لا ما قريت الرسالة [الأرشيف] - نوادي المضاربة والإستثمار

nerdia

26-09-2004, 02:38 PM

ما قريت الرسالة و الا اللي انكتب فيها
جفلت من ظلمك و جورك يطغى في معانيها
ظلم اكثر غدر اكبر ببدايتها و تواليها
رساله في زمن اغبر تبيع و تشتري فيها

نسيت انك عصاك النوم تترجى خطاويها
بذلت لي كل اسبابك اجهلها و احريها
و بدلت كل القابك و جملت لي مساويها
على بابي نثرت دموع ذلك باقي فيها
وقدت لي في الضلوع شموع و اشعلت الامل فيها
علمتني احب جنون.. و جروحك اداويها
جمالك ما يطيقه كون تقول و قصة ارويها
و حنانك ما يعرفه لون عليك النفس ما اغليها

و لما طالت اذنابك و حتى ذاتي الغيها
علي تكشر انيابك؟ صرت اسمال تبليها
رهنت الروح في قيدك تعذبها و تكويها
على نار تصبحها و على ثار تمسيها
صرت الطفلة بين ايدك على كيفك توديها
على هونك تفرحها و بكل عنفك تبكيها
حشمتك لي ضميري مات ..تعامت عيني و اشفيها!

و بان غدرك بزمان مر و قلت الصفحة بطويها
تذللت لك ترجيتك رصاصة رحمة تشفيها
هذي المرجلة منك على قدك تساويها
على كيفك تفسرها و على الغاية تخليها؟
تعرفها تقررها ...و باالارقام تحصيها
كم غادة تحطمها و كم وردة تضحيها
كثر ما تجرح افعالك بحوادثها و مآسيها
تطمن الردى فالك مصيرك تكتوي فيها
احسبها و احسبها مصيرك تكتوي فيها
تذكر يا خفاش الليل مجريها و مرسيها
مثل ما عاثت انيابك تحرى الحق ينهيها
و اذا نفسي بترضى بك انا من كاهلي اعفيها!

NERDIA
حقوق الطبع محفوظة