التداول المباشر في سوق الكويت للأوراق المالية

[هيت]

ازداد عدد شركات التداول المباشر بالسوق الكويتي

انا حاليا افكر بالاشتراك مع احدى هذه الشركات اتمنى اسمع ارائكم و توصياتكم حول هذه الشركات

ولكم جزيل الشكر

[أبوصالح]

وجودك بالسوق وتراقب التداول يعطيك أحساس و روح السوق وين متجة

ولكن التداول عن طريق كمبيوتر افضل من ناحية زحمة الدلال و المصافط و قعدة الصبح

[محمد عبدالله]

شركة الخليج للوساطه الماليه كانت من اوائل الشركات اللى بالبورصه قدمت الخدمه للعملاء والحقيقه كانت عليهم بعض الملاحظات بترتيب النظام والتشغيل والبطئ وقمت بابداء هالملاحظات للمسئولين بالشركه وفعلا بيض الله وجوهم قاموا باللازم ولازالوا يأخذون بالملاحظات والشكاوى اللى يقدمونها العملاء
أضافه الى انه يقدم مجانا

[هيت]

شركة الخليج للوساطه الماليه كانت من اوائل الشركات اللى بالبورصه قدمت الخدمه للعملاء والحقيقه كانت عليهم بعض الملاحظات بترتيب النظام والتشغيل والبطئ وقمت بابداء هالملاحظات للمسئولين بالشركه وفعلا بيض الله وجوهم قاموا باللازم ولازالوا يأخذون بالملاحظات والشكاوى اللى يقدمونها العملاء
أضافه الى انه يقدم مجانا

شكرا على سرعة الاجابه

لوسمحت تذكر الموقع الالكتروني لشركة الخليج للوساطه الماليه

[الزعيم1]

اللي فاضي الصبح أفضل طريقه تداول له هي المباشره مع مكاتب الوساطه اللي بالبورصه.
الأوسط كثير من اللي أستخدموه يشتكون منه وهو يعتبر أقدم تداول إالكتروني ويقولون فيه تأخير بالأوامر.

[ALRASHEDI]

بصراحه افضل الطريقه التقليديه

عن طريق مكتب وساطه

لاتأخير ولا تعليق بالأوامر ولا شي

حتى بالتليفون ماشي

:)

[بورسلي]

بالعكس الطريقة التقليدية متعبة للاعصاب وضبة وتدخين و و و
والموظف ماله خلق من الزحمة و معرض لنسيان ادخال امرك ( وهناك اسباب أخرى غير ذلك)
لكن التداول المباشر افضل انا جربت الاوسط وحولت الخليج
بس هم الخليج للوساطة عليهم ملاحظات منها ان النظام يعلق خاصة الصبح وقت ادخال الاوامر
وغير هذا مادري ليش خميس وجمعة ما يشتغل السايت مالهم

[mn7ash11]

الحق يقال

الاوسط ماشالله عليهم والحمد لله صارلهم شهرين مضبوطين

ومثل ما قالوا الاخوه احنا بالدوام ولا تعال وانت مسافر احسن شي التداول عن طريق النت اتحط اوامرك بالليل

[المريح]

الحق يقال

الاوسط ماشالله عليهم والحمد لله صارلهم شهرين مضبوطين

ومثل ما قالوا الاخوه احنا بالدوام ولا تعال وانت مسافر احسن شي التداول عن طريق النت اتحط اوامرك بالليل






المضارب اللي عنده تغيير متكررفي الأوامر ماينفع معاه شركة تداول يحط أوامره وبس،

مكتب الوساطة صحيح ياخذ عمولة بالشروة والبيعةبس له مميزات كثيرة،وتصلح للمضارب اللي يغير أوامره وايد مثلي ;)

[بورسلي]

المضارب اللي عنده تغيير متكررفي الأوامر ماينفع معاه شركة تداول يحط أوامره وبس،

مكتب الوساطة صحيح ياخذ عمولة بالشروة والبيعةبس له مميزات كثيرة،وتصلح للمضارب اللي يغير أوامره وايد مثلي ;)
معروف ان لك 5 دقايق لتغيير اي امر وهذا متاح ايضا بالتداول المباشر
:)

[anaahmad]

انا اقول ماكو مقارنه والفرق كبير بكل شى اقصد ان التداول عن طريق النت اريح بمليون مره وبكل شى
التداول على الطريقه العاديه مشاكل واجد منها المواقف ومنها الزحمه ومنها المسافه ومنها الالتزام يعنى لازم اتبجر بالقعده وفوق هذا تلقى اللى يشتغلون بالمكاتب نفسيات خايسه على هالصبح والزحمه اللى عنده مرات اتخسرك بثوانى بسيطه.
انا اشوف شركة متداول عجيبه فى كل شى وحتى اذا ماكنت على الكمبيوتر ادق عليهم ويردون عليك بنفسيات حلوه اتهون عليك بيعة الخساير اللى صايره ملازمتنا:d

[BOAHMAD]

انا اقول لاصرت مضبطلك دلال بالسوق ومعطيك رقم النقال ابرك من الاوسط وربعه