجارة بالتملك خدمه تمويلية يقدمها بيت التمويل فأهيا اسلامية و غير ربوية
والبنك ضماناته: 30% دفعة مقدمه من قيمة العقار + العقار راح يكون مسجل بأسمهم .
ومافي حد معين للعقار اللي بتشتريه دام انك بتدفع المقدم

واللي اعرفه اذا كانت ارض فضاء لازم تدفع 50% لأنه ما راح يكون فيها دخل .


وموفق

عاش من سمع صوتك وين الغيبه متداول 00 ادري انك مشغول بالدراسه بس يا خوك طل علينا
حبيب والله عسالله يوفقك في دراستك 0000


بالنسبه لسؤالك اخوي اللمبي انا وااايد جاوبت عليه بس ابشر هم راح اجاوبك
الاجاره بالتملك لها نظامين اولا اقساط سنويه واقساط شهريه
الاقساط السنويه تدفع 30% من قيمه العقار والقسيمه الباقيه تدفع 10% ارباح تدفعها اخر السنه لكن ما ال 10% ما تحسب من قيمه العقار مجرد ايجار فقط واهني ما يحتاج اي ضمانات
مجرد المقدم
اما الاقساط الشهريه تعتبر نفس نظام المرابحه يحددون مقدمك علي راتبك يعني ان القسط ما يزيد عن
نص الراتب

تقدر تاخذ النظامين من بيت التمويل ودار الاستثمار واعيان واسكان والخدمات التمويليه


موفق اخوي

[فهد9]

ابو حمد
شنو افضل الشركات اللى تقدم الخدمه ونسبه الارباح
سمعت عن المنار انه افضل مدرى فى الاجاره هل صحيح
نسمع منك
ونكون من الشاكرين لك

[الديجيتال]

ابو حمد
شنو افضل الشركات اللى تقدم الخدمه ونسبه الارباح
سمعت عن المنار انه افضل مدرى فى الاجاره هل صحيح
نسمع منك
ونكون من الشاكرين لك
هلا اخوي فهد بصراحه افضل شي بالنسبه للارباح او ( الفوائد ) بيت التمويل
المنار تاخذ باجاره 12 % التمويل ياخذ 10%

[اللمبي]

اولا:الله يعطيكم العافيه وماقصرتوا وكلكم ذوق وشهامه . ولكن فيه نص سؤال ؟ وهو اذا الراتب مايوفي يعني عليه اقساط شنو نسوي . يعني تمشي المعامله من غير الراتب . وشكرا جزيلا لكم ومعلش استحملونا لان مالنا الا انتم يااصحاب الراي .

[الديجيتال]

اولا:الله يعطيكم العافيه وماقصرتوا وكلكم ذوق وشهامه . ولكن فيه نص سؤال ؟ وهو اذا الراتب مايوفي يعني عليه اقساط شنو نسوي . يعني تمشي المعامله من غير الراتب . وشكرا جزيلا لكم ومعلش استحملونا لان مالنا الا انتم يااصحاب الراي .

حياك الله اللمبي تستاهل اسال علي راحتك 000
صراحه اذا الراتب ما يوفي ما راح يعطونك شي لان القرار المسموح فيه من البنك المركزي لازم القسط ما يتعدا نص الراتب والحين طال عمرك الستم واحد يعني اي اقساط راح يعرفونه


موفق اخوي