لماذا يتجه الشاب إلى الزواج من غير مواطنته؟؟؟

[الثور الامريكي]

السلام عليكم ورحمة الله وبركاته

زواج المرأة من غير مواطنها (( زواج الاجــانب ))

http://www.lahaonline.com/vote/sub_img/merage.jpg

مــرااحب اخواني واخواتي الافاضل

الحلقة هدي راح نتناقش فيهااا قضايه اجتماعية عن

قضيه المجتمنا العربي وأريد أن أفتح هذه الظاهرة باب للحوار

فيما يخص الزواج من الخارج...

وهي ظاهره حساسه لأنها واقع بين مؤيد ورافض لمجرد

التفكيرفي مثل هذاالزواج وهو زواج الاجانب

الزواج ليس له جنسية فقد شرع الأسلام الزواج للمرأة المسلمة

بالرجل المسلم....

و من المعروف أن كثير من اهالينا يحدرون ابنائهم من الزواج

غير جنسية بلادهم كما نرء في الصوره هدي

وكما نري او نسمع ان بعض الشباب يميلو للارتباط

بالزوجة من الخارج الوطن واجنبيه ...

وانا عندما اقول اجنبيه اقصد خارج وطنك اي كان زواج

من بلد اجنبي او حتي زواج من بلد اسلامي عربي

وتساؤلاتي هي لماذا يتجه الشاب إلى الزواج من غير مواطنته؟؟؟

و هل تؤيد زواج الشاب من الخارج ؟؟؟

وأقصد به خارج البلد بمعنى خارج وطنــك ؟؟؟

وإذا كنت مؤيداً فلماذا؟؟؟ وإذا كنت معارضاً فلماذا؟؟؟

ثانيا : هل أغلب زواج الشباب من الخارج يكون ناجح أم ماذا ؟

ثالثا : ما هي سلبيات وايجابيات هذا الزواج؟؟؟

اتمني المشاركة من الجمييع

تحيــاتي واحتــــرامي للجمييع

[omfouad]

اسئلتك عجيبه وموضوعك رائع وبيصير فيه نقاش وانقلابات ومعارك اتوقع بس انت لك مني حصانه لا تحاتي اذا ما تقلب علينا لا تحاتي :)

من ناحية التأييد --> لا والله ما أأيد لأن شي يحز بالنفس وبناتنا من ياخذهم اذا شبابنا خذوا اجانب والمثل يقول حلاة الثوب رقعته منه وفيه :cool:

اعرف خمس كويتيين متزوجين اجانب
من جنسيه امريكيه وايرانيه وفرنسيه ومصريه باختلاف الديانات والمذاهب ولله الحمد الزوجات المسيحيات اسلموا وحريصين على الصلاة وما يتبع ذلك من امور الدين ، والمسلمات هم ماشي حالهم وصار لهم من 10 الى 35 سنه عايشين مع بعض يا سبحان الله السنين تركض
وهم سمعت عن واحد تزوج الخادمه الفلبينيه اللي عندهم وخلى زوجته الكويتيه وعياله وهاجر مع الفلبينيه لديرتها وعاش هناك ولا درى عن هوى دار الكويتيه او عياله منها ، هذا الكلام قبل 10 سنوات
طبعا مجتمعنا في بلاوي من هالقصص وفيه مآسي بتواجه مجتمعنا بما ان الرؤيه راح تتضح بالمستقبل .. تخيل بتروح تخطب حق ولدك بنت تكون امها فلبينيه او سيلانيه مع العلم انها مسلمه بس هل بتكون مرتاح نفسيا من الاقدام على هالخطوه الجريئه !!!!!!
نفس الشي اذا بنتك خطبها واحد امه هنديه او اندونيسيه تعطيهم !!!!
بنات الكويت مع الكويتيات ويالله يمشون حالهم .. خالتي وخالتي
بعد مع اجانب !
يا ساتر :p

[المتدور]

والله يا اختي كلامج فيه من العاطفه الكثير
شوفي انا من ناحيتي اعزوبي ومو متزوج من مأسات ربعي وخايف اتزوج
وبخصوص الهندي والكويتي والمصري وووووووالخ
اقول الزين يفرض نفسه والمساله مو مسألة جنسيه المساله مسئلة اخلاق وحترام طيبه
احنا ما ذبحنا بالدنيا الا الاشياء الرجعيه ولامثال الي قضبناها ووين ودتنا؟؟؟؟
عتيج الصوف ولا جديد البريسم ؟؟؟؟ ولا دهنا في مكبتنا ؟؟؟؟؟
المشكله بالمهور
وتكاليف العرس .... وفوق كل هالشئ ما يشوف البنت وبالخصوص عند بعض الناس منا احنا يالبدو يعني بالغله العاميه انت وحظك (سحبت شوت) يامية الف ياخارج المرمي
والبهرجه الزايده علي غير داعي
ولا فوق كل هذا الواحد يدخل علي زوجته وبعد مرور 10 سنوات تنتهي اقصاد زواجه يعني بدال ما يجمع لعياله اصبح يدفع لزواجه 10 سنوات هذا عذاب مو زواج ماصارت ليلة عمر
وفوق كل هذا من السنه الاولي واول مايرزقهم الله بولد الخدامه بالمرتبه الاولي لا زم تجي
والحين حتي الخدامه علمناهم انا تمسك طفلين مو اكثر واذا الواحد ارزقه باربع اعيال يعني خدامتين
ولاهم من هذا الام ماتدري عن اعيالها يطيح شنو يصير فيه ماتدري وتحمل المسؤوليه للخادمه حتي اعيالنا علبالهم امهم الهنديه
انا اعرف واحد علشان يسفر هنديته مودي ولده الصغير الي بيت جده علشان الولد ما يبجي ؟؟؟؟
والكويتيه من تقوليلها ليش متد البــــــــــــــــــوز شبرين وازعلت وراضني والزوج شنو يسوي يبي اعياله عند الي اسمها ام فوق ماهي غلطانه يراضيها
واكبر دليل علي كلامي شوفو الطلاق بالكويت اشكثر مع انه الشعب الكويتي فيه الكثير من الجيل الجديد مثقف والمثقفات بس العادات اقتلتنا
ولا واحد من الشباب يقول راصد للعرس 15 الف كامل مكمل يقول رحت اشوف غرفت نوم واعجبتني ورحت مستانس اقول حق اهلي تعالو بوريكم غرفت نوم حلوه حيل اول ما اسئلوه كم سعرها قال 750 قالو مو زينه؟؟؟؟
صارة الكشخه بالسعر وتدبس واكل هوي وقط ماوراه ودونه
وعلي فكره اختي انا امي كويتيه وابوي كويتي ولا تفكرون مداخلتي من باب التشجيع علي الزواج من غير كويتيه
ولاكن الواقع المرير جعلني اتكلم من باب هالمشكله الي حاصله بالكويت

[omfouad]

اولا اهلا وسهلا فيك بالمملكه العامه وبمشاركتك بهذا الموضوع اخونا المتدور
وحتى لو امك مو كويتيه او منت كويتي هم نرحب برايك وانا كلامي ما نبذت فيه الاجانب بقدر المفروض علينا من المجتمع من عادات وتقاليد
وكلامك بخصوص مجتمع البدو بصراحه اول مره يمر علي
ادري مهور بناتهم غاليه بس توني ادري ان المعاريس يتمون 10 سنوات يدفعون اقساط تكاليف زواجهم .. الرد على كلامك يبيله قعده طويله وراح نتناقش بالموضوع اكثر وبعمق بعد بس امهلني خل امر على باجي المواضيع وارجع اهني اذا مو اليوم ان شاء الله باجر :)

[المتدور]

اولا اهلا وسهلا فيك بالمملكه العامه وبمشاركتك بهذا الموضوع اخونا المتدور
وحتى لو امك مو كويتيه او منت كويتي هم نرحب برايك وانا كلامي ما نبذت فيه الاجانب بقدر المفروض علينا من المجتمع من عادات وتقاليد
وكلامك بخصوص مجتمع البدو بصراحه اول مره يمر علي
ادري مهور بناتهم غاليه بس توني ادري ان المعاريس يتمون 10 سنوات يدفعون اقساط تكاليف زواجهم .. الرد على كلامك يبيله قعده طويله وراح نتناقش بالموضوع اكثر وبعمق بعد بس امهلني خل امر على باجي المواضيع وارجع اهني اذا مو اليوم ان شاء الله باجر :)


ليش اول مره
المهر 6 وطالعيلنا بسالفة شبكه قولي ب2500 هذي 8500 وقولي الباقي 10 الاف
الحين روحي اخيذي 15 الف من البنك وحوليهم علي الخمس سنوات وشوفي القسط كم وسولي دراسه بسيطه هل يستطيع الرجل ان يعيش زوجته بالباقي من معاشه انا اقولج اتحداه لابد ان يجعل القرض علي ال10 سنوات وبتلقين كلامي صحيح

[omfouad]

الحين الشباب صايرين ما يتزوجون مبجر والدليل الشياب اللي عندنا بالمملكه بس ماراح اقول بكل المنتدى اغلبهم بأواخر العشرينات واغلبهم خل نقول صار لهم 6 سنوات يشتغلون على الاقل .. اقل راتب قول 400 .. عزوبيه وعايشين في بيوت اهاليكم يعني ماوراكم ايجار ولا مصرف بيت .. لو نص الراتب يتوفر " 200* 12* 6 = 14400 دينار

حتى لو اهلكم ما يساعدونكم بمصاريف الزواج تقدرون تمشون حالكم :rolleyes: غير 4000 الحكومه ومع الزواج الراتب يزيد 190 ودور السنه هم فوقهم 50 :p يعني الواحد يقول الحمدلله ويتوكل على الله .. هذا بالنسبه للمهور .. واخذوا منكم وفيكم بنت عم بنت خال يعني تكون العوايل حالها من بعضه ويعرفون الريال واصله وطيبه بحيث يفرحون فيه حق بنتهم مو يكسرون ظهره طلبات عشان يقومون حظ بنتهم جدام الناس غصب وبالتالي تبتلش الزوجه بزوج ماله خلق وصاكه فيه الدنيا بسبة الدين اللي هو عماة عين لأن اهلها تدللوا عليه .. صج العرس حق اثنين والميانين ألفين .:(

[المتدور]

عسي الله يرزقنا في بنت الحلال
والخساره بالعمر والله كريم
بس علي فكره حسبتج غلط

[omfouad]

الله يستجيب لدعائك ان شاء الله بأقرب وقت اخوي .. أي حسبه !
200 12X شهر = 2400 دينار 6X سنوات = 14400 دينااااااااااااااار !! عدل ؟

[لحق ما تلحق]

الله يصلح حال كل شاب وفتاة ويرزقهم بالحلال والذريه الصالحه
ويرزق كل اب وام صالح ويهدي كل من يبيله هداية


عاد هالموضوع فيه مراقبببن 2 يعني ممكن يعدلووون نقاطي عشره من كل واحد:eek:
المحلل المجتهد عقبها بيشوف شي ما شافه المواشي بتطير بسبه هالعانيه :D
اما ام فؤاد كل ما تفتح محفظتها بتشوفها خضره :D

يارب كل من يزيد نقاطي تزيد اسهمه ويربح

[لحق ما تلحق]

الله يصلح حال كل شاب وفتاة ويرزقهم بالحلال والذريه الصالحه
ويرزق كل اب وام صالح ويهدي كل من يبيله هداية


عاد هالموضوع فيه مراقبببن 2 يعني ممكن يعدلووون نقاطي عشره من كل واحد:eek:
المحلل المجتهد عقبها بيشوف شي ما شافه المواشي بتطير بسبه هالعانيه :D
اما ام فؤاد كل ما تفتح محفظتها بتشوفها خضره :D

يارب كل من يزيد نقاطي تزيد اسهمه ويربح

مشكوره يا ام فؤاد
ومشكور يا المحلل المجتهد
وانشاء الله اسهمكم دايما ربحانه
ومشكوور كل من زاد نقاطي وانا ما اعرفه والله يربحكم يارب

[دباس الظلما]

الزواج يا احبابي
اولا قسمة ونصيب
ما كتب لك ربك فهو حاصل لا محالة
مثله مثل الرزق والاجل يكتبه لك ربك حتى قبل ان تولد 000
والاّ كيف نفسر من يذهب الى بلد للدراسة مثلا ثم يتزوج هناك ويأتي بزوجه غريبه على وطنه واهله وعاداته وتقاليده وحتى دينه 0000 كيف حصل هذا؟
ومن اذهب هذا الشاب لتلك البلاد بغير قصد الزواج غالباً ثم يتزوج من اخر اصقاع الارض
هي القسمة والنصيب 000 ولا شك اما ان كنت مخطئيا وكان الامر بالاجتهاد

فأني لا اؤيد الزواج من خارج البلد وارى المثل الذي ذكره صاحبنا
ولو انه يعيبه الاّ انه صحيح 00 ولا نعتقد 000 اننا نحن 00من نفهم 000 ومن سبقونا 00 جهله
بل واقسم بالله 000 انهم اكثر من علما 00 وافهم للحياة 000 تخرجوا من جامعات التجارب
حتى اخذوا العلم فهما وتجربه 0
اقول 00 نعم حلاة الثوب رقعته منّه وفيه 0
واذا ما انت راضي ارقع ثوبك بلون اخر وشوف شلون يفضحك
واقول نعم 00 دهنا في مكبتنا 0
واذا ما انت راضي كبّه في قناة تصريف واقعد 00 بلا شيء

ثم اقول ان نبينا عليه افضل الصلاة واتم التسليم حرّض الشباب على الزواج (‏يا معشر الشباب من استطاع منكم ‏ ‏الباءة ‏ ‏فليتزوج ومن لم يستطع فعليه بالصوم فإنه له ‏ ‏وجاء)
ثم دلّهم على من يتزوجون فقال
‏

( ‏ ‏تنكح النساء لأربعة لمالها ولحسبها ولجمالها ولدينها فاظفر بذات الدين تربت يداك ‏ )

كذلك حذرنا صلى الله عليه وسلم من خضراء الدمن ولما قيل وما حسناء الدمن قال الحسناء في منبت السوء او كما قال عليه افضل الصلاة واتم التسليم

هذا من ناحيتين 00 التحريض على الزواج والاسراع به لمن استطاع
ثم طريقة الاختيار

اما سوالف اخونا وسالفة (سحبت شوت ) اقول يا خوي هذا متى ؟
هالحين ما فيه من هالكلام وهذا غير صحيح
اللي يبي وحد يبي يشوفها ان كانت من اقرابه او غيرهم
اما من ناحية تكاليف الزواج اقول
لو كل واحد يفكّر بطريقتك 000 كان ما فيه ولا واحد تزوج 00
اللي يبي يتزوج صدقني يسهلها الله عليه باسهل الطرق ولا تكاليف و لاهم يحزنون
وبعدين حبيبي 000 الشاب يقدر يسافر كل سنه 000 ويقدر يشتري سيارة سعرها اقل شيء عشرة الاف دينار 000 ومسكين ما يقدر يتزوج بأقل من ذلك مع ان الحكومه تعطيه اربعة الاف غير مساعدة ابوه واخوانه واهله 000 لا والربع يتاجرون بالاسهم 000 شهر رابح الف وشهر خسران خمسة الاف 00 ولا يقدر يتزوج 000 يا خوي بس خسايرك بهالاسهم تزوجك ما تبي مساعدة احد 0
اخيرا يا دعاة الزواج من الخارج بحجة التكاليف 000
اذا كنتم تدعون لذلك 000 فمن سيتزوج اخواتكم 000 والا نستورد ازواج بعد 000
واذا وجدنا من يتزوج من العمالة الوافده 00 فهل ستوافقون على زواج اخواتكم منهم 000
لا تقولون 00 لا
وتحللون على انفسكم وتحرمون على غيركم 0
البنت تبي تزوج 000 ما تبي مهر عالي 0000 تبي زوج
والا تقولون لا 00 هذا ما يصلح 000 هذا مو من مواخيذنا 000
اخيرا اتقوا الله في انفسكم وفي فتياتكم
وتزوجوا مثنى وثلاث ورباع وصدقوني الامر سهل لمن سهّل الله له ولا تعضلوا البنات ولا تظلموهن
(وحلاة الثوب رقعته منه وفيه )
خل يزعل المتدور
تحياتي لكم وعذرا للاطاله

[omfouad]

هلا دباس .. داش الموضوع من بعد غياب عن المملكه بس عشان تزعل المتدور ! :p :p
عاد انا كنت عادتك من العجال :rolleyes: عموما تسلم على مشاركتك الجميله اخونا دباس الظلما :10:
اخونا المتدور ماقال شي بس كان يناقش الموضوع بطريقته وذكر كذا نقطه ونقاطه تمثل واقع وحقيقه موجوده ما ننكرها .. ولا عندكم بمجتمع البداوه فعلا انا معاي بالدوام بدو وهم سامعه قبل عن بدو يتزوجون حتى لو من الاهل ما يخلونهم يشوفون العروس الا يوم العرس ! جد والله مو غشمره وانتوا طبعا ادرى ..
وغير غلاء مهور البنات وخصوصا البدويات اتوقع ذهب وايد لازم تييبون لهم ومن هالكلام وأعراسكم الدعوه فيها عامه ماشاءالله سبيل تعال وادخل شالسالفه .. هذا عرس اللي تعرفه ويعز عليك تعزمه بعرسك مو سبيل والباب مبطل .. ماله داعي

بس هم عادات وتقاليد ما نقدر نقول شي :)
المتدور لا تزعل وتعال نكمل الموضوع وينك جم يوم غايب :mad:

[دباس الظلما]

هلا دباس .. داش الموضوع من بعد غياب عن المملكه بس عشان تزعل المتدور ! :p :p
عاد انا كنت عادتك من العجال :rolleyes: عموما تسلم على مشاركتك الجميله اخونا دباس الظلما :10:
اخونا المتدور ماقال شي بس كان يناقش الموضوع بطريقته وذكر كذا نقطه ونقاطه تمثل واقع وحقيقه موجوده ما ننكرها .. ولا عندكم بمجتمع البداوه فعلا انا معاي بالدوام بدو وهم سامعه قبل عن بدو يتزوجون حتى لو من الاهل ما يخلونهم يشوفون العروس الا يوم العرس ! جد والله مو غشمره وانتوا طبعا ادرى ..
وغير غلاء مهور البنات وخصوصا البدويات اتوقع ذهب وايد لازم تييبون لهم ومن هالكلام وأعراسكم الدعوه فيها عامه ماشاءالله سبيل تعال وادخل شالسالفه .. هذا عرس اللي تعرفه ويعز عليك تعزمه بعرسك مو سبيل والباب مبطل .. ماله داعي

بس هم عادات وتقاليد ما نقدر نقول شي :)
المتدور لا تزعل وتعال نكمل الموضوع وينك جم يوم غايب :mad:





هلا يا مراقبتنا الغاليه


انا ما ودي يزعل احد ولا في كلامي شيء يزّعل
لكن ودّي الشباب يشعرون بالمسئولية 000 لا يبررون لبعضهم
هذا خطا 000 وخطأ كبير

ما تناقشون كلامي 000 تأخذون جزئيه 000 وتبنون عليها افكار غير صحيحه

شيقولون 000؟ 00 مع اني ما احب التكرار لكن مرغم اخاك لا بطل

المهم 000 شيقولون

1- المهور غاليه
2- تتزوج ما تشوف العروس
3- طلبات العروس كثيره

هذه اهم ثلاث نقاط 0000 تعالوا ناقشوها

ولبناخذها جمله واحده وبدون نقاش ونقول
000يا شباب 000 يا حلوين 000 يا محترمين 000
هبوا انكم جميعكم تزوجتكم من الخارج لأسبابكم المذكوره اعلاه
فمن يتزوج اخواتكم وبناتكم وبنات اخوانكم وبنات اعمامكم وبنات خوالكم وبنات خالاتكم؟
إن تركتوهن لاسبابكم الغير صحيحه وذهبتم للاجنبيه فمن لهن 00

(يمكن تزوجونهن راعي البيبسي مثل صالحه اخت حسين عبدالرضا في مسلسل الحياله )

لا تحسبوا انكم ايها الشباب وجدتم حلا لغلا المهور بالزواج من الخارج 000
فالتكلفة اعلى واغلى مادياً ومعنويا
والاهم من كل اموال الدنيا كلها 000هو حفظ اعراضكم
من خلال حفظ اعراضهن وسترهن 0000 الا اذا كانت الانانية هي المتسيّده 000 انا ومن بعدي الطوفان 000 فإن قلتوا ذلك 000 فأعلموا انه الطوفان


ناقشوا هذا وقولوا مع صاحب المثل ( حلاة الثوب رقعته منه وفيه )

لا يزعل احد 00 فأنا ادخل واسطر افكاري 00ليس الا


## قضية ما يشوف العروس ( ايام فيلم بس يا بحر ):D :D
و ارتفاع تكلفة الزواج ماديا ومعنويا 00 نناقشها فيما بعد 00 ان وجدنا استجابه 000
000والا نكتفي 00!!!

[omfouad]

كمل وناقش يا دباس والله يعجبني رايك :) سبحان الله ما اتفق معاك الا بالمواضيع هذه :p

[دباس الظلما]

:) سبحان الله ما اتفق معاك الا بالمواضيع هذه :p

لولا اختلاف الانظار لبارت السلع

[دمغان]

يكلفني عمي ثمانين ناقة ***** ومالي ياعفراء غير ثمان :11: :11: