ارخص مكاتب سفريات بالكويت

[التحليل الفني]

نبي من الشباب كل واحد يجتهد لنا ويطينا ارخص مكتب سفريات

[المسبار]

7ag tickets or hotels ?

[ضربة حظ]

7ag tickets or hotels ?

كل شي حلو ومطلوب:)

[م / بورصاوي]

المكاتب ترس الديرة ...
عندك سفريات الغانم تتعامل بالاقساط
سفريات دار السياحة
سفريات المستقبل
سفريات الفضاء
عمارة الدولية خلف مجلس الامة هالمجمع كله سفريات ... وبعد ما تحجز تذاكرك ...تعشى بقصر فخرالدين ... وارجع البيت جهز الجناط ... للسفر

[المسبار]

مع احترامي لوكالات السفر ووكلائهم في الدول الاخرى.

بالنسبه للتذاكر تستطيع ان تدور الارخص بين كذا مكتب، والفرق بالعاده لا يتجاوز ال 5 دنانير في التذكره.

ولكن بالنسبه لاسعار الفنادق، لا والفين لأ للسفريات ووكلاء السفر.

في رحلتي الاخيره قبل في سويسرا طلبت فندق سويس اوتيل (4 نجوم) وحاولت تجيبه لي احد السفريات بسعر 56 دينار الليله، ومع ذلك لم تستطيع وقالو الفندق فل.

وقمت بحجزه في الانترنت في 40 دينار الليله وكان متوفر.

في الصيف كانت فنادق القاهره في السفريات على 52 دينار، طبعا هالسعر للمعارف فقط
لا ويخرعونك ماكو حجز وسوالف.
واتذكر اني بنفس اليوم فكرت اني اصرف نظر عن القاهره لغلاء الفنادق وقلت مستحيل اصيد فنادق مصر بالانتنرنت اصلا، ولكن شاءت الظروف وبحثت ولقيت نفس الفندق بسعر 31 دينار، لا لا ومع الريوق بعد، لا مو الكونتنتال ابو الكرواسان، كان مع الريوق البوفيه، الفرق جم ؟ اي صح، الفرق 21 دينار بالليله.

وطبعا من قبل حاجز بغيرهم الكثير، ويصل الفرق احيانا بالاسعار الى 50%، وممكن اكثر

واللي يبي يتأكد يشوف اي فندق في اي سفريات يعرفونه عدل ويعطيهم اسعار خاصه، ويدش يشوف نفس هالفندق في هالموقع الرائع
www.asiahotels.com (http://www.asiahotels.com)

للعلم اسم الموقع فنادق اسيا، بس فيه كل فنادق العالم.

[قنوع]

مشكور يا بو عمر ، وجزاك الله خير على هالموقع الطيّب . :10:

[gunnury]

ماقصرت والله يا المسبار ولو انها متأخره

انا كان لي تجربة مريرة بالنسبه لجحز الفنادق من السفريات

مرة حجزت فندق خمس نجوم لسفر لبلغاريا من مكتب سفريات وكان كل شي اوكي
بس لما وصلنا هناك كان الفندق نص نجمة من دون مبالغة دورين واثاث ايام السبعينات
وفرش لا تشوف ولا تخيل خليها على الله ....
بس لا حول ولا قوة
..............................
وتجربة ثانية مع الفنادق

سفرة الي طافت المانيا حجز الفندق وسط مدينة كاسل خمس نجوم ومرافق وسكت شي مو طبيعي

بس لما وصلنا هناك كان بنتظارنا الادهي السايق مشلع وطالع من المنطقة ويحوس برة شعندك يا ولد قال ادور فندقك الي ما يتسمى.... قلت والله انة اعليمي! فندق راقي خمس نجوم ولا يدلة الشرها على انا الي راكب معاه عى أساس راعي تاكسي...

بس المفاجأة عندما وصلنا ونزلنا الفندق دشينا وشفنا الي ما ينشاف ولا ينقال فندق قديييييييييييييم من ايام هتلر ..ولا فية خدمات ولا مرافق الا العربانة مالت الجناط الي انت ادزها بنفسك ولا استريح
المهم ماينعطي لاخمس نجوم ولا شى
طبعا محجوز لي يومين لغرفتين

رحت سألتها كم اسعار الغرف الي أنا ما خذهم قالت تبي تاخذ حجز جديد قلت ايه
قالت سعر صدمة! تقريبا نص السعر الي انا ماخذه من المكتب
قلت حسبي الله ونعم الوكيـــــــــــــــــل
بس شتسوي المضطر يركب الصعب
وانت رايح ديرة أول مرة تجيها ماودك تتوهق

[mohammedo1]

هذي الموقع انجليزي ما في عربي وشلون تتاكد انه محجوز وعن طريق شنو تحجز وشلون تاخذ تذاكر الحجز وما ينجلونك