شروط أحد الشباب للزواج بالشعر

[ام الاربعه وبس]

هذي شروط أحد الشباب للزواج بالشعر


يمـه تقوليـن الـزواج
للرجـل تحصيـن وسيـاج
ستـرٍ لعيبـه والمـزاج
حفـظٍ عليـه مـن الهـواج


ويجعـل العـقـل إبثـبـات


يمه لشورك باسمعه
حاضر وباسير معه
واوقف لجفنك مدمعه
واجي بقلبي واجمعه
رضاك غاية مطمعـه

ويـن الهنـوف اللـي تسـاق


لكن لي شرطٍ وحيد
في هالفتاة اللي اريد
من شان تلقيني سعيد
واغيض عدوانك واكيـد
ويقـرب الحلـم البعيـد

وتشاهـدي فالمقبـلات


البشت وأنا لابسه
والليل يضوي كابسه
والدمع وانا حابسه
واكسي الوجيه العابسه
ضحكه مـن اول يابسـه

ويصيـروا احفـادك رفـاق


ابغى كريمه فالحضور
الحاليه مثل التمور
الساميه مثل البخور
اللي مثل نسمة سحور
اللـي تشبعنـي شعـور

ماهـي مثيـل الاخريـات


انسانه إتزيل الضنون
لاطالعتني بالعيون
كل شيء فالدنيا يهون
متمرسه كل الفنـون
وصدرهـا دايـم حنـون


تندفـع صوبـي باشتيـاق


ابغى قصيره طولها
يفرق على من حولها
الموجزه في قولهـا
الصادقـه بفعولهـا
ماكـل شـيء يهولهـا

تختلـف عـن كـل البنـات


ابغى بخيله عاطيه
متفـرده لـي واطيـه
متمـرده بـي ساطيـه
متـورده بالغاطيـه
متشـرده عالخاطيـه

تحمـل احاسيـسٍ رقـاق


تكتب قصا يد باهره
فالنظم لولى ماهره
لهموم وقتي قاهره
والحزن روحي صاهـره
بنـتٍ عفيفـه طاهره

فقـط معـي عنـد المبـات


حليمةٍ متقاسيه
تربا عن اهل الخاسيـه
لازعلتهـا متناسيـه
وأن جيتهـا متواسيـه
مثـل السفينـة راسيـه

تشيـل حمـلٍ مايطـاق


فرفوشةٍ متدلعه
صوب الافق متطلعه
عن الخنا متقلعه
مغرومةٍ متولعه
بالشعـر وأنـا اتبلعـه

تقـول زودنـي وهـآآآآآآآآآآآآآآآآآآت


أن غبت عنها تحتري
مثل السجين اللي بري
وأن جيتها تاتي جري
مثل الغريم اذا دري
أن خصمه إبقربٍ طري


يصير فـي راسـه شقـاق


عـن الغلـط متمنعـه
مرضيّـةٍ متقنعـه
ماتنطـق المتشنعـه
ماتضحـك المتصنعـه
فـي دربهـا متسنعـه


ولا تطـاوع للـوشـاة


ابغى تكون الجافله
اللي تصلي النافلـه
ذات العيـون الغافلـه
اللـي لطفلـي كافلـه
فيهـا المشاعـر حافلـه

القافلـه بـاب الفـراق



ارياقها لاذاقها
الساني حفظ ترياقها
ماطيـق حيـل إفراقهـا
واذا قريـت اوراقهـا
فاحـت علـي اعباقهـا

عطـر الدفـاء بالامسيـات


أذا مرضت النايفه
تكون حولي طايفه
على شعوري خايفه
وعلى مزاجـي كايفـه
للهجـر دايـم عايفـه


لارضـا بعضنـا فـي سبـاق



اللي لاجيت أخمها
كن النّفسّ من فمها
أعطار مسك اشمها
يهنـى لصـدري ضمهـا
وأن صاحـت ياويـل أمهـا


تـرد للـروح الحيـاة


ماهي تقارن باختها
أن شفتها ماعفتها
وأن غادرت ماخفتهـا
واذا حصـل وصفتهـا
يابختهـا نصبتهـا


شيخـه لمـن بالحسـن فـاق



ابغى بنيه ثابته
لاقلت علمٍ جابته
ولا اخطيت شورٍ صابته
والعيب فيني عابتـه
بوهـا مـن اطلـق لابتـه


بنـت الحسـب بنـت الـذوات


من أم خيرٍ ماجده
ماهي تـذم وهاجـده
عنـد الشدايـد ناجـده
عنـد الفـرح متواجـده
لله دايـم ساجـده


مـن دون زيـف ولانفـاق


عن النساء فيها فروق
اخلاقٍ وسمعه وذوق
بالحسن والطيبة تفوق
تعرف مواجيب وحقوق
والاصل من خير العروق


اخوالها نـاسٍ ثقـات


ابغـى فتـاة عاقلـه
رزينـةٍ مثاقلـه
لانمـه ولا ناقلـه
وسـط المكـارم حاقلـه
أن جـت عليـه داقلـه


اسعـد لوأنـي فاختنـاق


الشعر شلالٍ طويل
والطرف جذاب كحيل
والخد كجنيه البخيل
والصدر مرصوصٍ قليل
والخصر مهصـورٍ نحيـل


فيهـا مجاميـع الصفـات


الجسم مايل للربوب
اذا مشت مثل الهبوب
وان وقفت مثل الجنوب
واذا اجلست مثل الخطوب
تجعل لي احساسي يذوب


كالشمع ساعة لحتراق



ابغى فتاةٍ عاشقه
لطيوب فرحي ناشقه
لهموم قلبي راشقـه
تهـل مثـل الغاشقـه
فـي شكلهـا متناسقـه


مثـل الغصـون المثمـرات


أن كان به يمه أمل
والحلم وده يكتمل
وان شرطي السابق حصل
على الهي باتكل
باخطـب لهـا وعلـى عجـل

__________________