-= شنو إسم أمك =-

[اعلامي]

السلام عليكم

أدري إن كثيرين اللي قروا هذا الموضوع يمكن انتابتهم " خرعه " :d من الموضوع ....

لكن سؤال ما لقيت له اي إجابه .. كل الرجال على وجه الخصوص تنتابهم حاله من العصبية و عدم الرضى و ربما في وقت من الاوقات رغبة في ضرب الشخص اللي يطرح هذا السؤال ..

لكن السؤال الأهم ... ليش يرفض الرجل هذا السؤال ؟؟ هل فيه نوع من التهجم ؟؟ او هل يخجل من ذكر اسم الام .. او هي عادة اجتماعية توارثتها الاجيال ..

هذا الموضوع يذركني بحلقة من حلقات المسلسل السعودي " طاش مطاش " , من كذا يوم طالعت حلقة بعنوان " واعيباه " يجسد هذه المشكلة ! .. لكن الشيئ اللي لغاية الآن ماله إجابه لماذا لا يذكر الرجل اسم والدته ..

اتمنى من الجميع المشاركة :)

ابومحمد

[دايم]

بومحمد
عجبني اسم الحلقه :d

[BOAHMAD]

يمكن اذا عرفوا اسم الام
ينادونه ياولد فلانه :d

[المسبار]

:)

اعتقد بالفعل انه شي وراثي
وبالفعل كان من ايام الجاهليه وقبل الاسلام
واستمر بالاسلام الى ان وصلنا هذه المرحله.

ولكن، في نساء الكل يعتز بها وينتخي بها، وتلزق بالاسم وعندنا عوايل كذلك
كعائلة ابن طفله مثلا
وكعائلة الفطيم في الامارات (نسبة الى الام فاطمه)

هذا غير العزوه، مثل اخوان مريم واخوان نوره

الموضوع يبيله دكتور نفسي يابو محمد :)

[عليمنكي]

لاااااا يخافون يسوون لهم سحر
مو خبرك الساحر اول شي يسأل عنه اسم الام
وبعدين ياخذ من اثره ( شعر - ظفر - فنيله ) ويبيت له

[omfouad]

لاااااا يخافون يسوون لهم سحر
مو خبرك الساحر اول شي يسأل عنه اسم الام
وبعدين ياخذ من اثره ( شعر - ظفر - فنيله ) ويبيت له

وانت اشدراك يا عليمنكي :eek: :eek:
:p
والله اللي ذكرته وارد
بس انا اتوقع بو احمد هم كلامه معقول

اخوي الصغير يحليله هم ما يرضى ويعصصصصصصصصصصب
مره طاق رفيجه بالمدرسه لأن قال اسم وحده منا " خواته "
رايح الولد قايل حق رفيجهم الثالث ما قصدت بس صج طقني الطراق حيل عورني http://www.alnwady.com/stock/images/icons/icon9.gif

يقول طفارتي ايي واحد يقول اسم امي او خواتي او خالاتي يا ويله :mad: :eek:

فديته هالولد :)

قبل اقل من سنتين اختي يوم ملجتها طلعت مع زوجها تعشوا بره عقب الحفله
بالليل الساعه 11 ونص يمكن ردها واخوي الصغير هذا طلع له بره يقول له تاخرتوا :rolleyes: احنا ما عندنا بنات يردون هالحزه :10:

طبعا كلنا ضحكنا عليه يومها .. حتى هو اتوقع كان يتغشمر والله ما يندرى عنه :p :p

[Bo Khaled]

يمكن لانه بالكشف عن اسم الام ينكشف ويعرف اصل الشخص ( اجتماعيا دينيا مذهبيا عشاءريا .......الخ ) وفي كثير من الناس ما تحب ينعرف هالشي
بعكس اسم الاب اللي هو مكشوف غصب طيب من الاوراق الرسميه طبعا :confused:

[ALRASHEDI]

يمكن اذا عرفوا اسم الام
ينادونه ياولد فلانه :d




:D

[jreea]

للرفع والبحث عن حقيقه الموضوع :25:

[Eng.252]

شغله نفسيه