للحساد: السوق ملون

[آجل]

والله ابتلشنا

صعدت الهواتف قالوا : نصابين عليهم حكم

صعدت المجموعه وربعها قالوا احذروا حركات سامي البدر

صعدت مجموعة البحر قالوا تصريف

صعدت ميادين قالوا حركة قديمه عشان يسحبون رجول العالم بزيادة راس المال

صعد بوبيان قالوا تجار الجت صعدوه

صعد مشاريع وربعها قالوا لايحوشك

صعدت مجموعة الخرافي قالوا يبي يبيع الشركة مثل ما سوى بالبنانية

صعد السوق كله قالوا الهيئة دخلت

شبعنا كلام وتعليقات الى وهقتنا


تكفون خلوا العالم يضاربون وشهالحسد انت اشتر وبيع على غيرك وهذي حركة الاسهم ودورانها والكل بستفيد باذن الله بس نبي العالم ترتاح نفسيا

والسوق مثل هالاسبوعين الماضيين فيه خير وقاعد يتأسس على ثقة وبركادة

تكفون خلوا العالم ترزق الله وباذن واحد احد الكل يربح ويعوض خساريه وبدون حسد وبدون مانشيتات وعناوين الي تخرع العالم بالمنتديات هذا يقول افتكوا من السهم الفلاني وهذا يقول باكر وعقبه احمر وهذا يفتي ....

الديرة فيها خير والسوق كله خير

وعساكم تربحون وتزكون ... آمين

[white soul]

الله يرحملي والديك على هالكلام الي يبرد الجبد

والله ابتلشنا انا واحد من الناس ضايع بالطوشه

واحد ياخذنا بكلمه والثاني يردنا بكلمه

ان ارتفع السوق خوفونا وقالو راح يصرفةون عليكم

ان نزل السوق قالو لا للبيع لا تجعل خسارتك محققه

ياما راحت علينا فرص والسبه هالكلام

دير بالك من البحر

ولاتقرب من البدر

ولا يصيدونك الجناعات

ارحمونا يا ناس والله ملينا

الي عنده خبر اكيد والا تحليل فني يتكلم

الي قصده التضليل والخداع وسوالف ان الاوان الله لا يوفقه انشالله

[المهذب جداً]

.


ممكن بس مو لهالدرجة


لا تلوم الناس ياخوي ؛ يكفي إنقرصنا مرة


الحذر مطلوب بكل الأحوال


ومشكورين على هالموضوع و الإستفتاء


.