مشاهدة النسخة كاملة : قرض حسن
panadool_q8
18-04-2006, 07:09 AM
السلام عليكم ورحمة الله وبركاته ,,,
الدال على الخير كفاعله
اخواني واخواتي الاعزاء ارجو التكرم بمساعدتي حتى اتمكن من سداد دين اسرة كاملة
حيث انه لا يخفى عليكم انا من الناس الذي باع بيته حتى ادخل البورصه
وبختصار شديد ولا اطيل عليكم لأن الله يعين الجميع على الخساره الا من رحم ربي يرزقه رزق الحلال
اللي ابيه ارشادي على من يقرضني بقرض حسن من غير فوائد
بقصد شهري 300 دينار
مع كافة الضمانات الائتمانية حيث انني غير ملزم بأي اقساط تجارية
المبلغ المطلوب 36000 الف دينار .
والسبب تحرير وثيقة بيت الوالد
ولكم جزيل الشكر والامتنان
ارفض القروض الربويه او التعامل معها (( من ترك شي لله عوضه بخير منه ))
حتى لا احارب الله ورسوله الكريم
حتى قرض بيت التمويل لا ارغب فيه وهو مايسمى التورك او التورع ونتو اخبر مني
الحلال بين والحرام بين وبينهما امور مشتبهات .....الخ
والله ولي التوفيق .......
خير الكلام
18-04-2006, 08:17 AM
وعليكم السلام ورحمه الله وبركاته .
اخي العزيز بيت الزكاة يقرضون لغايه 5000 دينار بدون فوائد .
ولكن لاتقول انك بعت بيتك لدخول البورصه .
هذا حل .
الحل الثاني ان تجتمع مع عائلتك وهو الحل الانسب والاسهل .
االحل الثالث لماذا لاتريد التورق من بيت التمويل ؟
توكل على الله واذهب لهم افضل من ان تسال الناس .
بخصوص الحل الاوسط ان لم يساعدوك عائلتك فلن يساعدك الغريب .
خيركم خيره لاهله .
ملاحظه ؟
شنو تقصد بان اهم شئ الفقع بالدنيا ؟؟؟؟؟؟؟؟؟؟؟؟؟؟؟؟؟:confused:
abo aseel
18-04-2006, 08:30 AM
يا أخوي التورق اذا كان بالشكل الصحيح فلا حرج وافتوا به كثير من العلماء الثقات
توكل على الله ولا تسأل الناس
خالد13
18-04-2006, 08:33 AM
يا أخوي التورق اذا كان بالشكل الصحيح فلا حرج وافتوا به كثير من العلماء الثقات
توكل على الله ولا تسأل الناس
:10: اضم رايئ مع الاخوان
ابو ريمه
18-04-2006, 08:39 AM
الله ايفرج كربتك يااخي وايعينك انشاء الله بيت الزكاه يعطيك قرض حسن وانا شخصيا كنت كافل واحد من الربع ماخذ منهم قرض
وبالنسبه لقرض بيت التمويل اذا مثل ماقالو الاخوان بان فيه فتوى بجوازه توكل على الله وربك ايفرجها
وحداني
18-04-2006, 10:51 AM
الله ايفرج كربتك يااخي وايعينك انشاء الله بيت الزكاه يعطيك قرض حسن وانا شخصيا كنت كافل واحد من الربع ماخذ منهم قرض
وبالنسبه لقرض بيت التمويل اذا مثل ماقالو الاخوان بان فيه فتوى بجوازه توكل على الله وربك ايفرجها
شباب اشلون طريقة القرض من بيت التمويل؟ شنو التورق هذا؟ أنا اول مرة أسمع ان بيت التمويل يعطون قروض؟ هل يعطون كاش؟
طباطب
18-04-2006, 11:01 AM
يعطيك العافية اخوي...
اول شي اذا كنت فعلا محتاج راح تلاقي اللي يساعدك انشالله
واهل الكويت معروفين بحبهم لمساعدة الغير اشلون وانت منهم
وفيهم...
وبعدين اخوي بدون زعل انت تقول ماعليك اي اقساط تجاريه
وعندك استعداد تدفع 300 دينار شهريا يعني ماشالله الحال
ميسورة لانني اعتقد التاجر هو اللي يكون راتبه صافي بدون
اي اقساط
وبعدين اخوي بالنسبة لشعارك اللي حاطه الفقع وحزام الامان
مالهم شغل بحاجتك للناس والمفروض تحط مكانها يااخي
ايه كريمة او دعاء لفك الكربه ....
الله يفك عوقك اذا كنت فعلا محتاج مع انني اشك بهذا الشي
واسمحولنا على الاطاله
أسأل الله العظيم أن يفرج كربتك عاجلا غير آجل ويفتح لك باب الرزق والخير من حيث لاتحتسب . اللهم آمين
ثانيا أنا أضم صوتي لصوت الأخوان وهو أن بيت التمويل بنظام التورق يضمن لك إنشاء الله سد حاجتك ويكفيك بإذن الله عن السؤال .
والله يعينك ويبعدنا وياك عن الحرام .
mishlay
18-04-2006, 11:58 AM
إلي نعرفه بيت التمويل لايعطي أكثر من 10 أو 15 الف فقط .
والأخ يقول محتاج 35 الف .
الله يساعدك أخوي
السلام عليكم ورحمة الله وبركاته ,,,
الدال على الخير كفاعله
اخواني واخواتي الاعزاء ارجو التكرم بمساعدتي حتى اتمكن من سداد دين اسرة كاملة
حيث انه لا يخفى عليكم انا من الناس الذي باع بيته حتى ادخل البورصه
وبختصار شديد ولا اطيل عليكم لأن الله يعين الجميع على الخساره الا من رحم ربي يرزقه رزق الحلال
اللي ابيه ارشادي على من يقرضني بقرض حسن من غير فوائد
بقصد شهري 300 دينار
مع كافة الضمانات الائتمانية حيث انني غير ملزم بأي اقساط تجارية
المبلغ المطلوب 36000 الف دينار .
والسبب تحرير وثيقة بيت الوالد
ولكم جزيل الشكر والامتنان
ارفض القروض الربويه او التعامل معها (( من ترك شي لله عوضه بخير منه ))
حتى لا احارب الله ورسوله الكريم
حتى قرض بيت التمويل لا ارغب فيه وهو مايسمى التورك او التورع ونتو اخبر مني
الحلال بين والحرام بين وبينهما امور مشتبهات .....الخ
والله ولي التوفيق .......
السلام عليكم
الله يفرجها ........ عليك وعلى كل مسلم متضايق .
أخوي / سؤال :في الإقتباس اللي باللون الأحمر ........ !! :confused:
محتاج 36 ألف دينار ..... لتحرير وثيقة بيت الوالد ...!!
هذه المسألة غير ضرورية ... وليست ملحه (لاحاجه).
تعال ... لايكون تبي تبيع بيت الوالد .... نفس ما سويت ببيتك :eek: :eek:
دير بالك........ الطمع شين :11: :11:
اللهم أسألك ......... العفو ............ والعافية.
panadool_q8
18-04-2006, 01:07 PM
[quote=طباطب]
يعطيك العافية اخوي...
اول شي اذا كنت فعلا محتاج راح تلاقي اللي يساعدك انشالله
واهل الكويت معروفين بحبهم لمساعدة الغير اشلون وانت منهم
وفيهم...
وبعدين اخوي بدون زعل انت تقول ماعليك اي اقساط تجاريه
وعندك استعداد تدفع 300 دينار شهريا يعني ماشالله الحال
ميسورة لانني اعتقد التاجر هو اللي يكون راتبه صافي بدون
اي اقساط
وبعدين اخوي بالنسبة لشعارك اللي حاطه الفقع وحزام الامان
مالهم شغل بحاجتك للناس والمفروض تحط مكانها يااخي
ايه كريمة او دعاء لفك الكربه ....
الله يفك عوقك اذا كنت فعلا محتاج مع انني اشك بهذا الشي
اول شي انا اشكر جميع الاخوة والاخوات على مرورهم المشرف
لموضوعي
بس حبيت اوضح نقطه مهمة بالنسبة لي انا لما قلت احتاج قرض حسن ما كنت اقصد اشخاص كنت اقصد اللجان او الشركات الاسلامية او الهيآت الخيرية .... الخ عشان جذي قلت الدال على الخير كفاعله .ونتو اخبر مني .
صعبه علي اطلب من شخص ان يعطيني مبلغ مهما كانت ضروفي
وعمري ماطلبت احد ولا راح اطلب من احد .
اختي الكريمه : مابي اقولج الكل يرا الناس بعين طبعه
ولكن اقولج الله لا يحوجج حق احد ولا تمرين في ظروف ماديه صعبه .
واما عن توقيعي مايحتاج شرح مع العلم اني حاطه من فتره بسيطه ايام ماكان الفقع قام يطلع بالكويت وربعنه ماصدقو
يشوف فقع الله والفقع بطاط مثلج احلا منه .
السموحه
ابن صفيــر
18-04-2006, 01:17 PM
السلام عليكم
شوف بنك بوبيان
يعطيك اسهم اقساط
وانت بيعهم
والله يكون بعونك
panadool_q8
18-04-2006, 01:17 PM
السلام عليكم
الله يفرجها ........ عليك وعلى كل مسلم متضايق .
أخوي / سؤال :في الإقتباس اللي باللون الأحمر ........ !! :confused:
محتاج 36 ألف دينار ..... لتحرير وثيقة بيت الوالد ...!!
هذه المسألة غير ضرورية ... وليست ملحه (لاحاجه).
تعال ... لايكون تبي تبيع بيت الوالد .... نفس ما سويت ببيتك :eek: :eek:
دير بالك........ الطمع شين :11: :11:
اللهم أسألك ......... العفو ............ والعافية.
الله يعطيك العافية وماتقصر
اخي الحبيب اقسم بالله العظيم ان الطمع موصبي نهائياً
اما عن سؤالك بالخط الاحمر تلفى الرد على الخاص عندك بعد صلاة العصر
واشكرك على المداخله كما اشكر الاخوة الافاضل
الحين اقوم اسوي سلطه حق ام غايب قبل لا اتيي من الدوام
لأني قايلها بسويلج سلطه وشوربه :D
حياك ....
الله يعطيك العافية وماتقصر
اخي الحبيب اقسم بالله العظيم ان الطمع موصبي نهائياً
اما عن سؤالك بالخط الاحمر تلفى الرد على الخاص عندك بعد صلاة العصر
واشكرك على المداخله كما اشكر الاخوة الافاضل
الحين اقوم اسوي سلطه حق ام غايب قبل لا اتيي من الدوام
لأني قايلها بسويلج سلطه وشوربه :D
حياك ....
رديت عليك أيضآ ............. بالخاص.
وأن خذيت برأيي بإذن الله ........ راح تسوي حق أم غايب والأهل ... ذبيحة البيت الجديد :D
موفق
خير الكلام
18-04-2006, 05:04 PM
شباب اشلون طريقة القرض من بيت التمويل؟ شنو التورق هذا؟ أنا اول مرة أسمع ان بيت التمويل يعطون قروض؟ هل يعطون كاش؟
===
اعطيك مثال بسيط .
يقولون لك ان سعر كيس الاسمنت بدينار .
ونحن نبيعه لك بدينار ونص :confused:
ومن ثم يبيعونه لك بدينار .
وربحهم النص دينار :confused:
الحلال بين والحرام بين .
على كل حال ماانصح بالدين من غير حاجه وضروره .
panadool_q8
18-04-2006, 07:10 PM
===
اعطيك مثال بسيط .
يقولون لك ان سعر كيس الاسمنت بدينار .
ونحن نبيعه لك بدينار ونص :confused:
ومن ثم يبيعونه لك بدينار .
وربحهم النص دينار :confused:
الحلال بين والحرام بين .
على كل حال ماانصح بالدين من غير حاجه وضروره .
اتصلت اليوم على التمويل
الخلاصه قالوا يعطوني 25000 صافي وارباحهم 11000
يعني اردلهم 36000 الف
القسط 305
المده 10 سنوات
والله المستعان
BOAHMAD
18-04-2006, 07:42 PM
كل عوار ولا عوار العين وكل هم ولا هم الدين
الله يعينك ويفرجها عليك انشالله
خير الكلام
19-04-2006, 01:04 AM
اتصلت اليوم على التمويل
الخلاصه قالوا يعطوني 25000 صافي وارباحهم 11000
يعني اردلهم 36000 الف
القسط 305
المده 10 سنوات
والله المستعان
====
يعني باقي لك تقريبا 10 الاف دينار .
تقدر تروح بيت الزكاة .
او تشوف احد من اهلك او ربعك وهو الافضل .
موفق اخي العزيز .
الله يفرج كربتك ياخوي ......
ويرزقك من حيث تحتسب ومن حيث لا تحتسب ....
كحيلان
19-04-2006, 02:18 AM
اخوي الله يفرج عنك كربتك ولا يحوجك لاحد انشالله
والله المستعان
شكرجي1
19-04-2006, 02:19 AM
اتصلت اليوم على التمويل
الخلاصه قالوا يعطوني 25000 صافي وارباحهم 11000
يعني اردلهم 36000 الف
القسط 305
المده 10 سنوات
والله المستعان
الله يعينك ، اخي الكريم انصحك ان تروح حق (شركة الخرافي) عندهم قسم خاص لمساعدة الناس من اهل الكويت وغيرهم وان شاء الله ما يقصرون معاك ، عنوانهم الشويخ بقرب المجموعة العربية للسيارات (فورد) والله يعينك ويفرجها عليك
panadool_q8
19-04-2006, 02:36 PM
السلام عليكم ورحمة الله وبركاته ،،،
اخواني الافاضل في منتدى النوادي
اشكركم كل الشكر على مداخلتكم الكريمه بابداء النصائح والمقترحات والرأي
وبصراحه في اعضاء قلوبها بيضه وتحب اتساعد الغير حتى لو بالكلمه الطيبه
وابشر الاخوه اللي قلبهم علي ان الله سبحانه فرج الهم وبديت بالخطوه الأولى
والحمدلله على كل حال
وان الاعمال بالنيات ولكل امر مانوى ......الخ
اسأل الله العظيم في جبروته ان يرزق كل من وقف معاي الرزق اكمله ومن العافيه اتمها ومن الرحمه اوسعها ومن التوكل مايغنيكم عن سؤال غيره
كما اسأل الله الذي قال وقوله الحق ادعوني استجب لكم ان ينظر لكل من وقف بجانبي نظره رضا
لايعقبها سخط ابداً وان يلبسكم لباس العافيه لاينزعكم عنها ابداً وان يرفعكم عنده درجه الأبياء والصديقين والشهداء .
اللهم آمين :)
Eng.252
19-04-2006, 02:45 PM
الله يرزقك ويعوض عليك
ضربة حظ
21-04-2006, 10:18 PM
الله يعينك
ويفرج كربتك
السهم1
21-04-2006, 11:07 PM
الله يفك مشكلتك الماديه انشالله ..... وبصراحه اشوف مشكلتك عاديه بالنسبه وكل الناس مطلوبين للبنوك وحتى لو مرهونه وثيقه البيت بالبنك ترى مايسحبونه منك اذا تلتزم بالقسط الشهرى وبعدين اذا تقدر تدفع 300 حق اللى بساعدك معناته وضعك اوكى..وتقول انه ماتبى تاخذ قروض ربويه من البنوك هذا معناته ماعليك اقساط...اخوى فيه ناس محتاجين وظروفهم اصعب منك حتى مايبقى من رواتبهم اى شى وانت تقول تقدر اتسدد 300 شهرى ...شوف مصيبه غيرك وتهون مصيبتك مع انى مااشوف عندك مصيبه والحمدالله على كل حال
Powered by vBulletin Version 3.7.0
Copyright ©2000 - 2008, Jelsoft Enterprises Ltd