قصيده مبكيه(( قصه وقصيده مؤلمه ))

[BOAHMAD]

قصيده مبكيه(( قصه وقصيده مؤلمه ))

قصيده يرددها كل من في المستشفى

فهي قصيده على لسان سيدة وقورة ترقد احد المستشفيات منذ سنوات

قصتها مبكية الحقيقه ..

تقول هذه السيدة قبل سنوات جاء زوجي وطلب مني اروح معاه السوق

وقالي اشتري اللي تبين وبأي سعر واشتريت افخم الثياب واجملها

وجميع المستلزمات للبيت وغيره ..ورجعت للبيت مسرورة وفرحانه..

فجأة ... قالي زوجي كل هالاغراض مو لك ..

هذي لزوجتي الجديدة وانتي الحين طالق ..

بعد هالحادثة اصيبت الزوجة بجلطة وغيبوبه جلست في المستشفى ..

ولا احد يزورها غير اخ لها زارها كم مره وبعدين بطل لما طالت المدة

ولازالت موجودة في المستشفى والكل يعرفها وحافظ قصائدها وكلماتها

ولما تسألها عن قصتها تبكي بحرقه وتردد قصائد توجع القلب

لانها ولهانه حيل على اولادها ولا تدري عنهم شيء فالكل هجرها ..

وهذي احد قصائدها تقول فيها:


تكفين ياطيور حرار افزعيلي
...................ابي عن اديار الاهل منك الاخبار

تكفين حومي فوقهم وارجعي لي
..................والا ان حصل لك حومة داخل الدار

تكفين حول ابيوتهم دوري لي
.......................سبعة فروخ يوم اخليهم صغار

شوفي ضناي وعودي وانكفي لي
........................وشلونهم ياعلهم صارواكبار

نسيوادفاي ونومهم في شليلي
..................وش علمهم ياعلهم طول الاعمار

قولي لهم أن امكـم له عويلي
..................خمسـة سنين دمعها دوم مدرار

وقولي لهم اني على طول ليلي
...........................انوح ولياقرب الصبح انهــار

وقولي عيونه دايم له هميلي
.....................تبكي لياشافت من الناس زوار

كل يوم اقول اغدي حديهم يجي لي
........................راحت سنين مابهم واحد زار

وانا اللي من سبة سوات الحليلي
........................حالي تردت كل ماله وتنهار

وفرقى ضناي اللي تردت بحيلي
...............كني على شوفتهم اصلى على نار

ياويلي كان الله عجل رحيلي
.....................وانالي سنين ابي لوهي اخبار

ياعونة الله الله من يبي يتكي لي
.................جارت علي بامرالولي كل الاقدار

تنكروا من يدخلون الدخيلي
..................واللي بوسط ديارهم يامن الجار

قولي لهم ياطيور قلبي عليلي
..................الله يكافي قلوبهم صارت احجار

وانا اللي لبراق الخيال استخيلي
..........................واقول ياعل (......) للامطار

.تكفين وسط ديارهم صوتي لي
........شوفي عسى لاسمي مع الناس تذكـار

وقولي لمن نسيانهم يستحيلي
...................يااللي نسيتوها ترى الوقت دوار

ياهيه ياللي بالسمالك هديلي
.......................ردي خبر تكفين يكفيني امرار

شوفي اكااللي نومهم في شليلي
...............من اذانه المغرب الى وقت الاسحار

شوفي اكااللي مااهتني في مقيلي
.........................الا بمقيل معهم كباروصغار

وقولي لهم ان كان حملي ثقيلي
.....................مره يجون وعقبها شي ماصار

وانا يتـولاني كريم جليلي
.....................ياعلني في جنته وسط الابرار





الي مادمعت عينه على السالفه والقصيده صج قلبه صخر :o

[BOAHMAD]

قصيدة مبكية جدا جدا تقولها زوجة لزوجها وهي في انتظار الموت


قصيدة
مؤثرة جداً تحكي قصة زوجة وقد اقام لها اهلها عندما
خرجت من المستشفي احتفال ذُبحت فيه الخراف وقد كانت
تعلم بمرضها وتحّس بدنو اجلها, وقد وجّهت هذه القصيدة
لزوجها .


ترى الذبايح وأهلها ماتسّليني
أنا أدري إن المرض لا يمكن علاجه

أدري تبي راحتي لا يابعد عيني
حرام ما قصّرت يديك في حاجه

أخذ وصاتي وأمانه لاتبّكيني
لو كان لك خاطرٍ ما ودي أزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحدٍ كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
أيام نمشي عدل وأيام منعاجه

همي عيالي وأنا اللي فيْ كافينـي
علمهم الدين تفسيره ومنهاجه

__________________

[ALRASHEDI]

بس ياحسين

ماظل بي دموع

:d

[ام الاربعه وبس]

ما قصرت يابوأحمد
تراني ماشوف الحروف وأنا أكتب
ذكرتني بأبيات كانت جدتي( عسى منازلها الجنه ان شاء الله ) تقول عن سالفه قديمه :
في وحده توفى عنها زوجها وهي صغيره شابه وما رضت تتزوج بعده وربت عيالها السبعه وزوجتهم كلهم وكانت تقسيمت الشغل كل يوم على وحده من زوجات ولدها تخدمها وتأكلها وتقوم بواجبها
في يوم كان الدور على زوجة الصغير ونستها في الشمس ونست حتى تعشيها وقالت :
ربيت الاولاد بصباي وينوني ( جنوني )
قلت الاولاد في الكبر يحيوني
ويوم كبرت وطاحت سنوني
سبعة الاولاد ما قدروا يعشوني
ومن الشمس للفي ماقدروا يدخلوني



عسى الله يطرح البركه في عيالنا ويقومون فينا في كبرنا وما ينسونا

[F.B.I]

كل شيء
ما يتم على حاله ..!!

والله لا يعوزنا حق غيرنا
والوالد الله يرحمه ويسكن روحه الجنه .. آآمين
كان دايما يقول يااارب من حيلي إلى قبيري
وفعلاً .. ما طول بالمرض وبسرعه توفى رحمة الله عليه وما أذى أحد معاه بمرضه

ويالله حسن الخاتمه

[ALRASHEDI]

كل شيء
ما يتم على حاله ..!!

والله لا يعوزنا حق غيرنا
والوالد الله يرحمه ويسكن روحه الجنه .. آآمين
كان دايما يقول يااارب من حيلي إلى قبيري
وفعلاً .. ما طول بالمرض وبسرعه توفى رحمة الله عليه وما أذى أحد معاه بمرضه

ويالله حسن الخاتمه



الله يرحمه ان شاءلله

اي والله ياجماعه الكل يتمنى حسن الخاتمه

[F.B.I]

الله يرحمه ان شاءلله

اي والله ياجماعه الكل يتمنى حسن الخاتمه



كانت مقولة الوالد رحمه الله تعالى .. آآمين

"يالله حسن الخاتمه وهين الميته"

[كحيلان]

قصائد مؤثره وفعلا العين تدمع لما تقرأها وفيها نذكر ما فقدنا من الاهل والاحباب

وجزاك الله خير يا ابواحمد

وعندي لك قصيده ياليت لو تقدر تنزلها مسموعه وهي مرثية الشاعر ابوعلي السكران في زوجته منيره

والصراحه انا ما اعرف انزلها وإذا احد من الاخوان يقدر ياليت تسمعونها وهي مؤثره جدا جدا

[BOAHMAD]

قصائد مؤثره وفعلا العين تدمع لما تقرأها وفيها نذكر ما فقدنا من الاهل والاحباب

وجزاك الله خير يا ابواحمد

وعندي لك قصيده ياليت لو تقدر تنزلها مسموعه وهي مرثية الشاعر ابوعلي السكران في زوجته منيره

والصراحه انا ما اعرف انزلها وإذا احد من الاخوان يقدر ياليت تسمعونها وهي مؤثره جدا جدا



يامرحبا بكحيلان .... حطلي عنوان القصيده وين القاها

[كحيلان]

يامرحبا بكحيلان .... حطلي عنوان القصيده وين القاها

هلا ابواحمد تلقاها يا طويل العمر في موقع قصيمي نت وفيه الصوتيات تحصلها فيها